{ ~~ ... انتفاضاتي .. في فضاواتي ٍٍٍٍ ]]]

[راحل بعيد]

ما أقسى من ( بروجكت ) وسط إمتحانات
إلا جفاك اللي رسمته علينا ...

وما أقشر من اللي درستني ( ثقافات )
الا انت يومك تهدم اللي بنينا

يا أصعب من ( الإحصاء ) و ( الإحتمالات )
درس الهوى شرحه ما هو في يدينا


يالله عسى حبك يعدي سهالات ..
و ننجح بـ قصة حـب حلوة تبينا ..


و سلامتكم ..

هذا تأثير الدراسة والله



لـ راحل بعيد
عبدالوهاب الدلح العنزي

[راحل بعيد]

القلب مات و قمت اشوفه مهو قلب
... ... ... من دون وصلك واقف ٍ ما تـحّرك ..

دام الزمن سالب وجودك معي سلب
... ... ... ما أظن فيه أخبار باقي تـسـرّك ..



راحل بعيد ..

[راحل بعيد]

في غيبتك ما عاد باقي معي شي ...

... ... ... كل المعالم في غيابك تشابه ..


مـيـت من الداخل و من خارجي حي
... ... ... أضحك على نفسي و كلي كآبه ..

جدد وصالك بالمشاعر ترا في
... ... ... لمواصل العشاق ديـم و سحــابـهـ

تعبت أجدد للأمل جـيـتّك لي ..
... ... ... في وقت أحداثه غشتها غرابة

لو فيك نيّة للوصل .. هذي ايدي
.... ... ... خذها لعالم حب مملي رحابه

و ان كنت ناوي صد .. ما نقبل الكي ..
... ... ... إنحر وريد القلب و إقصر عذابه ...



لــ عبدالوهاب الدلح العنزي

راحل بعيد ...

[راحل بعيد]

Enough !!!

[راحل بعيد]

تبــــا لكم .. أيها الإثنين اللي دشوا ركني و كتبوا من غير حق ..

سيكون مصير ما كتيتم إلى الحذف ...

و سيكون سبب الحذف هو : ( لأن لو كتبوا ثاني مرة مو بأحسن لهم )

[kaka 22]

قـــل قــســم

[راحل بعيد]

جراح بابا اضبط لي حالك ولا ترا شي مو زين راح يصير

[راحل بعيد]

سولفي للناس عني
قولي إني ما عرفت أختار من قلبي يحبه

سولفي للناس إني
ما عرفت أقرأ وجوه الحاضرين من الأحبه

................ أعترف لك أني فعلاً ما عرفتك
................. ما قدرت أوصل مع قلبي لحل وما فهمتك


تجمعين الضد في كل الأمور
غامضة مرة ومرة مثل نور

تشبهين أيام أوقات الخريف
تمطرين أحيان بإحساسك زهور

صدقيني صرت من بعدك أخاف
وأعترف أن الخلاف واسع طريقه

وأننا ما نلتقي في أي شي
بيننا أختلاف ....

للاسف هذي الحقيقه

يا رضاها وقف وناظر شوي
شف غلاها كيف سوى لشخص حاير

وكيف حي ولا لقاها وأن لقاها ما بقى في أيدينه شيئ
غير أنه يحتريها

وسولفي للناس عني

[راحل بعيد]

.
.
.
.
.
.
.
.
.
.
.
.


حتى الشـــعـر من صـــدمــــتــي مـــا حـــضــــرنـــي ....

.
.
.
.
.
.
.
.
.
.
.
.
.
.




عبدالوهاب العنزي

[راحل بعيد]

يا غايــــــبــــــة

كـــــل الـــشـــقا مـــحـتــريــــنـي ...
.
.
.
.
.
.
.
يـــومك رحلتي و الفرح ودّع و راح

[راحل بعيد]

.
.
.
.


كن ربي خلقها من بياض الــغيـــوم

و من كفوف السحابــــة بالورود لقحت ...!
.
.
.
.
.
.

[راحل بعيد]

ودعتك الله عسى في بعدنا خيره
لا تطري فبالي ولا أطري فبالك


هذا قصيدي بطا مابان تأثيره
وهذي سنيني مضت ماذاقت وصالك


لا صرت ضامي شعور تزيد هالحيرة
وشلون تروي عطش قلبن تعنالك


الا على طاري قليبك وتغييره
قلبك من اللي خذاه وغير احوالك!!


ما جيت أعاتب ولا جيت بهدف غيره
وش فايدة هالعتب والحب متهالك


جيتك أعينك على حلمي وتدميره
علي ما هنت يومي شفتك لحالك


جيت أبتسم للزمن وأحضن مقاديره
وأبوس راس الجروح اللي من أفعالك


أكذب اذا قلت عقبك زانت الديرة
لا صرت كل الوطن والعين مدهالك


وأكذب إذا قلتلك ما جبت لك سيره
ياما بذكرك ضويته ليلي الحالك


أصرخ «نسـ... واحتضن هالدرب وأسيره
واطرد ورا... يتك» لين تجيبني قبالك


من زود شوقن سرت يمك طوابيره
شف كيف روحي غدت تحسد بك أظلالك


وشف هالقلم كيف عاندني بتعبيره
اكتب « كرهتك » ويكتب « اترك هبالك »


وشف هالطريق انطوت عقبك مشاويره
وشف هالخطا كيف تثقل دون منزالك


وشف كيف قلبي أسيرك عاف تحريره
وشفني وانا أعانده وأقطع به حبالك


خلاص أبدفن ألم وأحضن أمل غيره
ضاع العمر رابط آمالي بآمالك


مادام حبك تحدى في مضاميره
اسمع صهيل الفرس من تحت خيالك


وان جاب زولي خيالك في تصاويره
أو مر صوتي على سمعك ونادالك


سم وتعوذ وردد: علها خيره
لا تنتظرني... ترا طيف وتراوالك



لـ / عبدالعزيز الدلح العنزي ...

.
.
.
.

http://www.alraimedia.com/alrai/Arti...aspx?id=117949

[راحل بعيد]

بعض الحلول أحيانا ً تكون خيره
حتى ولو جاتك معاها كم طراق ..

يعني حبيب ٍ ما درى وش مصيره
مع حبيبه .. كن ما هم بـ عشاق

ما هو ضروري تكتمل هالمسيرة
الحل الأنسب في عيوني بالـ فراق



و الحل الأنسب يا حبيبي هو فـــراق ...
و الحل الأنسب يا حبيبي هو فـــراق ...
و الحل الأنسب يا حبيبي هو فـــراق ...
و الحل الأنسب يا حبيبي هو فـــراق ...


لـ عبدالوهاب الدلح العنزي

راح ـــل بـــع ـيــــد

[راحل بعيد]

ياللي طلبتوني قصيدة جديدة
يا هوب وقفوا واسمعوا هالقصيدة

الشخص فينا نعرفه بالفعايل
والنادر اللي له فعايل فريدة

أبا أتغنى في تفاصيل واحد
مراجله في دنيته هي رصيده

أبا أتغنى في تفاصيل مشعل
النادر الحر الشجاع الوليده

شخصٍ ليا من شفت زوله أهلّي
ويفز له قلب الغلا من وريده

ماهي غريبة و الطويلة لأهلها
ياما تعنّت للطويلات إيده

ياخي ترا مدح القصايد بـ يتعب
أخاف أقوله .. ما يكفّي .. و أعيده

و أرجع وأجمّع مفردات و معاني
و أعجز على مدح الفعول المجيده

الا تعالوا .. قبل اكمل قصيدي
عشان بس أخلي المدح سيدا

تدرون من جده !! ابو عايد اللي
لا شدت الدنيا .. يمينه شديده

واللي أسولف فيه مشعل.. فحلها
فحلٍ يمينه للمكارم عنيده ..

ما جيت أهايط مثل هذا و هذا
أقوالي بمشعل و ربي سديده

لو جيت أبكتب جزء من طيب فعله
يمكن أعبي تسعمية جريدة

من بعد ربي لا تضايقت جيته
و أقلط بصدره والمراحب عديده

ما هو من اللي لا قسى الوقت باعك
وقت الشدايد ضربته من حديده

ما دامه معرّب ومن صلب وايل
فعايله بالطيب ماهي جديده

واللي يبي يستغرب اللي حكيته
بقول له كلمة و جملة مفيده

تشرح وراثة طيب من راس طيّب
وتبرر أسبابي بـ رسم القصيدة


صياح إبن لهمود نسل الهيازع
معرب الجدين .. مشعل حفيده


هي كيبوردية سريعه إهداء إلى اخوي مشعل العنزي أرجو أن تتقبلها على تصير مني :) فـهي مهما كانت لن تفيك حقك .




لـ عبدالوهاب الدلح العنزي

راحل بعيد

كتبت بـ تاريخ 18 - 7 - 2010

[راحل بعيد]

اقوى من سلاح الإباده مع بوش
نظراتها لا سلهمت بنت أبوها

قلوب خوش ٍ عودت ما هي بـ خوش
من يوم شافت جيدها لعنبوها

في جيدها وسم المعاشيق منقوش
كل من نظرها قال: يمه اخطبوها



لـ عبدالوهاب الدلح العنزي