قصة شمه و خليفه الجزء الثاني

[كافي صدمات]

حصه وهييه اتريا خوها تقول حق شمه : الله يستر يويلي منه اذا ما ضربني ولا تراني مذبوحه
شمه : هههههههههههههههه الحمد الله انا ماحصلوا حد في البيت
حصه : انت من ستويتي تسوين مصيبتج وانا اللي اطييح فييها
شمه : فدييييييييييييييييييييييييييه حصه ههههههههههههه
حصه : ههههههههههههههه ياله انا مروحه وصليني يلين الباب
شمه : ياله انا بعد اريد اشوف اذا يت امي ولا لا.


خليفه في السياره:

خليفه: حصوه منو اللي كانت ويااج
حصه: هذي ربيعتي شمه
خليفه: انزين انا ماقلت حق حد عن السالفه
حصه وهييه مستانسه و مستغربه في نفس الوقت : مشكوور
خليفه : بس .. هييه اللي كانت وياج وانتي يايه صوب السياره
حصه : هييه ......... ليش!!!
خليفه : ثنويه عامه مثلج؟
حصه : هييه ....... بس ليش هذي الاساله كلها؟؟؟!!
خليفه : لا ما شي...

بعد فتره اتفقن حصه و شمه انهم ايبون مدرس وتحاول حصه تقنع امها

دخل عليها خليفه وهييه تصيح سالها عن السالفه وقالتله :

حصه : يبنا مدرس علم نفس في بيت ربيعتي واريد اروح عندها اراجع لان ما باجي شي عن الامتحانات
خليفه : و بين منو من ربعج؟؟؟
حصه : بيت شمه ربيعتي .. امي تعرف امها وخواتي ربع خواتها و ما عندها خوان كبار عسب ما ترضون اسير
خليفه : خلاص متى بتسيرين عسب اوديج
حصه : سبوعين يلين بداية الامتحانات من يوم السيت
خليفه : خلاص الدريول بي باجر وهو بيودييج و بيبج بس مسحي دموعج وعن الصياح
حصه : ان شالله ......... بسير اخبر شموه
خليفه: هههههههههه

مرت الايام ويا يوم امتحان علم النفس وسارت حصه عند شمه عسب يذاكرون مع بعض اتصلت حصه حق خليفه عسب تقلها انها لازم تتاخر عشان يخلصون مراجعة الكتاب :

حصه : مرحبا خليفه
خليفه : مرحبتين هلا حصه
حصه (وعدالها شمه تكلم الخدامه): انا اريد اتاخر شوي عسب اخلص مراجعة المنهج
خليفه: انزين انزين بس منو عندج يتكلم
حصه و بدون شعور : شمه تكلم الخدامه
خليفه (خذ ثواني يسمع صوتها): خلاص يوم بتخلصيين سويلي عسب ان طرش الدريول
حصه : ان شالله..

على الساعه 11.00 اتصلت حصه حق اخوها عسب يطرشون الدريول وهييه اول مره تتاخر عن البيت وهييه فيها نوم وتعبانه ولازم تنش من الفجر عسب تراجع للامتحان

طلعت حصه وياها شمه توصلها لين الباب و شمه بعتقادها ان الدريول في السياره تمشي وهييه فاله شعرها والشيله على طرف راسها...

خليفه ما صدق عينه تمنى توقف الدنيا عند هذي القطه اللي يشوفها اللي كان يتمناها من اول يوم لمح فيها شمه ويوم وصلو السياره وانتبهت حصه قالت حق شمه

حصه : على ما اظن ان خليفه اللي ياي ياخذني
شمه وهييه مب منتبه عدلت شيلتها : خلاص عيل انا برد داخل واشوفج باجر
حصه : ان شالله على خير
شمه: حصييص سلمي على هلج وقولييلهم مشكوووورين انهم خلوج تيني
حصه: ههه انشالله يبلغ...

في السياره:
خليفه ساكت وهو يتخيل شمه تمشي جدامه

حصه: تسلم عليكم شمه وتقلكم مشكورين عسب انكم خليتوني اي اذاكر عندها
خليفه : الله يسلمها من الشر ويخليها لاهلها
خليفه : هييه مخطوبه؟؟!! ( وهو يرد على سؤاله في خاطره ان شالله لا ان شالله لا )
حصه وبستغراب من سؤاله : لا ......!!! ليش؟؟!!!!!!!!!!!!!!!!!
خليفه : لا بس مجرد سؤال

خليفه وهو في العزبه ويا ربعه :

خليفه سرحان وربعه ما يعرفون شو السالفه خايفين يسالونه ويتضايج لانه من طبعه انه عصبي شوي بس عنده واحد من ربعه لو شو بينهم بس ما يفرق شي بينهم اسمه ضاحي

ضاحي وهو يتكلم بصوت واطي: خليفه شو بلاك سرحان و مالك بارض لشي جنك عايف حيالتك ؟؟!!
خليفه : تعال و يايه خاري و بقلك.

طلع خليفه و وراه ضاحي و تمشو واخر شي يلسو على عرقوب بعيد عن العزبه خذو فتره ساكتين خليفه يتريا ضاحي يسال وضاحي يتريا خليفه يتكلم

ابتدا ضاحي وساله: عسى ما شر شو يلاك خليفه من فتره انت مب بوعيك دومك سرحان ومتضايج
خليفه : ابتدا يعد قصيد وفي اخر بيت
لو ادوي وصوف في كل هذي البلاد *** ما لقيت شي يوفي وصف اللي اشوهه)
رد عليه ضاحي: و منو هذي اللي تشوفها
خليفه : ما شي خلاص انتهت السالفه قوم نرد العزبه
ضاحي: مب ساير يلين تقلي شو اللي في خاطرك
خليفه: ههههههههههههههه ما يهمك بي يوم وبتعرف
ضاحي : انا مب ساير وين سرت بركي الموتر و بروح


مع تحيات::: ســ الخواتم ــيد

[Z@G®†éY]

اخوي لو الموضوع الجزء الأول مكمله على الجزء الثاني يكون

احسن موحلوه اذا حطيته موضوع وهذا موضوع

ويعطيم العافيه حوبي

[كافي صدمات]

صح لسانك اخوي فهودي

الله يعافيك

مشكور ع المرور

[Ferrari]

ويعطيم العافيه حوبي

[كافي صدمات]

الله يعافيك اخوي


مشكور ع المرور