اوراقي ,,

[kaka 22]

بعض البشر ودك ليا جبت طاريه
.......... قبل السوالف .. لإحترامه تبوسه

وبعض البشر من هيئته .. ما تناديه
......... ودك على راسه برجلــك تــدوســه



( لي )


جــــــــــراح الــــعــــنــــزي

[kaka 22]

.
.
.
مبطي ترى الدنيا تعز الرديين
وابن الحمااايل ,, اه يا بن الحمايل

هو راس ماله عزته بالدوااوين
ويتعب على كسب الكرم والجمايل

والا الردي .. ما يستوي عنده الشين
ولا جرب بدنياه .. هم .. العوايل




.. وليده اللحظه ..

( لي )

جــراح الــعــنــزي

[kaka 22]

عزيز نفس .. وعزتي ما تمايل
.... ثابت ولو ان الزمن فيه ربكه


جــراح الــعــنــزي

[kaka 22]

تدري وش اللي مخلي العين ما تبات
............... إنك بقلبي ... ومقدر أطق بــابك







جــــــــراح الــعــنــزي

[kaka 22]

تبي تعرف اشواقنا كيف هانت
..... والا بلاش أجدد جروح .. وارثيك

نيّتك .. بانت .. جعلها ما استبانت
..... روّح عسى نار الهجر .. دوم تشويك

اغليك .. كانت .. في خفوقي ( ( وكانت ) )
..... ماضي وانا هاليوم ما عاد أغليك

سودت وجه الشعر .. وحروفي شانت
..... يومي كتبت أبيات .. تبغي تراضيك

دمعه وطاحت من عيوني وبانت
..... قدام كل الخلق واحاول أخفيـــك

عيني قبل لا تدمع شـ قد عـانت
..... ماتدري اني للاسف جالس أرثيك!



جـــراح الــعــنــزي

[kaka 22]

عسى الله يغفر ذنوبي .. قبل لا اندفن بتراب
قبل لا اصير بيدينه .. عسى الله يغفر ذنوبي


لعبت بدنيتي ياما .. ولا لنفسي حسبت.. حساب
غني بدنيتي .. لكن .. فقير ان جيت بعيوبي


قبل ترحل عن الدنيا .. تمعّن .. افهم الاسباب
قبل تنزل على قبرك .. تقول الموت مو صوبي


ياربي اغفر ذنوبي قبل لا اندفن بتراب
ويانفسي توبي لربك .. غريبه ليه ما اتوبي !



جــــراح الـــعـــنــزي

[kaka 22]

روحي .. وهالمره خلاص .. لا تردين
هذا الفراق وروحةٍ دون رده

الكذب خيبه .. ما عرفتي تحبين
منتي من اللي .. يستحق الموده

ما تعرفين العطف.. والذوق واللين
وما عاد في قلبي .. على الحب شده



( حامد زيد )

[kaka 22]

بلاش .. نجدد أحلام الطفوله .. نجبر الآحلام
توهمنا على حلمٍ صراحه صعب تحقيقه

حمد يحلم يبي ضابط .. يضبّط ميلة الايام
وفهد .. يبكي على حظه .. وصدره ممتلي ضيقه



جـراح

[kaka 22]

ع ـيال وايـل ( عز ) من بات مقهور
يصبح بعزه ما يبي عز غيره


لنا على دار الفخر عرش وقصور
انشد وتلقى العلم في كل ديره


شجعان ( خلقه ) والشجاعه لنا سور
الشاهد الله والسيوف الشطيره


( رضيعنا ) يسوى ثمانين طآبور
من مثل جنسك .. يا مخاشر منيره



مطلق النومسي

[kaka 22]

أحـيـان / شخص يحببك في / قبيــله
......... وأحـيــان / شخــص يكرهــك فــي قــبــايل

[kaka 22]

ما ترتفع للعز نفسٍ ذليله
.......... ولا توهب العليا عيال الحمايل

الحر يتعب لين ما تستويله
......... يلهث وراها ..لو بشتى الوسايل

جوّد عنان الوقت وبكل حيله
......... واسلك طريق العارفين الاوايل

من لا يحوش المرجله عزتي له
......... يبي يشوف من الزمان الهوايل

والعلم تسمو غايته والوسيله
........ يشعل قناديلك لو الحظ مايل

ترى عمى عين الظلام الفتيله
........ ولو الجهل يعمي بعز القوايل

وان طاح راسك فوق كفٍ بخيله
........ قل ما تضيق الارض بأهل الجمايل

وادخل على اللي ما يضيع دخيله
........ ملجاك لا شحت عليك البدايل

تلقى الفضايل في دروب الفضيله
........ وتلقى الفشيله في دروب الفشايل

أحيان ناس تحببك في قبيله
........ واحيان شخص يكرهك في قــبـايل

[kaka 22]

سوالف بعض اعضاء المنتدى :)



رائع ومبدع لك محبه وتقدير
....... ولم أرى مثلك يسطر هالابداع
ومن ما كتبته .. صابني عجز تعبير
....... يعني بليّا حروفك .. المنتدى ضاع


لي عوده بعد النووووووووووووووووووووووم

[kaka 22]

نُكمل سوالفهم

.
.

رائع ومبدع لك محبه وتقدير
....... ولم أرى مثلك يسطر هالابداع
ومن ما كتبته .. صابني عجز تعبير
....... يعني بليّا حروفك .. المنتدى ضاع
وانا وراك أكسّر اظهرك تكسير
...... وقدام حرفك .. أستتر والبس اقناع




النوع الثاني


شله تقول فلان .. لا ترد لفلان
........ خله .. بموضوعه.... وحيد ويعــاني
من شان يعرف قيمه الحزب من شان
........ ويعرف حزبي كيف .. حطّم أمــاني




النوع الثالث

بعد ما أخلص شغلي


:)

[kaka 22]

الورقه الثالثه


...

لأصحاب كلمه .. يسلمو .. شكرا


..

الموقف الثالث عن اللي يقولون
....... ثانكيو معاها مَش .. ومن ثم يطلع
لا فادنا ولا استفدنا بهاللووون
...... سمعان* .. ان الـ مَش فيه يتدلع

* سمعان = مثل كلمه يحلم او ماشابه

:)

وكلها من روح المداعبه والتسليه

:)

[kaka 22]

http://www.kuwait777.com/vb/t108628.html

<< اضغط عليها

لكم