.+. خيانــتين لقلب واحد .. في وقت واحد .. قصة حقيقية !! .+.

[عاشقــ تويتي ـة]

السلام عليكم ..


يمكن تستغربون ليش أحط هالموضوع هنيه بعد ما تقرونه ..

اهو مو موضوع .. في الواقع اهيا قصة . ..
لكن كانت خلف الباب المغلق .. اللي راح افتحه لكم الحين ..

قصة حقيقية .. صارت لوحدة من صديقاتي و اللي قد تكون قاعدة تقرا الحين ..

قصة ترويها بنفسها لي .. و مع كل حرف تنطقه .. أشوف قلبها يتقطع بين ايديني ..
و روحها تتعذب جدام عيني ..
القصة عبارة عن خليط من ابيض و اسود ..
من حب .. و كره ..
صداقة .. و خيانة ..

السؤال يقول : ( من متى يجتمعون الحب و الكره مع بعض ) و (من متى يجتمعون الصداقة و الخيانة بوقت واحد )
يجتمعون في القصة هذي ..

3 صديقات ..
حبوا بعض .. كأي صديقات بالدنيا .. و يمكن أكثر ..
اذا مو مع بعض برا .. يكونون مع بعض بالنت ..
تطورت علاقتهم الى درجة ان كل وحدة تعرف اسرار الثانية ..

اللي صار ان في يوم من الايام ..
وصلت اضافة ايميل بالمسنجر لوحدة من البنات هذوله (خ) ..
و قبلت .. و ما تدري منو الشخص اللي ضافها ..

ثاني يوم .. عرفت (خ) ان اللي ضافها شاب .. من ايميل وصل له يحتوي على ايميلات وااايدة .. يعني ايميل اندز لوايد اشخاص فقام الشاب (ح) هذا و ضاف البنت منه ..

و تمت علاقتها فيه عادية جدا .. سوالف و ضحك حالهم حال أي عضوين بالمنتدى مثلا ..

و في مرة .. وحدة من الصديقات الثلاث .. (د) عرضت على صديقاتها ان تضيفهم مع شخص ..
في انفايت ..
طلع ان الشخص هذا ,.. اهو الشاب نفسه (ح) ..
طلعوا ال3 يعرفونه .. من نفس القصة ... من الايميل اللي وصل لـ(ح)

و بعد فترة .. دار حديث بين (خ) و الصديقة الثالثة (ف) .. سألت فيه (ف) عن الشاب (ح) اذا كانت تحبه (خ) او لا .. ما لقت اجابة محددة ..
عرفت (ف) ان (خ) .. جربت السم القاتل اللي يسمونه الحب ..
لكن الغريب في هذا الحب .. لو عرف (ح) ان (خ) في مكان .. يروح لها و يشوفها من بعيد .. لهالدرجة .. ما دار بينهم حديث بالتلفون .. و لا علاقة او مواعد .. لكن كان في حب .. عالأقل هذا اللي لازلنا مؤمنين فيه ..
و كانوا الصديقات ملاحظين .. ان هالأثنين .. ذاقوا الحب ..

و بعد فترة ..
و بعد ملاحظة تغير في الصديقة الغامضة (د) .. دار بين (د) و (خ) حوار قاتل و غريب

قالت (د) : انتي تحبين (ح) ؟؟؟
(خ): أي .. :$
(د)ترا اهوا ما يواطنج عاد ..
(خ): هاه ؟؟ شلون ؟؟؟ ليش ؟؟
(د)لول لا اتغشمر معاج شفيج . .. بقولج شي ..
(خ)شنو ؟؟ :s
(د)لا خلاص دام تحبينه ماراح اقولج ..
(خ) شنو قولي ..
(د) لا ماراح اقولج ..
(خ) بلــــى ..قولي ..
( كأنها تعمدت تقول لها ماراح اقول أو تقول لها ترا ما يواطنج .. عشان تفتح السيرة .. اللي يايتكم بالطريج .. )
(د))آنـــا ...

























(خ) : انتي شنو ؟؟

(د): آنا اكلمــــــه ..


تكلمينه ؟؟؟؟؟؟؟؟؟؟ ..
بالتلفون ؟؟؟
و لا مسنجر ؟؟؟؟
و لا شنو بالضبط ؟؟
مايك يمكن ؟؟؟
(( تحاول صديقتنا انها تستوعب .. ))
شلون .. و ليش ..
و من متى ؟؟
و الحب اللي كان ؟؟؟
و كل شي انقال ؟؟
و كل شي صار ؟؟
و ليش صديقتي و حبيبي يكلمون بعض ليش ؟؟؟

(د) : لووول لا عاااادي تقزورة تقزورة شفيج ..
(خ) اوكي باي بعدين ادق عليج ..

-----------------------
تقزورة ... و شوفوا التقزورة شنو تسوي .. في قلب إنسانة ما عرف غير البراءة ..
ما كانت قادرة تصدق اللي يصير ..
مو قادر تستوعب شي ..
حست ان جسمها صار ثقيل .. و الدنيا تفر فيها ..
مو عارفة شنو تسوي ... أو منو تصدق ..
ماكان بيدها شي ..
اللي زاد الطين بلة .. و الأمر .. اكتشفت انه ايضا كان يحاول في الصديقة الثالثة (ف) اللي لاقته بعدها في بلوك و دليت .. و ما حاولت تعرف اخباره .. خوفا على مشاعر صديقتها ..

و بعد ان انتشر الكلام عن ذاك الشاب .. الذي لطالما احس بأنه الأفضل .. قرر ترك (د) .. و ليس السبب حبه لـ(خ) .. بل كرها للشائعات ..

مالت على جذيه ناس ..
+++++++++++++++++

يا ترى ما هو أعظم ... خيانة الحبيب .. أم خيانة الصديق ؟؟؟
أم هما الاثنان مجتمعان كخيانةً عظمى ؟؟؟
أم هي الصدمة و حرقة القلب و اعتصار الفؤاد ؟؟؟
لم الحبيب و الصديقة .. !
الحبيب الذي يرمي بكل ما وراءه و أمامه من اجل الحب ..
أم الصديقة التي من المفترض ان تكون صادقة و وفية ..

لم خان الحبيب .. و لم خان حبيبته مع صديقتها ..
و لم تخون الصديقة صديقتها على الرغم من معرفتها بالحب الوطيد بين الشاب و فريسته (خ) ..

و كيف للقلب أن ينسى خيانتين في وقت واحد .. و جرحين كلن يزيد الآخر عمقا و ألما ..
جرح خيانة الصديق ..
و جرح خيانة الحبيب الأول ..

و أتمنى أسمع موقفكم مع كل شخصية في القصة .. اللي اكرر .. انها واقعية .. و حصلت لأحدى صديقاتي ...

بس انا مو ضمن شخصيات القصة اوكي ؟؟ لول ..


بس تـــــرى يهمني رايكم عشـان أقدر أفيد رفيجتي (( خ ))

وأنا أستأذنت منها وقنعتها وايد لين رضت إني أكتب القصة

:)

[DaNdoOsHa]

مسكينه هالبنت جد خيانه الحبيب صعبه و خيانه الصديقه أصعب و أصعب

فمابالج انهم اثنينهم اجتمعوا عشان يحطمون قلبها ..

يعطيج ألف عافيه عاشقه تويتي جد هالقصه دمعت عيني عليها .. :'(

[عاشقــ تويتي ـة]

حبيبتي دندووشتي

يا قلبي سلامتج

إذا إنتي اللي قريتي هالقصة ادمعت عينج

فمابالج صاحبة القصة (( رفيجتي (( خ )) ))

الله يعينها والله

[أمونه]

تسلمييين عويشق ع القصـه الكيوت منج

ونورتي القسم بمشاركتج الحلوه

قواج الله حبيبتي

:):)

[عاشقــ تويتي ـة]

أمــــــــتوونتي

يسلمو ياقلبي على مرورج

منورتني

[محمد العويد]

عسااااكمــــ علـــــى القــــــوة