""""(خواطري)""""

[jree7-al3een]

السلام عليكم ورحمة الله وبركاته




لا أعرف كيف أبدأ ولكن سأبدأ .

هنا سأكتب هنا بعض من خواطري الشعريه وأتمنى أن تنال اعجابكم , ولا أعلم ان كان هناك غير الخواطر الشعريه .




ولكم مني كل التقدير والاحترام ,,,,

[jree7-al3een]

ان كـان ودك (يأريـش العـين) تـرتاح

رح في طريقك وأتـرك (الهـم) عندي

رح في طريقك عـسى ربـي ياصـاح

يحرصك من (عين الحسود) المعدي

أعـرف تـرى قـلـبي( يــودك) ولا باح

بسر(ن) كـتمه من أعـلوم(ن) تعــدي

قـالـوا عـلامـك؟.. وقـلت ياصاح ياصاح

خـل العـلوم الـلـي تـعـدي... تـعـدي

[jree7-al3een]

ردا على بيت أعجبني لا أعرف شاعره ...


البيت ..


خلاص أبرحل وأترك جروح الأيام ,,,, وأنسى بعد قلب(ن) جرحته بأياديك



الرد ....


خليت أنا عقبك أعلومي والأحلام ,,, وجلست مع ليل(ن) طويل(ن) أناجيك

أبيك أنا واللي خلق علم وأوهـام ,,, والـلـي رفـع سـبـع السماوات أنا أبيـك

أدخـل عـلى الله أنـك تـرد الأيـام ,,, وتـرجـع لـقـلب(ن) زاد وجـده ويـغـلـيـك

[jree7-al3een]

أبيات أعجبتني ..


كان المسافه ترفض اني أشوفك ,,, خل أتصالك غصب عنها يجيني

وان كـان أتصـالك تـمنعه ظـروفك ,,, يكفي رسايل شوق بينك وبيني

وان كان مالي حظ حتى بحروفك ,,, خلك بعيد ومسكنك وسط عيني

[jree7-al3een]

أن كان بالدنيا (تعثر لقانا) ,,’’,, عندي أمل (يوم الحشر) ألتقي فيه

[jree7-al3een]

الحب ولع ,, ومعه ,, الشووق ولع
وأنت تدري ,, بحالي ,, ولا تراعي

[jree7-al3een]

طالت الغيبه ,,,
وقلبي على أمل لقياك ,,,

ظروف عصيبه ,,,
تمتحني أنا وياك ,,,

ودي أنا ,,,!
ودي أكون أو لا أكون ...

مرات أحس ,,,,
لا .. دايم تخيب الظنون ,,,,

ياغايتي يادنيتي ,,,,
والله مدري ويش أبي ,,,

اللي أعرفه ,,,
اني ابي تصدق معي بعض الظنون ,,,
ولا تخون ,,,,,

أبي أعيش ,,,
مثل مايعيش طير الحمام ,,,
بحب وسلام وشوق وهيام ,,,
ودي أعيش ,,,

وللأسف كل الأسف ,,,
مات الحمام ,,,
ومعه مات السلام ,,,
وشوقي والهبام ,,,

وطالت الغيبه ,,,
وقلبي على أمل لقياك ,,,,

الظروف العصيبه ,,,,
تمتحني أنا وياك ,,,,



(من ما يجول بخاطري)

[jree7-al3een]

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

[jree7-al3een]

،؛،.. أنا جـــيت كـــلي ..،؛،

ماهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

ولي عين حالي دمعها لك يهلي ..
.. وانْ رحْت راحت مالح الدمع تزعجْه

غالي ولا يحتاج بسّك تغلي ..
.. غلاك اخذ قلبي وروّضـْه واسرجْه

ولو قلت ياعيني بصدره تملي ..
.. شافت خفوق ٍ حبك الذرْب توّجْه

وماهو على كيفك عقب ما حصلي ..
.. من ذوّق المحتاج يصبر الى ازعجْه

(عطيتني وجهك وانا جيت كلي ..
.. محروم والمحروم ما ينعطا وجْه)

[jree7-al3een]

في غيبتك ما ألد منا ومنا ..
.. ذكراك تملى وحشتك في غيابك

بالوقت في شوفة حلاك اتهنّـا ..
.. في وقفتك في مشيتك في ثيابك

لاجل العيون الناعسات اتغنّـا ..
.. الله يخلي لي غـلاك وشبابـك

البوح لك في شوفتك ما تسنّـا ..
.. مثل الكفوف الى شغلها التشابك

نسيت نفسي بين خنـه وحنّـا ..
.. بين العيون وبين صافي عذابك

[jree7-al3een]

الله يهديك لي يامن نويت الفرقا

[jree7-al3een]

تقول اللي خلقني خلق غيري ,,, وأقول أدري لكن الناس أجناس



أحبك a

[jree7-al3een]

ماهقيتك يابعد عمري تخون ,,, لين شفتك تشبك ايدينك بايديه
الله أكبر كيف خابن الظنون ,,, وضاع عمري كله وأنا ارتجيه

[jree7-al3een]

http://hamdybibo.jeeran.com/iloveyou/files/128255.jpg

[jree7-al3een]

الناس تبارك لي بشهر رمضان ,,, ولا شفت نور العين من بين هالناس