{ عشان أحبك هات لي خاتم ( ألماس ) ... ( و رصيدي ) خلص دز لّّّيّ كرت عبّه }

[ĎєνiL.ĞιRL]

يابنت روحي ورثي الحـب للنـاس
قولي توفى شيء وأسمه ( محّبـه )


يمكن يتوب اللي بلا قلب و إحسـاس
ويراجـع ايـام الخـطـا ويتنـبّـه


صار الهوى لعبه على كـل مـرواس
عجيب هذا الوقت ربـي .... وربّـه


عشان أحبك هات لي خاتم ( ألماس )
( و رصيدي ) خلص دز لّّّيّ كرت عبّه


هذاك يبغى حب يرفـع بـه الـراس
وهذا يهين الـراس لـو كـان حبّـه


كلٍ على الثانـي يطقطـق وهـلاس
ونور الحقيقـه مابـه أحـد ٍ يشبّـه


هذا الذي صاير بـلا عـد وإقيـاس
وآخر طريق الحـب , ذم , ومسبّـه


الحب ماهو هرج فاضي بـلا سـاس
الحب كنه .... نهر يـروي مصبّـه


الحب أسمى من أكاذيـب الانجـاس
يبقى .... ولو كـل الاوادم , تذبّـه


لاباس ياقلبـي بمـا صـار لابـاس
عيبك ! صدوق وعيبك اليـوم خبّـه


مدام بحـر الحـب بالكـذب ينـداس
مالـك , ومالـه طالبـك لا تطـبّـه


البنت راحت ! ترثي الحـب للنـاس
قالت توفى شـيء و أسمـه محبـه

[ام بدر]

كل شي جايز في هالزمن ، وتحريف معني الحب صاير من ابرز هالامور ، الكثير من الناس استغلوا الحب اسوء استغلال

بما ساعد على تشويه صورته في اعين البعض الاخر ولكن في نظري ونظر الكثير يبقى الحب فوق كل الشوائب

نقي طاهر بعيد كل البعد عما ينسب اليه وما الخطأ الا ممن يحبون او بالاحرى ادعاء الحب .


غريب ما كتب ولكنه مميز يطرح واقع موجود بالفعل واحداثه ماثلة امامنا ، لا يسعني سوى الشكر لما كتب

دمتم بحب

[شمّوخ? آِنسـِآن]

هذا ينسمى حب مصالح الى دارج بوقتنا

الحب الى بهذا الوقت اثنين مافيه ثالث لهم ياحب مال او حب جنس

الحب الى نعرفه اشبه بالمعدوم ,, تسلمين وماقصرتى ع روعه مانقلتى

دمتى بحفظ الرحمن

[ĎєνiL.ĞιRL]

حيااكم

منورين الموضوع