تويت
السلام عليكم ورحمه الله وبركاته
اخواني .. خواتي اعجبتني القصيده وحبيت انقلهم لكم والصراحه ماني عارف لمنو
: :
إذا المراجل لبسة شماغ وعقال*****قل للعذارى يلبسنّ العمايم
ما عاد يفرق زول حرمه ورجال****دام الفعايل تشبه البعض دايم
المرجله ما هيب كلمه وتنقال*******وتروح ما راحت هبوب النسايم
وإلا خشونة صوت أو رفع الأثقال****أو رزة صدور وفعل الزلايم
ولا هي بعد مفتاح موتر وجوال******وإلا ردى لسانن حديثه شتايم
المرجله شيمه عن القيل والقال******رفيع نفس (ن) حر بالجو حايم
المرجله عقلٍ وزنه وزن جبال******ودون العقل وش فرقنا بالبهايم
يا مسندي لو مايل الوقت بي مال*****يا ولد أبويه يا عظيم العزايم
يا معرب الجدين من العم والخال*****يا نخوة المفزوع وقت الهزايم
المرجله يا خوي هي طولة البال******هي العزم هي الصبر فالظلايم
فيها الكرم عزة دله وفنجال*********فيها الكرامه عن ردى الطبع شايم
و الدين لامنه خذا القلب منزال*******مشى طريق الحق وابليس نايم
ومن لا عرف ربه في طيب الحال****لابد وقت الضيق بالهم هايم
حتى صلاتك مع جماعات ورجال*****يا عظم أجرك بين ساجد وقايم
ولا من رفع ربي له كل الأعمال*******حسن الذكر لا قالو فلان صايم
وخلك شريف القصد يا طيب الفال****سوء المقاصد فالبيوت الهدايم
واحذر تبيع النفس في دب الانذال****وتتبع خوي إبليس راع النمايم
النفس خيل لك إذا كنت خيّال*********ومن لا قوى نفسه قوته الهزايم
ولا صرت ما تدري ليش أنت رجال*****والله خسارة فيك ذبح التمايم
اتمنى تنال اعجابكم
:)
.gif "Smile777 (44)")
تعليق