إعـــــــلان

تقليص
لا يوجد إعلان حتى الآن.

دردشة صباحية ومسائية

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • #31
    عدنا
    :)


    بالنسبه للي لموضوع شق الطق والله مو صعب
    بس يحتاج دراسه دقيقه و تنفيذ ممتاز و الا اهو هين
    عيل لذمتك الدول الثانيه تقدر تسوي واحنا مانقدر مستحيل

    خوش ستايل
    <=== انا تكلمت عن وقت الصبح
    وبالنسبه للبحر تاكد بان عشقي له اكثر منك بكثير

    <=== في شغلات لو اقول يمكن تقول مينونه
    فخلي البحر و اللي احمله له بالقلب

    فعلا كل شخص مشغول باعماله
    ربي لا يشغله عن طاعته

    متابعه

    ...
    عندما تحين لحظة الفراق
    تضيع منا الحروف
    يصبح الصمت رائعاً
    هنا أتوقف
    لا أعلم لماذا ..؟؟

    تعليق


    • #32
      اقوش ،، مااعرف اسوالف بأمور الزحمه ،، :)

      انطر منك مناقشه يديدهـ متابعــه ،،

      > إلا صج تحجى عن عمليات التجمييييييل مشاءالله البنات صايرين
      يشبهون بعض توأم توأم ،، الي يبي يتزوج ماله داعي نضره شرعيه
      الأن كلهم سيم سيم ،، // :)



      تعليق


      • #33
        اسعد الله صباحكم بكل خير

        وارحب بكم في رحاب هذي الدردشة الصباحية

        ديمون قد نشترك بحب البحر بس انا وصلت مرحلة العشق

        وسوف نتطرق لها بوقت اخر لان بدردش عن طلعتي للبر

        في بداية هذا الشتاء

        انطلقنا بحفظ الله فى الساعه الحاديه عشر من ظهر يوم الاثنين

        وبعدين وصلنا الى مركز جمارك النويصيب

        المشكله انهم حطوا الجمارك اول شى وانت طالع من الكويت

        والجمارك الله يهديهم فاتحين كابينه وحده بس وموظف واحد

        وتعالوا شوف السيارات ورا بعض لخارج المركز

        صج ان المعامله ما تطول بس شكلهم مو حضاري كلش

        كويتيين ما يتوبون

        المشكله الثانيه ان صاحبى اللى معاه دفتر السياره طلع يعرف اللى بالجمارك

        وتعالوا شوفوا السوالف

        شلونك يافلان وشلون ابيك وشلون اخيك وشلونكم وقرقرقرقررقر

        انا خذيت لى غفوه على ما يخلصون سوالفهم

        يعنى يوم صحيت لقيت يسولفون عن سالفه صايره فى 2005

        قلت خن انام شوى لان باجى 3 سنوات على ما يخلصون

        المهم خلصنا ورحنا للمركز السعودى الخفجى

        وياحلو السعوديين والله اني احبكم

        شعب لاتوجد بقلبة احقاد يعني فلة

        طيب
        طبعا عارفين شلون الطريقه

        اهو ان مفتش الجمارك اللى قاعد على الكمبيوتر يشوف لوحه السياره

        ويدخل رقم اللوحه بالكمبيوتر وتطلع جميع بيانات صاحب السياره

        اهنيه بقولكم سالفه شيّاب اثنين كانوا داشين مركز الخفجى

        والمفتش طلّع بيانات صاحب السياره ولمن وقف الشايب يمّه سأله المفتش انت فلان ؟

        قال الشايب ومستغرب : ايه ايه انا فلان

        ويوم مشى جدام شوى قال الشايب للشايب الثانى تصدق عرفنى ؟

        قال الشايب الثانى : ارجع واسأله يمكن من عيالكم ولا عرفته انت يعنى فشله

        ههههههههههههههههههههههه

        رجع الشايب الاول وقال للمفتش بكل براءه : يا ولدى انت عرفتنى وانا ما عرفتك انت ولد منو ؟

        قال له المفتش : يا رجال اللى عرفك الكمبيوتر يلا روح وراك وخلص امورك

        زفه ههههههههههههههههه

        والله الشيّاب على الفطره الله يحفظهم

        طيب ماعلينا خلونا نكمل مشوارنا الصباحي

        وقفنا عند محطه العفنان

        <<< اقص ايدي اتعرفونها

        وقعدنا ناخذ اغراضنا وحركنا

        مشينا مسافه تقريبا 200 كيلو

        ثم وصلنا للمفرق

        ومن ثم اتجهنا شمالا لغايه 80 كيلو متر بر

        ووصلنا الى ابل الشايب

        وكان وقتها على حزه غروب الشمس

        الجو رائع بكل ما تحمله هذه الكلمه من معانى

        روعه الجو وروعه مشاهده الغروب فى هذه الصحراء المتراميه الاطراف

        وروعه منظر الابل واهى مصدرّه اهى عائده الى مرابضها

        وروعه منظر القمر الخجول الذى يطالب الليل باسدال استاره حتى يبتهج ويضىء سماء هذا الكون

        الفسيح

        يا لها من متعه لا تضاهيها متعه ويالها من راحه نفسيه لا تقارن بطبيعه سليمزى ولا شواطىء

        المالديف

        المهم نزلنا قشنّا واغراضنا

        وبقولكم ملاحظه

        انا مانى راعى بر ولا اروح دايم هناك ولكن بين فترات متباعده اضطر للذهاب هناك

        والسبب انى اعانى من فوبيا العقارب

        لانى تعرضت فى فتره المراهقه للكثير من لدغات العقارب

        يعنى من اطب البر لازم انقرص

        مادري يتعازمون على هالعقارب

        يعنى مره كنت قاعد بين اخوانى وعيال عمى وفجأه احس مثل الدبوس الحار اللى دش برجلى

        اطالع والا عقرب صفرا شكبرها تحوس تحتى وهذه اللى بغت تذبحنى

        اتذكر قعدت شهر ورجلى منمله

        ولمن وصلت هالمره قاعد اشوف جدامى واطالع من بعيد

        احس ان عقرب بتشوفنى وتروح تنادى ربعها وتقول : الخبل وصل الخبل وصل

        المهم صلينا المغرب والعشا جمع تقديم

        وياسلام على منظر الراعى واهو جاى صوبنا وشايل طاسه الحليب الكبيره والرغوه فوقها تتمايل طربا

        وقعدت اشرب من الحليب يعنى الحين بدوى وجدام الشياب يعنى كلش الحين

        لان اللى يشرب شوى هذا عندهم مو بدوى او انه مو مال بر <<< مهايط

        وانا بسوى نفسى راعيها واقعد اشرب لين معدتى قالت : يرحم والدينك بس عاد

        وانزل الطاسه والا خشمى عليه رغوه

        المهم

        قمنا قعدنا عند الضو ويا حلو شبه الضو ومنظر الرمث وهو يشتعل

        ريحته حلوه ومنظره احلى

        الجو مو بارد حيل لكنها بروده نسبيه مع صفاء الجو وغيوم قليله متفرقه

        والقمر ساطع معلن للجميع انه نور هذه السماء

        ولم يعكر صفاء هذا الجو الجميل الا معركه نوويه قامت فى بطنى

        المعده ماسكه الطحال ويتصافقون والمرىء يصارخ على الاثنى عشر

        والكبد يخز الرئتين ويقوله براسك شى؟

        وقلبى يقولهم تعوذوا من الشيطان

        احس بطنى يروح فوق ويرجع وكله من الحليب

        الحين المشكله وين اروح بهالليل

        واقوم منهم وانا طبعا محتفظ بجميع قوتى وصبري وحرصى

        يعنى متماسك وهذا يسمونه فى علم الجيلوجيا هدوء ما قبل العاصفه

        واشوف احدى الضلعان ورا خيمه المطبخ

        ضلع صغير يعنى جبل صغير لغير الناطقين باللغه الامازيغيه

        المهم واروح لذاك الضلع واخاطب الضلع واقول وما حب الديار شغفن قلبى ولكن حب من انخش ورا

        الضلع

        واروح ورا الضلع واعبّر عن شعورى تلبيه لنداء الطبيعه ( تم القطع من قبل الرقابه )

        المهم

        انا اتوقع ان الولايات المتحده الامريكيه راح تتهم السعوديه بانها لديها مفاعلات نوويه

        نظرا لوجود نفايات نوويه

        ايييييييييييه اتوقع البرادعى راح يزور السعوديه ويروح الصمان ويقول الاقمار الصناعيه اكتشفت

        اشعاعات نوويه فى الصمان

        ما علينا

        اهم شى ان تم حل النزاع العسكري اللى فى بطنى بالطرق السلميه

        رديت لهم واهم عند الضو

        وقعدنا نسولف ونسمع سوالف الشياب اللى والله ينشرح لها الصدر

        واخبار المطر

        طبعا المكان اللى احنا فيه كان ممطور لغايه اليوم اللى وصلنا فيها <<< قبسّه

        يعنى صار لهم اكثر من 10 ايام والمطر ما وقّف لغايه ما وصلت لهم يا اخوان شنو السبب تتوقعون

        المهم

        حطوا العشا وهو عباره عن مفطّح تدمع العيون لرؤيته وتفطر القلوب رائحته

        وتهتز المشاعر طربا للقرب منه وترقص الايادى فرحا بملامسته

        طبعا انا معدتى قالت لو سمحت يااقوش ابيك بسالفه بره

        وطلعت معاها بره ومسكتنى مع ايدى وقالت شوف احنا مع بعض من زمان

        وانت شكلك بعد هالعمر الطويل تبى تغشنى ترى تونا مخلصين من مشكله الحليب

        قلت لها ما عليه بس لقمتين

        المهم تعشينا وحاولت ما اكثر لان سبحان الله بالبر تنفتح الشهيه بشكل مو طبيعى

        سواء للاكل او الشرب او القهوه والشاى حتى الزقاره طعمها غير

        اعترف انى كليت واستغفر الله

        وجلسنا عند الضو نتسامر ونسولف والشيّاب راحوا ناموا

        بعد ماقضيت ليلتي الاولي

        واتت ليلتي الثانية شبينا ضونا

        وحطينا الخاروف واتعشينا

        قعد الشايب يسولف علينا بس الله يهدية

        يسولف عن الجن قلت حجي الله يخليك نبي قصص حلوة نبي نستانس

        ابي الفكة خوفني جان يرد يقول قصص عن الجن
        ابييييييييييييية
        ألية هذا كان خوش رجال اشفية خربها

        ويقول المكان هذا مسكون بس لاتخافو الجن اذا ماتتعرضة مايتعرضك

        ويقص علينا ويأشر بيدة لضلع ألي جنبنا يقول هذا الضلع كانت فية جنية

        وتسببت بمس جاري لانة حذف صخرة علي الضلع وضربها

        وراحو يعالجونة بالرياض وللحين ماشفاء

        وانا اتلفت لضلع وتذكرت سالفتي مع الضلع امس وش سويت فية

        نام الشايب وقعدنا نتسامر مع الشباب لأخر الليل

        وانا اعيوني اتلاقط يمين ويسار

        وحسيت بلجوع ورحت للمطبخ وخذيت خمس بيضات

        وحطيتهن تحت الجمر وخذتنا السوالف لين نعسنا

        وحطينا فرشنا واهم نامو وانا اتلفت للضلع وخايف لاني غلطت علية امس

        فجأة اطلعن صواريخ وانفجارات من تحت الارض

        جان اقوم واركض بعيد واهم كلهم انحاشو معاي

        وحتا الشايب ابو قصص الجن انحاش ويانا

        قلت انا رحت فيها الجنية اطلعت من تحت الارض وتبي تنتقم مني

        وفجأة تذكرت البيض

        هههههههههههههههههههههههههههه

        جان اصرخ وقفو هذا البيض الي شويتة ونسيتة

        طالعو فيني بحقد بس مستحين لانهم انحاشو

        واطالع لشايب ومن داخلي مستانس احس اني انتقمت منة

        والي دردشة اخري
        المنقول قتل للعقول
        نبي فكرة....وبسنا نقل
        قال ديكارد :انا افكر إذا انا موجود
        وليتة اكمل :انا انقل إذا انا مفقود
        !
        [الحملة التوعوية للوقاية من المنقول
        خلك حصري بفكارك

        تعليق


        • #34
          بالنسبه للبحر مارح اتناقش الحين
          لان في حجي لو ينقال <=== مينونه رسمي ينقال عني

          اممممممممم
          بالنسبه لسالفة الجمارك الله يعين
          اكره شي عندي جذي
          زين هذا واحد
          غيره شكثر يشتغلون وبالاخر الزحمه لي فوق
          ماعلينا

          ذكرتني بنفس القصه ع سالفة انت فلان
          هذي عيوز طالعه مو ولدها
          ساله الموظف انت فلان اهي خوافه اريلها تتصافق لا تشوف شكلها
          انا اعرفها شخصيا
          قال لا انا فلان وهذي سيارة اخوي وهذي اوراقي
          العيوز كل الايات اللي حافظته قرتهم
          وتقول بقلبها ياربي شمسوي ولدي

          بعد ماتحركو واهي اتوقع مافيها دم بعروقها
          الولد يمه تبين شي قبل مانكمل طريقنا
          لا لا خل نمشي
          واهم ميشون
          تساله شنو يبي وشنو قال لك هذا
          قال لها مافي شي
          بس لان الكمبيوتر عندهم بيانات اخوي
          واهو عباله انه بالسياره
          قلت له انا ماخذها منه وهذي واوراقي وخلصنا ومشينا
          ويالله فهم العيوز شلون عرف
          واقنعها بان ولدها ماعليه بلاغ

          المهم نرد للبر
          <=== مابعمري قعدت بالبر اكثر من ساعتين

          شي اكيد تخاف من العقارب و اللي اهناك
          ماعلينا بس بصراحه اهنيك ع روحك الحلوه وشربته
          والله لو شنو يصير مااشربه ادري يعفس الدنيا عندي
          ومالومك التفاعلات اجباريه الله يعينك بس لا تعيدها

          عجبتني سالفة الجن و البيض وايد
          وانا اقرا من وصلت عند انفجارات بالارض قلت بقلبي
          اهو ماشال البيض اتوقع منه
          بس قلت يمكن واحد مسوي فيكم دق

          بالنسبه للمواضيع هذي ترا حلاته بالظلمه بالبر
          شي جذي تحس بالوضع ميه ميه
          بس يبيلها قلب قوي
          مو اللي عندي لو تقول لهم سمعت صوت برا الغرفه
          مافي امل يتحركون
          طبعا العيب فينا احنا
          اهم يخافون منا بس احنا ماادري شلون
          يعني البسمه تحمينا منهم
          بس وقتها الواحد ينسى كل شي
          حتى اسمه ينساه

          ع طاريه بقولك شي صار لنا باحد الدول وقت سافرنا

          تخيل تدخل المطبخ تشغل الليتات يشتغل الماي
          شوي والا تطفي ليتات الصاله
          شوي والا تسمع صوت ياهل يبجي الدرايش تتبطل بروحها
          المهم انا يعني الوضع فري
          لا لا تتوهمون
          مع ان اشوف حركه واحس فيها بس ماابي اخرعهم
          كلها اسبوع نخلصه ونمشي وبلاها الحوسه وتنقل مره ثانيه

          ادري طولت عليك خيو

          متابعه

          :)
          عندما تحين لحظة الفراق
          تضيع منا الحروف
          يصبح الصمت رائعاً
          هنا أتوقف
          لا أعلم لماذا ..؟؟

          تعليق


          • #35
            هههههههههههههههههههههههههههههههههه

            يسلموو ع الموضوع اهم شي .. سالفة 2005 وانت نمت 3 سنين :p

            واصل ابداعك ..

            تعليق


            • #36
              المشاركة الأصلية بواسطة demon of dark مشاهدة المشاركة
              بالنسبه للبحر مارح اتناقش الحين
              لان في حجي لو ينقال <=== مينونه رسمي ينقال عني
              اممممممممم
              بالنسبه لسالفة الجمارك الله يعين
              اكره شي عندي جذي
              زين هذا واحد
              غيره شكثر يشتغلون وبالاخر الزحمه لي فوق
              ماعلينا
              ذكرتني بنفس القصه ع سالفة انت فلان
              هذي عيوز طالعه مو ولدها
              ساله الموظف انت فلان اهي خوافه اريلها تتصافق لا تشوف شكلها
              انا اعرفها شخصيا
              قال لا انا فلان وهذي سيارة اخوي وهذي اوراقي
              العيوز كل الايات اللي حافظته قرتهم
              وتقول بقلبها ياربي شمسوي ولدي
              بعد ماتحركو واهي اتوقع مافيها دم بعروقها
              الولد يمه تبين شي قبل مانكمل طريقنا
              لا لا خل نمشي
              واهم ميشون
              تساله شنو يبي وشنو قال لك هذا
              قال لها مافي شي
              بس لان الكمبيوتر عندهم بيانات اخوي
              واهو عباله انه بالسياره
              قلت له انا ماخذها منه وهذي واوراقي وخلصنا ومشينا
              ويالله فهم العيوز شلون عرف
              واقنعها بان ولدها ماعليه بلاغ
              المهم نرد للبر
              <=== مابعمري قعدت بالبر اكثر من ساعتين
              شي اكيد تخاف من العقارب و اللي اهناك
              ماعلينا بس بصراحه اهنيك ع روحك الحلوه وشربته
              والله لو شنو يصير مااشربه ادري يعفس الدنيا عندي
              ومالومك التفاعلات اجباريه الله يعينك بس لا تعيدها
              عجبتني سالفة الجن و البيض وايد
              وانا اقرا من وصلت عند انفجارات بالارض قلت بقلبي
              اهو ماشال البيض اتوقع منه
              بس قلت يمكن واحد مسوي فيكم دق
              بالنسبه للمواضيع هذي ترا حلاته بالظلمه بالبر
              شي جذي تحس بالوضع ميه ميه
              بس يبيلها قلب قوي
              مو اللي عندي لو تقول لهم سمعت صوت برا الغرفه
              مافي امل يتحركون
              طبعا العيب فينا احنا
              اهم يخافون منا بس احنا ماادري شلون
              يعني البسمه تحمينا منهم
              بس وقتها الواحد ينسى كل شي
              حتى اسمه ينساه
              ع طاريه بقولك شي صار لنا باحد الدول وقت سافرنا
              تخيل تدخل المطبخ تشغل الليتات يشتغل الماي
              شوي والا تطفي ليتات الصاله
              شوي والا تسمع صوت ياهل يبجي الدرايش تتبطل بروحها
              المهم انا يعني الوضع فري
              لا لا تتوهمون
              مع ان اشوف حركه واحس فيها بس ماابي اخرعهم
              كلها اسبوع نخلصه ونمشي وبلاها الحوسه وتنقل مره ثانيه
              ادري طولت عليك خيو
              متابعه
              :)
              ههههههههههـ
              تقولين لاسمعتم صوت برا الغرفة تخافون
              ابيييييييييية
              شلون لو انتو معانا بالبر وعشتو الموقف
              ورررررررررررررررررر
              لاوالله ور شويا
              ياربي شلون اوصفها
              مممممممممممممممممم
              اية لقيتها
              الله يرحمها ديمون كانت خوش بنت بس ماتت بالبر والاسباب مجهولة
              بس اهم يقولون اهم مو انا انها ماتت وهي تتهاوش مع الجنية
              <<< الله من الشجاعة الزايدة
              اية خير انشالة الا ماتت من الخرعة
              ياحليل العجايز علي الفطرة
              امي اذا بتناديني تقول اسامي اخواني كلهم بعدين تتذكر اسمي
              بعدين شسالفة الاعضاء كل واحد يقول مداخلتة ويطول شوي يعتذر علي الاطالة
              يبا سولفو والله علي صاحب المنتدي ماياخذ علي فلوس بالمشاركات
              يعني ببلاش الردود
              <<< واذا بفلوس
              ياويلكم اربط احلوجكم
              <<< بخيل
              المنقول قتل للعقول
              نبي فكرة....وبسنا نقل
              قال ديكارد :انا افكر إذا انا موجود
              وليتة اكمل :انا انقل إذا انا مفقود
              !
              [الحملة التوعوية للوقاية من المنقول
              خلك حصري بفكارك

              تعليق


              • #37
                المشاركة الأصلية بواسطة شرقـاوي *! مشاهدة المشاركة
                هههههههههههههههههههههههههههههههههه
                يسلموو ع الموضوع اهم شي .. سالفة 2005 وانت نمت 3 سنين :p
                واصل ابداعك ..
                ياهلا بشرقاوي
                والله الدردشة زاد حلاها بتواجدك
                عاد لاتقاطع وخل ويانا نستانس لاشفناك معانا
                شرقاوي عاد مالي بالبر كلش انا راعي حداق
                والله مبتلي بالبحر الناس بالصيف الظهر تحت المكيف
                وانا قاط خيطي بعز الحر
                <<<عفية علي مزاج
                والله العيب مو مني من السمك
                يااخي مايطلع الا الظهر
                <<<يدري كويتيين مانحب الشمس
                عاد انا ناشبلة الظهر اتحبلة
                والسمك يعرفون طرادي من ادش الظهر بالصيف ماكو غيري
                <<<موصاحي
                والسمك يأشر علي مثل العقارب الخبل وصل الخبل وصل بس عااااااد
                المنقول قتل للعقول
                نبي فكرة....وبسنا نقل
                قال ديكارد :انا افكر إذا انا موجود
                وليتة اكمل :انا انقل إذا انا مفقود
                !
                [الحملة التوعوية للوقاية من المنقول
                خلك حصري بفكارك

                تعليق


                • #38
                  علي فكرة

                  انا كاتب قصصي ولي محاولاتي الخاصة

                  وفية قصة علي وشك الانتهاء منها وهي بعنوان (النــــادرة)

                  بس باقي اللمسات الاخيرة

                  وراح تكون هدية متواضعة وحصرية لكم

                  ولكن يجب ان تكون بمستوي يليق بكم

                  فا ترقبوها طبعا بعد اذن الادارة راح تكون اهنية بالدردشة
                  المنقول قتل للعقول
                  نبي فكرة....وبسنا نقل
                  قال ديكارد :انا افكر إذا انا موجود
                  وليتة اكمل :انا انقل إذا انا مفقود
                  !
                  [الحملة التوعوية للوقاية من المنقول
                  خلك حصري بفكارك

                  تعليق


                  • #39
                    المشاركة الأصلية بواسطة screamqween مشاهدة المشاركة
                    اقوش ،، مااعرف اسوالف بأمور الزحمه ،، :)

                    انطر منك مناقشه يديدهـ متابعــه ،،

                    > إلا صج تحجى عن عمليات التجمييييييل مشاءالله البنات صايرين
                    يشبهون بعض توأم توأم ،، الي يبي يتزوج ماله داعي نضره شرعيه
                    الأن كلهم سيم سيم ،، // :)
                    ا

                    عمليات التجميل صدقتي مايكفيها تعقيب يبلها دردشة بروحها

                    انشالة بس انا مشغول بكتابة قصة بعنوان النادرة لان لها تأثير خاص جدا علي

                    وعلي وشك الانتهاء منها

                    علي فكرة احيي روح الفكاهة فيج
                    المنقول قتل للعقول
                    نبي فكرة....وبسنا نقل
                    قال ديكارد :انا افكر إذا انا موجود
                    وليتة اكمل :انا انقل إذا انا مفقود
                    !
                    [الحملة التوعوية للوقاية من المنقول
                    خلك حصري بفكارك

                    تعليق


                    • #40
                      المشاركة الأصلية بواسطة اقوش مشاهدة المشاركة
                      ههههههههههـ

                      تقولين لاسمعتم صوت برا الغرفة تخافون
                      ابيييييييييية
                      شلون لو انتو معانا بالبر وعشتو الموقف
                      ورررررررررررررررررر
                      لاوالله ور شويا
                      ياربي شلون اوصفها
                      مممممممممممممممممم
                      اية لقيتها
                      الله يرحمها ديمون كانت خوش بنت بس ماتت بالبر والاسباب مجهولة
                      بس اهم يقولون اهم مو انا انها ماتت وهي تتهاوش مع الجنية
                      <<< الله من الشجاعة الزايدة
                      اية خير انشالة الا ماتت من الخرعة
                      ياحليل العجايز علي الفطرة
                      امي اذا بتناديني تقول اسامي اخواني كلهم بعدين تتذكر اسمي
                      بعدين شسالفة الاعضاء كل واحد يقول مداخلتة ويطول شوي يعتذر علي الاطالة
                      يبا سولفو والله علي صاحب المنتدي ماياخذ علي فلوس بالمشاركات
                      يعني ببلاش الردود
                      <<< واذا بفلوس
                      ياويلكم اربط احلوجكم

                      <<< بخيل

                      اهم لي اسمعو انا طاف ماهتم اسوي بسم الله واطلع
                      <== البر تفكر تقعد فيه ويصير موقف مثل اللي وياكم
                      ونااااسه :)

                      قويه اتهاوش وياها
                      والله احنا نقدر نغلبهم بايمانا


                      الله يخليها لكم
                      يدتي جذي تنادي الكل واخر واحد اهو المطلوب


                      اوكي اوكي عيل بنهذر لين تقول و اللي يخليكم سكتو فكوني راسي صدع

                      ولو لو بفلوس والله مايغلى المهم نشارك :>

                      ....

                      متابعه

                      :)
                      عندما تحين لحظة الفراق
                      تضيع منا الحروف
                      يصبح الصمت رائعاً
                      هنا أتوقف
                      لا أعلم لماذا ..؟؟

                      تعليق


                      • #41
                        تدرين لقيت بقسم الترفية دردشة يومية وفيها تفاعل ماشاء الله
                        وصاحب الموضوع جمعان بولند ماشاء الله علية
                        قعدت اقلب بالصفحات مالقيت دردشة كلة ردود لاتتعدي اصبع اليد الواحدة ؟
                        فا بالعكس علي قولتج الاطالة محمودة خاصة لكانت مصبوغة بنكهة كاتبها
                        <<<شنو نكهه عازمهم علي شاي انت
                        لاقصدي...<<<ادي فاهم لاتكمل
                        بس تدرين هم طلعو مو سهلين لقيت بقسم الترفية لعبة لتصيد البدليات
                        ابيييييييية
                        <<<بدلياتة قد شعر راسة
                        ههههــ اشوة انا اصلع
                        <<جذاب يخاف من العين
                        ولنا عودة :)
                        المنقول قتل للعقول
                        نبي فكرة....وبسنا نقل
                        قال ديكارد :انا افكر إذا انا موجود
                        وليتة اكمل :انا انقل إذا انا مفقود
                        !
                        [الحملة التوعوية للوقاية من المنقول
                        خلك حصري بفكارك

                        تعليق


                        • #42
                          يس في بقسم الالعاب والفرفشه
                          يختلف فيها الطابع عن اللي اهني نوعا ما


                          اي ترا في ناس بس تصيد بدليات
                          دير بالك


                          متابعه

                          :)
                          عندما تحين لحظة الفراق
                          تضيع منا الحروف
                          يصبح الصمت رائعاً
                          هنا أتوقف
                          لا أعلم لماذا ..؟؟

                          تعليق


                          • #43
                            لاصرت بايعني اشوفك علي خير
                            .......................مع السلامه دام مابه سلامه
                            قلت انتهينا ؟ قلت لك :خير ياطير
                            .......................ماني بأول شخص يخسر غرامه
                            محذرك من قبلها ألف تحذير
                            .......................لاعفتني بيعوف قلبي هيامه
                            مانيب ميت ولا أحتاج تبرير
                            .......................صح الله لسانك ووفر كلامه
                            ماكان حبك غير ..بس طعنتك غير
                            .......................علمتني معنى الندم والندامه
                            ماجاك مني أي زله ولا تقصير
                            .......................كل ما اخطيت اعاتبك بابتسامه

                            شخباركم؟

                            صوت معصومه عبدالكريم يلعلع بالتلفزيون

                            وياحلو صوتها وبدليتها

                            طبعا تعرفون انها بحرينيه وتحجبت الله يحفظها

                            وتقول المذيعه معصومه

                            للى شعرها صوب اطول من صوب

                            جنها رايحه لكوافيره حوله

                            فى مادرى اى قناه لكنها ماسكه مسابقه شاعر العرب اظن ّّّ!!!

                            والله نسيت شنو اسم مسابقتهم او اى قناه المهم انها مسابقه شعر

                            ولى عوده مع الشعر والشعراء اللى اصبحوا اكثر من الجمهور

                            تقول معصومه عبدالكريم بالهجة البحرينية: انشوالله هالسونه المسابقه بتكون وايود حلوه

                            والشعوعراء بياقدمون الجوديد اللي عيييندوهم

                            وانا موبى اخيرب الموفاجاه الحيلوه اللى باتشوفونها بعيونكم

                            طبعا اكثر مذيعه بالوطن العربى عليها بدليات اهى معصومه

                            بس لها قبله الله يحفظها لو تترك الاعلام وتجابل عيالها

                            نرجع للموضوع الاساسى الا وهو الطفره الحاصله فى الهاء الشباب العربى

                            خلصنا من ستار اكاديمى والوادى وسوبر ستار ومادري شنو من البرامج الماجنه

                            الى مسابقه شاعر العرب ومسابقه شاعر المليون وشاعر الجزيزره وشاعر حفرالباطن

                            وامير الشعراء وملك الشعراء ومسابقه امبراطور الشعراء ومسابقه ولد اخو خاله الشعراء

                            شنو هذا؟

                            انا ساعات اخاف اافتح الحنفيه بغسل ايدى ينزل لى شاعر منها

                            بس عاد

                            وتعال شوف اشكالهم والا قصايدهم

                            اللى موّقف تريلته بره وداش بسرعه يقول قصيده

                            والبنت اللى مادرى منو معطيها قصيده وداشه غصب تبى تصير شاعره

                            واللى مادري شنو مسوى بشكله وداش عليهم

                            يمكن تشوفونهم انتم ساعات

                            ولكن لم نصل الى المشكله الحقيقيه

                            والتى باتت ظاهره سيئه

                            وهى التفرقه بين القبائل وتأجيج العنصريه والتباغض

                            من خلال المسجات وكل شباب يفزعون لولد عمهم

                            والفزعه الفزعه

                            وحيل دز بهالاموال الى قنوات كل هدفها الضحك على الذقون وسرقه الاموال

                            تقول تعالوا تبرعوا لاخوانكم المسلمين فى غزه ذابحهم الجوع

                            يردون عليك والله ما نخلى ولد عمنا وما احنا رخوم

                            الحين منو المسؤول عن الهاء الشباب العربى المسلم عن قضايا الامه

                            منو المسؤول عن تاجيج القبليه بشكل رهيب واذكاء النعرات القبليه

                            طيب خلصنا من هالشباب اللى يجري وراء سراب

                            تعالوا شوفوا مقدار الاموال التى تضخ لمزاين الابل

                            ملايين تهدر لان هذه الناقه اطول والا هالوضحه احلى والا الملحه

                            شعب غزه المسلم يموت من الجوع وهؤلاء لا هم لهم سوى اطعام ابلهم

                            والتفاخر بها فى مزاين الابل

                            ماعلينا خلونا نكمل مشوارنا المسائي

                            الدوله الفارسيه تعمل مزاين للصواريخ النوويه فى زمن مزايل الابل العربى

                            شتّان بين هموم القاده وهموم الشعوب

                            هو مخطط كبير لالهاء امه لا اله الا الله عن اولوياتها الاساسيه

                            ليخرج علينا شاعر تافه ويقول :

                            البارحه يوم تذكرت خشتها ** حرّمت النوم ودموعى غزيره

                            الحمدالله والشكر

                            طيب انا لو سعودي والله مااشارك بشاعر المليون بعد الفراعـــنة

                            بس مالومة تلقاة مدفون بهجرة محد دري عنة

                            ولي بمدينة الرياض المكتظة بالشعراء والمتنفذين

                            وإذا طلع إذا

                            وقدم قصيدتة بمجلة المختلف ولي قطوف

                            حذفو قصيدتة وحطو صورتة بمجلة قديمة

                            بالصفحة الاخيرة وكاتبين تحت صورتة

                            هوايتي التعارف وجمع الصور

                            ويحطون رقمة ...............00966

                            ويدق علية واحد من الكويت عبيط نفسي

                            ويقولة مبروك ربحت جائزة

                            لازم تجينا لجدة وبعد مايجي جدة

                            اقولة غيرنا المكان تعال دبي

                            وافر فية دول مجلس التعاون الخليجي

                            بس عاااااد

                            لانسان مجموعة افكار وشعو ريمتزجن فيخرج محتواة

                            فيعبر عنة بكلمات تكشف جوهرة وثقافتة

                            فا تجد العاشق الولها يعبر بكلام سهل ممتنع لايستطيع تذوقة إلي من احس بلذتة

                            وتجد العابد الطائع يتلذذ بمناجات ربة في خلوتة وايضا لايستطيع تذوقة إلي من اتجة

                            لطريق ربة

                            وتجد التافة الذي لايوجد هدف ولا معنا من حياتة سوا مراقبة الناس واذائهم

                            وبنهاية الدردشة مبروك لزياد بن حجاب البيرق

                            اخيرا عطو البيرق سعودي

                            شيسوون الخمسة المتأهلين كلهم سعوديين

                            بس حسافة تعاطفت مع الجهنية

                            حسبي على الذكرى اذا هبت اعصير
                            .......................ماعاد تنفع شرهتي والملامه
                            البال ظامي وقتها والحزن بير
                            ....................... خسرتك وهمي كسبت اهتمامة
                            والليل فازع لك كذا جاني مغير
                            ....................... ظلمتني واكثر ظلمني ظلامة
                            لاأقبل علي اوحيت صوت المساير
                            ........................فزيت كل ضيف اقوم بمقامة
                            وليا عزم هالليل ضيقه وتفكير
                            ........................قلي بربك كيف أقدر انامه
                            مافيه داعي للعتب والمعاذير
                            ........................الغدر خال الجرح والطيب عمامه
                            اما يجيب الله مطر ... تالي وخير
                            ........................والا السلامه (مااااش) ما من سلامه
                            مع السلااااااااااااااااااااااااااااااااااااامه
                            المنقول قتل للعقول
                            نبي فكرة....وبسنا نقل
                            قال ديكارد :انا افكر إذا انا موجود
                            وليتة اكمل :انا انقل إذا انا مفقود
                            !
                            [الحملة التوعوية للوقاية من المنقول
                            خلك حصري بفكارك

                            تعليق


                            • #44
                              عدنا


                              .........

                              وانا اقر بصراحه الضحكه مافارقتني
                              حتى بالموقف الانساني
                              واقع مضحك جداً
                              لو شنسوي مايتغير ابد

                              الله يهديهم بس

                              عموما الحجي اللي قلته كنت اتناقش فيه قبل فتره بالبيت
                              <=== تدري الاخت بالهذره اذا مالقت موضوع تسولف فيه
                              قالت لهم شرايك بالفكر العربي وغربته الداخليه
                              موضوع اتمنى تطرحه :>

                              المهم اخوي
                              بالنسبه لي ماااتابع تي في الا ناااادراً
                              <=== ماعندي وقت كافي لان عندي رقابه ع بعض البرامج
                              اللي يتابعونها لصغار
                              بصراحه صار اغلب المحتوى فارغ مايفيد ويضيع وقت
                              وفعلا يسبب نزاعات قبيله و مشاكل داخل الدوله الواحده والبيت ايضاً <== يعني لغه الاخت

                              لكن مع هذا مانقدر ننكر بان في شخصيات برزت بشكل وايد حلو
                              وكان ظهورهم على الساحه بشكل ملفت للنظر

                              ربي يوفق الجميع

                              ويعطيك الف عافيه


                              متابعه

                              <==== الجو عندي مطر الله ونااااسه

                              :)
                              عندما تحين لحظة الفراق
                              تضيع منا الحروف
                              يصبح الصمت رائعاً
                              هنا أتوقف
                              لا أعلم لماذا ..؟؟

                              تعليق


                              • #45
                                حياالله زبونتي الدائمة بالدردشة ادام الله ضحكتك

                                بعدين الفكر العربي وغربتة الداخلية!!

                                والله انتي قوية

                                يامعودة احس اني مدرس مصري بالغة العربية ولابس نظارة من النوع المتين واصلع

                                ومربي شعر علي جنب ومغطي صلعتي وإذا انتفعلت بشرح الدرس يطيح

                                عموما هو واقع متشابة لحد ماء

                                ابيييييييييييييية

                                لايديمون انا مشغول بقصة النادرة والحمدالله اكتملت تقريبا

                                <<<اذيتنا بقصتك من حلاتها

                                بس انشالة ندردش عن هذا الموضوع بوقتة انشالة

                                بمعني ماني شايف فية التفاعل المطلوب بالدردشة بس لجل عين تكرم مدينة

                                علي العموم دردشتي القادمة ستكون لنادرة فقط نعم النادرة فقط

                                <<< يبا اذيتنا انت ونادرتك فكنا زين

                                زين زين لاتزف

                                باااااااااي
                                المنقول قتل للعقول
                                نبي فكرة....وبسنا نقل
                                قال ديكارد :انا افكر إذا انا موجود
                                وليتة اكمل :انا انقل إذا انا مفقود
                                !
                                [الحملة التوعوية للوقاية من المنقول
                                خلك حصري بفكارك

                                تعليق

                                يعمل...
                                X