تويت
من الذاكـــرة ...
موقف جنوني .. الحمدلله ان الله ستر علي و على اللي راكبين معاي يومها ...
كنت بالسيارة و معاي ثلاثه من الشباب .. رايحين للبر .. بالتحديد منطقة الاطراف .. ( طريق منفذ السالمي ) ماشيين يومها تقريبا بالسيارة مية اربعين و مالنا من الشيطان طاري ..
طبعا أنا اللي كنت أسوق السيارة من قرادة حظي .. المهم وانا قاعد اسوق و الشباب مندمجين مع الاغنية قلت اسوّي اكشن شوي بالطلعه و استعرض بالسيارة ,, طبعا اتخذت هالقرار عقب مناقشة تمت بيني وبين شيطاني اتفقنا بعدها اني اسحب السايد .. ( السايد بريك ) اللي جنب القير يجي .. نسيت اني حضرة جنابي مسرع وان احتمال ما اقدر اتصرف بالسيارة لا سحبته الشيطان ما قالي هالسالفه .. المهم سحبت السايد ...
انا سحبت السايد مني .. الا السيارة تقوم تلعب مني .. طبعا طريق السالمي خط سريع .. و ورانا سيارات مسرعه ... المهم يمين يسار يمين يسار لين قررت انا جزاني الله خير :) اني ادخل السيارة بين الشارعين عشان افتك من السيارات اللي ورانا .. المهم الطريق هذاك بين الشارعين ماكو صبّه .. بس انه في تراب كثير بحيث ان السيارة ما تقدر تمشي داخله .. المهم دشت السيارة لهذا التراب و يوم دشّت كانت داشة على الجنب لأنها كانت قاعد تلتف بالشارع اساسا .. دخلت على جنب ومن كثافة التراب اللي موجود.. الجنب الايمن للسيارة غطس داخل التراب والسيارة كانت جاية مسرعه فـ أدى الى ان الجنب الايسر للسيارة ارتفع فوق .. خلاص تبي تقلب السيارة .. وكان اساسا جنبنا شجرة ... يعني وحده من الثنتين يا اننا نقلب او اننا ندعم الشجرة .. ولكن قدرة قادر يا ربي لك الحمد صار بين السيارة و بين الشجرة شعرة ... جان ترد السيارة لمكانها الطبيعي و استقرينا .... طبعا كل الكلام اللي انا كتبته صار بأقل من ثلاث دقايق طبعا ..
بس يوم استقرينا فتحت الباب ونزلت لأن اللي وياي كانوا يطالعون لي بوجيه غريبه ... وجيههم يومها كانت عبارة عن علامات استفهام و تعجب ...
يبون يعرفون اللي صار ما قدروا ... وانا نزلت من السيارة بغيت أموت من الضحك على وجيههم .. كانوا معصبين بس واحد جزاه الله خير اعجبتهه السالفه الظاهر و نزل يضحك معاي ...
وتم سحب السيارة الى المنطقه الصناعيه حيث ان القير قام و بنجر التاير اللي ورا و ما وياي سبير يومها لأن كنت قبل يومين مركب السبير :s
وانتهت هذه القصه ...
كانت في شهر 12 سنة 2006 ...
بس للأمانه : يوم ارتفع الجنب الأيسر للسيارة استانست انا .. لأني حسيت يومها اني طيار .. :)
ملاحظة : اللي ما فهم كلمة ( السايد ) .. في شغله تكون في بعض السيارات جنب القير بحيث لا وقفنا نسحبها فوق و يطلع صوت ( طررررررررررر ) لأن هذا هو مثبت التواير عشان السيارة لا اتحرك كلش ....
و شكرا
محدثكم :
راحل بعيد
موقف جنوني .. الحمدلله ان الله ستر علي و على اللي راكبين معاي يومها ...
كنت بالسيارة و معاي ثلاثه من الشباب .. رايحين للبر .. بالتحديد منطقة الاطراف .. ( طريق منفذ السالمي ) ماشيين يومها تقريبا بالسيارة مية اربعين و مالنا من الشيطان طاري ..
طبعا أنا اللي كنت أسوق السيارة من قرادة حظي .. المهم وانا قاعد اسوق و الشباب مندمجين مع الاغنية قلت اسوّي اكشن شوي بالطلعه و استعرض بالسيارة ,, طبعا اتخذت هالقرار عقب مناقشة تمت بيني وبين شيطاني اتفقنا بعدها اني اسحب السايد .. ( السايد بريك ) اللي جنب القير يجي .. نسيت اني حضرة جنابي مسرع وان احتمال ما اقدر اتصرف بالسيارة لا سحبته الشيطان ما قالي هالسالفه .. المهم سحبت السايد ...
انا سحبت السايد مني .. الا السيارة تقوم تلعب مني .. طبعا طريق السالمي خط سريع .. و ورانا سيارات مسرعه ... المهم يمين يسار يمين يسار لين قررت انا جزاني الله خير :) اني ادخل السيارة بين الشارعين عشان افتك من السيارات اللي ورانا .. المهم الطريق هذاك بين الشارعين ماكو صبّه .. بس انه في تراب كثير بحيث ان السيارة ما تقدر تمشي داخله .. المهم دشت السيارة لهذا التراب و يوم دشّت كانت داشة على الجنب لأنها كانت قاعد تلتف بالشارع اساسا .. دخلت على جنب ومن كثافة التراب اللي موجود.. الجنب الايمن للسيارة غطس داخل التراب والسيارة كانت جاية مسرعه فـ أدى الى ان الجنب الايسر للسيارة ارتفع فوق .. خلاص تبي تقلب السيارة .. وكان اساسا جنبنا شجرة ... يعني وحده من الثنتين يا اننا نقلب او اننا ندعم الشجرة .. ولكن قدرة قادر يا ربي لك الحمد صار بين السيارة و بين الشجرة شعرة ... جان ترد السيارة لمكانها الطبيعي و استقرينا .... طبعا كل الكلام اللي انا كتبته صار بأقل من ثلاث دقايق طبعا ..
بس يوم استقرينا فتحت الباب ونزلت لأن اللي وياي كانوا يطالعون لي بوجيه غريبه ... وجيههم يومها كانت عبارة عن علامات استفهام و تعجب ...
يبون يعرفون اللي صار ما قدروا ... وانا نزلت من السيارة بغيت أموت من الضحك على وجيههم .. كانوا معصبين بس واحد جزاه الله خير اعجبتهه السالفه الظاهر و نزل يضحك معاي ...
وتم سحب السيارة الى المنطقه الصناعيه حيث ان القير قام و بنجر التاير اللي ورا و ما وياي سبير يومها لأن كنت قبل يومين مركب السبير :s
وانتهت هذه القصه ...
كانت في شهر 12 سنة 2006 ...
بس للأمانه : يوم ارتفع الجنب الأيسر للسيارة استانست انا .. لأني حسيت يومها اني طيار .. :)
ملاحظة : اللي ما فهم كلمة ( السايد ) .. في شغله تكون في بعض السيارات جنب القير بحيث لا وقفنا نسحبها فوق و يطلع صوت ( طررررررررررر ) لأن هذا هو مثبت التواير عشان السيارة لا اتحرك كلش ....
و شكرا
محدثكم :
راحل بعيد
تعليق