... رابـــــــع خـــــــــوانــــــي ...

[طـيـر شـلـوى]

هو شاعر من الشعراء اللذين ضلموا في برنامج شاعر المليون في المرحله التمهيديه

وهي القصيده اللتي القاها امام اللجنه تحت اندهاشاتهم ورغم ذلك لم يشارك في البرنامج

أترككم مع رائعة الشاعر : محمد الدهيمي


==========================


^^ رابع خواني ^^

برق برق المشيب ولا لقيت الا اربع تختال
سوالف غربتي ..وطعون فقري ..همي ..احزاني

يخلف الله يا عمر قضيته طرقي ونقال
تكاثر فيني الدنيا وطن من بين الاوطاني

على ذا الحال ..ذي عاشر سنه وانا على ذا الحال
ادرهم خطوتي واقول عل الهم ينساني

ولا ادري الا وهو في هجعة الغدرا يدق البال
تقل وياه عذال تدله وين عنواني

صبرت وقلت كفارة ذنوب الين صبري طال
تهاوني عدوي واهملوني كل خلاني

احد مثلي حرق ثوبه واخذ ثوب القصيد سمال
غدت بي هقوتي واحلى قصيدي مات بلساني

احد مثلي .. نشب مابين قلبه والفكر غربال
واذا اشتد الخصام يجيك كل يلعن الثاني

خطاي اني سنين اسمع وصايا العاذل الي قال
تسلا وش من الدنيا بتاخذ غير الاكفاني

وانا بحروة حلاها جرعتني المر بالفنجال
وانا ما سمني غير اني المظلوم والجاني

ذبحني حظي الي ما قدر مره ينط الجال
وتردى لين سولفلي لسان فلان وفلاني

كذا يالحظ ما كنا تخاوينا سنين طوال
وانا وياك بالدنيا فضولي طاح باناني

كذا يالحظ ما كنا تعاهدنا وحنا اطفال
نوفي لبعضنا والي يخون العهد خواني

تخليني لحزن كافر.. حزن فاجر .. حزن قتال
حزن خلا شمووخ اقصاي يشحذ رحمة الداني

وتعيرني بفقري والفقر ما عيب الرجال
وانا وش ذنبي ان جار الزمن والوقت عياني

معودني يصيرون اصدق الاصحاب لي عذال
وعلمني اشوف اصدق وفا بعيون عدواني

انا يالحظ ما خذت المراجل غترة وعقال
وانا عون الخوي ومزبن الظيف والعاني

انا من صغر سني عشت يا نزال يا رحال
ابوي مربي اخواني وانا الي الوقت رباني

تقول امي قبل لا تجي توفى لي ثلاث عيال
لابو حظ تكاثر فيني اصبح رابع اخواني

على اية حال يا عاشر سنه مرت على اية حال
تكاثر فيني الدنيا وطن من بين الاوطاني



وسلامتكم ..

أتمنى أن تحوز على إعجابكم
..

[كويـتي][F.B.I][]

انا يالحظ ما خذت المراجل غترة وعقال
وانا عون الخوي ومزبن الظيف والعاني

...
الله واكبر

التقاطــه ولا اروع
نقل ولا اميــز فريده هالقصيـده من نوعهااا تمتعة بقرائـتها واللــه

شاعر مميـز لم اعرفه الا الان لم انتبـه له في تقدمـه للمشاركــه

ذوق شعري راقي لديك طير شلوى
انشهدنك طير شلوى


صح لسانك ولسانه

تقبل مروري

[ع ـناديهـ]

كذا يالحظ ما كنا تعاهدنا وحنا اطفال
نوفي لبعضنا والي يخون العهد خواني

تخليني لحزن كافر.. حزن فاجر .. حزن قتال
حزن خلا شمووخ اقصاي يشحذ رحمة الداني << اي والله صدقت


ابداع ×ابداع ×ابداع = صح لسانك ولسان شاعرها

ولا هنت اخوي : ))

[لنا عمر ٍ بلياك]

وتعيرني بفقري والفقر ما عيب الرجال
وانا وش ذنبي ان جار الزمن والوقت عياني

نعم الفقر ما عيب الرجال ..

لاهنت .. على هلى قصيده وصح اللسانك ولسان شاعرها

وأن كان ما تأهل .. أنشهد أنه تأهل بعين كل من سمع / قرا هل قصيده

عشت يا الحر ..

[طـيـر شـلـوى]

هلا فيك مزيد


منووور الصفحه
الحمدلله انك استمتعت فيها وهذي كان غرضي في نقلها


ويستاهل الشاعر اني انقله هالقصيده واعرفكم فيه دام هذي احدى قصايده


صح بدنك يا مزيد و شرفني مرورك في الصفحه
ولا هنت ,,

[طـيـر شـلـوى]

عناديه


هلا فيج أختي
صح بدنج , ولا أنتي

أسعدمي مروورك , شكرا لك

[طـيـر شـلـوى]

لنا عمر ٍ بلياك


هلا بالذيب يالله حيه
صح بدنك , ولا أنت يالغلا

عرفت تختار من بين ابيات القصيده
والأهم انه تأهل في قلوبكم

شاكر لك مروورك ,,