قام يطويني من فراق الحبيب طاوي
.......... ويل من حده زمانه عن لقى محبوبه
اشهد ان الوقت وعيون البشر ماتاوي
.......... كــــل ماتاصـــل لحد الغـــلا قفــــووبه
سامح الله الهنوف اللي بعدها ذاوي
.......... ماقدرت القى حلاها نادره واعجــوبه
{ خصرها } كنك توصف دلة الضلماوي
.......... بس فيها عروتين وماهــي بمربـــوبه
لا لفت كن القمر يوم اكتماله ضاوي
.......... كن من رقة قدمها للمشي مغصوبه
اه لا شفت العيون ولبسها البداوي
.......... قلت يارب العبـــاد المغـفره والتـــوبه
لاحكت كنه مسولف لي اديب وراوي
.......... بس زادتهــا دلــع وهروجــها بعــذوبه
هرجها بين القصيم ولكنة الزلفاوي
.......... كان ماهي منها حول المكان وصوبه
انا وين الله بلاني بالحلا { الجهراوي }
........ من ثلاث سنين عارضني ودوبي دوبه
منلومه لا خسر راعي حلا الصيداوي
......... كــل مانــزل بضـاعــه كنهـا مضـــروبه
ذيك من شدة غلاها اشهد اني غاوي
.......... يقطــع الله الغــلا ويقطعـك يامنـدوبه
خص لاطربني غنا مياده الحناوي
.......... كن مضمــون القصـايد يمهــا مكتوبه
من يلوم المنتظر والا يلوم الهاوي
.......... كل ماهب الهـواء طالت عليــه دروبه
والقهر لاشفت مضمونك ولانت بقاوي
....... عزتك تطغي عليك وغلطتك محسوبه
: )
عبدالكريم الجباري
تعليق