قصه ابطالها وكتابها اعضاء المنتدى.

[Na3ooma]

اي بس انتي عطيني الأبطال و الي بيشتركون !!

يعني قوليلي منو الأساسيين عشان ابتدي ومن عيوني اعطيج احلى مقدمة :)

[دنووش]

طيب نعوومه
في الجامعه..
اولا الطلاب :
صاحي لهم _كلاش_ميلاني _العميل السري_ليتني همكـ _واخيرا هتلر

هذولا شله تقريبا بس بينهم مشاكل بسيطه خاصه صاحي مع ميلاني <<<ليش مدري ..
لا للمخدرات اخو واحد منهم ..((شوفي منو تبين يصير اخوووه))

وصاحي عطانا ..
والطالبات بالجامعه:

دنووش-مغروره- عاشقه تويتي-كل الذوق - مس قوتشي - دلع بزياده
وانتي شوفي وين تبين اتحطين نفسج ..طالبه ..استاذه اللي تبين ..

وياله ابدي بالمقدمه السنعه

<<تنتظر

[Na3ooma]

انشالله انا الحين بكتب المقدمة من عندي وباجر اكتبها لكم هني :)


وانا بكون وحدة من الطالبات ..

و انشالله تعجبكم ..

[Na3ooma]

هااااي .. صباح الخير

كتبتلكم مقدمة بس مادري اذا تعجبكم او لأ :) انتوا عاااد شوفوا و اذا ما عجبتكم اكتب وحدة ثانية ..

طبعا انا اكتفيت بالجزء الأول و الي اهيا عن البنات و الشباب انشالله بنكملها لكم لوووول

وراح ابدأ ...

[Na3ooma]

بسم الله الرحمن الرحيم ..

لم يتبقى سوى القليل , فقط ثلاثة أيام ..
يستعد الجميع .. فالجامعة على الأبواب ..

في ذلك الحين يستوجب على الطالبات و الطلبة الاعداد و التحضير للجامعة , واحظار جميع متطلباتها حتى يكونوا على الإستعداد التام لها ..


عقرب الساعة يدور .. الساعة تشير الى السابعة صباحا ..
يصحو الجميع باكرا ..

في الثالث و العشرون من سبتمبر ,, وسط زحمة الشوارع ,, و الحر الشديد يتجه الجميع الى الجامعة ليلتقوا مع بعضهم البعض و ليقضوا وقتا طويلا وممتعا ..

تتجه دنووش الى باب التسجيل و القبول للتتأكد من محاضراتها و مواعيدهم ..
وهي في طريقها تتفاجأ برؤية نعومة و مغرورة فتقول بدهشة :
نعوووومة ,, مغروورة !! انتما هنا في نفس الكلية معي .. يالها من صدفة رائعة ,, كم اشتقت اليكم والى الجميع و الى ايامنا معا في الثانوية ..


من زاويــــــــة اخرى ..
تقف قووتشيه مع تويته و دلع بزيادة وكل الذوق وضحكاتهن تملأ المكان ..
فتقول تويته :
ما رأيكن لو نذهب للكافيتيريا لنشرب شيئا باردا ,, للأني أشعر بالعطش كما أشعر بالجوع أيضا ..
فترد كل الذوق مازحة ً :
تويته انتي دائما في هذه الحالة دائما جائعة معدتك لا تمتلأ .. !!!

فتتعالى ضحكاتهم مجددا ..

[دنووش]

هههههههههههههههههههه

رووووعه ..

تسلمين ع المقدمه ..

حلوووه ..بس ابي اسأل الجامعه مختلط؟؟

شرايكم؟

عشان نكمل

[Na3ooma]

اي مختلط :) عادي ..

يلا شدوا حيلكم وكملوا .. نبي الشباب الشباب

ولا تنسون العربي العدل لوووووول

[العميل السري07]

ماما اغسلي ايدج عن العربي انا بحاول اكمل من عندي بس بالعاميه لانه احلى
علشان تعرفون الشطانه عدل لوووووووووووووولز

[العميل السري07]

باجر تبدا الدومات الجامعه والساعه 12 ليلا
والشباب : صاحي لهم وكلاش والعميل وليتني همك
مجتمعين بدوانيه صاحي لهم ولعب بيلوت وسوالف
صاحي لهم : شباب كم الساعه بكره عندنا دوامات ولا مافيه <<قاعد يصرف الشباب
العميل : اي والله الساعه 12 وبكره دوام بس مني اخذوها اجازه يا الربه
كلاش : اي والله صدق العميل اجازه بكره وتونا في بدايه الكورس اسبوع سحب واضافه
ليتني همك: ياغبي انت وياه انتوا ما تفهمون باجر احلى شي والاسبوع الاولى
احلى ايام الدراسه تلقى ناس مستجدين
كلاش : اف انت بلا دوخه راس ومستجدين والله بزارين توهم متخرجين ياذونك
ليتني همك : هذا عز الطلب يا خوووك :p
كلاش : يا عمي طير
العميل : بصراحه فكره حلوه تصدق انا بداوم بكره ابي اشوف الوضع
...


هتلر: الووووووووو ميلاني بتداوم بكره
ميلاني : اكيد بروح وبداوم بيجونك اشكال جديده بالجامعه نبي نشوف لنا شوفه :p
هتلر : هههههههه الله يخسك ما تخلي سوالفك انت
ميلاني : يارجال مليت من اللي عندي وابي اغير
هتلر: وشفيهم اللي عندك يسدون الحلق ويبطون الجبد ويكفوون وزيدون بعد
ميلاني : ياخوووي صاروا متمردات ولسانهن طويل وابي اشوفلي وحده توها وتحت التمرين :p
هتلر : اوكي انتلاقا بكره على خير
ميلاني : اوكي

..


في الجامعه الساعه 9 الصبح
هتلر داخل هو واخوه المستجد لا للمخدرات

هتلر : وش شعورك وانت توك داخل الجامعه
لا للمخدرات: شعور اي طير محكور بقفص وانهد منه
هتلر: ههههههه يعني الثنويه قفص الله يخسك صدق انك عرفت تشبه
لا للمخدرات : افا عليك ، الا اقول منهو ذا اللي جاي صوبنا
هتلر : بس بس هذا خويي ميلاني ، الله حي ميلاني
ميلاني: مير الله يحييك وشلونك هتلر ، وشلونك يا الاخو
هتلر : اعرفكم على بعض هذا ميلاني وهذا اخوي لا للمخدرات
ميلاني: ونعم والله
لا للمخدرات: ماعليك زود
هتلر : يالله مشينا يا الربع

...


في الكفتريا الساعه التاسعه يدخل ميلاني وهتلر ولا للمخدرات
وكان فيه اربعه موجودين قبلهم واللي هم ليتني همك والعميل وكلاش وصاحي لهم

صاحي لهم : شباب شوفوا من اللي جا اف يا غثهم ذيلا اللي دخلوا علينا
كلاش : رجال خلهم بحالهم
العميل: اقول كلاش شرايك تروح تعزمهم يجون يتقهوون معنا :p
كلاش: شي طيب
صاحي لهم : هيه انت وياه ان دعيتوهم انا بمشي وفكونا من الغثه
ليتني همك: اقووول والله انكم فاضين، الا شرايكم في الاربع بنات اللي جلوس هناااك في الزاويه
العميل : والله ما هم بشينين بس خوفك نجيهم يفضحونا ويطلعون ام عشر ألسنه
كلاش : ههههههههه هذا بلا بوك يا عقاب كل شي لا تطلع الوحده فيهم لسانها مترين
صاحي لهم: انتوا خلوا منكم البنات وش لكم فيهم اعقلوا
ليتني همك: اقول والله لو انك شريف روما انت بس اسكت، العميل وشرايك في ذيك اللي قاعده تشرب العصير
العميل : ماعليها حليوه بس احس انها ماكينه ماتشوفها كله تقرق ودفشه شوي
كلاش : لا لا اللي جنبها احلى منها
ليتني همك : اقول استريح انت، اللي تشرب عصير هي احلاهم
صاحي لهم: اي صح اللي تشرب عصير هي احلاهم
العميل : ههههههههه صاحي توك تقول خلوا البنات بحالهم لوووووووولز
صاحي لهم : ههههههههههه عادي ما عاشر قوم اربعين يوم صار منهم وانا معكم الثنوي كله :p
ليتني همك: شباب وشرايكم نقوم ونجرب حظنا معهم ، البنات اربع واحنا اربعه يالله شرايكم انا ابي ذيك ام عصير
العميل : وانا ابي اللي جنبها من يمين
صاحي لهم: اجل مادام كذا انا بختار اللي جنبها على اليسار
كلاش ك هيه انت وياه اجل تبوني اخذ اللي معطتني بظهرها ترا ما شفتها ، بس اقول لا تعيشون الدور ترا يمكن تمصخرونكم الحين
العميل : شوفوا اذا طلعوا السنتهن طوال ، كل واحد يغسل وجهه بمرق وابدوا حطيات عليهم ما فيه تراجع اهي اذا خربت السالفه فخربانه خربانه فخلونا نعميها
الشباب : فوقهاااااااااااااااا
وقاموا الشباب ليتحرشون.......
...
ميلاني واخوياه بعد ما طلبوا وخلصوا وجاو وجلسوا بروحهم
ميلاني :يا صبر الارض هذا موجود
هتلر : استهد بالله انت منهو ذا اللي يا صبر الارض عليه؟؟
ميلاني: ذاك المشهوج
هتلر: من تقصد ذاك اللي قاعد على اليمين
ميلاني : اي هوو
لا للمخدرات: ليه وش جاك منه يوم تقول ذا الحكي
ميلاني : بس كذا يا ولد غثيث وثقيل طينه
هتلر : ههههههههههه انت ما يعجبك العجب
ميلاني : هاااااااه شف شف قاعد ياشر هو ووجهه على البنات
لا للمخدرات: ياخوي عيب عليك تقول ذا الحكي في ظهر الرجال، المهم يالله مشينا
محاضراتنا بدت
ميلاني + هتلر : يالله مشينا
وراح ميلاني واخوياه لمحاضراتهم



((وانتهى الجزء الاول)) مادري اكمل ولا لا
وعطوني رايكم والبنات للعلم راح ابين منهم
وانتبهي يا نعمومه ترا انا ربطت القصه بالقصه
انتي كملي دور البنات وركبيهم صح العال جايين يتحرشون
وانتي قسمتي البنات الى ثلاث واربع
وهم انا قسمتهم الى ثلاثه واربعه
فكملي القصه صح وتابعي الاحداث
لووووووووولز
:p

[JoKeR 2]

عفوا ممكن اشارك :p

يعني طالب مستجد ذرب ههههههههههههههه


لالا خلوني انا خريج :p

[wd3Na.aLHwaa]

لووول :p

فكـره حلـوه وجميله ..

أنـا ومعـاكم واللـي أقدر أسـاعدكم فيه تبشروون ..

كل الشكر لج أختي ..

ولاهنتي يـا ام الافكـار :p

[Na3ooma]

لوووووووووووول حلوة منك يالعميل نعجبني ..


اوكي خل افكر و لي باك


بس وين الربع ماحد كتب !!

[دنووش]

انا هنااااا

مو بالجامعه ...هنا بالرد ..العميل ماقصرت كفيت ووفيت

جوكر:حياك بس انت تقول متخرج ...شلون تدش القصه ...خلك مستجد ازين عشان نتمصخر فيك لووووووول ..

حزن :حياااك واذا ودك تكمل القصه تقدر تضيف اللي تبي ..

تحياااتي لكم ..وياله نعومه شدي الهمه ...

(ترا الكل يقدر يكمل ..)

[Na3ooma]

اي خلوني افكر ..

بس يلا نبي الهمة وين باجي الأعضاء ؟؟

[العميل السري07]

اقول شرايج احنا ندخل اسامي الاعضاء وتبقى اللي يدير الحوار انا وياج يا نعومه واذا ماتقديرين ترا عادي اقدر االف لكم قصه من راسي من كثر ما قريت قصص
وعر فت اسلوب القصص ، بس ترا انا قاعد اكتب واسوي قصه وترا اكون للواقع اقرب
من الخيال لانه صج ترا يصير عندنا جذي
ويالله نعوومه بتسوين انتي التحرؤش اللي صار بين الشباب والبنات ولا اسويه وامصخركم يا بنات
لووووووووووولز