يلا لعيونكم الجزء الثاني

[شوفو شموخي]

السلام عليكم ورحمة الله


نكمل الجزء الثاني مستعدين؟؟

نفس الشخصيات وزاد عليهم اعضاء ثانين لكن فيه ضيفة شرف : اسمها ((ايفي))


الشغاله اللي بالمنتدى وهي فيلبينه!


طبعا ظلوا فيرووس والزعل في حيره مو عارفين يتصرفون وعاشقه تصرخ من الألم


سمع عاشق صوت الصراخ وجاء:عسى ماشر ؟شالسالفه؟؟


الا بدخلة عانس :حشى رجاجيل يوقف على زندكم الطير مو عارفين تتصرفون؟؟



قومي حبيبتي اوديج اقرب اسعاف!!



راحوا المستشفى وبقوا الاعضاء في المنتدى كل واحد راح لقسمه لكن بالهم مشغول

على عاشقه؟؟


جاتهم نوال:ابشركم خبر عاجل عاشقه جابت تؤام:)


شوفو:اي كثري منها انا ماعاد اصدق منك ولاكلمه!


نوال:ايه صج اتغشمر :) لا بجد طلعت مجرد الالام عاديه من التوتر وباقي لها شهر


على الولاده


بنت فضل:زين الحمدلله الله يسهل عليها



هوني روز:بنات اا عندي فكره!!!شرايكم نسوي لعاشقه حفلة استقبال؟؟


البنات:اي والله من زمان عن الوناسه والحفلات خوش شي:)



بس وين نسويها؟؟


هوني روز:هنيه بالمنتدى !!والدعوه عامه


كويت777:االدي جي علي انا متبرع لعيونكم


فيرووس:وليه تتبرع اخوي قايلين لك حنا مقدمين بالشؤون ؟؟اذا فيه حفله تكون


قطيه وبالتساوي !!

الزعل:اي والله الحق مايزعل منه


البهلوان:والله خوش فكره بس مين راح يتولي مهمة الحسابات؟؟


شوفو:والله انا اشوف انه المنفي راح يكون قدها؟شرايكم شباب؟؟

شورك وهداية الله



خلاص الحين نسوي تصويت حق اليوم والوقت؟؟



البنات:نبيها الخميس المغرب؟


الشباب:لا الجمعه العصر احسن!!!



تويتي:ليه بالله انتو شعندكم غير هالدشداشه ولا حيا الله بنطلون وبلوزه وعلبة


جل للسبايكي وجايين حنا ورانا صالون وسوق وشغل وايد!!!



الزعل:يرفع حواجبه مو عاجبه الكلام!!


فيرووس:لاتدخل في نقاش عقيم ناقصات عقل ودين!!!



تويتي:نعم شقلت؟؟؟


فيرووس:ابد سلامة قلبك



مينونه:اقول فيرووس انا انصحك تستشير قمر اخصائيتنا يمكن تفيدك في عقدتك من البنات!!!


فيرووس:اقول سكتي دام النفس عليك طيبه انا حر وعاجبتني عقدتي وبعدين

انا ماناقشت العقال هالدور احاجي مينونه!!!



دنوش:تعالوا بنات نسينا الخميس ايفي ماتداوم؟؟لازم نعطيها اوفر تايم



وربي بدونها نضيع؟



شوفو:والله حنا نعرض عليها وبكيفها اذا مارضت حنا نقوم بلمهمه!!


بنت فضل:ايفي,,,,ايفي,,,,




ايفي:يس مدام؟؟



بنت فضل:انا يبي انتي ايجي هنيه يوم خميس عشان فيه بارتي حق مدام عاشقه



ايفي:واو مدام كلاس فيه ايجي بيبي ؟؟؟



بنت فضل:لامافيه ايجي بس هذا بارتي ((رسبيشن)) استقبال



ايفي:انا مايقدر اجي يوم خميس هذا اوف حق انا روح سوا سوا صديق جمعيه



اكل برد,,,مايقدر!!!!



دنوش:اقولك تكفين وبنعطيك 10 دينار زياده هذا شهر؟؟شرايك؟


ايفي:عيونها تدور كأنه عاجبها الكلام؟


شوفو: دنوشه لاتقعدين تترجينها هذول ماينعطون وجه ثقلي شوي؟


دنوشه:اقول حنا بحاجتها خل نحاول



ايفي:اممممم مافي مشكله مدام بس انا يبي زياده 15 دينار ؟اوكي؟!



شوفو:حسبي الله على ابليسك دنوشه قامت تبتزنا انتي دفعي لهاالفرق انا وراي


فاتورة جوالي مفصول مو ناقصه الميزانيه اختلت



بنت فضل:اوكي المهم تجين مو توهقينا!!!



ايفي:لا مدام مافي خوف انا لازم ايجي!!!



الدلع:بسراحه بنات انا لازم اروح السالون واحجز مبكر ابي اسوي اظافري فرنش



وميك اب وهاي لايت!!!


شوفو:خذيني معك ابي اسوي نيو لوك مليت



كاي:شعندهم الحلوين؟؟



كل الذوق:بنروح الصالون تجين معنا؟؟


كاي:اي والله ابي اسوي حواجبي جاينيز



لوفليا:سمعوا هذي شتقول حدك قديمه الحين الموضه كوارتر جاينيز!!!


كاي:لوفليا هذي حواجب ها يعني ماتتعوض؟؟

لوفليا :لاتخافين على مسؤليتي:)



كاي:بجرب بس لو خربوا بوريك نجوم القايله:)


ديمون:بنات الحين خلنا من الكاوفيره من وين نجيب البوفيه؟؟؟


الشباب :شاركونا بالحجي ولا حنا بس مستمعين؟؟؟


الزعل:بعدين اي بوفيه؟؟؟ غير الذبايح والمفطح مايوجب؟؟


الدلع:يييييييييييع انا ماأكل هالاشياء وبعدين ليه انت تردشينوال؟؟وايد؟؟


الناس الحين كله بوفيهات؟


شوفو:لا نبي بوفيه وحركات وبعدين عاشقه محتاجه تغذيه وتنويع<<عاش مصرف


فيرووس:انا عناد فيكم مابي بوفيه ومو دافع الا للمفطح!!!



الدلع:والله كيفكم اذا طلبتوا خروف انا ابي بيتزا



نوال:تدرون خل نسوي تصويت !!!


بنات+شباب طره ولا كتبه؟؟؟


كويت777 عاد بلا غش نبي مصداقيه




بيغ بوس :يلا انا اسويها ,,,البنات حنا كتبه




بيغ:اوه خساره يلا هارد لك شباب البنات فازوا



المنفي:يلا انا بروح المطعم اتفق معه,,,تعالوا نحتاج بطاقات دعوه؟؟؟



ريومه النزغه:ايه عادي فهود يسويها ويدزها رسايل خاصه



شوفو:ايه فهود لاتنسى الماستر قواك لله




فهود:ابشروا عيوني لكم



سكريم:عندي فكره:شرايكم ؟؟



جوري لينايلا قولي



سكريم:ليه مانخليها حفله تنكريه؟؟ وكل واحد يلبس قناع؟


عاشق:فكينا عاد شكلك متأثره بأفلام الرعب اللي تحبينها!!


سكريم:وانت شعليك انا قلت مجرد اقتراح وانا عاجبني قناع سكريم ((هالو سيدني))




بنت فضل:والله حركه تصدقون شرايكم شباب؟؟


احلى كلام:وانا على التصوير********يفكر في قسمه



شوفو:لقول ارتاحوا بس !!ناقصين وجع راس؟اليوم الثلاثاء وباقي يومين للحفله


ياالله نلحق نجهز نفسنا والاغراض!!



دخلت عنوس:ابشركم عاشقه بخير



ايه دريناغلاتي عندنا هنا وكالة رويتر الاخبار فريش توصلنا<<<شوفو شموخي



نوال:تف ,,تف,,تف لا اله الا الله ترى لو جاني شي من عين شوفو


شوفو:لاعين ولاشي ماقلت الا الصحيح...مو انتي ماشيه وتنشيرين اخبار صايره


بو بشيره:)


شرايك في النك حركه مو؟؟؟



نوال:تصفق شوفوا على ظهرها بس عاد زودتيها؟؟



شوفو:اتغشمر شفيج انتي؟؟




جاء يوم الخميس والكل مستعد والبنات كالعاده (((تحلطم ))مو عاجبهم شي:

انصح الشباب مايقرون لانكم ماراح تفهمون شي الا اذا استعنتوا بصديق:)




شوفو:قاصه الشعر وهاي لايت بس حسبي الله عليها قصرته وايد ابو الشباب مايحب القصير



نوال:بما انه شعرها بوي حاطه اكستنشين((توصيله))


ديمون:مسويه ويفي وتنظيف بشره


الدلع:اظافرها فرنش



كاي:اختربت حواجبها وحاقده على لوفليا


دنوش:مو عاجبها المكياج اوفر



بنت فضل:لسى تدور الصالون مضيعه الطريق



جلامور:تهاوشت مع مديرة الصالون قدمت وحده عليها وعصبت ماسوت شي!!!

سكريم:لوك مرعب اظافر وروج اسود



جوري:تحب النعومه وشعرها ستريت



هوني روز:ماراحت انا فنانه وسويت شغلي في البيت



عيميه عسل:انا وعنوس رحنا صالون سر مو قايلينه لكم :)



الشباب:الزعل ينتظر فيرووس يمره سيارته معطله في الكراج!!وعاشق مر على بيغ بوس



وليتني همك في طريقه!!وهم قريبمن المنتدى كان يدق عليهم البهلوان ماسكينه


قاطع اشاره حمراء ويبي يكفلونه!!كايدهم في صالة الاثقال يسوي ((ماسلز))


عضلات وفهود تخانق مع ابوه لأنه الخميس جمعة العيله مو راضي له يطلع



جمعان بوند:يدق غلى ميلاني :يرحم امك دق على البيت وقول للوالد انكم تبوني

ضروري بالمنتدى,,,,جدتي تعبانه ويبوني اروح ازوها >>>ماحبكت تتعب الا اليوم!!




مرت الساعات واخيرا اجتمعوا في المنتدى:بأنتظار عاشقه توصل


هيلب,,,,هيلب,,,,,هيلب!!!((صوت ايفي)))



شوفو:شفيك تكلمي شصاير صرعتينا!!!


ايفي:انا مافي معلوم مدام هذا فاير ((حريق))) كبير في مطبخ


بنت فضل:امبيه حرقتوا المنتدى؟؟؟ ياويلنا شنسوي؟؟


ايفي:انا مايدري مدام تويتي يبي توركيش كوفي انا حوطي على فاير بعدين ايجي فوق



فيروس:تصرفوا دقوا على المطافي الزعل سوي شي؟؟


وانتو ماعندكم غيري اسعاف,,مطافي ماي الا انا ؟؟يتصرف؟؟شوفو احد ثاني بيغ

اي احد نا بصراحه ماعرف ارقامهم ؟؟

البنات:يصرخون:شوفو:ياحسرتي عيالي راح يتيتمون بدري!!


دنوش:اي والله انا ماستمعت بدنيتي عندي احلام ماحققتها!!


الدلع:بسراحه مو خوش شي!!ابي ابوي ابي امي!!!


البهلوان:بس بنات لاتخافون الحين نتصرف ونسيطر على الوضع!!!


&&&&&&&&&&&&&&&&&&&&&&&&&&&&&&&&&&&&&&&&&&&&&&& &

ها شرايكم؟اصلح كاتبه؟نبيعه مسلسل كويت 777 ويتهاوشون علينا الراي وام بي سي



تعبنا من الصراخ والسرطان والبويات!!!خل نغير شوي:)


وبشرط يحطونه بعد فوازير حليمه حلا لملم !!عشان نضمن نسبة مشاهده عاليه


ونتقاسم الفلوس بس البنات اكثر لأنه ورانا عيدين<<<كيفي :)



السموحه

[عاشقــ تويتي ـة]

لوووووووووووولز وانا المصاايب ماتييي الا من تحت رااسي يعني :p

اما فيرووس بدع معاااي بالهوااش :D

تسلمين حبيبتي

ويالله موضوعج ثبتيه وكل اسببوع نبي حلقة ولا عليج أمر ؛$

[*عاشقه الورد*]

وانا بس قاعده اصرخ لووووووووووووووووووووووووووووول

امبي احس بحزه الولاده بقعد اذكر القصه واضحك ...بس عاد سالفه الاستقبال مو تاخذونه يعني قصه وتنسون ابي استقبااال صج انزين :D

وبوفيه ودي جي وكل شي لووووووووووووووول


تسلم يدينج قلب


ناطرين مزيدج

[BIG^BOSS]

السلام عليكم ورحمه الله وبركاته


لوووووووووووووووووووووووووووووووووول


روعه والله اختي خليتني ادش جو بلقصه الروعه الصراحه تصلحين كاتبه انا اقولج من الحين دخلي مجال السناريو وكتابه المسلسلات :) يعطيج العافيه وان شاء الله نترقب المزيد من القصص :) قواج الله



,
,
,
,
,


تقبلي مروري

[Demon of Dark]

روووووووووووووووووعه

يعطيج الف عافيه

وبنتظار الثالث :)

[البحر الهادي]

هههههههههههههههههههههه

تسلمين شوفو شموخي

رروعه بس انا الي اوزع الفلوس ههههههههههههههههههههه
المسلسل لووووووووووووووووول
بس حلوه الدلع

[المنــــفي]

يعطيك ألف عافيه
خيال خصب وترتيب جميل للأفكار
وأسلوب مشوق
بأنتظار جديدك

[nawal]

لووووووووووووووووووووووول

شموخي برافو وربي تصلحين كاتبه بس ينقصك السيناريو

ماعليج انا اعلمج الطريقه

<< مؤلفه ماهره

بس شدعوه سويتيني انقل اخبار حشا ولا كونا هههههههههههههه


يعطيج العافيه واااااااااااايد حلوه التكمله

[الـدلـع مبـتليـنـي]

حلـــــــــــــووو وايد تسلميــــــــــــــــــــن


بس شكلج داشــــه بالقوه فيني لووووووووووووولز بس ما عليه تمونين

[^دلوعة فريجنا^]

وااااااااااايد حلو

تسلم ايدج حبيبتي

كملي واحنا متابعين معاج :)

[HoNeY RoSe]

الآآآي يحليلي انا مبدعه طول عمري لووول :d

صاحبة الافكار << ثقه ثقه

يعطيج الله العافيه شوفو

..

[شوفو شموخي]

عاشقــ تويتي ـة

لوووووووووووولز وانا المصاايب ماتييي الا من تحت رااسي يعني :p

اما فيرووس بدع معاااي بالهوااش :D

تسلمين حبيبتي

ويالله موضوعج ثبتيه وكل اسببوع نبي حلقة ولا عليج أمر ؛$


لا ياقلبي سشوي انتي مصدر الهامي بعدين خلينا نفك عقدته<<ياويلها:):grazy:

اوكي عيوني بس مو كل اسبوع تعبت:icon_frown:

[شوفو شموخي]

HoNeY RoSe

الآآآي يحليلي انا مبدعه طول عمري لووول :d

صاحبة الافكار << ثقه ثقه

يعطيج الله العافيه شوفو




غلاي انتي :) الله يعافيك يلا نبي قصه من تأليفك نتنافس شرايك؟؟:drunk:

[شوفو شموخي]

^دلوعة فريجنا^

وااااااااااايد حلو

تسلم ايدج حبيبتي

كملي واحنا متابعين معاج :)



حياك الله غلاي وتسلم عيون تقرا لي :luvlove:

[شوفو شموخي]

الدلـع مبتليـني

حلـــــــــــــووو وايد تسلميــــــــــــــــــــن


بس شكلج داشــــه بالقوه فيني لووووووووووووولز بس ما عليه تمونين




غناتي سوري اذا ثقلت بس انتي دلوعتنا الحلوه:luvlove: