لقيت روحي .. بعد مانا لقيتك وبعد اللقا أرجوك لا .. لا تغيبي * صعب عليّ أبقى وانا مانسيتك إحساسي كنّي بين ربعي غريبي * كل ما تبي من عمري انا عطيتك حتى الخفوق ينطق بكلمة حبيبي * ليت النجوم تقبلها مني ياليتك في كل فجر بقول ياشمس غيبي * كم لي أصيح وأقول ياني فديتك ما عاد شيء من نصيبي نصيبي يا كل عمري .. لك بعهد وفيتك إنت حبيبي .. وباقيّ لي حبيبي * في هاجسي وحلمي و وهمي لقيتك حتى الأماني .. في الأمل لك تطيبي * أبد ما أظن إني في لحظة نسيتك وإن كان ذا ظني .. فالله حسيبي * وهذي مناتي .. بعد مانا لقيتك أبي حياتي .. تهتويني حبيبي * لقيت روحي .. بعد مانا لقيتك وبعد اللقا أرجوك لا .. لا تغيبي
يمر بين الناس يسألهم ريال **** شايب وحافي والرقع في ثيابه
صوت العصى لا دقت الأرض موّال **** موّال حزنٍ رددوه الغلابه
الوجه شاحب والتجاعيد تختال **** والوقت والأيام صاروا ذيابه
بنك الزمن أهداه مليون غربال **** وأصبح رصيده ممتلي بالكآبه
ماتت طموحاته ولا عنده آمال **** يبكي على وقتٍ مضى في شبابه
صبّت له الدنيا ثمانين فنجال **** تجرع الأحزان علقم شرابه
قربت منه وقلت له كيف الأحوال؟ **** ونظر بعينٍ كلبوها غرابه
عمّي علامك ضايق الصدر والبال؟ **** أكيد بك سرٍ ولا أحدٍ درابه
بدى يفضفض قال لي خمسة عيال **** سطوا على مالي وصاروا عصابة
قالوا سفيهٍ صابه جنون وهبال **** وصك المحاكم زوروا في كتابه
نسوا كفاحي لأجلهم شلت الأحمال **** واليوم كلٍ للوفى صك بابه
باعوا أبوهم للأسف لأجل الأموال **** باكر في يوم الحشر ويش الإجابة
والله حسافة صرتوا عيالي أنذال **** يا كيف ابوكم ما حسبتوا حسابه؟
طال الحكي ويّاه ياليت ما طال **** يبكي قهر مسكين من حر مابه
حبيت راسه تمتم بصوته وقال **** الموت أبطى وين حضرة جنابه؟!
من عرفتك وانت يتزايد غلاك،،
وصار قلبي بالمشاعر يحتويك،،
ماحسبت العمر من دونك هلاك،،
لين بات الشوق في عيني إليك،،
إنت آمر وقلي بس وشهو مناك؟!
ومن عيوني غصب عن عيني يجيك..
تعليق