مملكـــــــــــة الجـــــــــــود

[2Fast 2Furious]

هلا والله , موجودين

يسلمووو على القصة الروعة

وبانتظار التكملة

[تمنيتك]

الجزء السابع



فهد شاف اخته جذي انصدم على طول قرب منها وشالها وام فهد تبجي ، فهد ركب السيارة وعلى طول توجه للمستشفى ، ام فهد ما قدرت تتماسك وقعدت تبجي وشهد اغمى عليها وبعد محاولات قدرو يصحونها .. ابو فهد اخذ اهله وراحو المستشفى ولحقو فهد ..

مصعب كان بالبيت مع مرته ، وكان يكلم محسن رفيجه ،،
محسن : انزين مصعبو ثواني وادق عليك بدق على فهد بشوفه اذا يبي ايي معانا ولا لآ .
مصعب : خلاص .. صار
محسن دق على فهد اللي كان بالسياره واعصابه منهاره على اخته ..
فهد باستعجال وربكه : الوو
محسن : هلا ولد عمي ..
فهد : محسن جود طاحت علينا وانا رايح المستشفى ماقدر اكلمك باي باي ..
محسن : خلاص انا ياي مع مصعب باي .. وطمني

محسن انصدم يوم سمع جذي ، جود وايد غاليه على محسن ،، فتأثر وايد
محسن : مصعب دقيت على فهيد يقول اخته طاحت عليهم ..
مصعب بارتباك : أي اخت ؟؟
محسن استغرب من السؤال بس من الخوف ماعرف شلون يتصرف : اخته الجود .
مصعب : تكفا انا ياي معاك دقيقتين واكون عندك .
محسن : تعال لي المستشفى ..

هدى : خير مصعب ؟؟ شصاير ؟
مصعب : مو وقتج .. انتي السبب وخري عني

هدى انصدمت .. شلون اهيا السبب ؟؟ شنو سوت اصلن ؟؟ مالها ذنب بولا شي !!
مصعب لبس دشداشته بسرعه وركب سيارته وطار المستشفى.
دق على محسن اللي كان واصل قبله وسأله وينهم وراح لهم ..
مصعب حس نفسه غلط بين هالعايله ،، انا شنو يايبني واهما كلهم اهل .. شاللي خلاني أجي !! بس الموضوع يخص جود .. مستحيل اخليها لو على موتي ..
مصعب كان واقف يم محسن ، ويدعي ان الله يستر ويشافي جود وما يطلع فيها شي جايد.

الدكتور طلع من عند جود : منو ولي امرها هني ؟
ابو فهد : انا .. ها دكتور بشر ؟
الدكتور خذا ابو فهد بروحه وكلمه .. ابو فهد اخترع من كلام الدكتور ..
ابو فهد : بس مستحيل .. البنت كان ما فيها شي
الدكتور : هذا قضاء الله وقدرة .

ابو فهد مشا عن الدكتور واهو متضايق وحاط الغتره على جتفه من التعب
ام فهد واهي تبجي : شفيها بنتي ؟؟
ابو فهد : ...........
شهد تمسح دموعها : يبا تكفا قول شفيها جود ؟؟
ابو فهد : جود طلع معاها فشل كلوي حاد ، واذا ما تحسنت الحاله خايفين يصير مزمن ويصير وايد خطر عليها وراح يضطرون يستأصلون الكليه .
فهد ومحسن : لا حول ولا قوة الا بالله .
مصعب اللي كان يسمع جذي حس انه فقد احساسه ،، حس انه اخر اماله بالدنيا راحو ..
مصعب : دكتور سوووو شي
فهد استغرب من رده فعل مصعب ، شفيه اخترع فجأة ؟؟
نور كانت واقفه يم فهد وماسه ايده .. كانت تحاتي جود ،، جود انسانه غير عن باقي البشر ، تدخل القلب من اول شوفه .. الله يشافيها
مصعب : دكتور تكفا حرام بنت مثل هذي يصير فيها اللي يصير ..
محسن : مصعب .. هدي هدي خلاص ان شاء الله بيسوي اللي يقدر عليه.
مصعب تدارك نفسه وحس انه وايد انفعل بس شيسوي ،، هذي روحه والروح غاليه ..
حاولت ام فهد تدخل على بنتها بس الدكتور منعها لانهم يبون حالتها تستقر ونصحهم لو يتركونها ويزورونها باجر ،،
الكل راح ..
مصعب ركب سيارته ورد البيت .. كان طول الطريج يفكر بـ جود ،،

وصل البيت ..
هدى والدموع ماليه عينها : مصعب وين رحت ؟؟
مصعب بدون اهتمام : صار عندي شغل وطلعت ظروري .
هدى بضيق : مالي حق اعرف ؟؟
مصعب : اووووه هدى لا تصيرين لي مادري شلون قايله ،، وخري وخلاص

مصعب كان شبهه منهار وراح قعد على الكرسي اللي بغرفه النوم .
هدى ما كانت من البنات اللي يحبون يشكون حق احد عن أي شي ،، مسحت دموعها بايدها وغسلت ويهها وبدلت هدومها عشان تنام .. طلعت نامت بالصاله ،، الله كريم .. اول ليله معاه وهذا حالي ، الله يصبرني ..

مصعب حس انه قسا على هدى ، شذنب هالمسكينه باللي قاعد يصير ، هذي مرتي ، انا ليش مو قادر افهم الواقع ؟ ليش مو قاعد اتقبل الموضوع .. جود مو لي ، ومستحيل اقدر اوضح لها موقفي ، وحتى لو قلت لها الحقيقه مستحيل تصدق ..

مصعب خذاه التفكير يمين ويسار ،، ما عرف شنو يسوي . طلع الصاله شاف هدى توها تبي تنسدح عشان تنام ،، قعد يمها .
مصعب : هدى انا اسف .
هدى : لا عادي مصعب
مصعب : هدى جد انا اسف وما كان قصدي اصرخ عليج او ازفج انتي مالج ذنب باللي صار بس هذا واحد عزيز علي وطاح بالمستشفى وطلع فيه فشل كلوي حاد .
هدى : ما يشوف شر ،، مصعب طلبتك ..
مصعب : سمي ..
هدى : سم الله عدوينك .. مصعب مابي انام عندك بالغرفه ، ابي انام بالصاله .
مصعب ارتاح لما حس ان الكلام طلع منها لان اهو بعد ما وده ينام يمها بسرير واحد : على امرج بس انتي روحي الدار وانا انام بالصاله .
هدى ابتسمت وحست براحه : مشكور .
مصعب : تصبحين على خير .
هدى : تلقى الخير . (( وراحت الغرفه ))

هدى انسدحت على الفراش تبي تنام ،، قعدت تبجي من قلب .. بهالاثناء مصعب حس بصوت بجي خفيف ،، فتح الغرفه عليها شوي شوي ولا يشوفها تبجي ، مصعب استغرب .. والله غريبين هالحريم انزين اهيا اللي طالبه مني انها تنام بروحها ليش تبجي !!
بدل مصعب هدومه وحط راسه على الغنفه ( الكنبه ) يت صوره جود فباله ،، وقعد يدعي ..
اسأل الله العظيم رب العرش العظيم ان يشفيها
اسأل الله العظيم رب العرش العظيم ان يشفيها
يارب انا عبدك ناصيتي بـيدك راضي في حكمك
يارب اذا كان شفاء جود خير لها فاشفها ..
يارب جود في امس الحاجه لك يارب

،، ياربي متى أيي الوقت المناسب واقول حق هدى الحقيقه !! يارب خفف علي اللي قاعد يصير ..

ماحس مصعب بالدنيا حوله ونام .. نام من بعد ما دعا حق حبه الاول والاخير جود ان الله يشفيها ..

فبيت ابو فهد ..
ام فهد تبجي : ياحظي على بنيتي .. شصار فيها شذنبها هالصغيره اللي ماتهنت بشبابها يصير فيها كل هذا
ابو فهد : ان شاء الله مافيها الا العافيه ،، انتي ادعي لها بدال هالحجي اللي ماله داعي .
ام فهد واهي تحاول تمسك بجيتها : الله يشافيها ..

شهد اول ما وصلو البيت صعدت دارها واهي تبجي ،، مع ان شهد دايما حاطه دوبها دوب جود لكنها تبقى اختها الغاليه ..

ثاني يوم الصبح ..
فهد قام الصبح بيروح حق اخته .. فهد ساكن فبيت ام نور لان ماعندها احد غير نور ولمن تزوجت نور ظلت بروحها فاقترحت عليهم يسكنون عندها
ام نور : give my love to JUDE please ,,
فهد : ok Aunt

طلع فهد من البيت وراح حق اخته المستشفى .. دخل عليها الغرفه ،،
جود كانت منسدحه وعلامات التعب باينه عليها ..
جود : هلا والله فهد
فهد : هلا فيج حبيبتي شلونج اليوم ؟
جود : تمام الحمدلله .. فهد شنو قالك الطبيب عني ؟
فهد ارتبك مو عارف شيقول : مافي شي جود بس وعكه صحيه
جود حست بربكه اخوها : فهد خاش عني شي صح ؟
فهد : لا أبد مافي شي
جود ماصدقت اخوها : الحمدلله ..
قاطع محادثتهم دخول ام فهد وابو فهد مع شهد ..
ام فهد ركضت وحضنت بنتها : سلامتج جووود حبيبتي ما تشوفين شر مالج شغل بكلام الدكتور مافيج شي ان شاء الله خرابيط دكاتر يقولـ ....
فهد : أي يما بس يخربط يقول وعكه صحيه
ويطالع امه ويغمز لها عشان ما تقول حق جود وتتدهور حالتها ..
جود: خاشين علي شي انتو والله في شي .. بس مادري شنو اهوا ،،، شهد عفيه قولي لي ؟؟
شهد : مافيج شي جود انتي شفيج تفاولين على نفسج

بهاللحظه رن تلفون شهد : الوو
الطرف الثاني : يازين الصوت
شهد : نعمـ ؟؟
الطرف الثاني : ها ما تبين سعاد لي الحين ؟؟
شهد : لو سمحت غلطان .
وسكرت شهد التلفون

فهد : منو ؟؟
شهد : مادري واحد يقولي ما تبين سعاد
فهد :اذا دق مره ثانيه عطيني اوريج شغل الله فيه

شهد ماتت خوف وتذكرت انها صح من زمان داقه عليه .. الله يسامحج يا اسراء الي طيحتيني بهالمشكله ..
ام فهد وكلت بنتها سلطه اهيا مسويتها لها من البيت و باستها على خدها وطلعوو ..
ظلت جود بالفراش بروحها ،،، جود مو من النوع اللي يحب يقعد بروحه فـ حست بضيق بروحها ..
رن تلفونها
امينه : جووووووووودي يالقاطعه اوريج انتي هين هين ...
جود بجديه وتعب : هلا امينه شلونج ؟
امينه خافت من صوت جود : جود شفيج ؟؟؟
جود : امونه انا بالمستشفى
امينه بصدمه : بالمستشفى ؟؟؟؟؟؟؟؟؟؟
جود : أي امس طحت عليهم .. تقدرين اتيين عندي متملله بروحي
امينه : بدون ما تسألين انا الحين يايه

امينه لبست جينز وجبنيز وكاب ايطالي وطلعت وراحت المستشفى حق جود
امينه : سلامااااااااات جودي ما تشوفين شر يا قلبي ..والله ما تستاهلين
جود : الله يسلمج حبيبتي .. امونه بكلمج بموضوع طويل بس اتمنى انج ما تزعلين علي لاني ما قلت لج اياه من البدايه .
امينه باستغراب : تفضلي ،، لا شدعوه انا ما ازعل على جودي
جود : تذكرين الصبي اللي ينيتي عليه وقلتي انه حلو ومادري شصار فيج عشانه اللي ياب لنا الورقه من زمان عند باب السيارة
امينه : هممممم .. ماذكـــر واللـ ... ايييييييييييه تذكرت تذكرت ،، شفيه ؟
جود : الورقه اللي كانت معاه كانت ورقه بياناتي وعرف عني كل شي ، صار عنده رقمي واسمي وكل البيانات اللي تخصني
امينه بخوف : وبعدين ؟؟
جود : ظل فتره يدز مسجات وبين لي انه خوش صبي ومو راعي خرابيط وسوالف ،، وو ..
امينه : جودي شفيج ؟؟
جود وعيونها مليانه دموع : وحبيته من كل قلبي ،، ووعدني انه يكون لي واكون له .. بس صارت له ظروف وابوه وقف بطريجنا ،، وجبره انه يتزوج بنت عمه .. وو ..
قعدت جود تبجي بحسره على حبيبها : والحين اكيد مع مرته ..يابختها يا امينه ،، يا بختها ..
امينه تأثرت بدموع رفيجتها وايد : جود عفيه لا تبجين .. هذا ما يستاهلج خليه يولي ،، مو كفو حب وموو كفو هالدموع عشانه ..
جود كانت تصرخ بداخلها ،، إلا مصعب مستحيل ارضى عليه هالكلام ،، مصعب راح مني لكنه ظل بقلبي ..
جود: امينه مو بيدنا اللي صار ، كان فوق طاقتي وطاقته.
امينه : عيل دامج عارفه خلاص عفيه مسحي هالدموع ..
امينه ظلت قاعده ويا جوود فتره لين خلتها تضحك .. ارتاحت جود لانها قالت لاحد اللي تحس فيه ..
استأذت امينه من جود ومشت ،،

فبيت ام نور ..
نور : فهود خل نروح نشوف نور اليوم
فهد : حياتي ،، خلص موعد الزيارة والوالد والوالده اليوم راحو وطمنوني .. شرايج نروح اليوم البحر نتمشي .. ولا تدرين اليووم ماكو طلعه .. هاهاهاااااي
نور عرفت شنو فهد قاصد ويهها صار طماطه : لااا موبي موبي .. نبي نطلع عفيه
فهد واهو يعاند نور : مافي طلعه ،، لا تحاولين اليوم انتي بقبضتي .. واشوف شلون تقدرين تنحاشين يا عصفورتي
نور استحت وبدلع : فهـــّادي خلاص عاد ..
فهد : فدييييييت الدلوعه ،، يا رب انا شلون قادر استحملج .. نورو عقلي احسن لج لا افترسج الحين هههههههه
نور : هههههههههه .. صج مينون ..
فهد : مينون الحب .. مينون نور ..

اما فبيت ابو مصعب كانت الاوضاع مختلفه ..
هدى والحزن كله بويهها : مصعب بكلمك بموضوع
مصعب واهو متعاطف مع هالمسكينه : امري هدى
هدى : تره الموضوع يبيله مخ صافي وما يبيله عصبيه
مصعب : امري ..
هدى وعيونها غورقت دمووع : انا ..
مصعب مسك ايدها : قولي لا تخافين انا ماراح اعصب
هدى : انا اهلى جبروني عليك ،، لو كانت امي الله يرحمها عايشه جان كل هذا ما صار (( وقعدت تجبي ))
مصعب حاشته صدمه .. هـــــــــــــــــــــدى مجبوره فيني ؟؟
زواجنا هذا اساسه ؟؟ كلنا ضحايا هالزواج ؟؟ زواج عائلي مرسوم على خطه ؟؟؟ ليييييش؟؟ ليش هالظلم ؟؟
مصعب : مجبوره ؟؟؟؟؟؟
هدى : ابوي اجبرني عليك وقال انك شاريني
مصعب قعد يكلم نفسه أأأأأأأأأأأأأأأأاخ يالقهر .. انا موشاري غير جود .. ااااااااااااااخ
مصعب : هدى .. هدى .. انا نفسج ،، صرت بموقف جبرني اني اخذج ..
هدى بصدمه : مصعب تكفا طلبتك .. طلقني ،،
مصعب منصدم : أطلقج ؟؟؟؟؟ وشنو يقولون الاهل عنا ؟؟ انا ما علي كلام انتي اللي راح تنظرين
هدى : ما علي من كلام الاهل ،، ولا كلام الناس .. اهما ما فكرو فيني يوم زوجوني اياك غصب .
مصعب : خليني افكر بالموضوع .
هدى : تكفا بسرعه فكر فيه وبسرعه عطني الرد
مصعب سكت فتره وقعد يفكر بكلامها .. يقدر يطلقها ؟؟ مــا أعتقد .. وكلام الاهل ؟
انزين شنو استفادتهم من هالزواج ؟؟ ليش حاوطونا بقيوده ؟!

اسأله وايد دارت فبال مصعب وترك لنفسه فرصه التفكير ،،

بعد 3 شهور .. وفي بيت محمد الهارفي... بالتحديد في غرفه جود ..
كانت جود منشغله بترتيب اوراقها .. وخاصتا انها بالفتره الاخيره بدت تشغل نفسها بالاشعار وبكتاباتها وتدريجيا بدا مصعب يطلع من حياتها .. مسكت جود قلم وورقه وبدت تكتب ..

حاورت مره دمعتن على الخد تنهال // منهو سببها وش اللي كان معنيها
جتلي تقولي سببها ناس على البال // من حبهم صارت وجناتي تفتديها
قاطعتها بصوتي ترى هذا محال // كيف الخدود تفتدي شي يشقيها
جاوبتني بصوت فيه نبره دلال // ياكيف ام(ن) تحتضن طفل عانيها
دمعتن هلت بعد احزان(ن) طوال // تخفف عن هموم شخص حاويها
دمعتن سالت ع الخد تسري باعتدال // ماغير تحكي عن حزن اللي يبكيها
يادموعي جاوبي بس لو سؤال // ليه كل ما بكيت بقلبي زادت معانيها
يادموعي خففي بالقلب نار الاشتعال // وللمواجع اهتفي للي بالحب يداويها
جفت دموعي وبالخفوق زاد الجدال // ياكيف دمعتن تزيح هموم باكيها

حطت القلم ،، ودخلت الورقه داخل دفتر كتاباتها وانسدحت عالفراش ،، رسايل مصعب لين الحين بموبايلها .. قعدت تقراهم ودموعها تمشي على خدودها ..
(( جود لا تخافين انا مستحيل افرط فيج .. وانا احبج وخلج متأكده من هالشي ))
ومسج ثاني
(( جود حياتي ،، الدنيا كلها ترخص لرضاج ،، احبج ))
وثالث ورابع وخامس ،،،،،،،،،

أأأأأأاه يا دنيا .. وينك يا مصعب ،، رحت وصارت حياتي صعبه بدونك .. ولهت عليك ،، ولهت عليك لحد الموت..
تذكرت جود شغله اهيا ناسيتها ..
الورقه اللي عطاها اياها مصعب ،، الورقه اللي مد ايده لها وعطاها يوم شافها بعرس فاطمه اخت امينه ..
شلون نستها واهي من حبيب القلب ،، اخ ياغبائج يا جود ،،

جود قعدت تدور الورقه وين حطتها ؟؟ وينها فيه ؟؟؟ ااااف من غبائي ،،، انا متأكده انها بالجنطه بس وين راحت .. قعدت جود تدور وتدور لين لقتها .. جود فتحت الورقه وقعدت تقرأ ،، مستحيل .. لأ ،، مستحيل يسوي جذي عشاني .. مصعب لاااااااااااااااااااااااا ...


فبيت ام نور .. الساعه 3.25 العصر
نور : فهد تكفا وخر عني لاعت جبدي من ويهك خلاص
فهد : نور شفيج ؟؟ مو طايقه تشوفين وهيي !! انا زوجج شدعوه جذي
نور : اوووه وخر عني تراك صاير قبيح وما تنشها وريحتك خايسه قوم تسبح
فهد : مليت من السباحه ،، تانكي البيت خلص والسبه سباحتي ،، نوري شفيج ،، تعالي لايكون حااااااامل
نور : حامل بويهك ،، أي حامل ؟؟ خبل انت
فهد : قومي خل نروح الطبيب يالله
نور : اففففففف ،، والله جنك ياهل ،، يالله نروح يالله بس فكني من حنتك اهم شي
فهد : ان شاء الله ماما . هههههههههههه ،، تعالي ما تبين تشمين ريحتي ؟؟
نور : وخر عني تكفا برجع على ويهك اذا قربت .
فهد : ههههههههه يالله خل نجرب يمكن تصير ريحتي حلوة ..

فهد خذا نور وراحو المستشفى ..
الدكتور : مبروووووووك المدام حامل ..
فهد : حا . . حا .. حااامل ،، يعني اناا بصير ابو محمد اخيراااااااااااا
نور تبتسم : مبروك ابو محمد ..
فهد ماحس بعمره وشالها وطيرااااااااااان لي السياره : فديييييييييييييييييييييييييييييييتج ــ مبروك يا احلى نور بالعالم كله ..
نور : يبارك فيك ،، بس عفيه لا تشيلني مره ثانيه لان شكلك خايس وريحتك تلوع الجبد .
فهد : وااااااي وااااااي يا زين تلوع الجبد من بؤؤؤج
نور يعني استحت : واي لا امبي ما اقدر استحي ،، فهدو خل نرد البيت وتكفا بطل الدرايش ريحه السيارة تلوع الجبد ..
فهد : على امرج يا ملكه .
ويبطل فهد الدرايش مالت السياره ويطول عالاغاني ويطق رقبه من الوناسه

نور كانت تقرا الورقه مو مستوعبه اللي مكتور ... شـــلون ؟؟
مستحيل مصعب يسويها ؟!!!!
حرام عليه !!!!!!!!

شنو هالورقه اللي عفست جود لهدرجه ؟؟
شنو مكتوب فيها ؟؟

تم الجزء السابع ..

[تمنيتك]

الجزء الثامن ..


قعدت جود تقرا الورقه اكثر من مره ، يمكن تقرا سطر غلط او شي من هالقبيل .. لكن الكلام كان واضح ..
(( جود ،، مادري اذا بتقرين الورقه الحين ولا بعدين .. لكن أي وقت تقرينها ابيج تركزين فيها عدل ..
جود من عرفتج انا ما فكرت فيج الا بالزينه ،، حياتي .. الامور مع ابوي قاعده تنحدر للأسوء ،، حياتي بدونج ولا شي ،، أعذريني اذا انهيت حياتي بيدي .. حبيبج .. مصعب ))

جود حست انها مو بالعالم ،، مصعب مستحيل يسويها .. مصعب يحبني ،، مصعب انسان مؤمن ومستحيل يفكر بالانتحار ..

فكرت جود وايد .. ادق عليه ؟؟ ولا ما ادق ؟؟ اخاف اهو الحين مع مرته .. بس خوفي راح من هالدنيــا .. اعوووذ بالله من هالافكار ..

مسكت جود التلفون وايدها ترجف .. طقت رقمه .. رن التلفون .. الحمدلله لك يارب .. مافيه شي ..
جود كانت تنطره يرد .. بس للأسف ،، ما شافت أي رد منه .. سكرت التلفون واهي متضايقه ،،
إييييييييييه .. من لقى احبابه نسى اصحابه .. الله يوفقه ،، كيفه اهو اللي خسرني ..

سكرت جود التلفون .. شوي ولا يرن تلفونها ..
: الو
جود : نعم ؟؟
: أأأ .. هذا مو رقم خالد ؟
جود : لا غلطان اخوي ..
: مع السلامه ,,

فبيت امينه ،،
مشعل : امينووو ،، تعالي شوفي لي بدله بطلع ..
امينه : يا سلام ومن متى انا اختار لك ؟
مشعل : من اليوم وطالع
امينه : يا سلام على الاخو البار بخواته !!
مشعل : امون يالله بليز تعالي كشخيني بضبط لي جم وحده اليوم ،، اللي عندي طقت جبدي منهم وابي يدد
امينه : الحمدلله والشكر لك يارب ،، ياربي لا تبلاني ،، اخو و نص عقله مادري منو لاحسه
مشعل : شنو قالو لج عقلي حلاو يلحسونه !!
امينه : وااااااااااااااااااااااااااي مليييييييييييييق اخوي ،، شارب بطل ملاقه ولا شسالفتك
مشعل : لا .. ولا شسالفتي .. كاااااااك .. يالله تعالي كشخيني وعقلي

امينه راحت دار اخوها تدور له هدوم يلبسها .. امينه كانت معروفه بذوقها باختيار هدوم الشباب ،، واغلب هدوم اخوانها اهيا تختارها لهم ..

طلعت امينه حق مشعل بنطلون لوو ويست جينز وقميص ابيض مخطط بخطوط بسيطه بالكحلي ،، وحزام يناسب القميص وقالت له انه يرفع شعره ويسويه سبايكي << بس شبايكي ذرب ،، يعني ماله داعي تخليه جنه احد مفجر براسك قنبله ..
لبس مشعل وكشخ وكان شوي معضل فكان القميص حلو عليه ومبين عضلات صدره ..

مشعل طلع من البيت وراح دار العوضي ،، راح يتمشى مع 2 من ربعه ..
بالصدفه شافو بنت مع رفيجتها ،، شكل البنت راقي .. كانت لابسه جينز فاتح ديرتي وقميص ذرب Guess وحزام ورابطه شعرها ،،
مشعل : يا زين الـ Guess اللي يمشي جدامي ويازين راعيته
البنت ما عطته وييه
مشعل : عطينا وييييه يبا ،، ولا عشان انتي حلوة ما تطالعين الجياكر ؟؟
حاول مشعل بكل الطرق انه يضبط البنت بس ما قدر ..
مشعل يكلم نفسه : ويييييييه انا شيابني حق هذي ،، هذي باين عليها بنت فلوس وانا حافي منتف واركض وراها ، شكلي والله بقعد عاللي عندي احسن لي

قرر قرار مينون ،، لكنه قرر ينفذه .. مسك موبايله ،، وصور البنت ، صج عجبته ، كان مو فباله أي شي ، بس ان تكون صورتها بموبايله .

فبيت ابو مصعب ..
مصعب : يما بكلمج بموضوع ، مادري شلون بتاخذينه لكن هذا اللي عندي ..
ام مصعب : امر ياولدي
مصعب : يما هدى طلبت الطلاق
ام مصعب بصدمه : طلاااااااااااااق ؟؟؟
مصعب : ادري الموضوع بيصدمج لكن هذا الحق ..
ام مصعب : بس ياولدي هذي بنت عمك ،، شلون تطلقها
مصعب : يما بس اهيا اللي طلبت وانا مابي اجبرها على نفسي .
ام مصعب : ابيك تفكر عدل .. ولا تتسرع ياولدي ..
قاطع كلامهم صوت تلفون البيت واهو يرن ..
مصعب راح عند التلفون ..
مصعب : الووو
: الو السلام عليكم
مصعب : وعليكم السلام هلا منو معاي ؟
: والله انا صاحب المحل اللي امس ييته وموبايلك نسيته عندي ..
مصعب : وشلون عرفت رقمي البيت ؟؟؟!
: والله اسف بس سمحت لنفسي اني ادور بالارقام عشان اسلم الموبايل لك ،، وانا امس لحقتك بس للأسف ما سمعتني انت .
مصعب : مشكور اخوي على امانتك ..
: العفو ،، تقدر اليوم اتيي تاخذه اذا تبي
مصعب : ان شاء الله اليوم أي اخذه .

صك مصعب التلفون .. وراح على طول المحل اللي كان عنده امس واستلم موبايله ..
قعد يطالع ، الارقام الصادره والوارده .. لقا ارقام ربعه ورقم عبالدمحسن وجم مسج من عبدالمحسن ..
شكر مصعب صاحب المحل على امانته ومشى
اتصل مصعب على محسن يسأله عن صحته ويتطمن عليه ووصاه يسلم على فهد ..
بعد ما صك التلفون مصعب قعد يذكر الرساله اللي عطاها جود يوم العرس .. والله اني مينون ع اللي كتبته ،، خرعت البنت عالفاضي ،، بس كنت ابي اشوف غلاي عندها ،، والظاهر مالي غلا بعد اللي سويته .. اه يا جود الروح .. ولهت عليج شكثر ،، بس يا ازمه اشتدي تنفرجي ،، متى اطلق هدى وايي لج اركض على ايد وريووول!

فبيت جود ،، جود كانت قاعده بالصاله ،، مع اهلها ،، دخلت شهد ،، الصاله ..
ابو فهد : شهدو وينج فيه لهالحزه ؟
شهد: يبا كنت مع هديل بنت عمي .
ابو فهد : اها ،، مره ثانيه لا تطولون لي هالحزه ، شوفي الساعه جم الحين ؟؟ الساعه 8 وانتي بره
شهد : ان شاء الله يبا. (( وصعدت شهد دراها ))

جود واهي مع اهلها قعدو يسولفون ..
شوي ولا يوصل لجود مسج ..
(( جود ،، هذا مو رقم خالد ؟؟ هههه .. يحليلج بنت ناس والله ،، الا اقول شلون مصعب ؟؟ ))
جود انصدمت من المسج .. كان المسج من رقم غريب وما تدري منو هالرقم والكلام كلام يخرع ..
ردت عالمسج (( نعم ؟؟ هلا اخوي ؟؟ منو مصعب ؟ الظاهر غلطان ))
رد عليها نفس الشخص ..
(( يا قلبي عليها اللي نست حبيبها .. يابابا لا تستغبين وطاوعيني اذا تبين الراحه لنفسج اما اذا ما تبين فخلج على استعباطج وتره مصعب قال لي كل شي ))

جود حست ان الارض تدور فيها ،، مستحيل مصعب يسويها ويفضحني انا ماسويت شي له ،، بس ليش جازاني جذي ؟؟

قاطع تفكيرها مسج ثاني ،، (( جود ،، اليوم الساعه 10.30 ابي اكلمج ،، واذا مارديتي بتشوفين شي ماشفتيه من يوم ولدتج امج ))

جود خافت من كلامه ،، هذا شنو يبي ؟؟ مارد عليه وظلت قاعده مع اهلها ..
ابو فهد : يبا جود باجر الصبح ابي اوديج المستشفى .. لازم نسوي لج جم فحص نتطمن على حالتج
جود : يبا انتو قلتو مافيني شي
ابو فهد : ميخالف بس نتطمن احسن
ام فهد : بو فهد خلنا نقولها عن الموضوع ..
جود : يما أي موضوع
ام فهد : يبنيتي بقولج شغله بس انا ادري انج قويه .. جودي حياتي الدكتور قال ان عندج فشل كلوي حاد .. بس الموضوع الحمدلله مو خطر ،، وما تحول للمزمن فان شاء الله نلقاله علاج ،، بالديلسه ما ديلسه يصير
** الديلسه .. هذي ظاهره يشتغل عليها جهاز للمصابين بامراض الكليه ..
جود : وخشيتو عني ؟؟
ام فهد : يا يما ماكنا نبي نقولج عشان ما نكدر بخاطرج بس والله يا جوجو ان شاء الله مافيج الا العافيه .
جود بحزن : ان شاء الله .. بس تكفون خلوها وقت ثاني مالي نفس باجر اروح الطبيب ،، تونا معطلين وانا حدي مو مصدقه احصل لي نوم الصبح فتكفون خلوها وقت ثاني ...
ابو فهد : خلاص يبا على هواج ..

الساعه 10.30جود كانت تفكر باللي راح يتصل واهيا ميته خوف .. ماتدري تقول حق منو ..
جود : ياربي هذا شنو يبي ...
شوي ولا يرن تلفونها .. .
جود : الو ؟؟
: هلا يا ناعم الطرف والعووووود
جود : نعم اخوي ؟؟
: وايد فديت الصوت جود الهارفي حبيبت عمري وحياتي انتي
جود بصدمه ... يعرف اسمي بعد ؟!! منو هذا : لو سمحت ممكن اعرف منو معاي ويليت ماتكون دقه هذي ..
: دقه ؟؟ يحليلج شكلج متعوده عالشباب هالوقت يسوون فيج دقااات
جود بعصبيه : اخوي داق تسمعني هالحجي ؟؟ يليت نسكره لاني مو بنت هالسوالف .
: واي واي يا عمري عليج .. اعصابج جوجو .. انزين تدرين شلون .. انا اخليج تهدين .. امواااااااااه
جود انصدمت شنو هذا شنو هالارف اللي اهوا فيه : صج انك حقير وقليل ادب ..
وسكرت جود السماعه .. واهيا تبجي ..
جود ما عرفت شتسوي .. وما عندها غير امينه
جود : الو امون لحقي علي ...
امينه : بسم الله عليج شفيج ؟؟
جود : واحد حقير ونذل دق مادري شعرفه فيني .. قعد يسوي حركات قليله ادب وكلامه يلوع الجبد وداز لي مسج يقول ان مصعب قايل له كل شي عني ..
امينه : هدي هدي جود ،، ان شاء الله ما فيه الا الخير .. ويمكن هذا مقلب من مصعب .
جود : لا مو مقلب مبين انه صج ،، واهو كلامه حقير ونذل والله نذل ..
امينه : انزين يمكن صج مصعب مسوي هالشي .. خلي السالفه علي وانا اتصرف واعرف كل شي
جود : لا امون اخاف يضرج ويضرني خلاص خلاص انسي اللي قلته لج .. خليني احلها بروحي ..
امينه : لا جود مستحيل اخليج بروحج ...
جود : لحظه امينه وصلني مسج .. خل اشوفه واذا قدرت بدق عليج باي ..
سكرت جود التلفون وطالعت المسج
(( يا احلى بنات العالم والكون .. يا ام عيون سوود ،، وين تروحين مني ،، تره ماكو مفر .. وسايريني مثل ما أبي احسن من ما تندمين ))
جود ماتت خوف فقالت خل ادز له مسج احسن من ما اروح فيها .. (( خير .. شالمطلوووب ؟؟ شنو تبي مني ؟؟ ))
رد عليها .. (( لو سمحتي انا خالد .. ويليت تناديني خلودي عشان احس بالدلع ،، واول طلباتي انج الحين تردين على اتصالي .. عدي لين الـ 10 وانا داق ،، وقد اعذر من انذر ))
جود قررت ان ما ترد على هالذيب اللي اسمه خالد .. وانها تسكت عنه وما تعطيه أي انتباه ..
على الساعه 12 حطت جود راسها عالمخده وطبعا بعد ما حطت مو بايلها سايلنت لان هالانسان اللي اسمه خالد طلع روحها من الاتصال ،، ونامت بعد جهد كبير انها تطلع مصعب وخالد من بالها ..

فبيت ام نور .. الساعه 11.30 الظهر ..
ام نور بلغه عربيه جدا رديئه : هبيبي فاهاد .. why u r sleeping here ?
فهد : هاا ؟؟ أأ .. هلا هلا خالتي خالتي بنتج ماتبيني وياها تقول ان ريحتي خايسه هههه
ام نور : what ??
فهد : Nour don’t want me in her room she told My smell is soooo bad!!
ام نور : hhhhhhh .. oh sweet heart .
نور واهي نازله من فوق : فهوودي وينك فيه ؟؟
فهد : هلا يا نور عيني كاني تحت وريحتي تهبل تعالي بس قعدي وياي تكفين
نور : هههههههه .. لا لا وع مابي اقعد وياك بقعد ويا امي حبيبتي .. الا اقول فهيد .. يالله خل نروح حق عمتي بس عسى ما قلت لها اني حامل ؟؟
فهد : لا ما قلت لها .. مو انتي قلتي خليها مفاجأة ..
نور : أي اشوه ..

فبيت امينه ...
مشعل : امونه وينج ؟؟
امينه : تعال انا بداري ادخل ادخل
مشعل : امونه لقيت وحده ذاك اليوم بدار العوضي .. ياااااااهي حلوة .. اووووووف والله صارووووووووووووخ البنت
امينه : ويه ويه شدعوه فهوود ،،، جنك مو شايف بنات بهالكون .. ما جنه اختك ملكه جمال
مشعل : قالت شنو قالت ملكه جمال ،،، ههاااااي انتي عندها ما تعرفين الجمال اصلن .. اشوه انج مو رفيجتها ،، والله لو اعرفها اخطبها الحين بهالدقيقه ..
امينه : وي وي شدعوه عليك ،، جان سألتها من بنته نروح نخطبها لان حده مو وقته تموت علينا ..
مشعل تذكر الصورة : لحظه لحظه كاهي صورتها
امينه : نعمممممممم ؟؟ صورتها ؟؟ وانت من متى تصور بنات
مشعل : هي هي انتي لا تاكلينا يبا انا مو نوعي اصور بنات بس هذي صراحه ماقدرت عليها صورتها وحطيتها خلفيه .
امينه : ورني خل اشوف هالجمال الاخااذ اللي ذابحنا فيه
مشعل : هاج شوفي بس ديري بالج من عيونج ،، انتي مشكلتج وحده بوحده هههههههه
امينه قعدت تطالع الصورة . : مشعلووووووووووووووووووووووووو .. امسحها الحين .. الحين تمسحها ..


فبيت جود ..
جود قعدت من النوم متأخر .. قامت على الساعه 1 الظهر ،، طالعت مو بايلها
جود : اوووووله 12 مكالمه لم يرد عليها .. شنو يبي هذا ؟؟ ولا بعد 5 مسجات ..
جود قعدت تقرأ المسجات ..
المسج الاول (( حياتي ليش ما تردين يا حلوة ،، تره صور عرس اخوج عندي وكنتي واااااااايد حلوة اتهبلين ))
المسج الثاني (( يحلووووج وانتي نايمه .. يصير ايي عندكم الحين ؟؟ ))
المسج الثالث (( شكلج ما تبين صورج ،، بس انا طيب ماحب اخذ شي مو حقي .. باجر دخلي النت ودوري صورج ..
المسج الرابع ((يـــا شقوووول ،، والله لو مارديتي بتاكلينها ))
اما المسج الخامس واللي كان اقوا المسجات (( جود وربج اللي خلقني ، هذا اخر انذار حقج ، باجر اذا ما شفتج ماراح يصير خاطرج طيب .. موعدنا بيتزا البحر ،، واذا تبين احد ايي وياج تره عادي انا استقبل ))

جود ما عرفت شنو تسوي ؟؟ تقول حق منو وتخلي منو !! اتصلت على امينه ..

فبيت امينه ..
امينه : مشعلو وراسك تمسح الصورة .. تدري هذي صورة منو ؟؟
مشعل : منو لايكون ملكه جمال الكون ؟؟
امينه : يالسخيف هذي اخت الجود .
مشعل بصدمه : نعمممممممممم ؟؟ هذي اخت الجود ؟؟
امينه : أي يا غبي هذي اختها
مشعل : اووووووله شنو هذول كلهم جذي ملكات جمال ؟؟
امينه : استح على ويهك وامسح الصورة
مشعل : مستحيل .. لا تحاولين وكلمي جود قوليلها اني حاجز اختها ..
امينه : قبل جم يوم تبي جود والحين اختها ،، حدد موقفك منو تبي .. وبعدين انت هيي لا تصدق ان البنت بتوافق عليك ،، شايف ويهك ؟؟
مشعل : ازين منج !! وبعدين صج ان جود حلوة وبتظل حلوة واحلى من اختها بس يبا اختها حدها شكلها كوووول وصغيره ،، جود خلاص بطلنا ما نبيها اكبر مني ،،
امينه : اقول وخر وخر وبلا كلام فاضي وبلبله مالها داعي ..

رن تلفون امينه .. ولا المتصل جود ..
امينه : الووو ... عمرج طويييييييييييييييييييييييييل توني انا واخوج نسولف عنج
جود : شتقولون ؟؟
امينه : ولا شي هههه
جود: المهم خلينا من السالفه .. امونه ابيج بموضوع
امينه : بخصوص اللي امس ؟؟
جود : أي تكفين اليوم تعالي وياي بيتزا ..
امينه : ليش ؟؟
جود قعدت تقول حق امينه القصه .. وامينه وافقت لانها مستحيل تتخلى عن رفيجتها .

الساعه 3.30 وصل مسج حق جود .. (( ياملاك .. الساعه 4 تكونين موجوده .. ولا صورج ببيعها بالمزاد ))
جود تنرفزت من اسلوبه الوصخ ..

طلعت جود من البيت مع امينه وراحو بيتزا البحر ..
وصل جود مسج (( شزينج جود .. صج حلوة ،، بس ما عرفتينا باللي معاج ))
جود عصبت ودزت له (( مالك شغل خلصني وعطني صوري .. واعتقد هذا اتفاقنا ))
رد عليها (( هههااااااااااي ،، مسكينه يا بنت امج وابوج ،، عبالج بهالسهوله بتاخذين صورج ؟؟ ))
جود خافت (( شنو تبي ،، تكفا انا مو راعيه مشاكل ولا لي علاقه بالشباب ))
(( مسكينه انتي ،، لا مالج علاقه يا حرام .. يبا مصعب فضحج وخلصنا ))
جود قعدت تبجي .. ليش مصعب كل ما اختفى من حياتي يرد يطلع ،، وكل مشاكلي مرتبطه فيه ،، شنو هالانسان ،، امينه قلبها ذاب من شوف رفيجتها على هالحال ..
امينه : جودي خلاص لا تبجين .. خل يولي هالحقير ،، اخ بس لو انا اعرفه ..
(( جود ،، بطلي بلوتوثج بدز لج شي .. ))
جود اخترعت شنو بيدز لها .. وبطلت البلوتوث
شوي ولا يوصل لها .. اللي ارسله ..

فبيت ابو فهد ..

ميري : بابا فهد يجي مع ماما نور
ام فهد : خليهم يدخلون من باب المسبح لان الباب اللي جدام قاعدين يسون له تصليحات
ميري : اوكي مدام
فهد بصرخه : قووووووووووووووووووة يا احلى ام بالدنيا دي كووولها ..
ام فهد :: هههههههه هلا والله فهدو شلونك ؟؟ وخر وخر يالكبت خلني اشوف نور وي وي فديتها هالنور ..
نور بحيا : تسلمين خالتي ..
فهد : يما عندي مفاجأة بمليوووون
ام فهد : بمليون طراق ههههههه
نور : يا ابو ريحه اسكت انا بقول لها
ام فهد : يالله قولو طيحتو قلبي
نور : خالتي ،، شرايج لو طلع لج حمودي يقولج يدتي ..
ام فهد : حاااااااااااااااااااااااااااااااامل ؟؟
نور بحيا : أي خالتي
ام فهد : الف الصلاة والسلام عليك يا حبيب الله محمد .. كلووولووولووووووووووووووووش
ابو فهد : السلام عليكم .. ها ها منو تزوج بعد ؟؟
ام فهد : تعال اسمع احلى خبر بالدنيا .. نور حامل
ابو فهد : مبروووووووووووووووووووووووووك نور ،، مبروك فهيد ولدي ..

جود ،، قعدت تطالع الصورة واهيا ميته بجي .. هذي صورتي ،، وبعرس اخوي
امينه : خلاص جود هدي هدي ان شاء الله تنحل ..

جود دزت له مسج (( الله كبير يا حقير .. الله فوقك ))
رد عليها .. (( ههه ،، صج ؟؟ ادري والله .. المره اليايه ان شاء الله اشوفج بروحج ،، بس يليت يكون هالموضوع سر ومحد يدري يا اجمل بنت بالدنيا ،، على فكره شكلج حلو بدون حجاب ،، ونفنوفج يهبل واللي محليه شكلج و ... ولا اقول ماني قايل .. اقولج اياها يوم اشوفج بروحج وحطيها فبالج ،، الرفض مو لصالحج .. ان شاء الله موعدنا يوم الاثنين ولهذاك الحين ،، اتمنى لج احلام سعيده .. فيني طبعا .. ولاتنسين كل يوم بالليل لازم اسولف وياج هههااي))

جود انهارت بالبجي .. وماقدرت تسوق سيارتها وخلت امينه تسوق بدالها .. وصلت البيت واثار البجي مبينه عليها .. دخلت .. ولا اخوها وابوها وامها وشهد قاعدين بالصاله
دخلت جود سلمت عالكل ،، امها بشرتها عن اخوها .. استانست بس وين الفرح واهيا بهالحال ..

فبيت ابو مصعب ..
مصعب : اسف هدى بس .. انتي طالق .. طالق .. طالق
هدى راحت بدوامه من البجي .. صج ان هذا طلبها ،، لكنها ما توقعت ان مصعب يسويها .. اهيا بدت تحبه لكنه اهو عديم احساس ..
مصعب : هدى وربي اسف بس مابي اضلمج معاي .. انا اسف ..
هدي واهي تبجي : ميخالف مصعب انا اللي اخترت هالشي .. وانا استحمل ..

مصعب قال حق ابوه اللي عصب من الموضوع وقاله انه مو راضي عليه لين يوم الدين ،، اما امه كانت متعاطفه وياه وقالت له ان هذي الخيره ..

مصعب ظل يفكر بالموضوع ،، خسر ابوه ،، شلون رضى حق نفسه يخسر ابوه ،،

يوم الاثنين ،،
جود قامت الصبح واهيا متضايقه ،، يارب ساعدني ،، يارب ما يتصل اليوم هالمزعج يارب ..
يارب يا كريم الله يحميني من هالشخص يارب ..

قطع دعائها مسج من خالد (( صباح الخير يالجمال ،، ها على وعدنــا اليوم ،، ويليت تكونين بروحج مثل ما قلت لج .. ولاتنسين تره صورج عندي ))

جــــود حست بالضعف شتسوي .. وحق منو تشكي ،، ؟؟!
شراح تسوي جود بهالموقف ؟؟ وشنو راح يصير لها !!

تم الجزء الثامن ..

[أمونه]

اشكرج وناطره الاجزاء القادمه

[تمنيتك]

الجزء التاسع



جود ما عرفت شنو تسوي ،، حل واحد .. أمينه !!!
جود مسكت تلفونها ،، ودقت على امينه ..

جود : امونه تكفين تعالي معاي ..
امينه : اهوا بس هددج.. من صجج تصدقينه يبا خل يولي .
جود : ميخالف تعالي ووقفي بعيد بس ابي اخذ صوري وارد ..
امينه : ولا تصيرين هبله وايد ما اتوقع يعطيج اياهم بهالسهوله .
جود : امينه بس والله خايفه ماكو غير هالحل .. بحاول تكفين ساعديني
امينه : خل نحاول ،، وان شاء الله خير .

بالمسبح كانت شهد مع بنت عمها وضحه يتسبحون ..
شهد : وضوووح تصدقين ،، قاعده احاتي شغله . في واحد دقيت عليه من زمان بالغلط ومأذيني صار له جم يوم يدق ..
وضحه : تصدقين صارت فيني مره وهديل اختي ورته شغل الله وبعدها ما كان له حس ..
شهد: والله خايفه ..


فبيت ام مشعل ،،
مشعل : يما اخت الجود اتينن ، وعاجبتني وحبيتها من اول نظره يما خل نروح نخطبها ..
ام مشعل : مشعلوووه شهالحجي !! بتعقل ولا اعلم ابوك
مشعل : لا لا لا ،، الا هذي .. مش ممكن يا مامي ، حموت كدا تحرميني من حياتي (( وقلبها فلم مصري ))
ام مشعل : اقوووووول أأأأأأأأأأأأأأأاهو وخر وخر .
مشعل : تكفين يما مش حستطيع
ام مشعل : حسافه عالبنت تحت ايدك ،، تضيع حياتها ومستقبلها
مشعل واهي مسوي نفسه حزين : خلاص انا زعلان وراح اسافر وماراح تشوفين رقعه ويهي مره ثانيه .. الوداااااااع يا امي
ام مشعل : مشعل .. اقولك شي ،، اقلب ويهك خل اروح عند امونه احسن لي
جراح : يما ابي 11 دينار و950 فلس
ام مشعل : يا حظي على هالعيال ليش بعد ؟؟
جراح : يما انا بقولج السالفه بدون جذب .. بشتري جينز عجبني اليوم صراحه وماعندي فلوس ، مشعلو المقرود خذاهم .
مشعل يخز جراح ويبي يسكته : نوافيكم بتفاصيل النشره بعد الفاصل ... طووووووووووط
ويسحب مشعل اخوه ويطلع بره الصاله ،،
مشعل : جراحو انا مو قايل لك ما تقول حق امي اني اخذ منك فلوس ؟؟
جراح : ليش بعد ،، لا يكون تتاجر فيهم مخدرات من ورانا .
مشعل : اقول اقول ،، اووووووووووووص لا ألتك كف اطير ويهك .. الشره مو عليك الشره علي اللي اسولف وياك ،،

مصعب كان يتمشى عالبحر .. اوووووووخ انا ناسي فهد خل ادق اشوف شلونه وبالمره نسأل عن نبض القلب جود
مصعب : الوووو قوة فهد
فهد :اهلييييييين هلا بالقاطع هلا باللي ما يسأل عن خويه
مصعب : والله حرام عليك يا فهد انا التهيت بهالدنيا وصارت لي ظروف مالها اول ولا تالي
فهد: يالله ،، الله يكون بالعون
مصعب : شلون الاهل عساهم بخير .. واختك شلونها ؟؟
فهد واهو مستغرب : اختي ؟؟؟
مصعب بارتباك : أي اختك اذكر من زمان قلتو ان معاها فشل كلوي .
فهد تطمن : أي الحمدلله بخير .. الحين احسن
مصعب : الحمدلله مأجورين ان شاء الله
فهد : الله يسلمك ،، انزين ما تسيـّر اليوم علينا ؟؟ بنروح دوانيه بيت محسن .
مصعب : والله مادري على حسب . ان شاء الله خير
فهد : خلاص ماشي .. على خير .. مع السلامه
مصعب : في امان الله.
مصعب كان يفكر بجود .. الحمدلله اهيا بخير ،، بسـ .. شلون اوصل لها ؟؟ وهل راح تغفر لي وتسامحني ؟؟
ااااااااااااخ يا جود ليتني مو متزوج .. جان كل هذا ما صار..
قعد مصعب يتذكر جود ويتذكر احلى الايام وياها .. وسرح بخياله ، تذكر يوم واعدها عند مواقف الجامعه بعيد ميلادها ::
جود : حبيبي صج تحبني ؟
مصعب : اموت عليك مو بس احبج انا اهوااااااااااااج
انزين غمضي عيونج
جود : لا مابي !!
مصعب بضحك : بتغمضين ولا اغمضهم لج ؟
جود : ههههه لا خلاص خلاص بغمض
جود غمضت عيونها ..
مصعب : صج مغمضه ؟؟
جود : ايي اكيد ..
مصعب : انزين هذا جم ؟؟ (( واشر بصبعه رقم 2 ))
جود : شدراني انا !! والله مغمضه يالله صعوبي لا تينني شنو تبي ؟
مصعب : ببوسج هههههههههه
جود بطلت عيونها وطالعته : نعممممممممممم
مصعب : لا لا يبا اتغشمر ،، يعني تتوقعين اسويها مثلا
جود : ريال وينخاف منك هههههههه
مصعب : قصدج رجال ههههه
مصعب طلع الهديه من ورا ظهره وعطاها .
جود بخجل : ليش حياتي كل هذا ؟
مصعب : عيد ميلادج ومستحيل انساه
جود بحيا : تسلم يا حياتي ع ذوقك .
مصعب : اتمنى تعجبج يا غناتي
جود : كل شي من الحلو حلو .
مصعب : يالله روحي الحين وانا وراج لي البيت بعدين برد بيتنا
جود : خلاص اوكي حبيبي .. بيباي . احبك
مصعب : اموت عليييج يا عصفورة .

صحا مصعب من ذكرياته ودموعه ماليه عينه ،، اشتقتلج جود .. حياتي بدونج ما تسوى شي .. يارب الله يوفقنا ونرد لبعض ..

بناحيه ثانيه من العالم بـ ايرلندا ..
رغد : مبارك يالله قوم بيروح عليك امتحانك .
مبارك : مالي خلق رغووود
رغد : حياتي قاعده اقولك امتحان شنو مالك خلق
مبارك مخترع : اوووف امتحان ؟؟ ليش ما قلتيلي
رغد : بيبي قاعده اقولك من مساع بس انت مادري شفيك تقول مالك خلق
مبارك : خلاص sweety انا بقوم بس زهبي لي هدومي .
رغد : ان شاء الله .

جود كانت بالطريج .. رايحه حق مصير مجهول ما تدري شنو نهايته ،،
امينه كانت وراها بالسياره تلحقها ..

جود وقفت سيارتها بالمكان اللي قالها عنه اللي ينقال له خالد وامينه وقفت من بعيد ..
جود دزت حق خالد مسج (( لو سمحت اخوي .. اكسر الشر وعطني صوري ))
رد عليها (( ههااااااي انتي ليش لاعبه دور الفقيره ؟؟ ماراح اخليج الا لمن انفذ اللي فبالي ))
جود اخترعت (( وشنو اللي فبالك ؟؟؟ ))
رد عليها (( تعالي ركبي يمي وتعرفين ))
جود خافت وماردت عليه .. وحركت وردت البيت بسرعه ..
دز لها مسج (( مسكينه يعني منحاشه ،، أي يا ماما انحاشي .. بس تره الموعد الياي ان شاء الله بيكون الخميس بس راح يكون قعده سنعه ،، يعني تقريبا يمكن يكون بدوانيه البيت ))

جود انهارت وقعدت تبجي وردت البيت واهيا ميته خوف ... حق منو تقول ولمنو تشكي ؟؟
امينه ظلت واقفه وين ما كانت وما تحركت ..

بـ دوانيه عبدالمحسن الساعه 9.30 ..
مصعب دخل الدوانيه .. سلم على الكل ،،
محسن : يا حيا الله من يااااناااااااا هلاالمعرس .
مصعب تضايق : هلا محسن هلا فيك ..
فهد :حيا الله مصعبنا شلونك ؟
مصعب : بخير الله يسلمك
شوي ولا يرن تلفون فهد ..
فهد : الوووو .. هلا جودي
جود واهيا تبجي : فهد وينك ؟؟
فهد : انا بالدوانيه .. جود شفيج ؟؟
جود : فهد الحق علي وتعال تكفا
فهد : خلاص خلاص انا ياي ..

مصعب تجمد الدم بعروجه يوم سمع اسم جود ،، جود فيها شي ولا مستحيل يقوم من الدوانيه على ولا شي ..
ياربي استر .. يارب استر ..

رن تلفون فهد واهو بالطريج
جود: فهد خلاص لا تيي !!
فهد : نعمم ؟؟
جود : والله فهد خلاص بس كنت شوي تعبانه والحين احسن
فهد : لا خلاص جودي انا ياي
جود : لا فهود ارجع حق ربعك انا بنام الحمدلله انا الحين بخير ..
فهد : على هواج باي حبيبتي

جود سكرت التلفون واهيا تبجي ،، كانت مقرره تقول حق اخوها وينقذها من هالذيب اللي دخل على حياتها وقلبها جحيم بس خافت يفهمها غلط .. وقررت تسكت ، كانت محتاجه حق مصعب تشكي له .. بس مصعب اهوا السبب .. مصعب اهو سبب كل هالمصايب والبلاوي..

جود حطت راسها على الفراش ومسكت دفتر اشعارها وحاولت تكتب .. لكن قلمها ما اسعفها .. حست انها ضعيفه ومو قادره تسوي شي ،،

جود حست انها ضعيفه .. واستسلمت للنوم.

يوم الاربعا ،،
شهد : جود قومي تكفين بقولج شي ...
جود : بنام شهوده تعبانه ..
شهد : جودي والله ما عندي احد اقوله غيرج قومي تكفين
جود حست ان اختها وراها سالفه : انزين خلاص بقوم بقوم ،، طلعي بره خل ابدل هدومي واناديج .
شهد طلعت بره تنطر جود ..
جود: شهود دخلي .
شهد : جودي بقولج شي ،، بس لا تعصبين عفيه
جود : وانا من متى اعصد عليج قولي ولا تخافين
شهد : جودي في واحد مأذيني ومو عارفه شنو اسوي
جود : عطيني رقمه وانا اتصرف
شهد : بس ...
جود : بس شنو ؟؟
شهد : بس انا بالبدايه دقيت عليه ،، كله من اسراء هالرفيجه الشينه .. قالت لي دقي عليه وخوش واحد وانا دقيت بس سويت نفسي غلطانه وما فكرت اصلن ادق مره ثانيه ومن يومها واهو معلق على تلفوني
جود : وانتي من صجج تسمعين كلام اسراء .. والله انا قلت لج من البدايه اسراء هذي مبين عليها مو خوش وحده المهم خلاص ما يصير خاطرج الا طيب وعطيني رقمه وانا اتصرف
شهد : لا جوجو اخاف تاخذين رقمه وتدقين ويعلق عليج
جود : خلي الموضوع علي وخلاص .. بس انتي لمن يدق لا تردين
شهد باست اختها : مشكوره جودي والله بدونج مادري شنو اسوي
جود : بس انتي اهم شي بعدي عن هالخايسه اسراء
شهد : انا من زمان قطعت علاقتي فيها .

جود خذت الرقم من شهد ،، ودقت على اخوها قالت له الموضوع .. بس طبعا بدون ما تبين له ان اختها سوت كل هذا
فهد : انزين اختج ليش دقت اصلن !!
جود : ماتدري غلطت يايه بتدق على رفيجتها ودقت عليه بالغلط
فهد : خلاص خلي الموضوع علي وانا اتصرف
جود : خلاص اوكي .. تسلم يا بو محمد .
فهد : يسلمج ياعروستنا القادمه .

فبيت ابو مصعب ..
مصعب كان يفكر يروح يكلم ابوه بس كان خايف من رده فعله .. مصعب اخيرا قرر انه يروح يتفاهم مع ابوه ..
مصعب طق الباب على دار ابوه
ابو مصعب : منو ؟؟
مصعب : انا يبا .
ابو مصعب : ....
مصعب : يبا تكفا افتح الباب بدخل .
ابو مصعب : انا مو ابوك لا تقول يبا
مصعب : يبا افتح خل نتفاهم .
ابو مصعب : مافي تفاهم معاك خلاص روح سو اللي تبيه
مصعب : يبا ما يصير جذي تكفا افتح الباب
ابو مصعب : .......

مصعب حس انه مافي امل مع ابوه ، بس مستحيل استسلم هذا ابوي ومستحيل استسلم واخليه معصب علي طول عمره ..

مصعب قرر يدز مسج حق جود ويصير اللي يصير ..

جود كانت بدارها بحديقه بيتهم تكتب شعر ..

تعبت امشي واكابر والزمن ضدي // تعبت اضحك واسولف والقلوب اسرار
تعبت اجامل البسمه واكسر بصدي // واساير الناس واسلولف واحترق بالنار
سالت قلبي ذاك السؤال ماسمع ردي // سألته شاللي جرالك وابتدى اعصار
الحزن لو البسه لي واطي الكعب قدي // ليت الفرح مثل الحزن يترك لي اثار
طلبت البسمه مره قربي عندي لحدي // اتركتني ولوحت ترى تعبك باهدار
اكسرت ذاك الطلب واهزمت مدي // وارحلت واتركت ذكرى على ذاك الجدار
اذكري حلم الفلرح تراها ازمه وتعدي // وحققي ذاك الامل في اخر المشوار

احتارت شنو تختار عنوان للشعر .. امل ابتسامه كان اكثر العناوين مناسبه للشعر ...
سكرت دفتر اشعارها ،، واقعدت عالكرسي اللي بالحديقه ..

قعدت تذكر مصعب .. اخ يا حبيبي يا مصعب .. شكثر ولهت عليك ،، بس ليش كل اللي سويته ؟؟ انا ما ضريتك بشي .. انا ما سويت لك شي ،، كل ذنبي حبيتك وبس ..

فبيت مصعب .. مصعب كان كل ساعه يكتب مسج ويمسحه ،، قرر انه ما يرسل لها شي ..
خلاص البنت راحت من ايدي وكفايه اللي شافته مني .. اكيد الحين تكرهني وحاطه كل السبب علي .. بس انا ما كنت اقصد والله .. كان اهو السبب ،، ما كان قصدي احطم حياتها .. بس كل شي فوق طاقتني ..

فبيت امينه ..
امينه : خلاص ماشي ..
: بس مثل ما قلت لج خلج موجوده
امينه : تسلم اخوي ما تقصر .

مشعل : امينو تكلمين منو ؟؟
امينه : هااا .. لا ماكو .. اكلم جود بعد منو يعني .
مشعل بشك : اها ..

يوم الخميس ..
جود قررت تخوض هالمره المعركه بروحها .. الموضوع يخصها ما يخص احد غيرها ..
خالد مضايقها اهيا وقالب حياتها جحيم ،، ماله داعي امينه تتمشكل معاها ولا اخوها ولا ابوها ..
الساعه 4 العصر (( جود .. بيتنا هذا عنوانه ،، ولو سمحتي بروحج لو تبين صورج ،، ))

جود لبست هدومها وكتبت ورقه وحطتها على الطاوله اللي بغرفتها ..

بالسيارة ،،
جود قررت تتصل على خالد :.. الو .. السلام عليكم
خالد : وعليكم السلام هلا بحبي
جود : خل عنك هالسوالف ،، انا يايه اليوم بدون احد واعتقد اليوم راح ننهي الموضوع واخذ صوري
خالد : اكيد يا حلوة بس بعد تنفيذ كل الاوامر .
جود بخوف : وشنو اوامرك ؟؟؟ خلصني
خالد : والله مو اوامر وايده بس اول شي .. انا ابي 12 ألف دينار .. واعتقد ان حسابج فيه اللي يعيش بلد والـ 12 الف ما تسوي شي عادي يعني .. هذا الطلب الاول ،، اما الطلب الثاني فجدا جدا جدا جدا بسييييييييييييط ،، كونج بنت حلوة وعلى قولتج مالج علاقات بالشباب وكوني شاب حلو ومزيون وبتين اليوم عندي البيتـ .. فـ ..
جود : ياحقير اسكت ولا كلمه ،، خل هالسوالف حقك ياللي مو متربي .. والـ 12 الف بيوصلون لك وبعدها ما لك حق تنطق ولا كلمه وتعطيني صوري وراسك بالقاع
خالد : هههااااااااي ما توقعتج عصبيه لهالدرجه .. المهم انا اهم شي ان الفلوس راح تسلمينها لي اليوم فـ بيتنا وبروحج وبعدين يصير خير
جود : يا حقير وربي ما اعتب باب بيتكم انا بقعد بالسياره وانت تطرش خدامتكم تاخذها باي
جود سكرت التلفون وحاولت تتماسك ..
وصلت البنك سحبت الفلوس وراحت لين بيت خالد ..

دقت تلفون عليه قالت له يالله خل الخدامه تطلع ..
ثواني ولا 3 شباب يحاوطونها وخالد من بعيد واقف يضحك ،،
جود كانت ميته خوف .. وتبجي .. قفلت جود الباب عليها ... بس للأسف ما كان هالشي كفيل بحمايتها ..

واحد من الشباب كسر الجامه وفتح الباب ..

اقولج نزلي احسن لج لاتسوين لنا فضايح .. يالله نزلي وخلصينا ..

جود قعدت تبجي واهي ماسكه السكان ما تبي تنزل ..
لكن كل محاولاتها بائت بالفشل ،، 3 ريايل وشلون ما يقدرون ينزلونها .. !!

جود كانت تبجي من كل قلبها وخايفه على مصيرها المجهول ،، وشنو اللي راح يصير ..
وهل معقوله تكون هالسالفه كلها لعبه من الاعيب مصعب ؟؟

تمـ الجزء التاسع ..

[تمنيتك]

الجزء العاشر


جود كانت بدوامه من البجي والصراخ ،، لكن بدون أي نتيجه ..

كانو الشباب الثلاثه ماسكينها من كل صوب ويدخلونها البيت ..
واهي تصرخ ..

فبيت ام فهد ..
ام فهد : جوووووود .. جووووووووووود ،، شهد ما شفتي جود ؟؟
شهد : لا يما
ام فهد : شوفيها لا يكون نايمه لين الحين !!
شهد : يما ما ترد طقيت الباب بس ما ترد
ام فهد : خلاص انا اروح اشوفها
ام فهد صعدت الدار ..
انصدمت يوم ما لقت احد بالغرفه ،، قبل لا تطلع من الغرفه انتبهت على ورقه محطوطه على الطاوله ..

<< بسم الله الرحمن الرحيم >>
مادري انا شلون راح اتجرأ واسوي هالخطوه بروحي لكــن .. انا بالفتره الاخيره في واحد ،، ضايقني وهددني بصوري . ماعرفت شلون اتصرف لكني انا رايحه اليوم عشان اخذ صوري منه . رسالتي هذي مو شكوى ولا طلب مساعده ،، لكنها رساله اكتب لكم فيها ان انا اللي اخترت هالشي بارادتي واخترت اني اعتمد على نفسي وما اعرض أي احد من حبايبي للخطر او لأي مشاكل على حسابي ..

يما : انا احبج واموت عليج ،، والله الشاهد اني ما سويت شي من وراج .. وابيج تتأكدين ان لو اطلع القمر وارجع لج ما اوفي بحقج .. يما احبج

يبا : يا تاج راسي ،، ما قصرت علي بـ ولا شي من يومي صغيره ، كنت دايما مميزني عن رفيجاتي .. ما انسى يوم يبت لي سيارتي هديه ، رفيجاتي كلهم تمنى لو عندهم مثلها .. الكايــين كان حلمي وانت حققته .. ارفع راسك يبا انت ماكو مثلك

شهوده هانم : شهدو يالدلوعه ،، اهلى دايما مدلعينج وماخذه الدلع كله وانا معطيني كرت احمر ، بس هين يا شهووود انا اعلمج شغل الله .. احبج شهوده .. وتره انسي سالفه هذاك المزعج لان خلاص انا وريته الادب ومستحيل يدق عليج بعد

رغوده : اختي اللي ما تهنيت بأخوتها .. صج ان المواقف وياج مو وايد وتركتينا من فتره طويله .. لكن احبج لانج اختي ،، ولانج الكبيره .. الله يهنيج مع زوجج واول بناتج ابي تكون على اسمي .

فهد : اااااااه منك يا فهد انت ماكو مثلك اثنين وراح تظل طول عمرك توم كروز الهارفي ههههه .. احبك واحبك واحبك ياخوي وربي انا بدونك مادري شنو اسوي .

امينه : اختي اللي ما ولدتها امي ،، انتي اغلى الناس بعيوني بعد اهلي ، مستحيل افرط فيج ومستحيل انسى مواقفج وياي .. احبج واموت عليج

إذا صار لي شي مابيكم تبجون او تزعلــون ،، بس أبيكم تتأكدون اني سويت هالشي برضاي ..

ان شاء الله ما اكون نسيت احد ،، بس ..
كلن بهالدنيا له معزته وقدره بعيوني .. احبكم ..
جود ...

ام فهد واهي تبجي : شهاااااااااااااااااااااااااااااااااد
بسرعه دقي على ابوج خل ايي يشوف الموضوع .. بسرعه
شهد سحبت الورقه من امها وقعدت تقرا
شهد انصدمت من اللي مكتوب .. وقعدت تبجي ..
ودقو على ابو فهد ..

بناحيه ثانيه ..
جود كانت تبجي وتدعي ان الله يستر عليها وان ما يسون فيها شي ..

خالد : يازين الجود .. واي حلوة حلوة ، يا بختي بالجمال اللي بتهني فيه ..
جود : انت حقير اصلن . انا صدقتك وييت اعطيك الفلوس عشان صوري وانت استغليت الموقف مع هالحثاله .
خالد : وي وي وي حلات اللي يصارخون علي بعد !! لا تبجين يا قلبي ماحب البنت اللي تبجي وجهــزي نفسج حق الشباب وطبعــا انا راح اكون اولهم و ...
قاطع كلام خالد اتصال .. أشر خالد حق ربعه عشان ينتبهون حق جود واهو دخل الدار يتكلم بالتلفون ..

خالد : الوو نعم ؟
: هلا شلونك خالد ؟
خالد : تمام منو معاي ؟
: ما عرفتني انا ( ... ) معاك بالجامعه وشفتني مره وحده واكيد ناسيني !
خالد بصدمه : نعمممم ؟؟؟
: سمعت ان عندك حفله الليله ؟ احنا مو من المعازيم ؟ ولا مانستاهل القمر اللي عندك ؟
خالد : بس انتـ ..
: لا انت ولا شي .. انا ابي أيي ويليت تقولون للبنت اني ياي مخصوص عشانها .. يبا هذي صيده ما تتفوت.
خالد بخبث : هههههااااي .. يا فرحتي .. ماشي ياقلبي على هواك .

خالد طلع من الغرفه وراح حق ربعه الدوانيه ، ،
خالد واهو يطالع جود بنظره خبيثه : شبااااااب واحد من الربع ياي ،، ويقول يبي يكحل عينه بشوف الجمال
جود زاد صوتها بالبجي : الله كريم يا عديم الاحساس .. الله كبير وما ينسى عباده

من طرف ثاني ..
امينه : ها بتروح الحين ؟
: افا عليج وليش ما اروح
امينه : عيل الله يهنيك !!
: هههه تسلمين .

سكرت امينه التلفون واتصلت على شخص ثاني ..
امينه : الو قوة
: هلا امينه
امينه : كل شي صار .. ونفذت اللي فبالي
: ماشي . ثانكس
امينه : العفو حياك .

جراح دخل على امينه ..
جراح : امونه ما شفتي مشعل ؟
امينه بربكه : لا ما شفته .. وينه فيه ؟
جراح : مادري عنه طالع من الصبح وما رد ..
امينه : اها ..

فبيت ابو فهد ..
ابو فهد : خير خير شصاير ؟؟ شهوده خرعتني
ام فهد : شوف جود شكاتبه .. تكفا ابو فهد الحق عليها لا تروح بنتنا منا
ابو فهد : هدي هدي ،، خلاص انا اشوف السالفه .. شهد بسرعه دقي على اخوج خل اكلمه
شهد دقت على اخوها .
فهد : هلا شهده
شهد : ابوي يبيك.
ابو فهد :الو فهد تعال بسرعه اختك جود مادري شصاير عليها .
فهد بدون اهتمام : جود مافها شي
ابو فهد : تعال شوف يبا شنو مافيها شي اختك رايحه حق واحد بروحها .
فهد : هههههههههه ،، يبا هذي دقه منها .. قالت لي وجود مافيها شي عند امينه رفيجتها .
ابو فهد : يولدي بس ..
فهد : لا بس ولا شي .. خلاص يبا والله صدقني مافيها شي واول ما تفضى اقولها تدق عليكم .. بس اهم شي انتو لا تدقون عليها نهائيا ...
ابو فهد تطمن يوم سمع كلام ولده ،، وطمن اهله عن جود .

بدوانيه المدعو ( خالد ) ..
خالد : ها جودي ما تجهزتي ؟؟
جود واهي غرقانه بالبجي : مابي وخر عني .
خالد : وين اوخر ؟؟ هني ؟؟ وحط ايده على خدها
جود قعدت تصارخ عليه .. وطقت ايده وركضت لين الباب .. بس وين اللي يسمع .. مالها مفر .

قاطع صوت صراخها صوت الجرس ..
خالد قال حق واحد من الشباب اللي عنده يبطلون الباب ..
دخل اللي كان واقف ..
جود قعدت بزاويه الدوانيه وراسها حاوطته بايدها وتبجي ..

خالد : حيا الله من يانا .. هلا بالغالي ..
: هلا فيك .. ها وين الصيده ؟
خالد : هناك بالزاويه مسويتلنا عزا ..
قرب من جود وحط ايده على راسها ..
: جود ..
جود : رفعت راسها وعيونها مليانه دموع .. شنو تبي انت الثاني ؟؟
جود انصدمت من اللي شافته .. حست ان الدم وقف وما قام يسري بجسمها .. حست انها ماتت بمكانها ..
اللي جدامها نبض قلبها .. مصعب .. اهو السبب .. اهو اللي سوا كل شي ،، ليش كل هذا ؟ ليش اللي سواه فيني ..
قاطعتها نظره مصعب الحاده .. وكلماته ..

مصعب : والله خوش صيده ، ما غلطت لمن اخترتج من البنات . ( وعطاها ظهره وقعد يكلم خالد )
أي ما قلت لي خالد منو يبدي فيها ..
خالد : والله مادري نوزع الادوار هههااااااااااي
جود كانت منهاره وتبجي: .. مصعب لاااااااااا مستحيل تسويها مستحيل كل هذا يطلع منك ،، انا بحلم صح ؟؟ ولا بمسرحيه ؟؟ لا اكيد مسرحيه وانت البطل ..

مصعب : خالد خلني اروح معاها الغرفه اهديها وصدقني راح اخليها ترجع هاديه وخوش وحده .
خالد : براحتك .. روح هذيك الغرفه ..

دخل مصعب مع جود الغرفه ،،
جود : شنو تبي مني ؟؟ انا شنو سويت لك عشان كل هذا ؟
مصعب : جود سكتي وخليني اكلمج
جود واهي تبجي : شلون اسكت وانا اشوف نفسي قاعده اتلاشى ؟؟ انت ما تحس ؟؟ انا ما سويت لك شي والله
مصعب عصب : جود بس خلاص ،، خليني اكمل كلامي ،،
جود قعدت تبجي وطلعت بره الغرفه
جود واهي تبجي : خلاص تكفون خلوني اطلع
خالد واهو يعيب عليها : خلاص تكفين خليني اخلص منج عشان تطلعين .!!

عند امينه ..
امينه : خلاص كل شي جاهز ..
: يالله اوكي .. بيباي

خالد قرب من جود : يالله عمري تعالي.
مصعب : خالد وخر عنها .. خلها علي ..
قاطع صوتهم صوت جرس الباب ..

مصعب : خلوني انا ابطل الباب .
خالد : يالله بس بسرعه ودير بالك .
مصعب راح يركض لي الباب وفتحه .. ودخلو اللي كانو عند الباب ..

فهد وامينه وسيارات شرطه ،، كانت الصدمه واضحه على ويهه جود .. اما خالد فكان مندهش !!

الشرطي : عندنا امر بتقيدكم للمخفر .
خالد يأشر على جود ومصعب بابتسامه خبث : تقيدهم
الشرطي : اعتقد اني قاعد اطالعك انت وربعك هاللي ما يخافون ربهم..
اشر الشرطي عالباقي عشان يمسكون الشباب ويودونهم المخفر ..
اما جود فراحت في حاله من اللاوعي .. وأغمى عليها ..

في المستشفى ..
فهد : يارب استر يارب مافيها شي .. مصعب انت متأكد انهم ما لمسوها ؟؟
مصعب : انا يوم رحت البنت كانت منهاره ومو بوضع ان احد يلمسها اصلن وبعدين كانت بكامل ملابسها .
امينه واهي تبجي : اخاف تأخرنا .. يحسرتي عليج يا جووود

مصعب كان شبه منهار .. كانت ريوله مو شايلته .. حبيبته كانت ضعيفه جدامه وماقدر يسوي لها شي ،، اااااااخ يا قساوة دنيتي .. حبيبتي تبجي وانا عاجز حتى عن مسح دموعها ، وفوق هذا عبالها انا المذنب بالموضوع كله ..
كانت افكار وايد تروح واتيي فبال مصعب ..

الدكتور : مين فيكو ولي امرها ؟؟
فهد : انا دكتور
الدكتور : ممكن تتفضل معايا ؟
فهد : خير دكتور شصاير .
الدكتور اخذ مصعب معاه وراحو الغرفه : يظهر ان اوختك حصل لها انهيار عصبي وهيا بحاجه للعنايه ، حنخليها اليوم عندنا وان شاء الله تكون بكره احسن بكتير وتيجو تخدوها ،، بإذن الله .
فهد : ان شاء الله .

فهد طلع من عند الدكتور ..
مصعب واهو يمشي بسرعه رايح لفهد : خير بشر .. تكفا قول مافيها شي ؟؟؟
فهد : انهيار عصبي ..
مصعب : يارب لك الحمد .. شي احسن من شي وان شاء الله تتحسن
امينه ببجي : تكفون خلوني ادخل عندها ..
فهد : خليها ترتاح ودقي على اهلي قوليلهم ان جود بالمستشفى وان انا خذيتها من بيتكم وديتها ،، ولا تدرين انا ادق اقولهم .. الحين انا ومصعب بنروح المخفر نكمل الاجراءات . بس ما اوصيج مابي اهلي يدرون عن السالفه

دق فهد على امه عشان يقولها عن جود .. طبعا امه من سمعت الخبر ما قعدت ساكن وراحت على طول حق بنتها ..
بالمخفــر ..

خالد بكبر : انا اعترف بكل اللي سويته ..
الظابط : وشلون صارت هالصور عندك وكل هالمعلومات ؟
خالد :انا بقول الحق لعل وعسى يخف العقاب عني .. شوف ياحظرة الضابط .. جود طالبه ويانا بالكليه ومره كانت بالكفتيريا وكنت اراقبها من بعيد ، عجبتني وايد وحسيت انها صيده سهله ،، بس يليتني ما فكرت فيها بهالصورة (( راح صوت خالد ببكاء الندم )) قامت البنت مع رفيجتها وطلعت بره الكفتيريا .. يوم قامت طاحت منها ورقه كان فيها بياناتها قعدت اطالعها .. وبالصدفه يالي مصعب قعد يمي وسألني عن الورقه وقلت له انها طاحت من بنت سألني منو اهيا وخذاها مني وراح عطاها اياها .. حقدت عليه لان كنت حاط فبالي انه بياخذها مني ،، ما عرفت شنو اسوي ، الورقه وراحت مني .. كانت اهيا الشي الوحيد اللي راح يخليني اكلم البنت او اني اقابلها ويه بويه ،، وكنت ابي المعلومات اللي فيها بس مصعب خذاها وراح .. قررت انتقم منه ،، لكن ما كان هالموضوع شاغل كل تفكيري .. لين ما شفت مصعب مره بمحل كان يشتري هدوم على ما اعتقد .. دخلت بعده غرفه الهدوم عشان اجرب قميص كنت بشتريه .. شفت تلفونه قعدت اتعبث فيه ..
كانت اغلب المسجات من وحده .. ذيك الساعه تذكرت جود .. تذكرت انه اهو اللي خذاها مني ،، قعدت اقلب بالمسجات وشفت الرقم ولا رقمها .. حسيت اني مو قادر اشيل نفسي وبعدها رن التلفون وكانت اهيا المتصله .. واخ من ذاك الشعور اللي غمر قلبي حسيت اني ودي اذبح مصعب ،، بعدها قررت اني انفذ خطتي وانهي الموضوع واخذ بثاري .. وتقربت من مصعب عشان اخذ منه كل المعلومات عن جود ، بس مصعب من كل النواحي كان مسكرها بويهي .. ما عرفت شلون اسحب منه اللي ابيه .. كنت ابي صورها عشان اكمل خطتي ..
ما لقيت الا طريقه وحده .. بعرس فهد طرشت وحده من البنات اللي اعرفهم تحضر العرس وبطريقتي الخاصه تعرفت على عبدالمحسن اللي يقرب حق فهد وعطاني كرت حق اهلي ،، خالد وجه الكلام حق فهد :: فهد اعتقد تذكر يوم يالك عبدالمحسن قالك عني وانت عطيته بطاقه عرسك !!
المهم خليت البنت تروح وعطيتها موبايلي ، وخليتها تصورها .. وصارت صورتها عندي واخترت الصور وسيله عشان اهددها .


فهد : أيــا الحقير ،، استغليت عرسي وقلبته على اختي يا حقير ..
الظابط : لو سمحت اخ فهد ..
فهد حس انه نسى نفسه وانفعل .. بس شيسوي هذي اخته .. لو ما غار عليها منو اللي عليها يغار
مصعب اكتفى بالنظرات الحارقه اللي حرقت خالد ..
مصعب : الله يردها لك ان شاء الله .. وحقوق الناس ما تروح هباء .. وان شاء الله تشوفها بأهلك
فهد : حظره الظابط يليت لو تتخذ معاهم الاجراءات اللازمه .. والعقوبات .. لان مثل هالاشكال المفروض الواسطه ما تطلعهم
الظابط : ولا يهمك اخ فهد ،، حقوق الناس ما تضيع بايد ناس مثل هالاشكال .
فهد : تسلم حضره الظابط .

الظابط طمن فهد وقاله ان حق اخته مستحيل يضيع ..
فهد من ناحيته شكر الظابط على حسن تعامله وتدبيره ..

بالسياره
فهد : انزين قولي شلون كل هالسالفه صارت
مصعب : شوف فهيد انا بقولك الموضوع من اوله لي اخره ..
مصعب قال حق فهد شلون حب جود وشلون تعرف عليها ..
فهد بصدمه : واختي كانت تكلمك ؟؟
مصعب بربكه : هاا .. لا ما تكلمني بس كنت احبها ،، بس بالبدايه انا ضغطت عليها بعدين قالت لي انها ما تسمح لنفسها تكلمني
فهد تطمن ..
مصعب : المهم خل اكمل لك .. امينه دقت علي واتفقت معاها على كل شي .. على المكان وشلون راح ادخل وشنو راح اسوي .. ومن ناحيه ثانيه اتصلت على الشرطه وقالت لهم كل الموضوع
فهد : واتصلت علي انا بعد وقالت لي عن الموضوع ..
مصعب : والله امينه نعم الرفيجه .. ورب الكعبه تستاهل كل الخير .
فهد : جودي ما تختار الا الزينه .. بس الله يقومها بالسلامه ..
مصعب : فهد ياخوي ادري ان الوقت مو مناسب .. بس ..
فهد : خير صعيب شصاير ؟؟
مصعب واهو متردد : بس تهدى الاوضاع بتقدم حق اختك .. ولا تواخذني عالكلام
فهد : هذي الساعه المباركه .. احنا نبي ريال يا مصعب وانت على راسي ..
مصعب ارتاح : تسلم والله انت على راسي .
فهد : يسلم راسك ..

مصعب وفهد ردو المستشفى ..
ام فهد كانت ميته بجي بغرفه جود ..
فهد مخترع : يما شفيج ؟؟ ليش البجي .؟؟
ام فهد : .....
فهد يكلم شهد : شفيج ؟؟ ووين ودووو جود ؟؟ وين جود وين راحت ؟؟ يما وين ابوي ؟؟
شهد : ابوي تعب علينا ... وجود ...
فهد يكلم نور : نور وين جود ،، ؟؟ نور لا تبجين حياتي قوليلي وين جود ؟
فهد يصارخ : لا مستحيل ......
طلع فهد يركض للدكتور : دكتور شاللي قايله حق اهلى عن جود ؟؟ انت تتغشمر مستحيل يكون الموضوع صج!

جود وين راحت ؟
وليش ابو فهد طاح عليهم ؟؟
شنو الخبر اللي خلا فهد جذي !!

[تمنيتك]

الجزء الحادي عشر


فهد دخل المستشفى على اهله وانصدم من اللي شافه ..
امه تبجي وابوه مو موجود ويوم سأل عن الموضوع ،، عرف ان ابوه تعب عليهم وتنوم بالعنايه وسمع عن جود خبر خلاه ينصدم ..

فهد : دكتور لا انت اكيد غلطان يمكن هذي مو حاله اختي يمكن مشخصين وحده غيرها ..
الدكتور : والله يا فهد دي هيا حالتها واحنا بنؤؤؤل الحق ومستحيل نكدب عليك ..
فهد : بس دكتور كان الفشل حاد ..
الدكتور : ودي الوأت صار مزمن ومحتاجين أي متبرع يتبرع ليها لان حالتها مش مستقره .
فهد : ماشي دكتور ان شاء الله نشوف ..

راح فهد لاهله اللي كانو بغرفه ثانيه لان جود نقلوها ..
فهد : يما الدكتور قالي عن الموضوع .
ام فهد واهي تمسح دموعها : ومن وين انييب لها كليه يولدي بهالسرعه ؟
فهد : نشتريها .. واكيد في متبرعين وايد ..
ام فهد : يارب يا كريم احفظ بنتي .. فهد قوم خل نروح نشوف ابوك ،،
فهد : انتي سبقيني مع شهد وانا لاحقكم مع نور .


نور كانت تعبانه من الحمال وكانت بالشهر الـ 7 ،،
فهد : نوري يالله تعالي خل نروح حق ابوي
نور : فهد احس اني تعبانه .
فهد : سلامه عمرج حياتي اوديج البيت ؟
نور : لا فهودي ما يصير نخلي عمي وخالتي هني بروحهم بقعد معاكم ميخالف ..

فهد مسك نور من خصرتها وقعد يمشيها لين غرفه ابوه ..
فهد راح لغرفه ابوه ،، امه وشهد كانو وافقين بره ومبين على ويوهم ملامح التعب .
نور : خالتي شفيج ؟؟ ليش ما دخلتو
ام فهد بحزن : الدكتور قال لنا ان ما ندخل ،، ابو فهد مادري شفيه .. (( وراح صوتها بالبجي ))
نور : خالتي ان شاء الله مافيه شي انتي بس هدي ولا تخافين .
ام فهد : يارب .

ظلو وافقين عند الغرفه وينطرون الدكتور يطلع يبشرهم بالنتيجه .. لكــن ،،

بناحيه ثانيه .. كان في شخص وحيد يتعذب .. كانت الدنيا كلها صاكه بويهه ،، ليش اهو يطلع من مشكله ويدخل بغيرها ؟ ليش انا بالذات ؟؟ ليش حبيبتي تتعذب جدامي وانا مو قادر اسوي شي .. مصعب كان قاعد يم راس جود كان مبين على ملامحه التعب .. كان مرهق وماله بالترتيب أي صله .. كان شخص تعبان ومهموم بمعنى الكلمه
مصعب مسك ايد جود وقعد يبوسها ..
مصعب : جود احبج .. تفهمين ولا لأ ؟؟ تدرين اني احبج واكيد بعد تدرين ان انا مالي ذنب باللي صار ،، انا كنت ياي انقذج بس انتي ما عطيتيني فرصه ولا سمعتي اللي كنت بقوله .. جود تكفين ردي علي .. قولي انج مسامحتني حبيبتي .. قولي ان الدنيا مو حلوة بدونك وقولي لي ان احنا لازم نرجع حق بعض لان احنا انكتبنا لبعض ،، جودي حياتي ردي عفيه الله يخليج قاعد اترجاج انا .. تكفين جود ردي ..

مصعب كان يكلمها ويبجي ، كان يبجي بجي طفل امه راحت عنه .. بجي يتيم فقد اهله .. بجي ابو مات ولده ..
جود الوجود قاعده تتلاشى ، واهو ضئيل جدامها ..،قرب مصعب من جود وباسها على خدها .. ومسك المصحف وقعد يقرا قران ..

الدكتور طلع من غرفه ابو فهد ..
فهد : دكتور بشر ..
الدكتور بحزن : محمد الهارفي عطاكم عمره .. توفى ..
ام فهد بصراخ : لااااااااااااااااااااااااا مستحيل .. خلوني ادخل عند زوجي .. خلني ادخل .. ابو فهاااااااااد ،، مستحيل ..
شهد واهي تبجي : يما تكفين خلاص يما الله يخليج لا تبجين .. رحمينا ولا تبجين .. ابوي الحين يبي الدعاء، يما تكفين
فهد اكتفى بضم مرته واهو يحبس دموعه بعينه ويحاول يجمع قواه ويفكر لجدام .. انتهى اليوم وابوه تاج راسه راح .. انتهى كل شي .. الشي اللي وصل فهد لهل مواصيل استسلم للظروف ومات ..

ليش يبا رحت وخليتنا ،، يبا محتاجينك بهاللحظه ويانا تخفف علينا .. يبا انت تدري ان الكل يحبك والكل رافع راسه لانك ابوه .. ليش رحت يايبا ..

لملم كل من كان بالمستشفى جراحه .. وردو البيت ،، وودع ابو فهد دنياه ورحل لعالم ثاني .. ما يعلم فيه الا رب العالمين .. الله يرحمك يابو فهد ..

مراسم العزاء ابتدت .. وانزل ستار الحزن فبيت ابو فهد ..
كانت الاجواء حزينه .. ومتوتره بنفس الوقت ..
حزينه على موت الابو .. ومتوتره على مرض جود المفاجئ ..

الساعه 8 ..
فهد : يما قوي قلبج وادعي له بالرحمه .. اهو ما يبي الا الدعاء الحين
ام فهد بصوت ممتلي حزن : الله يرحمه .. اييييييه مات الغالي .. مات محمد ،،
فهد : الله يرحمه يما .. يما انا بروح المستشفى بتطمن على جود ،،
ام فهد : بس لا تقولها عن ابوها .. مانبي نعقد المسائل اكثر من اللازم ..
فهد : اكيد يما لا توصين حريص ..


بعد اسبوع ..

بالمستشفى ...
فهد راح اول شي للدكتور يسأله عن حاله جود : السلام عليكم .. دكتور بغيت اسألك عن حاله جود ؟؟
الدكتور : اخ فهد الراجل اللي توفا ابوها ؟
فهد : أي نعم
الدكتور : هوا فصيله دمو زي فصيله دمها ،، وفي احتمال ننقل الكليه ازا انتو عاوزين ؟
فهد حس ان عقده من مشاكلهم انحلت : صج دكتووووور ؟؟
الدكتور مستغرب : ايوه بجد .. ليه انتو مش عرفين فصيله دم باباكم الله يرحمو ؟
فهد : أأأأ .. أي امبله عارفين ،، المهم تقدرون تنقلون الكليه اذا في امكانيه ..
الدكتور : بس لازم تعرفون راي البنت بالعمليه لان مش عوزين نعمل العمليه من غير رايها ..
فهد : خلاص ان شاء الله .. يصير ادخل عليها الحين ؟
الدكتور : ايوا ممكن بس ما تأولولها كلام يدايئها ..


فهد شكر الدكتور ودخل على اخته اللي كانت على السرير منسدحه وويها تعبان ..
فهد : هلا بالحلوة .. هلا باحلى اخت بالعالم ..
جود :أبــوي مات صح ؟؟؟
فهد بصدمه : هااا ؟؟ لا ابوي بخير !!
جود واهي تبجي بأنين : لا تخش علي انا دريت ان ابوي مات ..
فهد : الله يرحمه جود ،، انتي اهم شي اهتمي بصحتج ..
جود واهي تبجي عالحال اللي اهما فيه : الله يرحمه ..
فهد : جودي حبيبتي الدكتور قال ان يصير ننقل لج كليه ابوي ..
جود بانين : ابوي مات ..
فهد : جودي لا تصيرين جذي .. اللي مات الله يرحمه
جود : اللي مات ابوي
فهد : الله يرحم موتانا وموتى جميع المسلمين .. الحين احنا نفكر بالاحياء ..
جود : بس مستحيل اخذ من ابوي الكليه ..
فهد : وليش مستحيل .. الدكتور قالي يصير ..
جود : خلني افكر ..
فهد : بس تطولين .. كل ما تأخر الوقت كل ما انتي انظريتي .
جود : ان شاء الله ..
فهد : انزين ما سألتيني عن اللي ..
جود : اللي صار ؟؟ صح ؟
فهد : أي اللي صار .
جود : مابي اعرف ،، اهم شي السالفه عدت .. بس الشي الوحيد اللي ابي اعرفه من وين له صوري ؟؟ صج مصعـ ..
فهد : لا مصعب ما عطاه شي ومصعب ماله شغل باللي صار وكان ياي وياهم عشان يكمل خطه اهو مخططها مع امينه والشرطه ..
جود انصدمت شلون فهد عرف مصعب بهالسرعه ؟؟ ودامه عرف مصعب ليش مو معصب ؟؟ معقوله ما قالو له انه حبيبي وامينه شدخلها بالموضوع وشنو اللي سوته عشاني ؟؟ او معقوله ..
قاطع تفكيرها فهد : الحلو بشنو يفكر ؟؟ بمصعب ؟ حبيب القلب
جود تأكدت من شكوكها اكيد فهد عرف عن كل شي : اهو مو حبيب القلب ..
فهد : من قلب ؟؟
جود بحزم : أي من قلب ..
فهد : انزين ليش ؟؟ على حد علمي انج تحبينه واهو يحبج ؟؟ شنو اللي تغير ؟
جود : بس انا ما احبه
فهد : واللي يقولج انه خطبج ؟؟
جود بصدمه : خطبني؟ ؟؟؟؟
فهد : أي خطبج ..
جود استحت وسكتت ..
فهد : شفيها اللي تستحي ؟؟
جود سكتت وسرحت بخيالها بعيد ..
مصعب اللي احبه بيخطبني ؟؟ بس شلون ؟؟
اهو متزوج . مستحيل ارضى اكون زوجه ثانيه .. شنو صار بحيات مصعب .. شاللي تغير ؟
فهد : المهم جودي مانبي نشغل نفسنا بهالموضوع الحين فكري بسالفه الكليه ..
جود تضايقت يوم تذكرت ان ابوها توفا ، كانت حاسه ان الموضوع مو صج ..

فهد طلع من عند جود واهو متضايق .. مو عارف شنو يسوي .. حاول يتماسك لكن عينه دمعت على الحال اللي وصلو له ..

توزع الورث ،، وكلن خذا نصيبه .. اما الشركه فكانت من نصيب فهد لانها كانت بأسمه ..
الفلوس ما تسوي شي .. ماغيرت من حياتهم شي .. اهما ناس راهين .. والفلوس ما ردت لهم ساعدتهم ولا رجعت ابوهم اللي راح .. الارواح ما تتعوض بفلوس ..

بعد شهر ..
فهد : يما متى نطلع من هالجو ؟؟ تكفين خلاص مو زين اللي قاعده تسوينه .. ابوي ما يحب يشوفج جذي صدقيني .. خلاص مانبي نشوف هالدموع يالغاليه ..
ام فهد : شسوي يا ولدي والله اني اتخيله كل مكان بالبيت .. (( وقعدت تبجي ))
فهد حن قلبه على امه ما يهون يشوفها بهالصوره : يما خلاص تكفين تره ابجي معاج مثل الياهل ..
ام فهد : يولدي والله مو قادره ..
فهد : انزين يما تكفين خلاص .. تره نور مابقا لها شي وتولد .. يالله ابي شوف الابتسامه .. اخيرا بتصيرين عيوزة ،، كل الناس تعيز الا انتي خلاص يبا الشباب لنا احنا ..
ام فهد ابتسمت : ول عليك بعد حاسدني على عمري تبيني الحق ابوك ؟؟ ( عيونها دمعت )
فهد : فال الله ولا فالج .. اسم الله عليج ..
اما شهد .. فكانت مو قادره تسكت من البجي .. كانت دلوعه ابوها بالذات .. اشتاقت له واشتاقت حق القعده معاه .. كانت شعد حابسه نفسها بالغرفه وما تطلع منها ..

فبيت امينه ..
مشعل : امينو شلون شهود ؟؟
امينه : منو شهود بعد ؟؟
مشعل : شهود اخت الجود ..
امينه : والله خووووش والله وقمنا ندلعها على كيفنا !!
مشعل : انزين شلونها ؟
امينه : ابوها توفى الله يرحمه .. واوضاعهم كلش مو شي .. يمرون بظروف صعبه ..
مشعل : انزين عطيني رقم شهد خل ادق اعزيهم ..
امينه : نععععم ؟؟ خير خير ؟؟ شقلت ؟ شنو انت عبالك بنات الناس لعبه ؟
مشعل : خلاص خلاص يبا .. شيفكني من السانكم يالحريم يبا هونت مابي ادق ..

بعد شوي راح مشعل غرفه امينه يبي ياخذ منها جم مجله ..
شاف تلفونها وقعدت يتعبث فيه ..

بالمستشفى ..
مصعب دخل على جود اللي كانت نايمه ..
مصعب : السلام عليكم ..
جود حست بوجود احد يمها .. وقامت بسرعه : ها .. هلا ؟؟ خير منو ؟؟
مصعب مسك ايدها : جودي أنــا ..
جود قعدت تطالعه والدموع تمشي على خدودها بدون أي صوت ..
مصعب : حياتي انا مالي ذنب باللي صار والله ماكنت منهم خليني افهمج الموضوع انا بالبدايه اتفقت مع امينه ..
جود واهي تبجي : مصعب لا تكمل تكفا ما استحمل اسمع صوتك .. صوتك يعذبني .. كلامك يذبحني .. ونظراتك تزيد الهموم اللي بقلبي .. انت ليش ياي ؟؟ عشان تدمر حياتي مره ثانيه وتخليني احبك ؟؟ ولا عشان تمثل علي دور المسكين اللي يسمع كلام ابوه ..
مصعب تضايق من اللي سمعه : بس جود انا خلاص طلقت مرتي ..
جود انصدمت : طلقتهااااااااااااا ؟؟ وبنات الناس لعبه تطلقهم ؟
مصعب : ما قدرت احبها .. وحتى ما فكرت المسها .. رديتها مثل ما خذيتها ..
جود : بس ..
مصعب : لا بس ولا شي جود انا اسف .. انا قاعد اعتذر ..
جود قعدت تبجي ..
مصعب حط ايده على خدها وقعد يمسح دموعها .. : غاليتي لا تبجين ما احب اشوف هالدموع تجرح خدود الملاك اللي جدامي ..

قعد مصعب يغني مقطع من اغنيه انتا مو قد الكلام مالت احمد الهرمي ..
ابتعادي واللي صار
صدقيني باختصار
هي ظروف وعاكستني
مالي فيها أي قرار

كان صوت مصعب يسحر كل اذن سمعته ..
جود لمن شافته جذي والدموع تلمع بعينه ما استحملت .. وقعدت تبجي اكثر
مصعب : جودي خلاص انا بروح
جود : لاتروح .. ها .. كيفك
مصعب واهو يعيب عليها : لاا ها .. ماشي يا دوووبه ماتبيني اروح ادري
جود : لا ابيك تروح
مصعب : إلا ما تبيني اروح ونص
جود : اوووه انت ياهل ؟
مصعب : لا جاااهل هي هي هي
جود طالعته بنص عين ولفت عينها ..
مصعب : فديت النظره .. الا اقول جودي حياتي متى العمليه ان شاء الله ؟؟
جود تضايقت يوم تذكرت العمليه : ان شاء الله بعد يومين ..
مصعب : ان شاء الله ،، صدقيني العمليه مو صعبه . بالعكس وايد بسيطه . وانتي قويه وان شاء الله راح تقومين بالسلامه عشان .. (( واشر على صبعه على شكل خاتم .. يعني نتزوج ))

جود استحت ونزلت عينها ..
مصعب : فديت اللي تستحي .. ياقلبي عليها .. احبج واموت فيج ..
جود : ....
مصعب : وانتي ما تحبيني ادري
جود: ع كيفك هههه
مصعب : لااا والله .. عيل انتي تحبيني
جود : هم ع كيفك ..
مصعب : اكرهج عيل .. خلاص بطلنا نحب
جود : عيل انا احبك
مصعب : هاااااااا شنوووووووو ؟؟ مره ثانيه .. عيديها عفيه عفيه ..
جود حست انها قالتها بدون ما تحس .. : ها .. ولا شي ..
مصعب : فديت اللي يحبوني
جود : فديت اللي يتفداني ..

مصعب سلم على جود وطلع بعد فتره طويله من السوالف والحجي ..

فبيت المرحوم .. محمد الهارفي ..
تحديدا بغرفه شهد ..

شهد كانت منسدحه ع السرير ..
وصل لها مسج ..
شهد : اااوووه منو هالمزعج بعد ..
(( قوة شهد .. عظم الله اجركم ولو ادري انها متأخره ،، مشعل .. اخو امينه ))
شهد انصدمت يوم قرت اسمه وانه اخو امينه !!
معقوله امينه عطت مشعل رقمي !!
مستحيل ..

فبيت ام نور ..
نور: مامي .. بطني يعورني ..
ام نور : دونت ووري هابيبتي يو ول بي فاين ..
نور : ان شاء الله ..
فهد : حياتي تدرين انج تخرعين جذي ؟؟ ولا ما تدرين ؟
نور : اقلب ويهك فهود ،، تبي يهال وتبي يهال وبالاخر تعيب علي ها .. اوريك
فهد : أي جذي شكلج احلى وانتي معصبه فديتج يالزينه ،، احبج ..
نور بحيا : وانا ما احبك هههههه
فهد راح طمر على نور وظمها بحظنه
نور : يالمينون بتذبح حموودي
فهد : اسم الله على حمودي ،، كل شي ولا حمودي ..
نور : اشوف قمنا نخاف على حمود اكثر من خوفك علينا !!
فهد : ولولا هالنور اللي جدامي جان ماكو حمودي .. فديت النور الحلو اللي يتدلع
نور استحت وقرصته قرصه حب .. << هذي قرصه يديده

فبيت مصعب ..
مصعب : يما انا بخطب ..
ام مصعب بخوف : منو بعد ؟؟
مصعب : بنت الهارفي
ام مصعب : وانت لين الحين عليها !!
مصعب : لين باجر ..
ام مصعب : روح كلم ابوك ،،
مصعب تضايق يوم تذكر ابوه اللي مو راضي عنه .. وقعد يفكر بفكره عشان يكسب رضا ابوه .

طلع مصعب من عند امه وراح مكتب ابوه ..

مصعب :يبا ممكن ادخل ؟؟
ابو مصعب : تفضل .. خير ؟؟
مصعب : يبا انا اسف يبا صدقني هدى طلبت الطلاق وانا مالي شغل .. يبا صدقني انا ..
ابو مصعب :

شنو كان رد ابو مصعب ؟؟
وهل راح يرضى على ولده ؟؟
وشنو راح يصير مع شهد ومشعل ؟؟


تم الجزء الحادي عشر

[أمونه]

مشكوره حبيبتي عالتكلمه

ناطره البقيـه

[2Fast 2Furious]

متاااااابع

_______

بانتظار الباقي

[^دلوعة فريجنا^]

يعطيج العافية خيتي

عالأجزاء وننتظر الباقي

:)

[تمنيتك]

هلا حبايبي ان شاءالله بحط لكم 3 اجزاء

[تمنيتك]

الجزء الثاني عشر




مصعب دخل على ابوه بالمكتب ،،

مصعب :يبا ممكن ادخل ؟؟
ابو مصعب : تفضل .. خير ؟؟
مصعب : يبا انا اسف يبا صدقني هدى طلبت الطلاق وانا مالي شغل .. يبا صدقني انا ..
ابو مصعب :مصعب مابي اسمع كلامك ،، ويليت تطلع بره الحين
مصعب : يبا الموضوع صار له اكثر من 5 شهور ،، مو معقوله جذي
ابو مصعب : انت مو ولدي ولا تقول يبا .
مصعب : بس انت ابوي ومالي غنا عنك ..
ابو مصعب تأثر من كلمه مصعب ، مصعب ولده الوحيد .. شلون كان طماع جذي وفكر بنفسه اكثر من تفكيره بولده .. : مصعب .. لو سمحت اطلع ونتكلم بعدين .
مصعب باس راس ابوه وقاله انا اسف وطلع ..

بــعد يومين ،،
جود : يما لا تبجين خلاص الله يخليج ،، بروحي ولهانه على شوفج .. متى تطلعين من العده واتين لي المستشفى اضمج يا يما ، ولهت على حضنج .
ام فهد ببجي : يبنيتي والله انا اللي ولهانه عليج .. والله يقومج بالسلامه ..
جود : ان شاء الله ،، انزين يمه انا الحين استأذن ما بقا شي عالعمليه وكاهو فهد وصل ، بقعد شوي وياه .
ام فهد : بحفظ الله .

جود كانت منسدحه عالسرير يوم شافت فهد .. لاحظت ان معاه عبدالمحسن ومصعب .. يوم شافتهم سحبت الشيله اللي يم راسها ولفتها على شعرها بطريقه عشوائيه ، بالكاد تغطي شعرها ..

فهد : السلام عليكم ..
جود : وعليكم السلام يا هلا ..
فهد : محسن ومصعب اذوني يبون يتطمنون عليج .. وكاهم يو معاي عشان يشوفونج .
جود عدلت الشيله عشان تغطي شعرها الاسود اللي كان محاوط ويهها الملائكي : هلا والله . شلونكم ؟
محسن ومصعب : الحمدلله ،، نسأل عنج .
محسن : جود لا تخافين ان شاء الله العمليه بسيطه ومافيها شي ..
جود : ان شاء الله

اما مصعب فكان يكلم جود بلغه ما يفهمها الا اثنين يحبون بعض ،،، كانت عيونهم تتكلم .. كانو يتخاطبون بالنظرات .. والقلوب .. كل واحد يقول للثاني تكفا قاوم هالظروف عشاني .. لان حياتي بدونك ما تسوى

والله ما يسوى اعيش الدنيا دونك
لا ولاتسوى حياتي بهالوجود

قاطع هالمشهد صوت طرق خفيف عالباب ..
امينه : السلام عليكم ..
جود ومحسن ومصعب : وعليكم السلام ..
محسن ومصعب وفهد : احنا نستأذن

طلعو الشباب ،، محسن حط عينه بعين امينه ،، شنو هالملامح !! صج البنت حلوة ..
بس تشبه احد اعرفه .. تشبه .. تشبـــه إييييييه تشبه (( قابريلا )) اللي كانت معاي بالجامعه ..
بس شياب لي ياب .. يازيييين هالكويتيه ،، حلوة ومحترمه ..

امينه كانت لابسه بنطلون لو وست وبدي ابيض عليه كتابه حمره ونظاره شمسيه ورافعه شعرها بشريطه حمره .
امينه : هلا بالجود هلا بالجمال النائم
جود : هههه شدعوه امونه ..
امينه : يالبطله اليوم عمليتج فديتج .. ان شاء الله تقومين بالسلامه..
جود: ان شاء الله ..

قاطعهم دخول شهد اللي وصلت مع السايق ..
شهد : قوة بنات ..
جود وامينه : يقويج .
شهد : هلا بجودو المليقه ، ولهت عليج وقلت ايي اشوفج
جود: زيييييين تذكرتي
شهد : شفتي انا طيبه وما انسى ،، شهد وجهت الكلام حق امينه :: امون اخوج داز لي مسج يقول عظم الله اجرج يحليله ، ما قصر بس من وين له رقمي ؟؟
امينه بصدمه : جليل الحيا .. والله مادري عنه اكيد ماخذه من موبايلي انا اوريه هالغبي
شهد : لا لا يبا من صجج عادي بس استغربت يعني من وين له رقمي .
امينه : لا خلاص ما عليج شهود .. انا جم مره اقوله بنات الناس مو لعبه بس ما يفهم
جود : انزين بطلو هالحجي وسولفو وياي وراي عمليه وانتو فاضين

موعد العمليه ..
مصعب كان واقف يم فهد ..
كان مصعب بقمه الارهاق ،، كان لابس بنطلون جينز ديرتي وقميص اسود مبين تقاسيم عضلات صدره ، شعره ما كان بذاك الترتيب فيه لمعه بسيطه تبين اثر الجل واللحيه صايره ديرتي ،،
كان متسند عالطوفه ويدعي حق جود ..

مصعب : فهد يعني ان شاء الله تكون زينه ؟
فهد : انت شفيك مصعبو جنك ياهل أي ان شاء الله تكون بخير.
مصعب تضايق وسكت ..
التفت عليه فهد : مصعب لا تحاتي جود قويه ان شاء الله ما فيها الا الخير .

محسن كان بعالم ثاني .. كان يطالع امينه اللي كانت واقفه مع شهد من بعيد .
كان يفكر فيها ،، الحمدلله والشكر انا شفيني سرحت جذي بالبنت !! هذا وانا اول مره اشوفها ..

ام فهد كانت كل ساعه تتصل على فهد تسأله عن جود .. وفهد كان يطمنها ،،

مرت ساعات العمليه ،، وطلعت جود من غرفه العمليات ..

فهد على طول راح للدكاتره ..
فهد : دكتور ها بشر ؟؟ نجحت العمليه ؟؟
الدكتور : الحمدلله نجحت .. كان في مشكله بسيطه مع رفض الاعضاء بس الحمدلله تخطيناها .. اختك ما شاء الله عليها قويه
فهد : الحمدلله لك يارب

مصعب ما تحميل الفرحه ونزل عالارض وسجد سجده شكر يحمد ربه .، اما امينه وشهد فكانت دموع الفرح اهيا اللي معبره عن موقفهم ، وعبدالمحسن مثل عادته اكتفى بابتسامه رضى تناسب شكله الجدي الجذاب ،،

فهد اتصل على امه : الووو يماااا ابشرج ..
ام فهد بخوف : ها بشر بشر؟؟
فهد : نجحت العمليه وطلعت جود الحمدلله
ام فهد ما تحملت الخبر وقعدت تبجي : الحمدلله لك يارب ..
وراحت تصلي ركعتين شكر .

دخلو البنات عند جود بعد ما سمح لهم الدكتور .. جود كانت لي الحين تحت تأثير البنج .. ما حست باللي حوالينها ..
فهد دخل على اخته وباسها على جبينها وطلع .. وخلوها ترتاح ،،


بعــد اسبوعين ..

فبيت ام نور ،،
نور : مامي آآي فيل سو باد .
ام نور : دونت وري ، آآي ول كوول يور هسبند

قطع كلامهم صوت باب البيت انفتح ..
فهد : نوووري .. نوري وينج ؟
ام نور : وي ار ان ذا صاله
فهد : أي أي عاشت خالتي ،، ان ذا صاله هههههههه
فهد باس راس خالته وراح ضم مرته على صدره .. : نونو تدرين ان جود وايد تحسنت
نور بفرح : صج ؟؟ وناسه الحمدلله
فهد حس ان نور مو طبيعيه حس انها تعبانه ،، مسح ايده على خدها : نور حياتي شفيج ؟
نور : مافيني شي حبي
فهد : تخشين علي ؟؟
نور : مافي شي بس شوي تعبانه .

قامت نور بتروح دارها ،، ولا تطيح عالغنفه ..
فهد قلبه انشلع مع طيحتها : نوووووووووووووووووور
نور ما كانت تتحرك ..

فهد شال نور على ايده وام نور راحت بسرعه لبست ملابسها وراحو المستشفى ..
الدكتور : مرتك بتولد ..

واعلن بالمستشفى حاله الطوارئ ..
فهد كان ميت خوف على مرته حبيبته وولده ..
يارب تقوم بالسلامه .. الله يحفظها يارب يارب الله يحفظها ان شاء الله ،،

من ناحيه ثانيه بالمستشفى ..
بغرفه جود بالتحديد كانت امينه عند جود ،،
امينه : واي بعد عمري .. ما بغينا نشوف هالبسمه
جود : ويهج كل الخير وليش ما ابتسم له ،،
امينه انحرجت من اطراء رفيجتها : تسلمين جودي
جود : تدرين امون لو الف الكون كله وارد لج ما اقدر ارد لج الجميل اللي سويتيه لي .. انتي انقذتيني من اصعب شي بهالكون ..
امينه : افا عليج .. انا عند ويهج .
جود : امونو بس تكفين خلاص لا تنفخين ريشج علينا مو وقته تشوفين نفسج بعد هههه
قاطه صوتهم صوت طرق على الباب ..

مصعب : ممكن ادخل ؟؟
امينه : لحظه مصعب .. جودي لبسي شيلتج بسرعه بيدخل ريلج ههههه
جود انحرجت وويها صار احمر : امينو يوزي عن سوالفج تكفين .
امينه : انزين يالله تره بقوله ادخل ..
جود سكتت .. ولبست الشيله
امينه : تفضل مصعب ..
مصعب دخل .. كان شكله مرتب ..
من فتره ماكان مهتم بشكله نظرا للظروف اللي يمر فيها ..

كان لابس بنطلون جينز فيه مخابي ،، وبلوزه كحليه عليها كتابه بيضا وجوتي رياضه ابيض ، ورافع شعره بطريقه ذربه سبايكي .

امينه : أستأذن انا الحين
جود ومصعب : لا خلج لا تطلعين شدعوه انتي منا وفينا
امينه : ميخالف انا استأذن شوي وبرجع .
طلعت امينه وظل مصعب مع جود
مصعب : شهالزين يالزينه ،، شحلاتج والله احلى من القمر ..
جود استحت : تسلم قلبي وانت بعد حلو واتينن ،، شعندك لابس بنطلون ؟
مصعب : هههههه ادري شي غريب مو يايلج مغتر .. بس بغيت اغير خفت تقولين لي شايب او شي من هالقبيل
جود : شدعوه يعني الحين أصغر .. الشايب شايب لو سوا المستحيل هههههه
مصعب : شايب هاااا .. اوريج ،، وطلع بره
جود قعدت تناديه بس مارد عليها

شوي ولا يدخل ومعاه بوكيه ورد كان حاطه عند باب الغرفه ..
مصعب : سبرااااااااايس ..
جود : ......
مصعب انصدم : ما عجبتج ..
جود نزلت راسها ودمعت عينها : ولهت عليك مصعب ..
مصعب راح قعد يمها : جودي مابي هالدموع حياتي لا تبجين ،،
ابتسمت جود ابتسامه رضا وراحه الحمدلله لك يارب رجع حبيبي يمي ..

من ناحيه ثانيه بالمستشفى ..
شهد : كلولولولووووووووووووووووووووووووووووووووش ،، مبروووووووووك فهيييييييد مبروك بو محمد واخيرا صرت عمه اخيرا اخيرا اخيرا ..
ام نور : الحمدلله .. ذاتس قريييت ..
فهد : مبروك خالتي ولو ادري انج مو فاهمه ،، كونقراتيوليشن
ام نور : ثانكس ..

راحت شهد تركض لغرفه اختها تبشرها ..
شهد : جوودي حمودي يا .
جود باستغراب : ومنو حمودي ؟
شهد : ولد نور وفهد ..
جود : صجججججج ؟؟ واااااااااااااااي وناسه .. وين فهود ابي اشوفه ..
شهد : مسكين الارض مو شايلته من الوناسه .. لحظه انا اروح له اشوفه يمكن ايي

شهد طلعت من غرفه اختها ولا تشوف امينه مع واحد ،، ما عطت الموضوع اهتمام ومشت
ولا يلحقها واحد ..
مشعل : شهد شههد ..
شهد : نعم ؟
مشعل : انا مشعل اخو امينه ،، اسف عالمسج اللي دزيته ، تره انا خذيت رقمج من موبايل امينه وياي اعتذر لج .
شهد : لا ما عليه ،، مسموح اخوي .. استأذن الحين .. مع السلامه

شهد راحت بخطوات سريعه ومشعل واقف يحترق ،، يازين البنيه..

بعد 5 شهور ..

ام فهد : حلات هالحمودي .. يازينه
نور: خالتي شوي شوي عليه اخاف يتعور
ام فهد : عشتووو تخافين عليه من خالتج !!
نور انحرجت : لا ما اخاف عليه منج شدعوه ،، بس هم اخاف عليه ههههه
ام فهد : هههههه الظاهر فهد لاحس عقلج ولاعب فيه لعب ،، صايره مثله فديتج
فهد : جني سمعت اسمي .. ولا اذوني خربانه ؟؟
نور : لا اسم الله عليك اذونك صاحيه
ام فهد : فهود جهز نفسك اليوم رغود ومبارك بيون و بنروح لهم المطار
فهد : ان شاء الله بس متى طيارتهم توصل
ام فهد : الساعه 8.30 بالليل.

بغرفه شهد ..
وصل لشهد مسج ..
((( بعد يومين اهلي بييون يخطبونج ))
شهد انحرجت ،، لان كان المسج من مشعل اللي اعترف لها بحبه .. بس اهيا ما عطته مجال يكلمها .
سكتت وقالت بخاطرها ،، احبـــك ..

الساعه 8.30 بالمطار ..
رغد ومبارك كانو توهم واصلين ..

جود : رغوووووووووووووووده يالبطه ولهت عليييييييييييييج .. فديتج رغوده
رغد : والله انا اكثر حياتي .. شزينج صايره تهبلين ..
ام فهد راحت تلم بنتها اللي ما شافتها من فتره طويله ، حتى بعزا ابوها ما يت الا يومين وراحت ..
الكل بالمطار كان فرحان برجعه رغد .. اخيرا رغد راح تظل عايشه بالكويت ومبارك تخرج ورد بشهاده ترفع الراس. .

بعد شهر،، بالصالون ..

جود : شزينج شهوده تهبلين والله احلى عروسه بالعالم ..
ام فهد : وييييه جود قولي ما شاء الله ،، والله قلت لها سوي عرس ماتبي بس تبي ملجه ..
شهد : يما مالي خلق عوار الراس واعراس وخربطه خليني جذي ملجه وكافي .. وبعدين مشعل بعد ما يبي مستعيل مادري شعنده ههههه
جود : يالله زين بسج قرقه خل تحط لج مكياج ..

الساعه 9 بقاعه العرس ..
كان الكل ينطر بنت الهارفي ،، كان العرس مترف والحظور اغلبيته من الطبقه المخمليه ..
كانت جود ماليه عين الكل بجمالها .. كانت ماخذه الانظار ،، وامينه كانت اتيي بعدها بالجمال .. بس ملامح جود كانت عربيه اصيله ،، كانت لابسه نفنوف احمر طويل وفيه كرستالات صغار فضيه .. كان شكلها جنان .. وشعرها الاسود زايد من حلاها ومعطيها جمال يفوق الوصف ..

الساعه 9.30 دخلت شهد .. على صوت راشد الماجد باغنيه شعاع النور ..
دخلتها كانت اكثر من روعه .. الكل دمعت عينه متأثر ..
كانت دخلتها شي يفوق التعبير وجمالها كان محط انظار الكل ..
لين وصلت الكوشه ،، رغد وجود كانو شايلين العرس بما انهم خوات العروسه .. اما امينه فكانت شوي مستحيه .. بس هم كان لها دور كبير ،،
بعدها دخل المعرس .. والكل تكلم عن ملاحته .. كان مملوح وشكله ذرب ..

جود كانت مستانسه ان اختها خذت مشعل ،، وامينه صارت من اهلهم ..
خلص العرس وخلصت معاه اصوات الاغاني والموسيقى الصاخبه ..

بعدها ،، زادو الخطاب لجود بس جود كانت ترفض الكل .. كانت تنتظر واحد ،، تنتظر مصعب حبيبها .. اللي وعدها يتزوجها .. لكن اخباره انقطعت من فتره ،، وينه فيه ؟؟


فبيت مصعب ..
مصعب : يبا الله يخليك ابي البنت انا ماقدر اقعد جذي شوف جم عمري صار .. انا الحين 23 سنه ربعي تزوجو وانا لي الحين قاعد ..
ابو مصعب : خلني افكر
مصعب : يبا تكفا .. مابي تروح البنت من ايدي ..
ابو مصعب : خلاص خلني افكر

جود كانت بغرفتها تفكر بمصعب ..
دزت حق مصعب مسج (( حبي وينك ؟؟ ))
مصعب (( موجود قلبي .. بس شوي امر بظروف ))

بالصاله فبيت ام فهد ..
رغد :فديته حمودي ،، تره يشابهج نور
نور: احس انه يشبه فهد ..
رغد : لا يشابهج اكثر .. ويشابه فهد بعد
ام فهد : فديته حفيدي
رغد : أي يمه أي صرتي يده ..
ام فهد : كبرنا يابنيتي
رغد ونور : الله يخليج لنا ..
شهد : يما انا ومشعل ان شاء الله بنسافر الاسبوع الياي .. انا قلت له اجل السفر ،، مابي اسافر قبل لا اشوف وين قبلوني أي كليه ..
جود : ها شتقولون شتسولفون ايييه اكيد ماخذينها راحه تسولفون وانا فوق
ام فهد : بسم الله الرحمن الرحيم يبا شهوده تسولف عن القبول ..
جود : أي صج ،، وين قدمتي انتي ؟
شهد : انا ودي حقوق بس ان شاء الله يقبلوني ..
جود : ان شاء الله .



فبيت عبدالمحسن ..
محسن : يبا بتزوج ..
ابو محسن : هذي الساعه المباركه بس بنت منو ؟
محسن : اخت ريل شهد بنت عمي محمد الله يرحمه
ابو محسن : دامك تبيها وتقول انها خوش بنت خلاص ان شاء الله نشوفها لك . ونخطبها
محسن : والله صج يبا ؟؟
ابو محسن : وليش لأ ،، وفي ابو ما يبي يشوف ولده معرس ؟؟
محسن باس راس ابوه : تسلم لي يبا الله يخليك لنا ذخر

الساعه 10 بالليل ..

ابو مصعب : ام مصعب نادي مصعب
ام مصعب راحت تنادي مصعب اللي راح بسرعه حق ابوه ..
مصعب : هلا يبا طلبتني ؟
ابو مصعب : اقعد ياولدي ..
مصعب مستغرب : خير يبا ؟؟
ابو مصعب : انا بكلمك بحقيقه زواجك انت وهدى .. وابيك تعرف اني ما ظلمتك فيه .. بس ابيك تسمعني عدل وتفهم بعدين قول اللي تبي تقوله ..


شنو حقيقه زواج مصعب وهدى ؟؟
شاللي خلا ابو مصعب يتكلم بعد كل هالسكوت ؟؟
وهل راح يوافق على زوج مصعب وجود ؟

تم الجزء الثاني عشر ..

[تمنيتك]

الجزء الثالث عشر



ابو مصعب كان يبي يكلم مصعب عن موضوع زواجهم ...

ابو مصعب : شوف يا مصعب .. سالفه زواجك من هدى سالفه طويله ولها ماضي انت ما تعرفه وحتى امك ماتعرف عنه كل شي .. انا قبل امك كنت متزوج
مصعب منصدم : متزوووووج ؟؟ وانا عندي اخوان ؟؟؟
ابو مصعب:خلني اكمل كلامي .. انا كنت متزوج اخت مرت اخوي .. يعني متزوج اخت ام هدى ،، كنت احبها حب ما بعده حب .. الله كتب وحملت طبعا يوم حملت كنت شايل الدنيا وقاعد من الفرحه .. لين وصلت الشهر التاسع وبدت تخاف من الولاده .. (( سكت ابو مصعب للحظه ))
مصعب : يبا لو ماتبي تكمل خلاص ماله داعي انا مسامحك ومستحيل اشيل عليك وانت ابوي
ابو مصعب : خلني اكمل يا ولدي .. لين وصلت السهر التاسع وقربت ولادتها قامت تخاف .. كانت حاسه انها بتودع الدنيا وانا كنت اطمنها .. وصتني ازوج عيالي من عيال اختها .. ما عرفت شنو سبب هالوصيه بس كان هذا حلمها .. وتوفت الله يرحمها بالولاده وتوفا الجنين اللي ببطنها .. كانت وصيتها وايد صعبه علي .. لكني كنت مضطر انفذها . وهذا كل الموضوع
مصعب عينه انترست دموع يوم شاف ابوه بهالضعب وضم ابوه وباسه على راسه : يبا انا اسف عاللي سويته كنت طماع وما افكر الا بنفسي بس والله يا يبا انها اهيا اللي طلبت الطلاق ..
ابو مصعب : انا مصدقك يولدي ،، والحين اذا تبي تتزوج اخذ اللي حبها قلبك وحطها بعينك .
مصعب طار من الفرح يوم سمع هالكلمه من ابوه : هاااا شنووو ؟؟؟؟؟ من صجك يبا يعني اتزوج بنت الهارفي ؟؟
ابو مصعب : خوش خوش بعد يعرفها الولد
مصعب : يبااااااا يالله تكفا قول تم
ابو مصعب : تم يا ولدي تم ..
مصعب : هيـــــــــــــــــــــــــــــــــــّا .. عااااااااااااااااااااااااااااااااش ابووووووووووي .. يبا احبك يبا اموت عليك ،، يبا ماكو دنيا بدونك خلاص انا بطير من الفرحه ،، احس اني عصفور يطير بحديقه
ابو مصعب : ههههههههههههههههههههههههههه مجنون انت ؟؟ وش بلاك ؟؟
مصعب : يبا انا قلبي دق .. دق .. دق
ابو مصعب : اندق راسك بمطرقه قول امين
مصعب : ههههههههههه ليش يبا تبيني اموت
ابو مصعب : لا ابغا عقلك يرجع مكانه هههههه
مصعب : يبا باجر نخطبها .. لا اليوم .. ولا اقول الحين ..
ابو مصعب : مصعب انت مسخن ؟؟ تره الساعه 1 بالليل شنو نخطبها الحين هههه
مصعب : انزين خلاص باجر بروح انام يالله باااااااااااااااااااااي
ابو مصعب : ووجع روح يالله فارق . ههههههه

مصعب طلع من عند ابوه وراح حق امه يلمها ..
مصعب : يما بتزوج ،، يما ابي عرس كبير ماكو مثله .. ابي اتيبون فيه رقاصات وووو ووو .. وبعد ... همممم .. كيكه 20 طايق وتعزمون كبار الشخصيات وابي اشتري الحين 10 اطقم الماس و...
ام مصعب : اسم الله عليك لا يوقف قلبك شوي شوي ..
مصعب : يما بتزوج بنت الهارفي يما .. بتزوج جود ،، تعرفين شنو يعني جود ؟؟ يعني مملكه حبي .. يعني مملكه حياتي جودي ..
ام مصعب : الله انا بس متى اشوف هالبنت اللي سحرتك
مصعب : يما ان شاء الله تشوفينها قريب .. يالله انا برووح انام باي يا امي العزيزه

صعد مصعب غرفته .. وعلى طول مسك التلفون يتصل على جود ..
جود: الو ..
مصعب : هلا بالصوت وراعيته
جود : هلا فيك صعووبي
مصعب : جودي فيج شي ؟
جود : ههه لا كنت نايمه
مصعب : ليش الساعه كم ؟
جود : 1.30
مصعب : ويييييه اسف والله مادري نسيت والله سوري يا حياتي
جود : لا عادي مصعب شعندك ؟
مصعب : لا خلاص نامي وباجر اقولج
جود : لا قولي الحين ؟
مصعب : جووود حبي حياتي روحي هواي غرامي شوقي مناي سماي ..
جود : بعد .. بعد .. أطربني اكثر ههههه شعندك صعوب مقعدني من النوم عشان تتغزل فيني
مصعب : شسوي احبج ..
جود : شعندك اخلص
مصعب : بخطبج باجر
جود بصدمه : تخطبني
مصعب : ايه بخطبج يا جود الدنيا .. ابوي وافق ورضا علي
جود استحت وسكتت
مصعب : الحلو شفيه ساكت .. تره السكوت علامه الرضا
جود : حبي انا الحين بسكره تبي شي
مصعب : فديييييت اللي يستحون .. احبج وماراح تسكرينه
جود : صعوووبي يالله عاد لاتحرجني اكثر
مصعب : خلاص ماشي .. يالله باي حبي ..
جود : باي
مصعب : الوووو .. جود لحظه
جود : هلا ؟
مصعب : سمي بسم الله قبل ما تنامين .
جود بابتسام : ان شاء الله
مصعب : باي يا زوجتي العزيزة
جود : باي يا مينون
مصعب : مجنون جود .. باي

**********
تقدم مصعب حق جود وخطبها
**********

فبيت جود ..

جود : يما بروح السوق بشتري لي اغراض حق العرس .
ام فهد اخذي معاج رغود
جود: ان شاء الله ..

رغد وجود راحو السوق .. جود كانت تشتري اغراض حق العرس ..وهي تمشي يت لها وحده ..
: اخت جود ؟
جود : أي نعم هلا اختي ؟
: بغيتج بموضوع على انفراد .
جود وخرت شوي عن اختها : هلا اختي ؟
: اختي انا فاعله خير .. ويايه اقولج شغله ادري انها تضايقج بس لازم تعرفينها
جود : تفضلي اختي .
: ادري انج ما تعرفيني ولا اعرفج لكني ابي لج الخير .. مصعب اللي تقدم لج تره كان حبيبي واذا مو مصدقه ، هذي صوره وكاهي انا ..
جود حست بصدمه والدنيا قامت تدور فيها : مستحيل مصعب يسويها انتي جذابه
: اذا انا جذابه فعيونج بعد اكيد جذابه لان كاهي صورتي وانا وراه .
جود ماكان في شي مخليها تشك بصحه كلام البنت اللي جدامها : مشكوره اختي
جود انصدمت من اللي شافته .. واللي اكد لها اكثر .. انها ورتها مسجات مصعب .. ورقمه..

جود ردت حق رغد ..
رغد : شفيج جود ؟؟ شكانت تبي منج ؟
جود : لا مشبهه علي
رغد بشك : اها
جود : رغوده خلينا نرد البيت
رغد : بس احنا ما خلصنا
جود : ميخالف بس انا شوي تعبانه
رغد استغربت من تصرفات اختها .. لكنها طاوعتها وردو البيت

فبيت عبدالمحسن
عبدالمحسن : يبا .. كلمت اهل البنيه ؟؟
ابو عبدالمحسن : لا يولدي انشغلت
عبدالمحسن : لا يبا لا تكلمهم شوي نبي نأجل السالفه ..
ابو عبدالمحسن : خير يولدي
عبدالمحسن : الخير بويهك بس شوي بأجل الموضوع
ابو عبدالمحسن : على هواك

جود كانت بغرفتها تبجي ..
رغد دخلت على جود : جودي شفيج .. المره شقالت لج ؟؟
جود : ماقالت لي شي عفيه خليني بروحي
رغد : على هواج حبيبتي بس اذا في شي قولي تره انا اسمع .
جود سكتت وقعدت تبجي ..

لعب علي مره ثانيه .. ومثل دور اللي يحب وطلع يخون .. انا شذنبي ؟؟ شنو سويت ؟؟
يارب شكثر اكرهه .. بس كثر كرهي له احبه .. بس ،،

مصعب بنفس الوقت كان يحلم بحبيبته .. اخيرا بتصير زوجته ، اخيرا .. ااااه صج لي قالو من صبر نال ..
مسك مصعب التلفون فكر يدق على جود ولا يسأل عن محسن اول !!
مصعب : الوووووو قوه يالصاحب
محسن : هلااااا هلا وغلا باللي بيتزوج
مصعب : هلا فيك شلونك حسون ؟
محسن : الحمدلله بخير.. شرايك نطلع اليوم بحاجيك بموضوع ..
مصعب : خير ياخوي ؟
محسن : تمرني ولا امرك لان ما ينفع اسولف لك اياه بالتلفون
مصعب : خلاص انا امرك .. ربع ساعه بس البس وأيي لك

بعد ربع ساعه .. بسياره مصعب ،،،
محسن : السلام عليكم
مصعب : وعليكم السلام هلا والله
محسن : يالقاطع والله اني ولهت عليك ..
مصعب : والله انا اكثر .
محسن : مصعبو خل نروح البحر ..
مصعب : اوكي .. انزين قولي شنو عندك ؟
محسن : والله ياخوي مادري شقول لك .. احس ان الدنيا مو شايلتني من الضيق .. شوف ،، انا كنت مقرر اتزوج بس ..
مصعب : بس ؟؟ شنو ؟؟
محسن : مادري يا مصعب .. انا عجبتني امينه رفيجه جود بنت عمي بس مادري ،، كلمت ابوي عنها عشان يعني نخطبها . بس بعدين ترددت .. مادري اخاف البنت ما تلوق لي ، البنت (فــري) وخوفي عندها علاقات مع شباب هذا اول شي .. ثاني شي اخاف ما توافق علي او ان ما اعجبها ..
مصعب : اول شي انا اقولك اياها مضمونه .. تره البنت ما لها أي علاقه بأي شاب .. هذا اول شي .. ثاني شي انت تقدم لها وان شاء الله ما ترفض بس استخير فيها اول ..
محسن : وانت شدراك اصلن ان ما عندها علاقات ،،
مصعب ارتبك من السؤال : ها .. لا مبين عليها ولا تنسى اهيا رفيجه خطيبتي وانت تعرف جود يعني مستحيل ترافج شينات ..
محسن : والله مادري ..

وصلو الشباب البحر .. وقعدو يتمشون ،،

فبيت جود ..
جود : شهوده ديري بالج على نفسج .. وطيعي كلام مشعل لا تصيرين دلوعه وايد
رغد : شدعوه جودي اهيا مو ياهل ..
ام فهد واهي تبجي : شهوده والله بشتاق لج ..
شهد وعيونها ممتليه دموع : يما خلاص قطعتي قلبي .. لا تبجين .. انا رايحه مع زوجي مو مع غريب .. وانا قلت لج من انقبل بالكليه خلاص بسافر .. والحمدلله قبلوني ..
نور واهيا شايله محمد ولدها : ما اوصيج استانسي تره شهر العسل ما يتعوض ،، وحمودي بيشتاق لج هههه
مشعل عند الباب مع مبارك وفهد : يالله شهوده انا سلمت على خالتي وسلمت على اهلي وبروح الحين اسلم على الفريج كله وانتي لي الحين واقفه مع اهلج .. يالله يالدووبه .. خالتييييييي تكفين قوليلها اتيي ههههه
ام فهد : يالله حرام روحي زرعتي ريلج بس ديري بالج على روحج .. مشعل يما دير بالك على بنيتي
مشعل : ان شاء الله خالتي ..

راحت شهد المطار بعد ما تطمنت انها انقبلت بالحقوق .. وسافرت مع زوجها لشهر العسل ..

على البحر عند مصعب ومحسن ..
اوووه هذا عبدالله ولد عمي .. وقام مصعب راح يسلم على ولد عمه .. اللي كان وياه اخته اللي تصير اخت هدى
مصعب : هلااااا عبووود شلونك يالقاطع ..
عبدالله بنفسيه : هلا فيك شلونك ؟
مصعب : تمام الله يسلمك ،، شلون الاهل ؟
عبدالله : تمام .. يالله استأذن ..

مصعب تضايق من حركه ولد عمه ،، لهدرجه اهو كرهه لانه طلق اخته هدى ..
اوووه براحته ، انا شكو الحين .. اخته طلبت الطلاق .. واهم شي الحين عندي اللي فبالي .. ملاكي جودي.

مصعب رد حق عبدالمحسن ..
محسن : شفيه كان يكلمك جذي ؟؟
مصعب : مادري عنه الظاهر حاقد علي من سالفه طلاق اخته ..
محسن : انت ما قلت لي صج ليش طلقتها ؟؟
مصعب : اول شي انا ما كنت ابيها والسالفه صارت سالفه ظروف خليتني اخذها .. وثاني شي اهيا طلبت الطلاق
محسن : الله مو كاتب تعيش وياها .. يالله الحمدلله على كل حال ..

مصعب كان مستغرب من نظرات عبدالله واخته .. كانت نظراتهم نظرات حاقدين .. بس ليش ؟؟ !! اختهم طلبت الطلااق وربي انا مالي ذنب !!


بعد يومين ..
مصعب كان يتصل على جود بس جود ماكانت ترد ..
ماكان عارف شفيها .. ما لقا الا يدق على فهد ..
فهد : الو هلا بالغالي ..
مصعب : هلا فيك .. مصعب شلون جود ؟
فهد : ههه شفيك مطفوق ..
مصعب : لا بس لاني ادق عليها ما ترد ..
فهد : موجوده بالبيت ..
مصعب : مافيها شي ؟؟
فهد : لا بسم الله عليها مافيها شي .. تبي ادق عليها اتطمن ؟؟
مصعب : يليت تقول لها تتصل علي ..
فهد : خلاص ان شاء الله .

فهد دق على جود اللي تضاهرت بالنوم .. وقالت له اذا قعدت بتدق على مصعب ..

فبيت امينه ..
امينه : الو قوه جودي..
جود : هلا امون شلونج ؟
امينه : تمام يالعروسه .. يالله ما بقا شي عالملجه كلها اسبوعين ..
جود : مابي اتزوج ..
امينه : ههههههههه يحليلها اللي تتغشمر ..
جود : امينه انا قاعده اكلمج من صج
امينه بصدمه : نعم ؟؟؟؟؟؟؟؟؟؟
جود قالت حق امينه اللي صار ..
امينه : انتي من صجج .. حرام تظلمين الريال كلميه يمكن السالفه مو صج .. شوفي من زمان ظلمتيه وكانت لعبه من الاعيب واحد حاقد عليكم .. شدراج يمكن هذي من طرف خالد ..
جود : بس قاعده اقولج ورتي صورتها مع مصعب .. اهيا كانت وراه واهو جدامها ..
امينه : فكري عدل .. وتره مو عدله انج ترفضين الزواج الحين ..
جود : انزين امون الله يخليج تعالي عندي مو عارفه شسوي .. مصعب قاعد يدق وانا ما رديت عليه ..
امينه : مو سنع اللي قاعده تسوينه .. هذا خطيبج عالاقل طمني على نفسج اكيد يحاتيج .. ردي ولا تحسسينه بشي وخلي الباقي علي ..
جود : امونه والله مادري شسوي بدونج ..
امينه : يالله عاد انا اخليج وشوي وأيي لج ... باي
جود : باي.

جود مسكت التلفون وترددت تدق على مصعب ولا لأ ..
ومن ناحيه ثانيه كان مصعب يفكر بجود .. فديت الجود ..
رن تلفونه ..

مصعب : الووو ..
جود : هلا مصعب ..
مصعب : هلا بقمر سماي
جود : هلا فيك ..
مصعب : حبي فيج شي ؟
جود : لا ماكو شي مصعب ..
مصعب : هممم .. سكتي جودي انا مافيني صبر متى الملجه وتصيرين لي بالحلال .. اااخ بس يا جودي
جود : ان شاء الله
مصعب بخوف : جود شفيج ؟؟؟؟؟؟
جود : مصعب مافي شي ... بس احاتي الملجه .
مصعب : لا تحاتين يا حياتي ..
جود من سمعت صوت مصعب حست انها متطمنه وحست ان البنت اللي شافتها صج كانت تجذب عليها : مصعب .. انا اسفه اذا غلطت عليك يوم بشي ..
مصعب : لا تعتذرين .. انتي ما عمرج سويتي شي يضايقني ياقلبي ..
جود : بس جد انا اسفه حبي .
مصعب : احبج تدرين ؟؟
جود : وانا بعد
مصعب : وانتي شنو ؟؟
مصعب : مالك شغل هههه

بعد اسبوعين ..
يومـ كتب الكتاب ..

الملا : موافقه جود ؟؟
جود بحيا : موافقه

ام فهد : كلولوولولووووووووووووووووووووووووووش الف الصلاه والسلام عليك يا حبيب الله محمد ..
جود كانت غارقه بحياها ،،
ام فهد : مبروك يابنيتي ..
جود : الله يبارك فيج يما ..

اما مصعب كان طاير من الفرحه .. اخيرا حبيبه بين ايده .. اخيرا صارت حلاله .. بس .. ،،

كانت فتره الملجه من احلى الاوقات اللي قضتها جود بحياتها ..
كانت عايشه مع مصعب احلى ايام عمرها ..

مصعب : قوة يا زوجتي العزيزه ..
جود بحيا : يقويك يا احلى زوج بالدنيا ..
مصعب : سمعي شنو كتبت فيج ..
جود والخجل مغطي ملامحها : قوول ..
مصعب :
لي مشت يـا الارض فوقج اجمل واطيب صبيه .. اهتفي غني وقولي يالمسا قوم وتمايل
يالفرح طرز مساها بالورود النرجسيه .. بس لا تنسى تنقي اطيب ازهار الخمايل
واكتب الاشعار فيها واوصف الطله البهيه .. عن حلاها والمحيا وعن سناها والجدايل
يالشعر قول بجود يالاصيله يا عربيه .. الف ابارك لج زفافج يا نسل اسمى العوايل
يا سميه ام اغلى من حكمنا في البريه ..يا عروس من حلاها حيرت كل الخصايل
ربي يسعدها ويجعل روحها دايم هنيه .. والسعد يملا سماها والهنا يمطر همايل
ربي يحفظها وتبقى دايم الورده النديه .. ياللي من عفه شذاها تنظرب فيها المثايل

جود ما عرفت شتقول كلامه كان وايد كبير .. ما عرفت شتقوله اكتفت بعباره وحده : اذا كان حبك لي مصدر الهامك للشعر .. فحروف شعري ما توفي حبك .. أحبك ..

مرت الايام ..
وصــل يوم زواج جود ..
الكل كان مشغول .. وخاصه جود .. يومها ما قدرت تنام ،، كانت تفكر بزواجها ..
وهل راح ينجح ،، كانت خايفه أي ظروف تتدخل وتخرب زواجها ..
جود كانت خايفه ..

هــل راح يتم هالزواج ؟؟
وهــل كانت صج البنت اللي كلمت جود وورتها الصورة مجرد وحده حاقده ؟؟
او يمكن ورا هالبنت سر ؟
وهل راح تتدخل بحياتهم مره ثانيه ؟
ولا راح تنتهي قصتي عند زواجهــم ؟؟

تم الجزء الـثالث عشر ..

[تمنيتك]

الجزء الرابع عشر



بعـــد 4 شهور ..

يوم زواج جود ..

كــان الكل يتجهز حق هالعرس .. عايله الهارفي كلها كانت تنطر زواج جود على احر من الجمر ..
كانت جود محط انظار شباب العايله كلهم ،، وبنات العايله كانو يتمنون يوم عرسها عشان يعرفون منو اللي راح ياخذها .. بنت مثل جود مو أي شخص ياخذها ،، البنت تفوق الوصف !!

بالصالون الساعه 6.30 المغرب ..
ام فهد : فدييتج يالجود ،، اخيرا بتتزوجين .. الله يرحمك يابو محمد كنت تبي تشوف بنتك بهاليوم ..
جود ضاق خلقها لانها كانت تتمنى ابوها وياهم : الله يرحمه يما ..
شهود : جودي شرايج احط مكياجي وردي وازرق ولا بنفسجي ووردي؟
جود : جنه بنفسجي ووردي احلى .. وانتي بعد سألي مدام روزي
شهود : مشعل يقول حطي وردي وبنفسجي ..
جود : يحلوها اللي تسمع كلام ريلها ههههههه
شهد : ههههه لا مو عن اسمع كلامه بس مادري هههههه
رغد : يما مبارك دق توه يقول لو تروحون الصاله الحين احسن عشان تتأكدون من الدي جي وكل شي .
ام فهد : أي يابنيتي خلاص الساعه 7 ان شاء الله السياره يايه .. انا وانتي نروح ونخلي شهد وجود ..
جود : يما انتي قعدي وياي ..
ام فهد : لا يا بنيتي مو سنع المعازيم اييون وانا مو موجوده
جود : هههه أي صج نسيت اني العروسه ،، شهدووو شوفي ويهي لايق عروسه ؟؟
شهد : ههههه يعني انا اللي كان ويهي لايق عروسه .. يبا انتي لايق ونص ..

جود انحرجت وسرحت بخيالها بعيد ،، الله يعني انا الحين عروسه .. !!

الساعه 7 الا خمس ..
رغد : يما يالله بسرعه تره تأخرنا والسياره بره تنطرنا ..
ام فهد : يالله كاني يايه ..
ام فهد ورغد راحو الصاله ،، وتأكدو من كل شي .. كل شي كان مرتب والصاله كانت اكثر من فخمه ..
بعدها .. ابتدو المعازيم يوصلون شوي شوي ..
لين انترست الصاله ..

كانت امينه شايله العرس .. كان العرس مرتب .. وراقي يناسب عايله الهارفي ..

بالـ ليموزين ..
جود : شهود ميته خوف ..
شهد : لا تخافين جودي مافيها شي خلج قويه ولاتخافين محد راح ياكلج
جود : ههه بس والله خايفه .. شلون ادخل اخاف اطيح النفنوف كبير وايد
شهد : ههههه مادرينا جان شرينا لج دراعه
جود : ههههه يا هبله ..

الساعه 10 الا ربع.. بالصاله ..
رغد : امون جود الحين بتدخل امشي نروح نشوفها ..
امينه : انزين انادي امج ويانا ؟؟
رغد : لا انا قلت لها انا بتكفل موضوع دخله جود هههه تعرفين بعد الوالده من تشوف جود راح تبجي وجود مو ناقصه احد يبجي جدامها تسوي عزا معاه .. هههههه
امينه : لا يبا خلاص خلاص خليها .. حرام مكياجها يروح مو وقته .. هههه
رغد وامينه راحو عند الباب ... ودخلو جود ..

ووو .. http://songs.dubaimoon.com/arshef2/...motheer-ali.ram
>> (( انتظر حتى تبدأ ،، ويوم تبدي كلمات الغنيه كملو قراءه )) <<

سبحان من ابدع وصور
الله يالحسن المثير
سمو وقولو الله اكبر
القمر عالارض يسير

الفرح هالليله نور
من ضيا البدر المنير
ياحلاته لي تمخطر
مثل ظبي(ن)عالغدير

في خدود الورد ازهر
وامتزج عطر بعبير
والليل كحل طرف الاحور
والشعر ظافي وحرير

بالمعاني صدق يبهر
راعي الدين الستير
كله ذوق وكله يسحر
لا له ند ولا نظير

كانت جود تمشي على هالموسيقى ،، كانت ماخذه الانظار وتمشي بخفه .. خطوه بخطوه .. والمصورة تاخذ لها صور من كل صوب ..

كانت دخله جود اكثر من مبهره .. العيون كانت كلها تتكلم عن جمالها .. طولها لونها جسمها نفنوفها ..
كانت ملاك في هيئه بشر .. البنات تنهدو يوم شافوها تدخل .. كانت دخلتها خياليه .. وحياها كان معطي الجو جمال طاغي .. ياطول الطريج للكوشــه اللي كل من شافها انصدم من فخامتها .. كانت جود تحس ان الارض مو شايلتها .. العيون من كل صوب تطالعها واي حركه تسويها الكل حاسبلها فيها الف حساب ..

وصلت جود للكوشه وقعدت بعد مليون صورة من المصورة بمساعده خواتها وامينه ...
اما ام مصعب فكانت تقرا على جود من عيون الناس .. ما غلط ولدي يوم اختارج يا جود ما غلط .. سبحان من ابدع وصور الله يالحسن المثير سمو وقولو الله اكبر القمر عالارض يسير ..

ام فهد كانت عيونها غرقانه دموع .. واهيا تشوف بنتها ،، يازينج يا جود .. يا زينج يابنيتي ..
اما جود فكانت عالكوشه وتطالع كل الحضور .. كانت جود فرحانه فرحه مو شايلتها .. صج شعور حلو ..

وبين انغام الموسيقى والرقص كان في شخص يفكر بتخريب مراسيم الزواج ،، وينهي السعاده اللي عايشتها جود .. لكن منو ؟؟ وليش ؟؟

الساعه 11 الا ثلث .. لو سمحتو خواتي تغطو المعرس بيدخل ،،

كانت دخله المعرس اللي كان الكل ينتظره ..
وعلى موسيقى يا معيريس .. دخل مصعب ..
كان بأجمل صورة .. طويل وجسمه مشدود وقفل .. وووو ......
كان شكله صعب ينوصف ، بالاحرى كان مبهر الكل بحلاه ..
ما غلطت جود يوم وافقت عليه ،، يابختج يا جود فيه ..
هديل : وضحوه شوفي ريلها شحلاته
وضحه : ههههه يبا تقولين ريلها عيب عليج هههههه
هديل : يا هبله يعني مثلا بخطفه منها !! بلا عبط
وضحه : اووه بس سكتي خل نطالع .
هديل : ليش انتي تطالعين بأذونج هههههه
وضحه : ههههه صج مينونه

كان مصعب حاس ان هذا اطول طريج يمشي فيه .. يا بعدج يا جود .. ليش ما حطو كوشتج اقرب شوي !!
اخيرا .. وصل مصعب لين الكوشه ..
ظل واقف يتلقى التبريكات من الاهل لين مشو الريايل ..
وشالو الرداء اللي مغطيها ..

سبحااااااااااااااااااان من صورج يا جود كانت هذي الكلمه الوحيده اللي تدور بخاطر مصعب ..
انصدم من جمالها ،، كانت اكثر من بشر .. مو ملكه جمال .. ملااااك في هيئه بشر ..

مصعب : مبروك جودي ..
جود بحيا : يبارك فيك ..

المصورة اشرت عليهم عشان مصعب يبوس راس جود وتصورهم ..
جود الدم كله تجمع بويهها واستحت .. يعني راح يبوسني جدام الناس .. امبي !!
مصعب : قربي راسج يالحياويه ..
جود : .....
قرب مصعب من جود ومسكها من خصرتها وطبع قبله خفيفه على جبينها .. و مبروك جودي ..

تمتـ مراسيم العرس .. كان عرس اكثر من رائع .. الكل كان مرتاح ومستانس .. الا شخص كان يفكر شلون ينهي هالفرح !!

كان مصعب حاجز ســويت بفندق لمده 3 ايام وبعدها راح يروحون شهر العسل جوله بأوربا ..
كانت ليلتهم ،، ليله من ليالي الالف ليله ،،

ثاني يوم الصبح ..
جود : مصعب حبيبي ما تبي تقوم ؟؟
مصعب بصوت فيه نوم : واللي عنده وحده قمر مثل اللي عندي يضيع وقته بالنوم .. صباح الخير يا عروسه ..
جود بخجل : صباح النور حبيبي .. يالله قوم خل نتريق ولا مو يوعان ..
مصعب : الا ميت يوووع امس ما تعشيت انا عدل ،،
جود : محد قالك لا تتعشى ،، انت بس مطيور جني بطير من ايدك
مصعب : ااااخ يا حلوة .. مييييييت جووووع
جود : اكلني ههههه
مصعب : انتي أحلي فيج ..
جود ويهها صار احمر .. وسكتت وقامت من يمه ..
مصعب سحبها من ملابسها .. وين رايحه مني ههههههههه

فبيت امينه ..
امينه كانت حاسه بالوحده ..
رفيجتها وحبيبه قلبها تزوجت ،، اهيا ظلت الحين وحيده وخصوصا ان ما عندها خوات ..
اايييييييه يا جودي والله لج وحشه يالغاليه ..
حتى مشعل اللي ما كان منه فايده راح مع مرته ،،

بالفندق ..
مصعب : يالله جودي انا لبست وخلصت ،، يالله حبي عشان ما نتأخر عالغدا اكيد امي مسويتلنا خوش غدا ..
جود : كاني خالصه بس البس الكعب ..
مصعب يقلدها : كاني خالصه بس البس الكعب ،، يازين الصوت ..
جود : تعيب ها .. يالشين
مصعب : انا شين يالزينه ها .. ؟!
جود : أي شين ههههه
مصعب عصب : جوووود ..
جود : هلا اااا ؟؟
مصعب : احبج هههههههههه
جود : وانا بعد

طلعو جود ومصعب من الفندق .. كانو محد انظار الكل واهما يمشون ،، ثنائي جميل ..
وصلو بيت ابو مصعب اللي كانو ينطرونهم ..
ام مصعب : هلا ببنيتي ،، هلا بالجمال اللي جنن ولدي ..
جود بحيا : هلا فيج خالتي ..
ابو مصعب : لا يولدي ما غلطت يوم اخترتها ..
مصعب لابوه ابتسامه رضا ..

قعدت جود مع ابو مصعب وامه فتره وقعدو يسولفون .. حبوها من اول مره .. البنت بنت ناس وتنحب ،،
بعدها طلعو من بيت ابو مصعب وراحو بيت جود ..


ام فهد : هلا والله بولدي هلا بمصعب .. شلونك ؟
مصعب : الحمدلله بخير خالتي انتي شلونج ؟
ام فهد : الحمدلله بخير ..
جود : يما وين البنات ؟؟
ام فهد : عند المسبح الحين نروح لهم
مصعب : انا بروح عيل عند الريايل ..
ام فهد : خلاص بالدوانيه اهما ..
مصعب : ان شاء الله ..
جود راحت للبنات رغد وشهد وامينه كانت معاهم .. الكل احتضنها وقالولها انها كانت وايد حلوة بالعرس ..

بالليل مصعب قال حق جود تزهب نفسها لانهم بيتعشون بمطعم ..
جود سلمت على اهلها .. وطلعت مع مصعب ..

بالسياره ..
مصعب : جودي وين تبين تتعشين ؟
جود : مادري كيفك
مصعب : انتي كيفج انا عادي أي مكان اكل .
جود : هممم مادري حبيبي
مصعب : انزين نروح نتمشى عالبحر اول بعدين نتعشى ؟
جود : خلاص اوكي حبي

راحت جود مع مصعب يتمشون على البحر اللي قبال سوق شرق ..
جود : مشتهيه ايس كريم ..
مصعب : غمضي عيونج وبطليها تلاقينه عندج انتي نطريني هني والحين يوصل لج
جود : لا لحظه صعووووبي لا تروح من صجك بس جذي انا قلتها مو معناته اني ابيك اتييب لي
مصعب راح وما سمع كلامها .. كان بييب لها من ماكدونلدز اللي بشرق لانه يدري انها اتحبه .

جود ظلت واقفه مكانها .. الوقت ليل وكانت خايفه بروحها ..
يت لها وحده .. جود كانت تذكر ملامحها ،، لا اهيا مو تذكر ملامحها اهيا تعرفها بس ؟؟ منو هذي ؟؟

: السلام عليكم
جود : وعليكم السلام هلا ؟؟
: انا اللي من زمان كلمتج عن زوجج مصعب ..
جود : كلمتيني عن مصعب ؟؟؟؟
: ايه .. اللي وريتج صوري معاه .. بس للأسف انتي ما صدقتيني وتزوجتيه .. شوفي هذي مسجاته وهذا اخر مسج منه قبل عرسج .. شوفي

جود قرت المسج (( انا اسف لكني راح اتزوج ))
ومسج قبله كان تاريخه قديم شوي (( يالغاليه لا تواخذيني بس ظروفنا خلتنا جذي ،، واحنا مجبورين ))

جود ما قدرت تتمالك نفسها وقعدت تبجي .. وبهاللحظه اختفت الحرمه اللي كلمتها وراحت ..
جود ظلت واقفه بمكانها وتبجي ..

دقيقتين ومصعب كان واقف عندها انصدم يوم شافها بهالشكل ..
مصعب والايس كريم طاح من ايده يوم شافها : جووود شفيج ؟؟؟ حياتي جودي شفيج ؟؟؟ في احد ضايقج ؟؟ احد قالج شي ؟؟
جود واهي تبجي : ودني عند امي مصعب
مصعب : جودي فهميني شفيج توج مافيج شي .. ؟؟ تبجين لاني خليتج ؟؟
جود : بروح عند امي مابي ارد وياك الفندق ..
مصعب : امشي امشي السياره نتفاهم .
جود راحت ويا مصعب السياره واهيا تبجي..
مصعب قعد يم جو د .. : جود حياتي قوليلي شنو فيج ؟؟
جود : مصعب لا تقول حياتي ،، مابيك تقولها .. انت ما تحبني انت تزوجتني مادري ليش انت تكلم غيري
مصعب : اكلم غيرج ؟؟؟؟؟؟؟؟؟؟؟
جود : أي تكلم غيري وقبل زواجنا داز لها انك راح تتزوج .. منو هذي قولي تكفا لا تعذبني اكثر
مصعب : جود انا مادري انتي شنو قاعده تقولين ،، بالفندق نتفاهم

مصعب حرك السياره وراحو الفندق ..
جود كانت طول الطريج تبجي بجي يعور القلب ..
مصعب : جودي تكفين والله الحين ادعم ، حرام عليج والله ما اتحمل دموعج ..
جود : ادعم خلني اموت افتك منك ..
مصعب حرقت قلبه هالكلمه ورفع ايده على جود كان بيطقها .. : جوووود جااااااااااااااااااااااب ..
جود ماتت خوف يوم شافته جذيه وقعدت تبجي اكثر من قبل : طقني .. لا طقني ليش ما كملت انت اصلن ما تحبني انت ولا عمرك حبيتني والدليل انك كنت بتطقني واحنا تونا ثاني يوم زواجنا ..

مصعب كان يحترق من داخله .. ليش رفعت ايدي عليها .. هذي زوجتي .. هذي الحب اللي بنيته سنتين وسويت عشان المستحيل .. بس كلمه موت على لسانها ذبحتني ،، مستحيل اخليها تقول انها تبي تموت .. حياتي من حياتها ،، اذا اهيا راحت انا انتهي ..

مصعب كان ساكت طول الوقت ويحترق من داخله .. كانت نار الحب تغلي داخل قلبه ..
كان منصدم ،، شاللي غيرها بلحظه منو اللي قال لها كل هذا !! شنو صار بالفتره اللي انا غبت فيها ؟؟

وصلو الفندق ..
جود خذت فراشها وراحت على الغنفه تبي تنام ..
مصعب : جود وين رايحه
جود والدموع بعيونها : بنام
مصعب : ببساطه تقولين بنام وتشيلين فراشج وتروحين عالغنفه ؟؟
جود : خلني بروحي بنام .. شنو تبي مني ؟؟
مصعب حط ايده على خدها : جودي فهميني شنو صار ؟
جود قعدت تبجي بدون صوت : تصبح على خير ..
مصعب : جود روحي عالسرير وانا انام هني يالله قومي ..
جود : مابي ..
مصعب عطا جود نظره خلاها تخاف وتروح .. : ههههه تصبحين على خير يالدلوعه

جود كانت عن جد متضايقه .. وتبجي من قلب ..

مصعب قعد يفكر ،، منو ممكن يكون اللي كلم جود ؟؟
شنو قال لها ...

فجـــأة
مصعب :: جوووودي
جود ما ردت عليه

مصعب: جود تكفين ردي علي .. قوليلي شاللي صار بالضبط .. اعتقد اني عرفت السالفه
جود : مابي اتكلم معاك وخر عني وخلني انام
مصعب : جود حبيبتي تكفين فهميني .. اهيا قالت لج ان اخر مسج وصل لها كان اني بتزوج ؟؟
جود بصدمه واهيا تبجي : وتقول انك ما تعرفها .. كاهو عرفت المسج اللي مطرشه لها يعني انت صج تكلمها مصعب انت ليش جذي سويت ؟؟ حرام عليك
مصعب : الحين عرفت الموضوع .. ساعتين وراجع حبيبتي .. ولا تشغلين نفسج بشي يفرح العذال حبي ..

مصعب طلع من الفندق وراح حق ...

حق منو راح مصعب ؟؟
وشلون عرف السالفه ؟؟
وهل راح تنتهي هالسالفه عند هالنقطه ؟؟


تم الجزء الرابع عشر

[^دلوعة فريجنا^]

تسلمين حبيبتي عالتكملة


:)