تويت
السلام عليكم ورحمة الله وبركاته
يلا تفضلوا الجزء الثالث والاخير:)
تمت السيطره على الحريق والحمد لله طبعا مافي خسائر بشريه ولاماديه بس
شوي محتاجين رتوش في الارشيف جزء منه احترق!!
طبعا تتسائلون كيف تمت السيطره على الحريق!!!والشباب مو عارفين رقمهم
السالفه ومافيها انه المنتدى جارنا شافوا الدخان واتصلوا على الدفاع المدني!!!
قرارا اداري بالاستغناء عن ايفي لانها جابت العيد !!وطلب ايجاد بديل بأسرع وقت
لما شافت عنوس المبالغ اللي دفعوها البنات في حفل ا ستقبال عشوق
للصالون عرفت انه مشروع ناجح وهي من زمان ودها بمشروع تجاري
تديره>>>مخها تجاري
قررت تفتح صالون كويت777 لكن هي مرتبطه بادارة المنتدى وماتقدر تجيب عمال
فكرت؟تكلف بعض الاعضاء بالسفر واتمام المهمه!!
الكل قام يتميلح ويحاول يبرز يكون في الصوره!!عشان عنوس تختاره
عنوس:لايبه انا من غير شي ودكتاتوره هالدور ارشح اعضاء للسفر!!يبه انتوا اختاروا
وردوا لي خبر بسرعه مو ناقصه وجع راس!!
عاشق حق الزعل:انا ودي اسافر بس ان شاء الله نروح ديره ماتحتاج فيزا شغلتها شغل
جمعان :وانا جوازي منتهي يبيله تجديد!!
كويت777:وانت ليه ضامن انك بتروح!!
جمعان:اذا خاطبك الجاهلون .....
كويت:انا جاهل يالجاهل
بيغ بوس:ياجماعه خلاص عيب ليه الكلام الفاضي اصبروا ونشوف!!!
فيرووس يبتسم:والله انكم توحفه يعني عمال من امريكا او كندا؟؟الا الهند
او الفلبين هم بيعطونك فيزا وببلاش عشان تزورهم!!
تويتي:ها كني سمعت الهند؟
فيرووس:يلا عاد جات النشبه؟
فهود:لا ماظن الفليين بعد ايفي وسواتها خلاص الفلبين بلاك ليست!!!
شوفو:اي والله ان شاء الله الهند خوش شي:)
كل الذوق:اي انا بروح وياكم لاني بصير دكتوره وهم يمدحون الطب في الهند
بنت فضل:اي كثري منها قولي بروح وبس لاتتحججين
كل الذوق:لاحجه ولاشي بعدين شوفوا ماتستغنى عني:)
دنوش:عاد انا مايبيلي كلام صحفيه ولازم اغطي الحدث!!
ديمون:اه بس حنا رايحين نجيب عمال ؟اي تغطيه هذي؟
دنوش:والله انا بكيفي ولي حق مثلكم
لوفليا:بنات شفيكم كلنا فينا الخير والبركه بس عاد انا مالكم غنى عني بترجم لكم
نوال:وانا يالخونه نسيتوني؟انا بروح ايب دراعه حنا عوش بنت عمة امي بالرضاعه:)
البهلوان:والله انا بروح استعيد ذكريات شهر العسل>>نصاب
جلامور:وانا رجلي على رجلكم شسوي في المنتدى لحالي اخاف؟
مشتاقه :بلا عياره فيه عنوس وراجو
عيميه:عاد انا منزله كم صوره لمكياج هندي في قسمي ودي اتاكد هم حلوات بالواقع
اجل ليه الشغالات يقطعون الخميره من البيت؟
كاي:خلاص بنات الماستر قرر انه يوديكم كلكم:)
وانا اولكم عشان محتاجين شغاله بدل ايفي وحارس وسواق للمنتدى والصالون
استعدوا الرحله يوم الخميس المغرب نلتقي في المطار الساعه 3 مابي تأخير
لو سمحتوا,,,فديتكم ولاتكثرون شناط؟
الدلع:انا بودي شنطتين يكفي مو ؟
شوفو:لا حبي خذي 9 ؟حنا بنروح الهند مو باريس
فيوليت:انا اقترحت بفتح قسم لبوليود وبجي اشوف الممثلين على الطبيعه
جوري لينا:مره متفائله مايدخلونك
فيوليت:بحاول بسوي المستحيل؟
محولا:راجوا طلب منها توصل لاهله ثلاجه وخلاط وسشوار لزوجته
المنفي:غسال سيارتهم قام يتميلح يبي كرتون منجا وجوز هند مجفف
البهلوان:زوجته مخبيه الجواز ماتبيه يسافر>>غيرانه
في المطار:
المنفي حق كاي :مايصير جذي دقي على البنات شوفي وينهم؟
والشباب بعد تأخروا الله يهديهم انا احب الالتزام بالوقت؟
شوفو:10 دقايق وانا عندكم بس اخرتني بنت فضل لسى تلبس!!!
جوري.كيوي.ريوم.مشتاقه.سكريم .تويتي. جايين بالتاكسي لكن ذوق تذكرت انها
نست الشنطه ولازم يرجعون يجيبونها؟
دنوش.ديمون.جلامور.لوفليا.الدلع, :اول الواصلين اخيرررررا
بعد ربع ساعه:كاي نسخ عديده للبنات الرجاءالحضور حالا
اثاريهم في السوق الحره يتشرون
الدلع محتاره تاخذ روج فوشي او لحمي؟
شوفو:ميته من البجي شافت العاب وتذكرت عيالها؟
بيغ:يشتري لامه ساعه
احلى كلام:يشوف العروض على الكاميرات
عاشق:يدور بطاريه لجواله نسى يشحنه؟
الزعل مع فيروس في ستار بوكس =تقهوي وحش في البنات
النداء الاخير :الرجاء من الساده المسافرين على خطوط تكا الجويه للرحله رقم777
والمتجهه الى دلهي سرعة التوجه الى البوابه رقم 7
شوفو:وي وي بنات النداء الاخير يلا بتطير علينا الطياره؟
الحين بو قلبين وفيرووس يدقون اصبع ودهم الرحله عزاب وبس
وصلوا على الوقت:وركبوا الطياره
بنت فضل :لاعت جبدي من الارتفاع؟وانسدت اذني؟
شوفو:كلي علك او ابلعي ريقك تنفك:)
نوال:اي والله يقولون الضغط حله العلك وبلعة الريق؟تخيلي قدامك كلب وميته من الخوف
وابلعي ريقك:)
دنوش:شوفو ماعندك شي اكله سناك ميته من الجوع>>>صدق المنفي
شوفو:عندي ليز حار بس
الدلع:وحنا ابتدينا مع الحار من الحين؟
شوفو:تدرين دلوعه مفروض تجيبن لك قوطين رهش وكرتون درابيل من الشمالي
اكل الهند حار مووووووووووت
لا تخافين انا باكل توست؟
شوفو:متفائله ماعندهم الاجباتي تاكلينه من دسومته تنامين يومين؟
ديمون:يمي يمي انا اموت بالسبايسي
جلامور:بنات يقولون مو زين للقولون؟
الزعل:بس سكتوا شفوا المضيف يشرح خطة السلامه مو كل مره تستنجدون
فيني الا مطافي الا اسعاف ؟؟
بيغ:وياريت استفدنا منك:)
فيرووس:تبي البنات يسمعون؟احسن خلهم لو طاحت الطياره نفتك منهم ويصير
المنتدى ازرق بأزرق:)
وصلو بالسلامه,,,,ماشاء الله العدد كبير واضطروا ياخذون باص وطول الطريق
يسولفون عن الرحله واللي جاي؟؟اوووووووووووووووووووووووووص
السواق:مافي قرقر وازد ؟
شوفو:اقول انت تحسبنا راكبين ببلاش حنا دافعين لك شي وشويات؟؟
السواق عيونه حمره:ايس فيه كلام ؟؟؟
شوفو خافت والتفت على تنتوشه:ابس فيه قول ليه تنافخ؟؟كيفنا بنتكلم ودنا الفندق
هوني روز:بنات يبيله رجال يسكته
السواق:ايس فيه ايس قول؟؟
كويت:هدوني عليه شكله ماكل فلفل مولع؟؟
البهلوان:لايبه هدوا بالكم انا اتصرف؟؟احنا يبي روح فندق ممكن ودي؟؟
كويتي اف بي اي:لا تعبت نفسك وفسر الجهد بعد الجهد بالماء
لوفليا:انا كنت بتكلم بس ابيكم تسنجدون فيني:
بنت فضل,,شوفو,,دنوش...تويي:يلا عاد بالغرور تكلمي مالنا خلق وانتي المترجم
طيب:بليز وي وانت جووو تو اوتيل ناو
السواق:ايس هادا كلام نا مافي معلوم عربي ,,انجليس؟؟؟ اردو بس
شوفو:يلا النشبه من وين لنا اردو الحين؟؟
محولا:قلت لكم اجيب راجو مرشد سياحي رفضتوا كان انقذنا؟؟
صايعه:ياحبك للشماته
هتلر:جبتها:خلونا نرسم لوحه لفندق
شوفو:يلا دنوش ورينا شطارتك
دنوش:انا صحفيه ماقالوا لك بيكاسوا ماعرف؟؟
بنت فضل:هاتوا انا ارسم كلها عامود طويل ومقسم::
السواق: يهز راسه اها انا الحين معلوم:)
تويتي:ياشين الطينه شق الكشره وطشر دهن راسه علينا ويييييييييييع
شوفو:اي والله لوع جبودنا
كاي:وي لايسمعكم خل يودينا على خير
الزعل:عيب تويتي ,,شوفو,,لاتقعدون تعيبيون عليه؟
الحين مو توك منزله موضوع في النقاشات ياولد المصريه؟؟ليه التناقض
شوفو:لاتناقض ولاشي ليه انت ماعندك روح الدعابه؟؟امزح اخوي
مشتاقه:ماعليك منه يحسب حنا في المنتدى
البهلوان:رجاء سكتوا لايولع علينا كلنا وصلين حدنا من التعب مانبي مشاكل؟
الدلع:يووووعانه
شوفو:ليه ماكلتي في الطياره وصيتك؟
دنوش:انا كلت وجبتها كانت نايمه لما جابوها
ديمون:انا مشتهيه برغر
شوفو:اووووووص الله يهداك هنا يعبدونه ماياكلونه
ديمون:وي نسيييت سوري
لفوا الليل كله الفنادق كلها فل !!ا
الزعل:يؤسفني اني اقولكم لازم ناخذ خيام وننا في الغابه لين الصبح؟؟
البنات:لو تموتون عندهم ثعابين وايد
فيرووس:احمدك يارب
كاي اسفه حبايبي لكن مجبرين خل اكلم الماستر يشوف لنا حل
بنت فضل.شوفو:ايه اشتغلت الواسطات
كاي:ابشركم لقينا فندق 4 نجوم نجزر فيه لما بكره نطلع واحد ازين منه
نوال:انا مابي غير 5 نجوم
ديمون:احمدي ربك كنا بننام في الغابه العوض ولا القطيعه
شوفو:انا بطاريتي فضت؟
الشباب للبنات يلا شعليكم نوم للظهر وحنا ورانا شغل من الصبح
جاء وقت النوم :شوفو :بنت فضل لاتسكرين النور اخاف:بنت فضل :انا احب الظلام
عاشق وبيغ بوس:شوف البنت قطعه تهبل
الزعل للبهلوان والله بجد حلوين بديت افكر بالثانيه
المنفي:شباب العقل زين حنا جايين لمهمه
فيرووس:اللي مو عاجبه يروح لداره
المنفي:اجل غير النك طلع مايناسبك يقولون للسفر 7 فوائد!!
ناموا وقاموا الصبح:الدلع لجلامور:وين البنات؟مدري يمكن نزلوا البوفيه؟
عاد انا ماكلت شي من امس؟يوووعاانه
الدلع:شوفو:وينكم :تحت نفطر قومناكم ماقمتوا
اي والله قعدنا نسولف للصبح وراحت علينا نومه الحين ننزل نفطر
شوفو:لا مافي وقت اطلبي من الغرفه خلاص شطبوا
نوال:خلاص بنات ابي انام
ديمون:بجد مزعجين خلونا نرتاح
جلامور:قوموا افطروا راح البوفيه علينا
الدلع:وي وي وي عصير فلفل.اومليت فلفل..كروسون فلفل..سلة فلفل منوع
حتى الكورن فليكس فلفل:( اووووومبيه شنسوي؟؟
ديمون:عادي انا صحبه مع الحار
الدلع:ليتني قعدت في الكويت ابرك لي
نوال:لقيت الحل فيه سلطة فلفل منوع وايس كريم فلفل ودقوس
جلامور********مليغه
شوفو لدنوش:حطي الاخبار خل نشوف شصاير بالدنيا
بنت فضل:امبييييييييييييييييه سونامي بالطريق
البنات للشباب يلا لحقوا خل نرد ديرتنا لانموت هنا يرجعونا رماد((يحرقون الموتى))
المنفي:والعمال نرجع بدونهم
شوفو:اي عمال يبه انا عندي عيال
**********************
قومي يايمه قومي وراك امتحان
ذوق:يوه يايمه سونااااااااااااااااااااااااااااامي
امها:اسم عليك بنيتي شكلك تحلمين كله من ضغط الاختبارات فديتك تعوذي من ابليس
قومي غسلي وجهك وروحي المدرسه
ذوق:الحمدلله بجد حلم يفزع الله يحفظ منتدانا من كل شر
امها:لا تكثرين عشاء قبل النوم:)
ذوق:ايه يايمه تووووووووووووووووووووووبه
تحياتي:شوفو شموخي
.gif "Smile777 (44)")
تعليق