الجرااااااح ...

[Demon of Dark]

السلام عليكم ورحمة الله وبركاته

من اروع القصايد اللي احب اسمعها وارددها دايما

لشاعر مستحيل شخص يجهله

الشاعر سالم السيار .. بقصيدته الجراح



عسى ما زعلتك البارح وزودت الجراح جراح

عسى ما مرت الدمعة على أهدابك من أسبابي

جرحتك من كثر شوقي وخليت الكلام رماح

ولادري شلون ياعمري طعنتك حيل بعتابي

بدون شعور صدقني ترى كثر الغلا ذباح

تعال وشوف بغيابك غلاك شلون سوابي

حرام تغيب من عمري وتعطيني الفراق وشاح

حرام الدمع في عيني مناديله هي أهدابي

غيابك يشغل عيون الزوايا وأمتلي أشباح

وأنا أنثر صوتك بقلب المكان وأشعل أبوابي

تلفت للأمل دام الرجا في عمري الملواح

أناديلك ولو شرهة وصولك تقطع أعصابي

أبيك الجاي من عمري أنا مابيك شي وراح

مدامك أجمل وأخر مدامك أول أحبابي

أبي أرتاح ياعمري أنا أدري هم تبي ترتاح

تعال وقبل ما أفرح ترى تفرح بك ثيابي

أحبك يا بعد عمر الحزن والجرح والأفراح

أحبك كثر ما نامت عيونك داخل أهدابي


اتمنى انها عجبكم

تقبلو مني كل الاحترام

دمتم بحفظ الله

[كويـتي][F.B.I][]

جرحتك من كثر شوقي وخليت الكلام رماح

ولادري شلون ياعمري طعنتك حيل بعتابي

بدون شعور صدقني ترى كثر الغلا ذباح

تعال وشوف بغيابك غلاك شلون سوابي


.....................

الله الله الله راائعه والله

قصيده جميله لابعد الحدود

كيف لاتعجبنا فكل شيئ من روائعك هو عجيب


صح لسان شاعرها

وتسلم ايدج


تقبلي مروري

[لنا عمر ٍ بلياك]

اختيار يدل على ذوق المختار ..


صح الله السانه والسانج ..


:)

[Demon of Dark]

جرحتك من كثر شوقي وخليت الكلام رماح
ولادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوابي
.....................
الله الله الله راائعه والله
قصيده جميله لابعد الحدود
كيف لاتعجبنا فكل شيئ من روائعك هو عجيب
صح لسان شاعرها
وتسلم ايدج
تقبلي مروري

الروعه حضورك يالغالي

صج بدنك

[Demon of Dark]

اختيار يدل على ذوق المختار ..
صح الله السانه والسانج ..
:)

صح بدنك يالغالي

شاكره لك تواجدك بينا