ردي الآصل)) اذا مادشيت بزعل عليك لازم تقراها والله اذا ما عجبتك طقني

[جمعان بوند]

ردي الآصل))

ردي الآصل لو شفته صفالك
ترى الآنذال عشرتها مصايب
ولو تعطيه من غالي حلالك
ترى الخايب على ماقيل خايب
الى صارت له الحاجه عنالك
ولو تحتاج له أنته صار غايب
ويضحك لك وهو جالس قبالك
والا من صد في امره غرايب
ويحلف لك يمين انه صفالك
وهو عن مشيته ماهوب تايب
وراعي العيب لو هو من عيالك
ولو هو من جماعه او قرايب
تراك برفقته اتعبت حالك
فقله رح يعلك للذهايب
فاحذر يافتى واعرف رجالك
من اللي ما تزعزهاالنوايب
يعلو بين خلق الله جلالك
ومن عاداك وروه العقايب
فاذكرني اذا أمربدالك
فيما قلته ودنيانا عجايب

[BiShOw]

صح لسانك و لسان قايلها اخوي جمعان ... =)

[جمعان بوند]

الله يصح بدنج يالغاليه

ومشكووره على المرور الطيب والعطررر :)

[mshtaga]

ولو تعطيه من غالي حلالك
ترى الخايب على ماقيل خايب

صح لسانك اخوي جمعان

[كـلـي غـلا]

الله الله

حلـوه .. تسلم جمعـــاان ،،

[حمـوووود وهبـي]

طبعآ ماقدر اقولك انه قصديتك حلوه

لأن انته الحلا كله :)

ذوووووق ومميز كالعاده

ولا تحرمنا من ابدعاتك القادمه

[عاشقــ تويتي ـة]

صح السانك والسان من قال

الله يعطيك العافية