طاش ماطاش كويت777

[فيرووووس بنـ؟ـات]

مشكورة اختي يسلمو لج بس تعديل خطا الوفاه كانت في يوم22\7\2007

[دنووش]

امممم ..

فيرووس بنات ..

تدري !!!

انا سعيده جدااا جداا ..ان بالمنتدى ناس نفسك ونفس الدلع مبتليني نفخر فيهم ..

والله انكم نعم التربيه ..

انا عن نفسي والله اني افتخر بوجودك بالمنتدى..

ولاتندم على اي شي صار ..لانه مكتووب ومقدر ..واكيد ان فيه خير ..

فالخيره فيما اختاره الله ..

استمتعت جدا بقراءه قصتك مع شعور مزج بالالم ..

الله يرحم الوالد ويغفر له ويسكنه فسيح جناته

بالنسبه لايام الغزوو كلنا ماننساها .,.من اصعب مراحل حياتنا اللي مرت علينا ..لاننا من سكان الشرقيه ..ولان حتى ابووي رابط كضابط بحري وماقدر يسافر معانا ..بوقت من الاوقات حسيت اني راح افقده ...بس الحمد لله عدت على خير ..

الله لايسامح اللي كان السبب ..

**توني ادري ان ميلاني اخووك ..ونعم الاخوو والله ..عائله مميزه

تحيااااتي

[البحر الهادي]

مرحبا شوفو شموخي

ابي اقول قصتي بالعاميه
-----------------
انفصل ابوي عن امي ونا صغير جدا كنت تقريبا 7 شهور وبعد مده تزوجت امي من رجل اخر
طبعا انا مع جدتي ام امي معاها وهي امي الله يرحمها عشت طفولتي عند عمي زوج امي
احسن تربيتي الله يجزاه كل خير ويجعلها في ميزان حياته وكان لي الاب علما بان امي وجدتي
اصرو علي ابي ان اكون عندهم طبعا وافق
كبرت درست اول سنه عند ابوي اولي ابتدائي طبعا شوفو شنو صارلي من معاناه وآلام لبعدي عن
جدتي التي هي حياتي في الدنيا كل يوم اجي من المدرسه ونا ابجي ابي جدتي ابي حظنها
-----------------
صف الثاني لم استحمل ولم يستحملني ابوي رجعت لحضن جدتي ودرست عند زوج امي - صارت مشاكل
ولا بد منها المهم كبرت وصلت لمرحلة الثنويه العامه كثرت مطالبي علما بانني والحمد لله
شاب عاقل ملتزم ولا عندي خرابيط وهذا من فضل ربي لي شوفو الكلام الذي يجنيني من جماعتي واقربائ
واقرب الناس لي حطمني حيل وعقدني وذبحني ونا صغير حي بهذه الدنيا بلا روح تصدقين كانت تاتيني كوابيس عجيبه جدا لحد الحين اذكرها لانهم تقريبا كل يوم اتحلم بها ابي اقولها لكم = كنت أتحلم باني اصعد الدرج بسهوله ولكن عندما اريد ان انزل لا استطيع واحس باني سوف اقع من الدرج لدرجة انني احبي علي عتب الدرج ونا في اشد الخوف
احس ان الارض بعيده عني واقوم من النوم ونا مفزوع من الخوف شديد = والثاني= كنت دائما افقد وحده من نعالي عزكم الله وابحث عنها ولا اجدها واكون في حيره من امري توني لابسها وين راحت احس اني كثرت عليكم اكتفي
بس جدتي رحمة الله عليها كانت هي لي الاب والام والاخ وكل شيء-- آه )شوفو شموخي ذكرتيني في مواجعي وفي جدتي
المهم عزمت ان أتوظف وفعلا توظفت ودشيت الدوره - تصدقين شوفو جاني كلام يقولون هذا الصبي فاشل
مو مال وظيفه ووووووووووووووووووو
بس حسيت في كلامهم لي مثل التشجيع لي صبرت وتحملت وتخرجت وجدتي وامي فرحين جدا لي ودمعة
جدتي وامي لي ونا فرحان وسعيد اني بديت بحياتي من الصفر ولم اطلع مثل ما قالو
شريت سياره بدت حياتي من جديد ابتسمت لي الدنيا من جديد خطبت بنت عمي السعوديه واصريت عليها
ان تكون زوجتي بسبب مشاكل مع ابي
-----------------
صار الغزو بعد التحرير تزوجت مع مساعده من جدتي كونت عائله حسيت بالامان حسيت بالمسوؤليه حسيت بالحب والشوق للحياة
من جديد اثبت وجودي عند ابي واهلي واقربائ شريت بيت المستقبل سنة 95 علما بانهم لم يصدقون بانني سوف
اشتري بيت وغيره رزقني الله باول مولود وهو مشاري حبيبي حسيت بفرحه عجيبه وانا مع عائلتي الصغيره
حتي الكوابيس والله انقطعت عني ولم تاتيني
توفيه جدتي رحمة الله عليها وعلي المسلمين وهي ان شاء الله راضيه عني ..................
لم اطلب لا دينار ولا 1000 من ابي ولا غيره
وانا الان رب عائله سعيد ومرتاح مع زوجتي وابنائ واهم شيء فعلته انني قمت لا اهتم بالكلام الذي اسمعه
اذا انا علي صح
علما بانني واصل الرحم بين ابي وامي وعائلتي واقربائ ولم انساهم لا بالافراح ولا بالحزان
اعتقد اني طولت عليكم

البهلوان== معلومه عن البهلوان انا احب الضحك والغشمره والروح المرحه لا الحزينه
والجد في اوقات الجد والرجوله في وقتها

[شوفو شموخي]

احترامي لذاتك البهلوان


ربي يرحم جدتك ويطول عمر الوالده ويقدرك على برها


وربي يسعدك مع ام العيال وتفرح في مشاري وتشوف عيال عياله



انت رجل عصامي بنيت نفسك وتحديت الصعوبات واثبت انك رجال وهذي مفخره لك ولعيالك عوضهم وعطهم حنانك


لاني مؤمنه ان فاقد الشي يعطيه وبقوه !!!



على طاري الاحلام انا نفس احلامك


بس دوم احلم اني في مصعد واحول اتصل والجوال مايشبك!!


واحيانا في سياره مو قادره اسيطر عليها!!!


طبعا كل هذا من العقل الباطن والرواسب اللي فيه!!الله المستعان


تدري الذكي اللي يسمع الكلام السيء من الناس وياخذه تحدي مع ذاته ويوصل لكل اللي يبيه!


انا وحده عشت طفوله مزعجه !!1لو ماساعدت نفسي كان انهرت من زمان ومرت علي لحظات ضعف حاولت



انهي حياتي فيها بس ربك كريم!!!


لما الناس يشوفني يفكرون ماعرف الهم ووانا والهم صحبه بس ماحب اشتكي!!كان عندي صديقه لما قربت مني


اكثر انصدمت وقالت لي اللي يشوفك مايصدق انك تعرفين الهم!!!


بابا وماما انفصلوا وانا عمري 3 سنوات وكنت اعشق ابوي يجي ياخذني عنده الويكند لحد مازوجته حرقتني



وبعدها انحرمت من شوفته!!!بعد سنه تركها ورجع للوالده رحنا امريكا وعشت هناك سنتين


ورجعت وعمري 7 سنوات ودخلت المدرسه


تزوجت من 11 سنه لكن فقدت بابا للمره الثانيه وهذا الشي المني كثير لانه بالنسبه لي صديق


تزوج من وحده اصغر مني والحين اشوفه في السنه مره



ااااااااااااااااااااااااااااه شنقول ربك كريم



انا اللي طولت ولايهمك اخوي حنا هنا اسرتك الثانيه,,,فمان الله

[البحر الهادي]

شوفو شموخي
الله يخليج لزوجك واولادك
وبخصوص الوالد وزواجه فهذا من حقه الشرعي وستر له
ولا بد من الرجل ان يرتاح مع من يحب
اما ما تشوفينه فهذا خطأ منك انتي لا بد ان تسألي عنه
او اقل شيء تتصلين عليه وتسمعين صوته ويسمع صوت اولادك
حتي يحس بوجودك بقربه === الحال من المحال
سوري علي التدخل
البهلوان

[شوفو شموخي]

هلا فيك اخوي


انا اتصل واشوفه بس لما قلت سنه من باب المبالغه في وصف الالم


لكن مو مثل اول فقدته من حقه يتزوج لكن التكافيء مهم وهو تزوج وحده اصغر مني واجنبيه!!