.. يلي غ ـيابك طال ..

[ع ـناديهـ]

يا اللي غيابك طال وبحقي اخطيت
هذا شهر ماشوف للوصل نيه ؟؟

هي كانت اسبوعين لكن تماديت
في غيبتك كنك موصي وصيه ؟!!

لعبت بأعصابي ولا قلت مليت
ولا راح يوم .. اقول باكر مجيه

الله ياني في غيابك تحريت
اثر المفارق صعب ماهو شويه

عقبك مشاويري من البيت .. للبيت
اخاف لا دقيت ماني هنيه !!

عانيت انا في غيابك حيل عانيت
يا بغضني للبعد يارحم حيه

هذا شهر وش عاد لو انك ابطيت
والله ان تلقى لك ضحيه

البارحه مابين يمكن ويا ليت
وابليس يتركني ويرجع عليّه

فكرت .. لو طول غيابك ولا جيت
يعني كذا .. روحه ومن غير جيه

خانتني الدمعه .. وطاحت .. وصديت
ملعون ابو التفكير ..يذبح خويه

للمبدع :: حمد السعيد

[احساس طفله]

الله الله

صح لسانج ولسان شاعرها

يعطيج العافيه حبيبتي

[ع ـناديهـ]

الله عليج انتي يالغاليه : ))

صح بدنج ..
ومشكووره ع المرور

نورتيني : ))

[راحل بعيد]

عناديـهـ

قصيدة حلوة وروعه ..

و آخر ثلاث أبيات المفروض بموضوع لحالهم .. لأنهم صراحه عن قصيدة ..


شاكر لج ..

تقبلي مروري

[ع ـناديهـ]

الاروع مرورك يالغالي : )

ولي الشرف بوجودك بصفحتي يالغالي ..

نورت ..