قالو الناس كذاب

[SuPeR BoY]

قلت الصـراحه .. قالو الناس كـذاب *** كذبت .. وسموني أمـير الحبـايب

واجهـتهم .. لكنها ثـارت أعصـاب *** جاملتهم .. وأصبحت عاقل وصايب

عاندتهـم .. وأنفتحت بوجـهي أسبـاب *** سايرتهم .. وأقفت هذيك السبايب

فضحتهم .. وأصبحت مذنـب ونصـاب *** سترتهـم .. شنـوّ علي الحـرايب

داويـتهم .. قـالو لي الجـرح ما طـاب *** جرحتهم .. قالو لي الجرح طـايب

طلبـتهم .. وأنصـك في وجهي البـاب *** عطيتهم .. قالو لي يا أبو الوهـايب

مدحـتهم .. قالو هالانسـان ماخـاب *** هجيـتهم .. قالو يحب المصـايب

رفعـتهم .. وارتفعت ارقاب وأشنـاب *** نزلتهم .. صار أسود الراس شـايب

حبيـتهم .. قـالو لي الحـب غـلاب *** كرهتهم .. هلت دموع وسحـايب

واصـلتهم .. لقيتـهم مثل الاجنـاب *** هجرتهم .. قالو لك أيام .. غايب؟

أقبـلت .. وصار كلهم دوني أحـزاب *** وابعدت .. وصارو كلبوهم قرايب

بنيتهم .. حطو لي أسـوار وحجـاب *** هدمتهم .. قالو حـرام الخرايب

شديت .. وصارو كلهم ربع وأصحاب *** وأرخيت .. وخلو حبل الايام سايب

رفعت صـوتي .. كلهم صارو أذناب *** قصرت صوتي .. وأبتدو بالطلايب

يا قلب لاتشـره .. ولاتبدي أعتـاب *** خل العتب عنك وخل النشـايب

مافيهم اللي يستحقـون الاعـجاب *** لو شفتهم كتلة غموض وعجايب

من لاأفتهم درس الليـالي.. ولاتـاب *** يموت ما يفهم .. ولاهو بتـايب

ما أنت الوحيد اللي مشى الدرب مرتاب *** غريب .. وتمشي في زمان الغرايب

تـحــيــــــاتــي أخــوكــم : ســــوبـر بـوي :heart

[Scorpion]

صح لسانك واشكرك اخوي سوبر بوي على هالكلام الحلو ..

[SuPeR BoY]

العفووو حبيبي وصح بدنك ويسلمو العقرب على المرور :) ....