ياابن آدم ... امك ثم امك ثم امك

[بـوآقـي جـرح]

ياابن آدم ... امك ثم امك ثم امك

حمدان يا حمدان .......... أمك توصيك
قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب
ويارب تكون هالقصيدة درس للكثير من الأبناء
ودرس لزوجات الأبناء اللي يحرضون الأولاد على عقوق أمهاتهم
والدنيا دوارة

اترككم مع القصيده ..

وين انت يا حمدان امـك تناديـك .. وراك مـا تسمـع شكايـا وندايـا

يا مسندي قلبي على الدوم يطريـك .. ما غبت عن عيني وطيفك سمايـا

هذي ثلاث سنين والعيـن تبكيـك .. ما شفت زولك زايـر يـا ضنايـا

تذكر حياتي يـوم اشيلـك واداريك .. والاعبـك دايـم وتمشـي ورايـا

ترقد على صوتي وحضني يدفيـك .. ما غيرك احدٍ ساكن فـي حشايـا

واليا مرضت اسهر بقربك واداريك .. ما ذوق طعم النوم صبـح ومسايـا

ياما عطيتك من حنانـي وبعطيـك .. تكبـر وتكبـر بالأمـل يـا منايـا

لكن خساره بعتني اليـوم وشفيـك .. واخلصت للزوجه وانا لي شقايـا

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا

حمدان يا حمـدان امـك توصيـك .. اخاف ما تلحق تشـوف الوصايـا

اوصيت دكتور المصحه بيعطيـك .. رسالتـي واحروفهـا مـن بكايـا

وان مت لا تبخل علـي بدعاويـك .. واطلب لي الغفران وهـذا رجايـا

وامطر تراب القبر بدموع عينيـك .. ما عـاد ينفعـك النـدم والنعايـا

[لنا عمر ٍ بلياك]

خليتني وسط المصحه وانا ارجيك .. هذا جزا المعروف وهـذا جزايـا


صح الله اللسانك والسانها ..


والله اني دمعت وانا اقراها ..

يالله انك تستر علينا وعلى امهاتنا وتملي قلوبنا بالعطف لهن ..


لاهنت طال عمرك ..

[بـوآقـي جـرح]

آميــن ..
وتسلم ع المرور . السريــع .

[سعود الرويشد]

حمدان يا حمـدان امـك توصيـك .. اخاف ما تلحق تشـوف الوصايـا

اي والله اخاف ماتلحق تشوف الوصايا

الله يجعلنا من البارين والعاطفين

بالوالدين

صح لسانك ولد وصح لسان شاعرها

تقبل مروري

[مهججهم]

لاحول ولا قوة الا بالله هذا حال اللي يتبع هوى زوجته علشان رضاهاه وينسى رضى امه عليه
الله لا يجعلنا من اللي يتركون والديهم بالمسنين والله يعطينا الصحه والعافيه على بر والديننا

لاهنت على هالقصيده

[كويـتي][F.B.I][]

ولد الجهراء الله يهديك

قلتها لـمي ودمووعها ماوقفت


بس قصيده راااائـــعه

واللــه ومؤثــره جدىىى


صح لسانك


وتسلم ايدك على هالنقــل الرائع والجميل


تقبل تحيــاتي

[بـوآقـي جـرح]

تسلمــون ع المــرور ..

كويـتي .. الله يخليك لمك ويخلي آمك لــك ..
لاهنت يالغــلآ ع المــروـر ..

[kaka 22]

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

/ / / /


ما أصعب تلك الحروف التي كتبت بدموع الام

عاجز عن التعبير .. لما بداخلي من زلزال



صح لسانك

وتسلم على النقل


ويثبت بواسطتي لجمااالها

[احساس طفله]

انا ادري انها قاسيـه مـا تخليـك .. قالت عجـوزك مـا ابيهـا معايـا

خليتني وسط المصحه وانا ارجيك .. هذا جزا المعروف وهـذا جزايـا

يـا ليتنـي خدامـة بيـن اياديـك .. من شان اشوفك كل يوم برضايـا

مشكور يا ولدي وتشكر مساعيـك .. وادعـي لـك الله دايـم بالهدايـا




قصيده روووعه

صح لسانك ولسان شاعرها


لاهنت



تقبل مروري

[بـوآقـي جـرح]

صـح بدنــك .. آخووـي وتشكــر ع التثبيــت ..

آحسـآس طفلــه .. الرآئــع مرووك . وصـح بدـنك ..
اهنتــو . ع المرور ..