تويت
زائر كتب "انا اول مره ادش على هذا الموقع بس لما دشيته اكثر من مره حسيت اني حبيته...انا بنت عمري 26 سنه.وما اجذب عليكم انا واايد واايد جيكـــره واايد واايد مو شويه..انا ادري انكم بتستغربون شويه اني قاعده اقول عن نفسي جذي بس هذي الصراحه..عندي اخت لي اسمها ليالي عمرها 21 سنه السنه الي طافت تزوجت والحمدالله هي مو جيكره مثلي..ما اقدر اقول عنها ملكة جمال لكن هي مقبوله الحمدالله..واخوي تزوج لانه هو كبير وعمره 31 وامي بعد عمري مريضه ما تقدر تقوم من السرير...انا ارعاها واعتني فيها واايد..وانا بس اشوف البنات الي قاعده تتزوج يوم بعد يوم اتحسر على نفسي للحين مو متزوجه..ادري ليش لاني جيكره..يا ريت الله سبحانه وتعالى خلقنا كلنا حلوين لانه الجمال هو اهم شي الحين في هذي الحياه وبدون جمال الانسان ما يسوى حتى انه يكون فراش او خدامه والناس تنظرله نظره مو حلوه ....وانا الحين ما احب اطلع واايد لانه الناس الي تشوفني وبالذات الشباب ينظرولي نظره مو حلوه او بمعنى اخر نظرة شفقه على شكلي ولما اروح اكلم احد من معارفنا احسه مو مصدق متى بروح احسهم بيتدايقون من شكل عيوني...وفي يوم اختي ليالي حبيبتي جرحتني بكلامها وما ادري ليش وقالتلي..لا تضحكين لا تبتسمين...قلت لها ليش؟؟ قالت بقولج بس بدون زعل ضحكتج وايد وايد مو حلوه وقالتلي بطريقه انها قاعده تتمصخر علي تقول مسكينه للحين عانس؟؟ يلا يلا ما الومج على ويهج..انا طحت من البكى وطول الليل عيوني ما جفت...بس والله العظيم رغم هذا الكلام الي قالته انا احبها للحين وحبي لها بيزداد يوم بعد يوم...واتى اليوم الي قاعده افكر في بشي خطير انا عندي حساب بالبنك 63 الف قلت بروح بسافر اسوي عمليات تجميل...وفي يوم وانا طالعه من البيت وقاعده افكر لقيت شيخ دين طالع من المسجد قلتله ممكن سؤال؟ قلي تفضلي قلت له شو ذنب البنت الجيكره انها ما تتزوج وانا ما اقدر الوم ربي استغفر الله العظيم.....وبعدين قالي الشيخ
..الجمــــــال مو مهم المهم اخلاق الانسان وعقله وتصرفاته وذكائه واهم شي بالبنت شخصيتها...قلي شنو يسوى اذا البنت حلوه وايد وما عندها اخلاق ؟؟؟؟ لا يا بنيتي الغلط على شبابنا الحين وعلى اليوم هذا الي احنا وصلنا في الي صار الانسان يهتم بالشكل اكثر من حقيقة الشكل والجمال للــــه سبحان وتعالى"
..الجمــــــال مو مهم المهم اخلاق الانسان وعقله وتصرفاته وذكائه واهم شي بالبنت شخصيتها...قلي شنو يسوى اذا البنت حلوه وايد وما عندها اخلاق ؟؟؟؟ لا يا بنيتي الغلط على شبابنا الحين وعلى اليوم هذا الي احنا وصلنا في الي صار الانسان يهتم بالشكل اكثر من حقيقة الشكل والجمال للــــه سبحان وتعالى"
[/align]
[/align]
تعليق