"لمني بشوق واحضني...بعادك عني بعثرني" قصة عجييبة لاتطوفكم

[^دلوعة فريجنا^]

هلا فيج بنوتة
تسلمين حبيبتي عالطلة الحلوة والرد الأحلى
انا نكي دلوعة شلون ما تبيني ادلع << لوووووول
خلاص عشانكم بس انا مو زعلانة وبكمل القصة الحيييين

[BiShOw]

يسلموو عالقصه ^_* و كمليها

[^دلوعة فريجنا^]

دخلت الماس بيتها بهدوء ...تلفتت يمين ويسار وابتسمت وهي تشوف شماغ سعود مرتبه كالعاده وحاطه على الطاوله ..
وقفت قدام المرايه وعدلت مكياجها ..نزلت عبايتها وطلعت الغرفه..
<>
جلس سعود على الصوفا الي بجناحه هو و الماس..وهو يحس بنفسه جثه تهيم بلا روح
الي سواه اليوم اجرام في حق نفسه وفي حق الماس وفي حق نوف بعد..
كيف يقدر يفهمهم ان نفسه عايفه لنوف ولاي حرمه غير الماس ..
آآآآآآآآآآآآخ
الماس..وينها الماس
هي تركته في الاول وهو رافض يتزوج اكيد بتتركه الحين لانه فعلا تزوج؟؟
الا وباب الجناح ينفتح بهدوء..
دخلت الماس كانت الغرفه مظلمه الا الابجوره الي بجنب الصوفا كانت مولعه وسعود جالس جنبها..
رفع سعود نظره وماصدق الي يشوفه
وقف بسرعه وقال مو مصدق وصوته مخطوف من المفاجأه :-الماس
قالت بنعومه :-عيونها
قرب منها :-ماني مصدق توقعت..توقعت..
وسكت))
عرفت الماس تفكيره..
ضمته من قلب وقالت له :-محدن يروح للموت برجلينه ..بعدك عني اقسى من الموت يالغالي وانا معك وماراح اتركك لين ياخذني الموت
قال وهو يحس ضيقه خف نوعا ما :-بسم الله عليك ياعيوني
وسحبها من يدها... "تعالي اجلسي بكلمك "
مشت معه وجلسوا جنب بعض على الصوفا ..مسك يدها وقال :-الي صار اليوم مايغير شي يالغلا
ناظرته وهي تنتظر كلامه بصبر على وشك ينتهي
طاحت نظراته بعيونها الذباحه :-انا ملكت عليها وانا ما ابيها ، بعد زواجنا بسنه نشب ابوي بحقلي عشان اتزوجها وانا كنت رافض
(انصدمت الماس لانه خبر جديد ، كيف كانت غبيه وماصدقت احساسها الي كان يقول لها ان سعود احيانا لارجع من الدوام او من زيارة ابوه ببيته يكون متضايق وتعبان وكلما سألته كان يقول تعبان من الشغل وكانت غصب تصدقه لانها ماتبي تصير من كثر حبها له موسوسه )
قالت له مذهوله :-ثلاث سنين....وانت صابر
ابتسم :-ثلاث سنين وسبعه شهور
ماقدرت تبتسم ..ونزلت راسها ورجعت الدموع الي ظنتها خلصت تنزل ..
مسح دموعها بيده وقال :-لاحول لو داري ما قلت لك شفيك قلبي دموعك صايره قريبه الشهور الي فاتت
ابتسمت غصب ..ورجعت تبكي
ضاق صدر سعود وقال :-توقفين عن البكاء ولا شلون
قالت وهي تنطق مره وتشهق مره :-مو..قادره..اتحمل
مسك يدها بقوه وقال وهو معصب :-النفس عايفتها عايفتها ...وانجبرت عليها الشكوى لله
دق جوال سعود وناظر الساعه 2 الفجر غريبه من الي بيدق عليه الان
ابوسعود ------>>يتصل
ارتفع ضغط سعود وش المصيبه الجديده الحين
سعود :-نعم
قال ابو سعود بدون مقدمات :-علمت الماس
مسك سعود الجوال بيده بقوه من القهر :-ايه
قال بدون اهتمام :-العرس الخميس الي بعد الجاي
قال بصوته كله :-ايش
ابوه :-الي جاك الخميس الجاي والمهر انا عطيته عمك
انقهر سعود :-بعد
قال بدون اهتمام وهو متشقق من الفرحه :-اعتبره معونتي لك
قال سعود بضيق وهو يناظر في الماس :-اجلوا الموضوع
لكن راس ابوه حجر :-انا اعتمدت مع عمك الموعد علم زوجتك
سعود:------------------------
(وش بيقول بعد ..انتهى الكلام)
قال ابوه قبل لايسكر :-بكره ابيك تجيني انت والماس البيت العصر
"طوط...............طوط.......طوط
(وسكر الخط)
سكر سعود جواله وملامحه متحجره ..درت الماس ان في الموضوع إنا ..
قالت بتقرير واقع :-ماظنيت فيه شي اقسى علي من زواجك بغيري
ناظرها سعود ووجهه متشنج وخطوط الارهاق والتعب باينه حول عيونه :-أخ ياقلبي اخاف يجيني سكر وضغط
قالت بسرعه :-بسم الله عليك الي كلمك عمي
هز راسه...
الماس:_ و..........
ناظرها وهو يفرك جبهته بيده :-و ايش يبيني نروح له بكره البيت
عرفت الماس ان عمها ماراح يكلم عشان يقول لهم تعالوا لي بكره ...
قالت وهي تناظر سعود :-ماظنيت عمي بيكلم عشان يقول لك تعالوا لي بكره ..
كيف نسى ان الماس تقدر تكشفه لاكذب عليها
لازم يقول لها هي عارفه عارفه
نزل عيونه بالارض وجلس يدور الجوال على الطاوله مسكت يده وقالت :-حددوا موعد العرس
رفع نظره وهو مصدوم ...شانت ملامحها وعرف انها عرفت
قالت بصوت فيه غصه :-متى !!
سعود :------------------
الماس بصوت عالي مبحوح :-متى ياسعود متى
قال بصوت متجرد من كل روح :-الخميس الي بعد الجاي
غمضت عيونها وتسللت دمعه من بين رموشها ..
ناظرها سعود وهي تحاول تتماسك قدامه ..بس على مين هو يعرفها مثل نفسه واكثر آه ياليته يقدر يبكي بس عشان يخفف الكبت الي يحس فيه والشعور بالظلم الي فرضوه الشياب عليه..
طول عمره كان بار لابوه ..حتى ان ابوه هو الي خاطب له الماس الي صارت كل حياته الحين...
اسعدوه يوم ..واتعسوه دوم
ناظرها وقال بهيبته الي ترهب النفوس :-لاتبكين ..لان مافيه شي بالنسبه لي تغير غير ورقة اعدامآ وقعتها انتي الغاليه انتي حبيبتي ومناي وما لغلا احد عقبك مكان وذنب نوف برقابهم ..
ناظرته الماس الي مسحت دموعها هو مو ناقص وان كانت تبي تكسب هالحرب لازم تكون قويه وتخفي دموعها لليوم الي بيدخل فيه على نوف لان هاليوم ..يوم وفاتها
قالت بحب :-اعرف قدري زين عندك يا ولد العم ولا نويفه ولاعشره من امثالها بيشككني في هالشي
ارتاح سعود من قلب لان الماس رجعت الماس القديمه القويه الشديده ..صار الحين لازم يشيل هم نفسه وهم يوم الخميس الجاي
فكر في نفسه (هه ليه اتعب عمري ..اكيد ابوي حجز ويمكن بعد وزع البطاقات حقت الدعوه وقام بكل شي بنفسه )
&#215;
&#215;
&#215;
&#215;
<>في بيت راكان<>
قال راكان وهو يحاول يهدي دانه :-وبعدين يا دانه لمتى بتجلسين تبكين
كانت دانه جالسه على السرير وضامه ركبها وعندها كرتون مناديل
قالت وهي تشاهق :-ياويلي عليك يا الماس
عصب راكان :-لاتفاولين على البنت يادانه
ناظرته وقالت بعصبيه وهي تمسح دموعها :-الي صار بيقضي على الماس
تنهد راكان :-الله يكون بعونها
رجعت تبكي وتقول :-حسبي الله عليك ياعمي
انهبل راكان :-دانه لا تدعين على عمك
دانه ماكان ودها تدعي عليه بس من جد الي سواه يقهر
قالت وهي تبكي بقوه :-حرام عليه الماس فيها الخبيث ليه مستعجلين على موتها
راكان :- (قل لن يصيبنا الا ماكتب الله لنا )
دانه :-ونعم بالله ..
وقفها راكان وقال بحنان :-كل شي يصير لنا في حياتنا مقدر ومكتوب ولا البكاء ولا الدموع بتغيره .. اهم شي يكون عندها اراده كافيه عشان تقدر تحافظ على زوجها
رمت دانه نفسها بحضنه وتمت تبكي
تضايق راكان مره من دموعها الي اول مره يشوفها حس قلبه ينعصر عصر بشكل من جد حس به يوجعه مره
قال وهو متأثر من دموعها :-حبيبتي روفي بي مقدر اتحمل دموعك
خلاها تواجهه وقال :-لو تشوفين ردة فعل سعود اليوم تقولين مودينه مشنقه بس سمعة بنت عمه كانت فوق كل شي عشان كذا وافق الماس تنحسد صدقيني امثاله قليلين ..
قالت بصوت رايح :-صادق والاهم انه يحبه وتحمل المصايب عشانها
ابتسم :-عشان كذا المفروض تفرحين لها مو تزعلين الزعل واجب اذا كان زوجها مو معتبرها شي انا احمد ربي ان سعود عقليته متوازنه لا هي القديمه المتحجره ولا هي المودرن المتخلفه ..
ابتسم دانه من قلب وقالت له بنعومه وهي طالع صغنونه وبريئه بدموعها الي ما نشفت وخشمها الاحمر :-تدري ان كلامك بلسم
قال بخباثه يبي ينسيها مشكلة اختها شوي :-كلامي بس
ضحكت من قلب :-هههههههههههههه ماتخلي حركاتك
حرك حواجبه بحركه تضحك :-حلاتي بحركاتي
دانه :-ههههههههههههههههههه
راكان :-يسعدلي هالضحكه وراعيتها
دمعت عيون دانه
كشر راكان :-وش صار الحين
قالت دانه بتأثر الليله مشاعرها متضاربه :-مدري لاصار لك شي كيف بعيش بدونك
سكت راكان ...............
وكملت :-الله لايحرمني منك ..حياتي انت
باس اصابعها وهو يقول :-ولايحرمني منك ممكن تخلين عنك هالسوالف الي تضيق الخلق ونركز على المهم
حمرت خدودها وفهمت قصده
يموت راكان في شكلها لا استحت ، قال وهو هيمان :-اخ ياقلبي ...ابتسامتك اقوى من ضربة كهرب 220 فولت
ماتت دانه من الحيا وولعت خدودها من كلامه
هنا راح راكان في خرايطها ههههههههههه
*
*
*
*
><في بيبت ابو سعود الساعه 4 العصر ><
قالت ام سعود الي ضاق خلقها مره بسبب حركة زوجها :-ليش يا ابو سعود تغصب سعود يتزوج نوف ليه انت ما ظلمته بس انت ظلمت بنت اخوك
ناظرها بطرف عينه لانه ما اقتنع بكلامها :-الي صار هو الي مفروض يصير قبل كم سنه كان عندك ولدك 3 عيال يشيلون اسمه بدال هالسنين الي ضاعن في الهوى انا كنت عارف انه تاليته بيطعيني بس ويش اسوي به عنيد اقشر
وبعدين نوف الف من يتمناها وصغيره في السن يعني تقدر تجيب له الولد
انقهرت ام سعود وحست بالسكر بدا يرتفع عندها وش هالثقه بنوف لها الدرجه رجلها اعمى وماعرف حقيقتها للحين اصلا بنت تحط عينها على زوج بنت عمها الي دمهن واحد هذا قليلة اصل مافيها خير ...من يتمنى ولد من قليلة اصل بس لا حياة لمن تنادي وابو سعود لانوى شي ما يثنيه احد
ناظرها وقال بتعصيب :-اشوف كلامي ماعجبك
ناظرته وقالت بهدوء لان اوان الكلام فات وهي ياما تكلمت معه بس مافيه فايده :-وش بقول انت فكرت عنا وتصرفت بعد عنا كلنا على الله مايجي يوم وتندم فيه على الي سويته
عصب عليها :-اسكتي يامره الالفاظ محاسن
سكتت ماردت عليه الا وبدخلة هنادي الي ضاربه بوز ونص من بعد مادرت عن خبر ملكة سعود على شينة الحلايا حتى منال بعد متضايقه حيل من الي صار لان الخبر كان فاجعه ..
لان ابوهن وبكل برود قال لهن وهن بالسياره راجعات البيت بسيارة سلطان :-ما باركتن لسعود
طار النوم من عيون هنادي ورمت منال جوالها بسرعه اما ام سعود قالت :-نبارك له على ايش ...
راح تفكيرهاااااااااااااااااا بعيد تحسبن الماس حامل
قال ابو سعود وهو بيتشقق من الوناسه :-تباركين له على ملكته على نوف
الجو بالسياره صار هاددددددددددددددددددددددددي
البنات وامهن مذهولااااااااات لدرجة الصدمه ..اما سلطان فكان متضايق مره والله سعود مايستاهل الموقف الي انحط فيه ..
قالت هنادي وهي مو على عوايدها والابتسامه الي دايم شاقة حلقها مختفيه :-سعود والماس برى
وطلعت بسرعه لان مالها خلق تناقش ابوها في مسالة \ليش ماتفرحين لاخوك ترى نوف بنت عمك مثل الماس \ تخسي هلي وجهها مغسول بمرق تصير مثل الماس
قال ابو سعود وهو يوقف :-بناتك علامهن ضاربات بوز ونص
ناضرته ام سعود وماردت عليه لانها عارفه انه يعرف ليش زعلانات البنات ..
>
<
>
<
>في مجلس الحريم>
كانت الماس متوتره وسعود جالس ساكت وحالته مايعلم بها الا ربه الي خلقه
نزلت الماس طرحتها وعدلت شعرها الي رافعته شنيون كشخه ..
ناظرها سعود وابتسم غصب :-قمر والله قمر
الماس :-ههههههههههههههههههه
وماتت الضحكه بدخلة عمها ...هيبته قويه بلحيته الطويله شوي والي مخالطها شيب وبطوله المقارب لطول سعود
وقف سعود وحب راس ابوه وقفت الماس وسلمت على عمها وحبت راسه..
قال عمها ولاكنه مسوي شي :-هلا وغلا بالغاليه
ابتسمت غصب :-هلابك عمي كيفك
جلس وقال :-بخير عساك بخير انتي شخبارك
بغت تموت من القهر لكنها ابتسمت ابتسامه حلوه وقالت :-اخباري تسرك
ابو سعود :-دوم
سكت شوي ثم قال بحنيه نادرا مايطلعها :-شوفي يا بنيتي ما ابيك تزعلين مني على الي سويته لانه بمصلحتك انتي وسعود
"مايبيني ازعل ايه كثر منها "
حست بسعود يتشنج من كلامه وخافت لا ينفجر وتقوم فضيحه
قالت الماس بطيبه قلبها الغلابه دايم :-مافيه بنت تزعل من ابوها تقدر تسميه عتب ياعمي
صراحتها كانت قويه ...لانها كانت جايه من الماس الخجوله ..
ناظرها عمها وقال :-تعالي جنبي
وقفت الماس وجلست جنبه ..
قال لها وهو يمسك يدها :-العمر يركض يابنيتي وسعود ماهو بصغير الا عمارهم بالعشرينات عندهم عيال انا اعرف ان هالشي فيه نوعا ما ظلم لك بس يابوك الدنيا ماهي بمثاليه ولازم احد يضحي انتي بتعيشين معززه مكرمه وقدرك محفوظ ..
قالت الماس وعيونها الخاينه مدمعه :-الي صار صار عمي
قال ابو سعود :-على قولتك
وناظر سعود الي مانطق بحرف وقال :-اسمع
قال سعود :-سم يبه
ابوه :-سم الله عدوك شفت غرفتك القديمه
عقد حواجبه غرفته مازالت موجوده بس محد يستخدمها :-علامها
ابو سعود :-غرفتك مقابله لغرفة اخوك فهد وكلهن جناحات ولا احسن وزي بعض
انصدمت الماس لايكون.................
تخبل سعود وفكر في نفس الشي الي فكرت فيه الماس ...
عاد هنا رمى قنبلته :-واحد من الجناحات بيكون لالماس وواحد بيكون لنوف
قال سعود وهو يشوف وجه الماس ينقلب من الصدمه :-لا لا لا
عصب ابوه :-تقول لي لا
سعود :-بيتنا وين يروح لاسكنا هنا
قالت الماس وهي مو مصدقه اقتراح عمها :-ما ابي اسكن معها في بيت واحد
لكن ابو سعود عنيد :-الحل هذا مؤقت
عصب سعود :-لمتى
ابوه :-عيشوا عندي سنه بس وبعدها سوو الي تبون
انهبل سعود :-وش الحكمه طيب
ابو سعود :-عشان تصفى القلوب يبه ويكون كل شي تحت عيني
----------------------********>>
جلس سعود يتناقش مع ابوه لانه يرفض يخلي الماس تعيش مع نويفه ببيت واحد ولما شافت الماس ان طبع سعود قرب ينفجر غمزت له وكانها تقول اقبل ..وترجته وهي تحرك شفايفها "وافق لا تتهاوش مع عمي تكفى "
سكت شوي وعرف ان ابوه بيمشي الي براسه ...بس بتكون عيشته هنا صعبه
اخر شي استسلم وقال :-موافق
استانس ابوه وقال :-علمت الماس بموعد العرس
عصبت الماس عمها متبلد مايحس :-قالت وهي توقف :-عندي خبر عمي بالاذن بسلم على خالتي
وطلعت من الغرفه بسررررررررررررررعه عشان ماتطب في بطن عمها
قال ابو سعود :-علامها مرتك
شوي ويضحك سعود من الوضع كله وش هالسؤال :-تلومها يبه تدري شلون لو نوف مكانها تتوقع بتتقبل زواجي من غيرها
اول مره ينحرج ابو سعود ..ومايرد
وقف وقال :-رح سلم على امك والحقني بالشركه
وقف سعود :-امي بسلم عليها لكن الشركه مالي رجعه لها
ابو سعود :-عن الكلام الفاضي والحقني عندنا شغل واجد ومحتاجينك
قال سعود وهو يحس من جد بألم من طردة ابوه له من الشركه وضياع هيبته قدام الموظفين يعني على كل طلب مايوافق عليه بينطرد :-اسف يبه مالي رجعه للشركه انا بفتح مكتب هنا وبشتغل بلحالي
انقهر ابوه :-بتنافسنا بالسوق وكل اسرارنا عندك
هز راسه وقال :-لا ما ني بنذل انا ..مكتبي بيكون للاستشارات الماليه الي هي اساس دراستي
عرف ابوه انه ضغط عليه بما فيه الكفايه وقرر يتركه براحته ، هز راسه وقال :-اذا احتجت لفلوس ولاشي علمني
قال سعود :-مستوره الحمد لله
هز راسه :-براحتك
وطلع ...
راح سعود لامه الي كانت تبكي والماس تهديها...
وشافته من هنا ورمت نفسها بحضنه من هنا ، قال سعود وهو يمسح على شعرها الي شاب من هالدنيا وماسيها :-علامك ياست الحبايب ليش الدموع
قالت امه وهي تمسح دموعها بجلالها :-حاسه فيكم يمه وفعايل ابوك ماتسرني بس الشكوى لله حنا مسيرين مو مخيرين
حب راسه ويدها الي جعدها الزمن :-ماعليك يالغاليه انا والماس راضين بحكمة ربي
قالت وهي تناظر زوجة ولدها بحب :-الله يكملك بعقلك يالغاليه يا بنت الغاليه
ضمتها الماس وحبتها مع خدودها :_ولامنك يالغاليه عاد يالله عن الدموع
ابتسمت ام سعود غصب ..ناظر سعود الماس بحب وهي تداري حزنها وجروحها عشانه وعشان امه ...
كانت هنادي واقفه وشافت الموقف وطلعت غرفتها تبكي ...
دخلت عليها منال الي وجهها كئيب :-علامك هنوده
قالت هنادي وهي تبكي من القهر :- والله حرام الي يسويه ابوي منال انتي حاسه بكبر وعظم الشي الي سواه ابوي بالماس وسعود انتي متخيله ابوي دمر حياتهم دمرها وجاب هالسوسه الي بتخرب الدنيا وبتنكد حياتنا وحياتهم
جلست منال وقالت بصوت كله قهر :-تعلميني فيها يا بغضني لها كريهه ما تنحب اصلا كيف تحبين وحده تفرض نفسها على رجال مايبيها الصراحه شي يلوع الكبد
قالت هنادي من قلب :-الله ياخذها
منال :-اااااااااااااااااااااااامين
الا وباب الغرفه يدق برقه ، قامت منال وفتحت الباب :-هلا وغلا
دخلت الماس بعد ماسلمت عليها وجلست يم هنادي الي حاولت تمسح دموعها ومالحقت
قالت لها :-هنوده حياتو الي صار صار وحنا عيال اليوم
هنادي :-----------------
ابتسمت الماس وقالت تمزح :-ياشينك لا عصبتي كنك الصبوحه
انهبلت هنادي وطلع خبالها :-وعععععععععععععع مالقيتي الا هالعجيز تشبهيني فيها
الماس ومنال :- ههههههههههههههههههههههههه
هنادي :-هههههههههههه والله انك رايقه
قالت الماس بابتسامه كئيبه :-اخذ الحزن مني الي اخذ يالغاليه ..وانتي تعرفيني وش كثر احب سعود والمرض ينهش فيني نهش فكرت وقلت بلا انانيه يمكن يلقى السعاده مع نوف وتعطيه الي عجزت انا اعطيه له ..وبدون مانضحك على بعض هالمرض علاجاته تاخر الموت فقط والا هو حاصل حاصل
رجعت هنادي تبكي وتوخر يد الماس بقوه من الزعل :-سخيفه انتي وكلامك
قالت منال فجاه :-هلا سعوووووووود
وسلمت عليه لانها ما نزلت يوم جاء ، كانت ملامحه ما تنتفسر
قال يكلم منال :-هلابك منول
ناظر الماس وقال بملامح غريبه :-تعالي اختاري غرفه
رفعت هنادي راسها وقالت :-غرفه بتنامون عندنا اليوم
سعود :-لا بنسكن عندكم
استانست هنادي :-انت والماس وناسه
قال سعود وهو يطلع :- ونوف بعد بتسكن معنا
وطلع
ناظرت هنادي في الماس مو مصدقه :-من جده رجلك يتكلم ولا يمزح
قالت الماس وتفكيرها مع سعود :-لا ما يمزح عمي اقترح علينا هالشي اليوم بنسكن سنه وبعدين كلن براحته
طلعت الماس من الغرفه ولحقت سعود ...
قال منال وهي بتفرقع :- مو مصدقه لا ياربي هالشينه بتسكن معنا
مسكت هنادي راسها :-الله ياخذها
اكتئبت منال من قلببببببببببببببببببببببببب الله يعين بتكون سنه كبيسه
*فيه ناس مقدمهم خير..وفيه ناس مقدمهم شر
ياترى كيف بتكون حياتهم مع قدوم نوف ...؟؟*
><
دخلت الماس جناح سعود القديم وقالت له :- هاااااي
مارد عليها باين انه زعلان مره ..
قالت بخوف :-سعود علامك
كانت عيونها قاسيه ووجهه ما له ملامح قال بتعصيبه عمر الماس ما شافتها :-وش ابي بالدنيا لا متي علميني...علميني
(يعني سمع كلامها مع هنادي)
كانت امه جايه بتشوف الغرف عشان تخلي الشغالات ينظفنها ووقفت فجاه وهي تسمع صوت سعود جاي من غرفته
الماس :-----------------------
قال وهو يرتجف من الي بصدره :- انتي ماتعرفين قدرك عندي ....ماعند نوف شي تعطينيه ومالقيته عندك ...فاهمه
غير السالفه وقال وهو يناظر في كل ركن من الغرفه :-الغرفه ذي قضيت فيها عمري واحلى سنيني بتكون غرفتنا ما ابي يدخل هالمكان غيرك
قالت بصوت مخنوق :-طيب
سعود :-يالله مشينا بنروح نختار لنا اثاث لها
هزت راسها ومشت معه ..
مسحت ام سعود دمعتها وقالت في نفسها :-ذنب هالمساكين برقبتك يا ناصر
وراحت لغرفة فهد الي بدا يعزل منها ..

*************

[^دلوعة فريجنا^]

><في بيت احمد ><

دق جوال رنا الي كانت عند اخوها احمد ورافضه ترجع بيت ابوها ..وبما ان ابوها عارف الحين كل شي قدر مشاعرها وخلاها تجلس عند اخوها اصلا عرسها قرب ..
رنا :-هلا
فهد :-يسعدلي الهلا وقايلتها
ابتسمت رنا
وقال فهد :-كيف الغلا ..؟؟
رنا :-الحمد لله انت كيفك
فهد :-بخير مدامك بخير
استحت رنا وعرف فهد هالشي
وقال :-ايه صح نسيت
(الله يلوم الي يلومه زين انه مانسى اسمه هههههه)
كمل--------:_حجزت قاعه
استحت رنا وما تكلمت فقال :-الخميس الجاي زين
انهبلت رنا بهالسرعه بس احسن لها ..كلما تركت بيت ابوها كان بركه
لازم تخلي اخوانها يعيشون حياتهم بدون ما يشيلون همها لمتى بتتنكد حياتهم بسبب كره امها لها ..
قال برقه :- لاتخافين يالغلا من سرعة كل شي انتي الحين اشتري الاغراض الي تحتاجينها مره وبعد العرس كملي اغراضك الناقصه بالراحه اما بالنسبه لي عندنا العمر كله عشان تعرفيني تراني طيب وحليل ورومنسي
طاح وجه رنا من كلامه ومسكت نفسها لاتضحك وتفشل عمرها
فهد :-هههههههههههههههه انا بجيكم البيت بعد صلاة المغرب بعذر اني جايب المهر ابي اشوفك
مازالت رنا مستحيه ----------->>
رنا :-اوكي
فهد :-ههههههههههههههههه يازينها من اوكي تامرين بشي
ابتسمت رنا :-سلامتك ههههههههه
فهد :-الله يسلمك مع السلامه
رنا :-بحفظ الله
ابتسمت رنا من قلبها وفجاه جلست تضحك الله يسلم عمره كلامه عسل واسلوبه يجنن من جد تعلقت فيه بشكل ما ينوصف ..
طارت رنا عشان تدور شي تلبسه خلاص الناس بيصلون المغرب ماعندها وقت ..
*
جلس فهد يفكر ..سبحان الله
كل شي يصير بحكمه من الله..هذي رنا الي ما كان يبيها
رنا الي مايقدر يصبر على بعدها عنه ..حبها من قلبه ..صحيح انه تزوجها يرحمها من حياتها لانه طيب وحس بشي شده لها ..لكن بعد ما كلمها وجلس معها عذر اخوانها في محبتهم لها ..
*
*
*
&
*
*
*
><بالحديقه في بيت راكان ><
سكرت دانه الجوال ..وحست نوعا ما بالراحه من بعد ماكلمت الماس وقدرت تقنعها انها قابله بحكمة الله (وعسى ان تكرهوا شي وهو خير لكم )
شربت العصير ...
كان الجو حلو رايق والهدوء يعم المكان ..
كانت دانه لابسه برمودا سوداء وتي شرت اسود ومسيحه شعرها
الا وراكان يدق عليها :-مساء الخير والاحساس والطيبه مساء مايليق الا باحبابي
دانه :-هههههههههه ارحمني رحت فيها
راكان :-هههههههههههههههههههه
دانه :-بغيت شي قلبو
راكان :- ول وش طيحت هالوجه لازم ابغى شي عشان اكلم
دانه :-ههههههههههههههههههههه لانك مكلمني قبل ربع ساعه وماخليت شي الا قلته عشان كذا قلت يمكن نسيت كلمه منا ولا مناك ماقلتها
راكان :-ههههههههههههههههههه يالله بس من زينك اصلا
عصبت دانه :-ازين منك
راكان :-ههههههههههههههه اصلا انا مكلم مصالح
دانه :-ايه مايحتاج تقول لي شعندك
راكان :-ام محمد صديقي تعبانه عندها سرطان الكبد الله يكفينا شره
(نست دانه الدلع وركزت معه )
راكان :-المهم هو يبي يسافر بها برى عشان يعالجونها لان معاملاتها وتقاريرها جاهزه
دانه :-طيب
قال راكان بجديه :-المشكله ان له اخت وحيده بعمرك ومايقدر يخليها بلحالها في البيت ولا يقدر يوديها بيت عمه لان كله رجال وعزوبيه مرت عمه متوفيه وولد عمه الكبير متزوج من وحده متسلطه و ايمان ما تتفق معها المهم شرايك اقول له يجيبها عندنا لمتى ما يرجعون بالسلامه
تحركت نخوة دانه :-افا يالغلا مايحتاج تشورني حيا الله محمد واهل محمد البيت بيتهم
كبرت بعين راكان لان لو قايل هالشي لساره بتاكله بقشوره :-الله يسلم يدآ ربتك
ابتسمت من كلامه :- ولو يالغالي ما انسى انا من وقف جنبك في محنتك وماقصر عنك بشي
وش يقول راكان ولا وش بيحس به ..البنت هذي تفاجاه كل يوم اكثر من الي قبله ..
دانه :-وش رايك نزور ام محمد قبل لاتسافر
عجبت راكان الفكره لان ماصارت مناسبه حتى تتعرف دانه على اهل محمد الي كان عازمهم بس الشهرين الي فاتو كانو مزوحمين ومشحونين وماجا وقت يقبل فيه عزيمة محمد ..
راكان :-فكره حلوه خصوصا انهم ماراح يقدرون يحضرون عزيمتنا بكره
دانه :-اوكي بقول لماماتي ونروح لهم بعد بكره
راكان :-الي يريحك سويه ، تامرين بشي
دانه :-سلامتك
راكان :-طيب مافيه كلمة حب من هنا ..بوسه طايره من هنا
انهبلت دانه :-ههههههههههههههههه لا مافيه
(طبعا محمد كان توه داخل المكتب وراكان معطيه ظهره على الكرسي ويغازل دانه )
راكان :-ولا بوسه صغنونه
دانه :-ههههههههههههههههههه لا جيت البيت نتفاهم
قال راكان يستهبل :-اجل مسافة الطريق
دانه :-ههههههههههههههههههههه مالك ساعتين من يوم ما رحت
راكان :-وحاسبتها بعد ..
نوت له دانه وقالت بدلع:-لاتظن الثواني بدونك تمر سهله ...تمر موت ..تمر هلاك ..تمر كنها طلعة الروح بسكات
انهبل راكان وشكله من جد نوى يجي البيت طياري
مانوت دانه ترحمه :-تعال مابقالي يوم ..في بعدك يصبرني
اخاف اموت من شوقي ..وانت مطول غيابك
من قلب قال راكان :-ياويل حالي جايك انا على حصاني الابيض اقصد على سيارتي هههههههههه
قالت بدلع :-تعال ماماتي طالعات والبيت مافيه غيري
استانس راكان :-البيت فاضي والله فله
دانه :-ههههههههههههههههههه اش لايسمعك احد من موظفينك وتتفشل
راكان :-من الي بيسمعني بعدين عادي انتي حبيبتي وزوجتي ودندونتي
حمرت خدود دانه :-شكلي انا الي بجيك ههههههههههه
راكان :-هههههههههههههههههههههههههههههه تختصرين علي
دانه :-ههههههههههههه طيب طيب يالله باي
راكان :-ترى بجي
دانه :-وانا ماني بطايره ....(تبي تخليه ينوي جد يجي) لان شكلي بنزل المسبح اسبح
وقف راكان وقال :-انا جاي الله لايعوقني بشر
دانه :-هههههههههههههههههههههههههههههههههههههه اوكي
راكان :-سلام
استانست دانه لان خطتها نجحت ..
\اه يارب لا تحرمني منه ولا من طلته \
قال محمد بنعومه وكانه صوت بنت :-حبيبي تبي بوسه
تروع راكان وخذفه بالقلم :-لابارك الله فيك فقعت قلبي
محمد :-هههههههههههههههههههههه انا ادري عنك مسويلي فيها رشدي اباظه
راكان :- ههههههههههههههههه لا اباظه ولا سواده (يستهبل ) الا منهو اباظه
محمد (يجاريه في خباله ) :-ابدا الله يسلمك هذا لاعب جديد بالمنتخب
راكان :-هههههههههههههههه يالله اقلب سحنتك برجع البيت
محمد :-احلف بالله انا مسنتر من صباح ربي هنا وانت مالك الا ساعتين وتبي تطلع
راكان (يرد له الحركه ) :-حبيبتي برجع البيت تكفين
ارتفع ضغط محمد :-وقف شعر راسي الله يحوم كبدك
راكان :-ههههههههههههههههههههه
وافق محمد كالعاده (مايخلي راكان عاداته ) :-متى بترجع
ابتسم راكان :-من غير شر علي ماراح ارجع
نقزت عيون محمد :-اقول عن الخراط معك ساعه
راكان :-يقول المثل لاغاب الاط العب يافار امهاتي طالعات ودندونتي بلحالها في البيت
انهبل محمد :-ههههههههههههههههههههههههههه قل كذا من اليوم
راكان عاد شاف نفسه (يقال عنده سالفه ) :-شفت معي حق
محمد :-يالله درج لا اغير رايي بس والله مردوده
طلع راكان بسرعه وقال عند الباب :_ I Love You
(رمى له بوسه بالهوى وانحاش يعرف محمد يرتفع ضغطه من هالحركات الشاذه) نزل محمد عقاله وهج راكان وهو ميت ضحك...
ضحك محمد من قلب ..علاقته هو وراكان مالها مثيل ...تشاركوا في كل شي في الرخا في الشده في الحزن في كل شي حتى من كثر محبتهم لبعض درسوا نفس التخصص واشتغلوا مع بعض ..
رفع محمد نظره الا وراكان عند الباب
محمد :-هههههههههههههههههه الحمد لله والشكر وش رجعك لا تقول لي ضميرك أنبّك لان ماعندك ضمير
راكان :-ههههههههههههههههههههههههههههه ياخي والله انك سنايدي عارفني صح
محمد :- ههههههههههههههههههه اخلص مارجعت الا عندك شي
ماغابت الابتسامه عن وجه راكان الا انه قال بجديه :-اسمع حرمنا المصون وصتني اطلب منك تجيب اختك عندنا لمتى ماترجعون بالسلامه
تفاجأ محمد صح انه فكر يخليها عند راكان لانه بمثابة اخو لها بس خاف يسبب له مشاكل مع زوجته (حركات الغيره يعني)
قال راكان يضغط عليه :-ياخي ايمان مثل اختي خلها عندنا لين متى ماترجعون حتى دانه متحمسه مره لجيتها
قال محمد بتردد :-والله ماودي احرجك
عصب راكان :-عن الخرابيط وش تحرجني البيت يشيل قبيله ايمان بتكون معززه مكرمه بعطيها جناح مستقل بعيد عن الرايح والجاي حتى ما تستحي وتنحرج وانت تعرف بسفرك بيكون كل الشغل على راسي يعني بيقل تواجدي بالبيت
محمد عارف كل هالاشياء ...
ابتسم وقال :-مايحتاج ياخوي تعطيني هالموجز انا داري ان ايمان اختنا كلنا وان ماراح ارتاح الا اذا كانت تحت وصايتك لين ارجع
ضرب راكان على كتفه :-اجل خلك عنك البربسه وجهز نفسك انت والوالده كلها كم شهر وترجعون
محمد :-ان شاء الله
راكان :-يالله باي
محمد :-هلا والله
وطلع راكان وهو مايدري انه شال حمل كبير عن ظهر محمد الي بين نارين نار خوفه على اخته من الغربه ونار خوفه عليها من عيال عمه الي موب صاحي بعضهم
*
*
*
*
<في بيت احمد>
دخلت سعاد الغرفه الي رنا تنام فيها ولقتها كاشخه تنوره جنز طويله كشخه وبلوزه سوداء خفيفه تحتها بدي سماوي ..والمكياج خبال
سعاد :-ياعينننننننني وش هالزين وش هالحلا
رنا :-هههههههههههههههههههههه مرسي
سعاد (مسويه نفسها غبيه ) :_بتروحين مكان
رنا :-no
سعاد :-طيب وش هالكشخه
ناظرتها رنا وشافت الضحكه بعيونها :- ههههههههههههههه تدرين انك ماتعرفين تكملين كذبتك
سعاد :-هههههههههههههههههههههه ايه ادري
وكملت :-على فكره اخوي فهد من زود مايحبني شكله بيسنتر هنا كل يوم
رقص قلب رنا من يوم ماجت سيرته وحمرت خدودها من تلميح سعاد:-فهد وينه
سعاد :-تحت
ارتبشت رنا :- مالت عليك وساكته من اليوم
حاست الدنيا على الطاوله حقتها وطيحت اغراضها ، اخذت سبري الجسم وقالت لها سعاد وهي بتموت من الضحك :-هيه فرامل لو سمحتي هذا سبري العطر هناك
انتبهت رنا :-اي والله صدق
سعاد :-هههههههههههههههههههههههه الحمد لله والشكر والله انكم مخفات
وطلعت ..:-لاتتاخرين تراه صاجني
رنا :-ههههههههههههههههه يا الله وراك
الا ويدق جوال رنا
بعدها بخمس دقايق رجعت سعاد :-رنو ليه تاخرتي
الا ورنا تمسح دمعه من عيونها
خافت سعاد وجلست جنبها :-رنو شفيك
قالت رنا بابتسامة حب والم :-تهاني داقه علي من جوال ابوي تسالني متى برجع البيت
حزنت سعاد :-بالله
رنا :-والله
ابتسمت سعاد بحب :-ياقلبي شكلها متعلقه فيك
رنا :-صادقه هي متعلقه فيني بس متعلقه في احمد موووووووت
سعاد :-هههههه ياقلبي تجنن
رنا :-اي والله تجنن اذا اشتاقت لاحمد تدق عليه ويطير لها
انصدمت سعاد هذا شي اول مره تعرفه عن احمد شكله وجديته الي طول الوقت ماتهيئه في نظرها انه يكون حنون مع الاطفال وصبورررر اهو لا اجتمع معها في غرفه وحده شوي وتنفجر قنبله نوويه
قالت سعاد تحاول تعدل مزاجها عشان رنا وفهد :-يالله فهد متحلف فيني ان نزلت وانتي مو معي
رنا :-هههههههههههههههههههههه طيب
*
دخل احمد البيت ولقى فهد جالس بالصاله
احمد :-هههههههههههههه والله المشكله وش رايك تجيب قشك وتسكن هنا
فهد :-ههههههههههههههههههههههههه والله ماهي بشينه
الا وبنزلة سعاد ورنا وراها ,,
قال فهد بوله وهو يناظر رنا(طبعا ماعبر احمد وزوجته ) :-ياحي زول مرني ياحيه ..الزين نجدي والدلع شرقاوي
ماتت رنا من الحياء (وا فشلتاه احمد هنااااااااااااااا)
احمد :-هههههههههههههههههه غربل الله ابليسك هذا وحنا عندك وهذا هرجك عاد لو اخليك معها بلحالك وش بتسوي
سعاد :-هههههههههههههه وبعدين رنو مو شرقاويه رنو نجديه اصيله
فهد (وعيونه يم رنا تخبل من لبسها ومكياجها ههههه) :-اقول طسوا اصرف انا اعتبر شرقاوي الحين ورنو طبعا مثلي
قال وهو يناظر سعاد واحمد :-خذ زوجتك ورحوا اي مكان لا تسنترون عندي
احمد :-هههههههههههههههههه شرايك نطلع لك من البيت بكبره
فهد (جازت له السالفه ) :-تسوون خير
احمد :-ههههههههههههههههههههههههههههههههههه
وناظر رنا :-اقول ان قام يخربها ناديني
استحت رنا من كلامهم ...
اما احمد وسعاد طلعوا من عندهم عشان يفضون الجو لهم...
جلست رنا مقابل فهد الي قال لها :-تعالي اجلسي جنبي
استحت رنا :-هنا احسن
فهد (يستهبل) :-حلفي بس تعالي لا اجيك اجلس جنبك
خافت رنا الكرسي مصمم لواحد شلون يجلس جنبها ولما سوى نفسه بيقوم وقفت بسرعه وجت جلست جنبه ..
شوي ويضحك ..قال فهد وهو يطلع من جيبه بطاقة حساب بالبنك :-انا فتحت لك حساب باسمك ونزلت الفلوس فيه اذا تبينها كاش انا اروح واسحبها كلها لك الحين
دمعت عيون رنا :-ليش تتعب عمرك
قرب منها :-تعبك راحه انتي لو تطلبين لبن العصفور جبته لك
ناظرت في وجهه وابتسمت ابتسامه لحست مخه قرب منها مره ...
"احممممممممممممممممممممممم"
عصب فهد :-يامال وش اقول
احمد :-ههههههههههههههههه عن البربسه
استحت رنا ووقفت :-يالله انا بروح
مسكها فهد مع يدها وسفه في احمد الي يغمز له :-بدري ماشبعت منك
ولع وجهها ، وطلعت رنا غرفتها بسرعه ووجهها مولع
احمد :-ههههههههههه لا والله انا ابريق شاهي قدامك ماخذ راحتك ياولد الشيوخ
قال فهد (يبي يقهره) :-حرمتي وانا حر
رماه احمد بالمخده :-مالت عليك شين وقوة عينك
فهد :-ههههههههههههههههه اعجبك
احمد :-هههههههههههههه بزود
الا وسعاد جايبه القهوه والشاهي قال فهد :-بدري
سعاد :-ههههههههههه انا ادري عنك ماينعرف لك مو تو طاردنا
فهد (يناظر احمد بحقد ) :-وش اسوي بشين الحلايا رجلك ماخلاني اتهنى
سعاد :- هههههههههههههههههههه
فهد (يبي يحرجها) :-مالت عليك من حرمه الحين انا اسب رجلك وتضحكين
استغل احمد الفرصه (مسيكين يبي يخفف عن نفسه شوي) :-اي والله صادق يسبني وتضحكين
اختفت ابتسامتها العفويه وجت مكانها ابتسامه متصنعه وقالت :-حتى لو سبك لا بكره الصبح انت بعيني مالك مثيل
(ردت الصاع صاعين)
صفر فهد (متحمس ههههههه) :-اموت انا على الحب واهله
احمد خق من كلامها هو عارف انه مظاهر وانه رد لتحديه بس مع كذا خق :-اقول تقهوى واقلب خشتك ماحنا بفاضين لك
قال فهد بخباثه :-يوه صدق ان وجهي مغسول بمرق نسيت انكم توكم عرسان جدد ...
حمر وجه سعاااااااااااااااد مره \حسبي الله علي ابليسك يافهيدان\ استانس احمد من شكلها ...
بعد ماتقهوى فهد طلع ...من عندهم ..
وبمجرد ماطلع رجع احمد لموقفه منها البارح...قال لها :-مازلتي مصره ماتعلميني وش الي سويته
"ماينسى ذا !!!!!!!!!!"
ناظرته بغرور وكان الكلام مو معجبها ومرت من جنبه بتطلع غرفتها مسكها مع يدها :-ماجاوبتي
انقهرت سعاد منه وقالت له :-انت ماتحبني وانا نفس الشعور So لاتكبر الموضوع
قال يهدد :-بنجلس ترى طول عمرنا كذا انا طلاق ما اطلق
هزت كتوفها :-سو الي تبي عادي ماتفرق عندي
(بغت تقول-انت قضيت علي من زمان وش بيفرق الي بتسويه الحين \بس سكتت)
قال بقهر :-انتي ماتحسين ماعندك شعور مايهمك الانفسك
طعنها اتهامه في الصميم
ناظرته وقالت والصيحه واصله :-اخر من يتكلم عن الشعور هو انت
مسكها بقوه :-ليه
نزلت دموعها الي كبتتها سنه وزود قالت وهي على وشك تنهار :-تخونني ليلة ملكتنا ..تخونني
انهبل احمد :-ايش
قست عيونها وقالت :-وبعدين يا قلبي .. أنتي الأساس وزواجي ما يغير شعوري تجاهك...من قال هالكلام قلي
احمد (ما استوعب السالفه للحين ) :-----------------------
كملت وهي تبكي :-:_والله احبك وحبي لك ماله حدود بتظلين أنتي إلي متربعه على قلبي------>>من قال هالكلام علمني ياولد العم انت ذبحتني ذبحتني وش فرقك عن ولد عمتنا عبدالعزيز قلي انت كنت..................انت كنت..........
وماقدرت تتحمل اكثر وطلعت غرفتها تبكي من قلب ....
جلس احمد مصدووووووم من كلام سعاد ..يعني مو مذله قصدها ..طيب وش سالفة الخيانه منين جابت هالكلام تذكر يا احمد تذكر من الي قلت لها هالكلام عمرك ما تعديت الاخلاق والاعراف حتى قبل ماتتزوج سعاد لان حبها كان مسيطر عليك وعاميك عن غيرها
حس بتعب غريب من امس...
بيطلع غرفته ومن بعدها بيفكر في حل هاللغز !!
*
*
*
**************

[^دلوعة فريجنا^]

بيشو
الله يسلمج ياقلبي
وتسلمين عالمتابعة
:)

[KaY]

تسلمين حياتي

=)

نبي التكلمهـ

[^دلوعة فريجنا^]

kay

الله يسلمج وانشالله التكملة عن قريب

[DRACULA_Q8]

تسلمين وناطرين التكمله

[أمونه]

ناااطره :)

يعطيج العافيه

[* مغـ،،ــرورة *]

حبيبتي دلوعتنا
فدينج وفديت تكملتج
سوري على القطعة الطويلة بس والله الظروف ذبحتني :(

ابي التكملة بليييز :(

[علي العبداني]

وين التكمله ولا ليل حين ما نايمين الابطاال ناطره شنو بيقولون باجر هههههههههههههه
لوووووول لا اتغشمر يعطيج العافيه على القصه الحلوه لو اقووولج جم ساعه وانا قاعد اقرا فيهم ما تصدقين لي والله اكثر من 14 ساعه وعيوووني حمرت
5 ساعات امس بالليل واليوم الباجي من الصبح لي الحين واوقات متطعه
عيني قمت اشوق الشاشه شاشتين
ارحمينا واكتبيها كلها واخلصي
وثاااااااااااااااانكس خيتووووووو

[^دلوعة فريجنا^]

dracula_q8
الله يسلمك وتسلم عالمتابعة

[^دلوعة فريجنا^]

أمونة
الله يعافيج يالغلا كله
وثانكس عالطلة الحلوة :)

[^دلوعة فريجنا^]

مغرورة
والله لج وحشة فقدتج حبيبتي
نورت القصة برجوعج

[^دلوعة فريجنا^]

علي العبداني
الله يعافيك يالغلا
بلييز لاتتعب نفسك أهم شي صحتك والقصة لاحق عليها ماراح تطير

ولعيونكم الحين بكملها :)