اجتماع عاجل كويت 777

[شوفو شموخي]

نوال:تعلن ادارةالمنتدى عن عقد اجتماع عاجل للأهميه,,,,


وصلوا الاعضاء والمشرفين لغرفة الاجتماع وابتدوا يتوقعون سبب عقد الاجتماع


الطاريء!!!


شوفو شموخي:اتوقع انه في عضو زودها بالتحلطم ,,بنت فضل تقاطعها


غناتي انتي قلنا لك طنشي !!ترد شوفو:انا ماقلت انا اقول!!يمكن يكون


سبب يدعي للاجتماع وبس<<<عصبت


عاشقه الورد:يوووه الله يعيني على الثقل مدري وينهم طولوا؟؟؟

انا ماقدر ااقعد واييد الدكتور يقول لازم ارفع رجل عشان الاملاح


الزعل:اذكروا الله ياجماعة الخير ياخبر اليوم بفلوس بكره ببلاش!!!


الدلع:بسراحه مفروذ من زمان يسون اجتماع عشان الكل يقول اللي في خاطره


ولا الواحد يسوي مواضيع ويتعب ومحد يدش!!ياربي شكثر اعاني



سكريم كوين:تدرون شباب انا اتوقع انه السالفه ومافيها انهم

بيغيرون اللوك حق المنتدى


الدلع:اي سراحه لو يسونه احمر ورمادي يطلع حده ستايل


دنوش:ياناس اصبروا شوي لازم نتحرى الدقه مو بس كلام وتضييع وقت


نوال:شباب +بنات عندي لكم الخبر اليقين


صوت واحد :هاااااااا بشري



نوال:ماكو بس حبيت الطف الجو:)



شوفو شموخي:والله ملاغه حدها <<<جديه ماتحب المزح


بنت فضل:واي انا كليتي ذابحتني لازم كل شوي اشرب سوائل مقدر اطول



فيرووس:والله تبون ا لصراحه المفروض انه الاجتماع للبنات لحالهم وحنا لحالنا


البنات من جليوا بس تحلطم وتخمينات!!

البهلوان:حرام عليك عاد البنات زينة الحياه


فيرووس:خو ماقلنا شي بس ذبحونا هذره سكتوا شوي ,,اقول عندك بندول



ديمون:انا بصراحه مواصله من امس ابي انام شوي اذا جات عانس قوموني:)

بيغ بوس:والله حتى انا احتاج غفوه


لا تنسون تقومونا مو تجي عانس وتشوفنا ((فضيحه)):)


بنت فضل+شوفو شموخي=يحشون


اقولك كأنهم هالايام حاطين على العام ؟؟كنه مافيه غيره اقسام


شوفو:اي والله بس تدرين خل نشد حيلنا شوي العذال ودهم بالزله



بنت فضل:شقصدك؟؟

شوفو:نويل شفيك ركزي معاي شوي!!!كل مره اعيد<<زعوله


خلاص وطي صوتك لايسمعونا


تويتي:شتقولون؟؟لا ابد يالغاليه قاعدين نفكر مين نحط في هذا العضو اعطانا


الكثير؟؟


تويتي:اها حسبت شي ثاني

بنت فضل:لاثاني ولاثالث


شوفو:تدرين حطيها هي يمكن سمعتنا :)


شفتي كنتي بتفضحينا حسبي الله عى ابليسك؟؟


بنت فضل تقول لشوفو يلا كملي مين العضو الي تقولين باط جبدك

شوفو:يلا اسمعي



شباااااااااااااااااب فهود دخل:سمعوا انا عندي كم اقتراح بطرحهم في الاجتماع




جلامور تقول للدلع :ماتلاحظين هالعضو ماشاء الله متحمس


الدلوعه:اي والله بسراحه مايقسر



شوفو:انا وراي زوج وعيال وغداء والادراه لسى ماشرفت<<<تتحلطم


بنت فضل:بصراحه انا بقعد نص ساعه وامشي ومره تعبانه مايصير هلون؟


ذوق:انا اليوم عندي امتحان رياضيات وحضرت بطلع اكمل الفصل الاخير


شوفو اذا ماعليك امر عطيني رنه !!:)



من عيوني شدي الحيل دكتورتنا:)



دنوش:انا بقعد ادور في الاوت لوك يمكن عندي مواد لازم اسلمها تنطبع

قبل الصبح


البهلوان:والله لهم حق البنات صار لنا ساعتين ننتظر وانا ديمه كل شوي تدق



فيرووس:من صبر ظفر


الزعل:هههههه قاموا يقولو امثال




اششششششششششش كنا صوت الباب



تدخل كاي متفاجئه :خير ان شاء الله شصاير؟؟



الاعضاء يطالعون بعض؟؟



كاي:شفيكم حد يرد علي؟؟


شوفو شموخي<<شجاعه:لا بس وين عانس؟؟


كاي:مشغوله اقدر اخدمكم بشي؟

شوفو تناظر بنت فضل:لا ابد بس قالوا اجتماع وجينا حنا من الساعه 10

هنيه!!!


كاي:اجتماع؟؟ّ!!!!مين قاله؟؟؟


نوال:هههههههه تعيشون وتاكلون غيرها بس حبيت اجرب اثر الاشاعه


وسرعة تناقلها !!!يعني ماستفدوا من الموضوع اللي نزلته في النقاشات


لما توفى بابا سعد وطلعت اشاعه على موت ابو خالد!!!


بس حبيت اشوف تصدقون ولا لأ ونشرت الاشاعه؟؟



كاي:حسبي الله على ابليسك يلا كل واحد يروح قسمه وانا اقول شكثر

المكرر وانتو هنا حضرتكم يلا الله معاكم!!



الاعضاء كل واحد يطالع الثاني وينطر كاي تطلع !!!


ودهم يفلعون نوال بأقرب شي !!كل هالنطره وفي الاخر فيران تجارب!!!



للأنسه نوال؟؟


نوال:لا تطالعون فيني جذيه مين قالكم تصدقون!!


لو فيه اجتماع كان استلمتوا خطاب رسمي من عانس!!!


شفتوا الاشاعات شتسوي!!!



شوفو لبنت فضل:هديني عليها خل اوريها شغلها


بنت فضل :اذكري الله وتعوذي من الشيطان انتوا مشرفات وعيب تتهاوشون


شوفو:اقول اسكتي تكفين لا اتهاوش معك انتي ترى حدي واصله !!



هين نويل اوريك!!!!



هاده بيتي وزوجي وعيالي وجايه على ملا وشي على قولة المصرين



وفي الاخر اشاعه!!!


نوال:تعالوا بردو على قلوبكم جبت لكم ايس كريم باسكن روبنز


شوفو قلبي انتي شتبين؟؟؟


فيه :شوكلاته ,,موكا,,, ريمبو,,,توفي,,,فانيلا



شوفو:شكرا ابي ميلك شيك



فيرووس:تلوموني لما اقول لكم اكره البنات



البهلوان:هههههه يبا الدنيا ماتسوى تعال نبرد على قلوبنا



الزعل:اي حطي لي شوي بودي لبنتي تحب شوكلاته بدون مكسرات


دنووش:انا مابي حلقي يوجعني




تدخل:فيوليت :شهالخيانه !!مجتمعين وايس كريم ونا اخر من يعلم؟؟



سمعتها جوري لينا:اي والله شكلهم احزاب عشان حنا جدد ماخبرونا



جلامور:لا والله حياكم مانسينا احد لكن لو تدرون شالسالفه بتعذرونا



قعدوا ياكلون ايس كريم وفجأه عاشقةالورد تصرخ



ااااااااااااااااااااااه بطي الظاهر جاها الم الولاده



اختتبصوا مايدرون شيسون!!!



قامت نوال تدور رقم زوج عاشق في الجوال ومالقته؟؟؟


وراحت تسأل عاشقه وهذيك تصرخ من الالم


وربي انتي انتي فاضيه نوال انا اتألم وانتي تسألين عن نك زوجي في الجوال


انتي شكو يالملقوفه؟؟؟


نوال:ول ول ول الشرهه علي خايفه عليك ابي ادق عليه يجي يوديك الدكتور




عاشقه :وليه انتي تدقين بالله؟؟انا غيوره ؟؟



نوال:والله بكيفك هذا جزاي؟؟انا اساعدك وانتي تفكرين في الغيره؟ وربي فاضيه




كيفك ولدي هنيه بالمنتدى وسميه كويت 3 سبعات:)



الزعل:لاتدرون خل ندق على الاسعاف



امممم هو كم رقمه؟؟؟


فيرووس انت دق انا ماعندي رصيد:)


مدري والله يمكن 777


يوم قلت ماعندي رصيد صرت ماتدري؟؟


وبعدين انا قول الاسعاف مو المنتدى!!!



فيرووس:ويهد انا فاهم عليك ماعرفه دق على الاستعلامات وخذه!!



عاشقه:والحين انتم تتهاوشون وانا ميته من الالم تصرفوا وشوفوا حل



بموووووووووووووووووت!!

&&&&&&&&&&&&&&&&&&&&&&&&&&&&&&&&&&&&&&&&&&&&&

هذا اول تجاربي في القصص اذا عجبكم بسوي الجزء الثاني:)

سامحون الكلام من باب الدعابه:)

بقلم:شوفو شموخي


واللي ماذكرتهم في الجزء الجاي ان شاء الله اذكركم

[KaY]

شوفو شموخي ..

موضوعج حده حلوو ~
بس حسستيني اني جديه وايد :$ ~
لول ..
ناطره الجزء الثاني حبوبه ~ : *
مبهره .. ~ ..

[شوفو شموخي]

سوري حووووبي


بس انتي الاداره احس لازم تكونين حازمه


بس يلا ابشري الجزء الثاني بحطك غير شكل:)

[صريح..!!]

هههههههههههههههههههههههههههههههههههههههههههههههههه هههه



خوش موضوع وقصه ميه ميه


الله يعطييج الف الف عافيه وتجربه جميييله


والجمييع بانتظااار الجزء الثاني


وللعلم ترى بنتي تبي الحلاو اوكي


هههههههههههههههههه


دمتي لنا سالمه ان شاءالله من كل شر يارب


فمان الله

[HoNeY RoSe]

خخخخخخخخخخ


كل واحد طلع على حقيقة لوول :p

طلعتي عصبيه (6)

واصلي اختي

حلوه كتاباتج

[الـدلـع مبـتليـنـي]

بسراحــــــــــــــه روعـــــــــــه


يعطيــجـ العافيه قلبــــــــ?



بانتظــــــــــــار الجــــــــزء الثــــــــانـ?

[كـلـي غـلا]

بهالأحداث .. وهالقصـه ..
حسستيني فعلا كأني بقاعه وإجتماع .. يجمع كل من المشرفين والمشرفات ..
و التزام من قبل الكل .. حتى التعبان جى مثل عاشقه .. حسستينا اننا كالأسره الواحده ..
أبدعتي يا " شوفو " أبدعتي بجد .. أتشوق كل الشـوق لمعرفة الأحداث بالجزء الثـاني ..

والله يقطع الرياضيات :p

[عاشقــ تويتي ـة]

لووووووووووووووولز عاد يبتيها والله انا احب اتسمع واتجسس :p

أحب أعرف الشي اللي يخصني واللي مايخصني :D

جان سائلتني عن رقم زوج السمية اعرفه :p
تسلمين حياتي والله ابدعتي والله
اسمالله عليج مبدعة والله

؛$

[ViOliet]

مرحبا يا غالية

ضحكتيني ... حلو الإجتماع و انا اقرأ و كإني بأشوف فيلم

تسلمي حبيبتي مجهود راائع

[nawal]

فديييييييييتج وربي

بصراحه


تنفعين كاتبة سيناريو بس ناقص الوقت والزمن

والحين وين اودي ويهي من الاعضاااء

<< انحرجت حيل

بس محد قالهم يصدقون الاشاعه صح

لووووووووول

ع العموم

يعطيح مليار عافيه يا قلبو


واستمري ابشوف شنو نهايتهااا

فديتج

[كويـتي][F.B.I][]

للاسف ماقهمت

بس مشكورين

برب

[جمعان بوند]

هههههههههههههههههههههههه

بانتظار الجزء الثاني


هههههههههه< ميت من الظحك

[بنت فضل]

سلمت اناملكـ،، ع الابداع الجميلـ،،
قصة ولا اروع حبيبة قلبي
اجمل مغامرة قرأتها بحياتيـ،،
فربي يعافيك على هيك تميز..
عافاك الله..
ولاحرمنا جديدك..
دمت نجمة متاقة في سماء منتدانا الصافية

ننتظر الجزء الثاني

على أحر من الجمر

تحياتي

بنت فضل ؛؛؛

[عيميه عسل]

تسلم الايادي

[شوفو شموخي]

كل الشكر لكم حبايب قلبي فرحتوني:)