][.، نَـزْف الـقَـلَـمْ ،. ][

[صاحي لهم]

بسم الله الرحمن الرحيم

..

.

هُنا سأكتب ما يدور في صدري من مشاعر مختلجة داخل ذلك القلب المعذّب ..

.

إنت الذي توجتك إحساسي شعر
وبنيت لك في وسط قلبي مملكه

وليا جفيت أخلق لك أسباب وعذر
واقول كثر الوصل والحب أربكه

ظلمت شعبك يامليكي بالفقر
فقر المشاعر في عروقك أنهكه

.

:)

[صاحي لهم]

..

.



::

تعبت من قسوتك وإشتقت أرى فرحك
إلى متى في برودك تقتل إحساسي

حتى التماثيل تبكي دم من جرحك
ساعات أشك إنك إنت إنسان يا قاسي

::

[صاحي لهم]

..

.

مابي أكون إلا معك
ياأغلى وياأجمل من رأيت

ودي أشوفك وأسمعك
في كل لحظة ما حييت

.

..

[صاحي لهم]

.. بيتين كتبتهم بأبوي ..

.

يفداك كل الناس يامكرم الضيف
ياللي على مد الكرم لك عوايد

كان الكرم به زود عند التواصيف
أنا أشهد إنّك بالتواصيف زايد
.

[صاحي لهم]

.

.

إلى من ملكت قلبي ..

وأسرت مشاعره ..

وأضرمت النار في أشواقه ..

فـ كانت أظلم الجميلات ..

وأعدل الملكات ..

على أغلى المملكات ..
.

.

[صاحي لهم]

..

.

فديت طلتها وفديت الشامتين
أم الجمال اللي يحرّك شجوني

اللي ملكت قلبي من أول كلمتين
من دون حتى لا تراها عيوني

تقول ما فارقتك إلا ساعتين
ما تدري إن الساعتين إذبحوني


.

..

[صاحي لهم]

.

كيف (يقذفني) بأنّي ناسي
والقصيد أقل من إحساسي
والسكوت إن طال مر وقاسي
والكلام أصبح صعب بلساني


أنت ياللي تتهمني .. وينك
شوف قلبي اللي غدا بيدينك
أو دقيقة حط عيني بعينك
وتعرف وين الغلا ودّاني

.

[صاحي لهم]

تدري متى الجرح يبطي وقعه ويالم
لا جاك من ناس أنت اللي تعالجها

.. سعد علوش ..

[صاحي لهم]

.

خلاص مالك في خفوقي ولا شي
هدمت بيدك كل معنى الصداقة

كنت أحسبك من حارق الشمس لي في
وأثرك على جرحي تشفّق شفاقه

بنساك وإنساني ولا تتصل بي
أبـقطعك وأقطع جسور العلاقة

.

[صاحي لهم]

::

اللي كذا حبّه لو تموت مغبون
ولا لك إلا الصبر وش ودّاك له ؟؟

::

[صاحي لهم]

أبيات من قصيدة قيد الإنشاء :

::

مالقيت من الصبر الا الالم
ومالقيت من الامل الا السراب

راح عمري في عذاب وفي ندم
لين صرت أميّز أنواع العذاب

صوت آهاتي بصدري إنكتم
لين خفّاقي من الصدمات ذاب

المحبة صارت بعيني وهم
والصداقه مصلحة على حساب

واحد(ن) مثلي بطيبه إنظلم
ما درى إن الخطأ أصبح صواب
::

[صاحي لهم]

ملل :-

::

مليت من حبك ومليت منك
ومليت من طيبي ومليت مني

مادام أدنى شي يبعدني عنك
خل البلاوي تقصر الشر عني
::

[صاحي لهم]

أغنية رائعة للفنان محمد عبده في البومه الاخير

إسم الأغنية : أحوال

تقول كلماتها : ..

أنا مقدر أكون أني حبيب في بعض احوال
انا كلي اجي والا اروح بعزتي كلي
خذاني لك سؤال في عيونك والجواب محال
خذاني منك دمع في عيوني مارضى ذلّي

أنا اخترت الفراق ومادريت ان الفراق وصال
اقول إني نسيتك بس مدري كيف توصل لي
تجيني في الاغاني في السوالف في سؤال الحال
تجيني كل ماشميت عطرك ويتخيلي
رحلت انت وتركت لخاطري طيفك وصبر طال
غدت ذكراك شمس ماتغيب وصورتك ظلي
حكيت ومالقيت من الحكي إلا الندم موال
سكت ومت بالحسره ولا أدري وشهو أحسن لي

أحبك كل مافيني يحبك ياخلي البال
تخيلتك دواي وصرت جرحي الصعب ياخلي
تعبت ارحل مع وجيه البشر بنساك بالترحال
ولا ادري وش يجيبك في وجيه الناس وأهلي

[صاحي لهم]

قالوا إنّا بدو .. قلنا على روس البرايا
بدو .. نعرف نقطع الراس لا حان انقطاعه

والبشر ماتجهل إنّا اذا جينا فدايا
نقلب الدنيا على راسها في نصف ساعه

.

صح الله لسانك يا مهدي آل حيدر

[صاحي لهم]

.

.

اليوم خلّي علامه صار متغيّر
لا الحكي حكيه ولا الاسلوب اسلوبه

ماأذكر إني غلطت وصدق متحيّر
وأنا أذكر إنه يغطي غلطتي بثوبه

مادام حتى قصيدي بحبه مسيّر
أبنطره لين أعرف اليوم وشو به

ماقال حتى "أحبك" .. صدق متغيّر
لا الحكي حكيه ولا الاسلوب اسلوبه

.

.