ياهيئة المعـروف تكفـون تكفـون

[مهججهم]

السلام عليكم ورحمة الله وبركاته

عندما تزول الغيره من نفوس بعض المسلمين فماذا يبقى لهم ؟
هذه قصيدة كتبها أحد الشعراء عندما رأى فتاة غير محتشمة والأدهى من ذلك كون محرمها معها على سيارة من نوع جمس فكانت هذه القصيدة من الشاعر :




بالله ياراعي الجمس بالهون بالهون
أرفق ترى ما عـاد بالقلـب حيلـه

شبت معاليق الحشا جمـر غليـون
وثارت عجاج الروح تدفـع مخيلـه

ترسل مطرها بين جفنيـن وعيـون
وسيل شعيبن مابعـد سـال سيلـه

وسالت دموع عيون ثم طاحت جفون
وتطابقـت مابيـن جمـر ومليلـه

اسرح بطيات الهواجيـس محـزون
ممـارأت عينـي عروقـي عليلـه

شفت الذي في حد شلفـاه مطعـون
يضحك ودمـه قـد أغـرق شليلـه

طاب الجنا يالي بغيتـوا تحصـدون
والي زرع بالشوك يلقـي حصيلـه

ياسطحي التفكير ذا العلـم مدفـون
علمـن سفطتـه للعقـول الثقيلـه

يافاهمين الوضع من دون فـي دون
ماهي بهرجت شاعرن جر الطويلـه

شعرتن بالوجه والوجـه مصيـون
لصونهـا سلـت سيوفـن صقيلـه

امس وقبل أمس واليـوم وشلـون
لحلقهـا الحـلاق يسـرج بخيـلـه

طار القطا وجوك القوانيص يرمـون
ومن صابها القناص واعزتـي لـه

ياهيئة المعـروف تكفـون تكفـون
شـدو وثـاق مروجيـن الرذيـلـه

الـى علـى أعراضهـم مايغـارون
يا مقـرب البنزيـن نـار الفتيلـه

غرت خبول الغرب ناسـن يغـرون
المبصر الي صـار الاعمـي دليلـه

ينادوننا بأسـم الحضـاره ينـادون
يبون العـذارى ينقضـن الجديلـه

وتمشى ولا في وجهها من الحيا لون
وتاخذ خليلـن يـوم عافـت خليلـه

شوفوا تجارب غيرنا ياللي تشوفون
وحسّبـوا الويـلات ويلـه اويلـه

ولاتتبعـوا الهالـك ثمـن تهلكـون
ومن يتبع الهالـك يضيـع سبيلـه

شمعتن لو أنطفت في يـد مجنـون
رحنـا حكايـا ألـف ليلـه وليلـه

ودرتن ما بيـن محاجيـر العيـون
لصونها سلـوا السيـوف الصقيلـه

قلتها من ضيقت الصـدر مشحـون
ممـا رأت عينـي عروقـي عليلـه

ابيات شعرن جمعتها وسط ماعـون
من غيرتـن هلـت بنـا سلسبيلـه

ووجهتهـا للـي لكلامـي يعرفـون
أهـل العقـول الفاطنـات الثقيلـه





عجبتني فنقلتها ..

أتمنى أن تنال إعجابكم ..


أخوكم / مهججهم

[احساس طفله]

الله الله

وربي انها روعه

تعودنا على ذوقك الراقي

صح لسانك ولسان شاعرها


يعطيك العافيه

[محمد العويد]

مشكور وجزاك الله خير

[مهججهم]

لاهنتوا على هالمرور الطيب يا احساس ومحمد

احساس الذوق ذوق عيونك اللي تناظر للقصيده وتقرأها

تقبلوا تحياتي

أخوكم / مهججهم

[ŋαŋ]

وسالت دموع عيون ثم طاحت جفون
وتطابقـت مابيـن جمـر ومليلـه

اسرح بطيات الهواجيـس محـزون
ممـارأت عينـي عروقـي عليلـه

شفت الذي في حد شلفـاه مطعـون
يضحك ودمـه قـد أغـرق شليلـه

:
:

روووووعة مره .. ^_^

أبدعت بالأختيآر خيوؤ ..

تسلم أيدينك ")

[مهججهم]

أنتي الروعه يأنثى في زمن الضياع ولا هنتي على هالمرور الجميييييييييييييييييل والرائع

[كويـتي][F.B.I][]

ولاتتبعـوا الهالـك ثمـن تهلكـون
ومن يتبع الهالـك يضيـع سبيلـه

..

الله الله

روعه والله

تسلم اخوي

دوم مبدع

[سعود الرويشد]

ينادوننا بأسـم الحضـاره ينـادون ..........يبون العـذارى ينقضـن الجديلـه

وتمشى ولا في وجهها من الحيا لون.......وتاخذ خليلـن يـوم عافـت خليلـه

اي والله هذا الى يبونه

احسنت الاختيار اخوي وصح لسانك ولسان شاعرها

تسلم يمينك على النقل

تقبل مروري

[مهججهم]

لاهنتوا ياكويتي وسعود وشرفتوني بمروركم الرائع

ويعطيكم ألف عافيه