تويت
بكتب قصيدة حب وإعجاب وإلهام
وابيوتها بالعد تسعه وتسعين
من هالقصيدة جفت أقلام وأقلام
والروح سجّت صوبه امكحل العين
يا كم هويت لي سكن وسْط لعظام
ويا كم هويت اللي ملك كامل الزين
بإعداد دقات الثواني بالايام
وأعداد ما طيرن سجع في البساتين
وأعداد سيلٍ هل من دهْم لغيام
وأعداد حبات الرمال الملايين
وأعداد مافي قلبي اهموم وأوهام
وأعداد أحزاني وما تذرف العين
مشتاق له باعداد ما أذن وقام
وأعداد ما صلى إمام المصلين
وأعداد قتلى أو مظاليم صدام
وأسراه ياللي في سجونه مساجين
مشتاق أنا مشتاق للناس لكرام
بنتٍ كريمة بنت ناسٍ كريمين
أهواك ياللي تشبه أوصاف لريام
وأهواك ياللي بو حواجب مقارين
لو حطت أنا في الهند والسند و الشام
حتى مصر وإلا الولايات والصين
ما له شبه أبدا ولو كان فأحلام
سبحان ربي خالق الحسن والزين
يا كم قلبي عن ملذاتها صام
وأصبر اللي صام من شوفه اسنين
لي فالهوى نجم ومجرات وأجرام
وعندي بدال الشمس في الحب شمسين
بالدرسعيّه اخر حْروفه اللام
من عقب حرف الخاء والفاء والشِّين
حسنك حبيبي طيح الطير لي حام
ولعقول من حسنك وزينك مجانين
يا بو شعر كالليل مظلم وعتام
والشمس تاخذ نورها مالوجنتين
تمشي وعينك ترمي ارماح واسهام
وعينك رمتني من سيوف وسكاكين
فيك الجسم والروح والعقل هيّام
ويسج سجات الهوى للمضانين
مدري أنا عايش فواقع أو أحلام
ومدري أنا في دنيتي أو انا وين؟
أهواك أنا والرب بالحب علاّم
وعندي على حبك ثبوت وبراهين
يا مرحبا يا حي بو ثغر بسام
من بسمتك تشفي جروح المحبين
أنا وفيّ لك على طول لعوام
دام العقل والروح والقلب حيين
لي صاحبٍ قلبي هواهم من العام
صدفة لقيته واللقا داخل العين
حبك زرع في القلب موزٍ وشمام
والورد والعنبر وفوعة ورياحين
يا كم هويت الناس ليواد لحشام
ياللي اسكنوا في داخل القلب والعين
ذاك الجميل اللي على وجههْ الثام
وتحت اللثامة نوره يشع ويبين
لجلك كتبت حروف حبي بالأقلام
وسجلت حبك في كتاب ودواويين
حبك بنى في قلبيَ أبراج واهرام
ما تنهدم لو عمّر اسنين وابنين
تامر ونحنا للمحبين خدام
لأنك فحبّي أنت سيد السلاطين
رسمت حبك فالهوى دون رسّام
واحروفك السبعه (ربَن) في البساتين
بهديك روحٍ ساكنة وسط لجسام
لو كان لي روحين بهديك روحين
حاولت أصد عنه القلب ولا رام
القلب ما يقدر بصد المحبين
الله يلوم اللي على حالتي لام
عذالنا واللي علينا حسودين
بحر الهوى به مركبي دوم عوّام
وموج الهوى يلعبه يسار ويمين
أنا حالتي بعد الحبايب كالايتام
وفي قربهم آطير واملك جناحين
اشتاق له لا هبّت اهبوب وانْسام
شوق الضنين اللي يريد المضانين
كاس المحبة طعمها مرٍّ وسام
وعقلي معا روحي من الكاس ميتين
وكاس المحبة حنظلٍ وكله اسقام
وأنا شربت الكاس طوع وملبين
فجّر فقلبي قنبلة حب والغام
وما ظن تفجير لحباب ناجين
أحيدني في الحرب والغزو قدام
ما خاف من كثرة جنود المعادين
وفي حرب حبه رافعٍ كل لعلام
مستسلمٍ واقف ومرفوع ليدين
وأنا الذي ما توا من احروب لدهام
وياكم ماتوا من حروبه ملايين
حبك فعل بي اشنع أنواع الجرام
وارهاب حبك به من الزين والشين
لو ما محرّم في الشريعه والاسلام
بعبدك كني من جموع المسيحين
الحب ماشي به قوانين وأحكام
الحكم حكم أغلى وأحلى المحبين
يا حاكم بي فالهوى حكم لعدام
مظلوم أنا من حكم سيد المزايين
انته تبات الليل مرتاح واتنام
وانا الذي سهران ، ما غضت العين
جرحن بقلبي ما برى طول ليام
واجروح قلبي من هوى اريش العين
والقلب من حبك به جروح وآلام
وزلزال حبك تنفجر به براكين
وانا بجرح الحب يا زين كتام
ما أظهر احزاني أمام المواشين
انته نصيبي والهوى حظ واقسام
وانا عليكم الله يعين ويعين
بيني وبينك وعد وعهود والزام
ما تنسى لو مرت أيام وسنين
صادق لكم والصدق من طبع لكرام
وأنا كعبي واهلى وناسي كريمين
لجلك حلفت ايمان واحلاف واقسام
نبقا معاكم طول عمري وفيين
وانصحك لا تمشي مع الناس لغشام
لأن الغشيم ايسير ويّا الغشيمين
وانصحك لا تسمع مواشي ونمام
ولا تسمع أقوال الوشا والعذولين
ولاّ ترى بتصير يا زين ندام
إذا سمعت أقوال بعض المواشين
الحب دنيا صدق ممزوح باوهام
وقلبك دليلك تتبعه في طريقين
حبك بحر والقلب في بحركم هام
والهم بحر ومركبي بين بحرين
بيتك بنيته وانت لتكون هدّام
للبيت ياللي في فواد المحبين
منزلك عندي عاليٍ فوق لغمام
وقدرك على هالخشم والراس والعين
وقلبي لك يداوم ويمسك لك الزام
وفالاربع وعشرين أربع وعشرين
علقت في صدري من احبابي اوسام
تعبير عن كثر الغلا للمزايين
يا ريم مفنودٍ على كل لريام
منك يغارن سادة الحسن والزين
حبك على راسي وهو كنّه اخزام
يا تاج راسٍ ما وجد فيكم الشين
انت الشهيق انت الزفير انْت لنْسام
وانته تضخ الدم صوب الشرايين
يا هاجسي يا ملهمي وكل لنْظام
كتبت لك شعري وكل الدواوين
والقلب شارنك ولا باع أو سام
ما بيع شخص نشتريه ابْملايين
الحب ما هو كذب واخداع وأفلام
وصدق المشاعر والهوى في الشرايين
يا واحة الأشواق قلبي أنا ضام
وماي الهوى في ريجكم والشفاتين
انته قمر زاهي وتداورك لنْجام
يا نور أرضٍ من ضيا حسنك اتزين
يا بو نهودٍ كنها زرع شمام
والجسم كله... موز...تفاح ...معْ تين
يا كم كسبت افحبه اذنوب وآثام
وانسى صلاتي بين كل المصلين
وانته السبب في يوم أنا داخل اتْوم
من شفتك وياني من العوق خمسين
صداع...حمى..مع بلاعيم.. وازْكام
وانسد في قلبي وريد وشرايين
شفتك وقلبي صابه اجروح وآلام
ومن شفتك وقلبي سجدلك سجدتين
من مشكلات الحب لكبار لعظام
نسّيتني من حبك يْسار ويمين
امسح دموعي فوق خدي بالاكمام
وايطيح دمع العين..عشرين..عشرين
ما فادني بويه ولا خال وأعمام
ولا فادني دكتور والا خبيرين
الحب فيه الغاز وارموز وارقام
ما فككوه الجن وأكبر شياطين
ناب المحبة يشْبهه ناب ضرغام
وطعن الهوى كنه طعون السكاكين
يوم اسمعه ميحد يردد بالانغام
أشتاق له شوق الضمايا إلى العين
يومٍ أشوفه جدد اجروح اقدام
والجرح من شوفته بيصير جرحين
ريم جميل العود ممزور لقدام
يمشي شرات الريم بالرفق واللين
يا محلا الدرفين من تحت لحزام
الله وأكبر يوم باللين تمشين
قم بالغضي بنسير وبْننصب اخيام
في روضةٍ كلها ورود ورياحين
وقت العصر والجو مرعد واغيام
نرمس وماحد غيرنا نحن الاثنين
يزيد بي شوقي من العام للعام
ولو كان لي قلبين يهواك قلبين
وانته في بيتك عايش فْعز وانعام
بالسعد قمتي وبالسعاده تنامين
مستانس ومرتاح تامر عخدام
وخدامك اللي للأوامر خدومين
وانا فهالكلية آبات ولانام
وكل ليلة ايحوطوا علينا مدربين
مرفوع راسي دوم ما بين لقوام
ما ينحني لأكبر ملوك وسلاطين
برسل لكم مني تحيات الاسلام
من واحدٍ وده يصافح بالايدين
هذي بيوتي قلتها بصدق والهام
والبيت هذا بيت تسعه وتسعين
وابيوتها بالعد تسعه وتسعين
من هالقصيدة جفت أقلام وأقلام
والروح سجّت صوبه امكحل العين
يا كم هويت لي سكن وسْط لعظام
ويا كم هويت اللي ملك كامل الزين
بإعداد دقات الثواني بالايام
وأعداد ما طيرن سجع في البساتين
وأعداد سيلٍ هل من دهْم لغيام
وأعداد حبات الرمال الملايين
وأعداد مافي قلبي اهموم وأوهام
وأعداد أحزاني وما تذرف العين
مشتاق له باعداد ما أذن وقام
وأعداد ما صلى إمام المصلين
وأعداد قتلى أو مظاليم صدام
وأسراه ياللي في سجونه مساجين
مشتاق أنا مشتاق للناس لكرام
بنتٍ كريمة بنت ناسٍ كريمين
أهواك ياللي تشبه أوصاف لريام
وأهواك ياللي بو حواجب مقارين
لو حطت أنا في الهند والسند و الشام
حتى مصر وإلا الولايات والصين
ما له شبه أبدا ولو كان فأحلام
سبحان ربي خالق الحسن والزين
يا كم قلبي عن ملذاتها صام
وأصبر اللي صام من شوفه اسنين
لي فالهوى نجم ومجرات وأجرام
وعندي بدال الشمس في الحب شمسين
بالدرسعيّه اخر حْروفه اللام
من عقب حرف الخاء والفاء والشِّين
حسنك حبيبي طيح الطير لي حام
ولعقول من حسنك وزينك مجانين
يا بو شعر كالليل مظلم وعتام
والشمس تاخذ نورها مالوجنتين
تمشي وعينك ترمي ارماح واسهام
وعينك رمتني من سيوف وسكاكين
فيك الجسم والروح والعقل هيّام
ويسج سجات الهوى للمضانين
مدري أنا عايش فواقع أو أحلام
ومدري أنا في دنيتي أو انا وين؟
أهواك أنا والرب بالحب علاّم
وعندي على حبك ثبوت وبراهين
يا مرحبا يا حي بو ثغر بسام
من بسمتك تشفي جروح المحبين
أنا وفيّ لك على طول لعوام
دام العقل والروح والقلب حيين
لي صاحبٍ قلبي هواهم من العام
صدفة لقيته واللقا داخل العين
حبك زرع في القلب موزٍ وشمام
والورد والعنبر وفوعة ورياحين
يا كم هويت الناس ليواد لحشام
ياللي اسكنوا في داخل القلب والعين
ذاك الجميل اللي على وجههْ الثام
وتحت اللثامة نوره يشع ويبين
لجلك كتبت حروف حبي بالأقلام
وسجلت حبك في كتاب ودواويين
حبك بنى في قلبيَ أبراج واهرام
ما تنهدم لو عمّر اسنين وابنين
تامر ونحنا للمحبين خدام
لأنك فحبّي أنت سيد السلاطين
رسمت حبك فالهوى دون رسّام
واحروفك السبعه (ربَن) في البساتين
بهديك روحٍ ساكنة وسط لجسام
لو كان لي روحين بهديك روحين
حاولت أصد عنه القلب ولا رام
القلب ما يقدر بصد المحبين
الله يلوم اللي على حالتي لام
عذالنا واللي علينا حسودين
بحر الهوى به مركبي دوم عوّام
وموج الهوى يلعبه يسار ويمين
أنا حالتي بعد الحبايب كالايتام
وفي قربهم آطير واملك جناحين
اشتاق له لا هبّت اهبوب وانْسام
شوق الضنين اللي يريد المضانين
كاس المحبة طعمها مرٍّ وسام
وعقلي معا روحي من الكاس ميتين
وكاس المحبة حنظلٍ وكله اسقام
وأنا شربت الكاس طوع وملبين
فجّر فقلبي قنبلة حب والغام
وما ظن تفجير لحباب ناجين
أحيدني في الحرب والغزو قدام
ما خاف من كثرة جنود المعادين
وفي حرب حبه رافعٍ كل لعلام
مستسلمٍ واقف ومرفوع ليدين
وأنا الذي ما توا من احروب لدهام
وياكم ماتوا من حروبه ملايين
حبك فعل بي اشنع أنواع الجرام
وارهاب حبك به من الزين والشين
لو ما محرّم في الشريعه والاسلام
بعبدك كني من جموع المسيحين
الحب ماشي به قوانين وأحكام
الحكم حكم أغلى وأحلى المحبين
يا حاكم بي فالهوى حكم لعدام
مظلوم أنا من حكم سيد المزايين
انته تبات الليل مرتاح واتنام
وانا الذي سهران ، ما غضت العين
جرحن بقلبي ما برى طول ليام
واجروح قلبي من هوى اريش العين
والقلب من حبك به جروح وآلام
وزلزال حبك تنفجر به براكين
وانا بجرح الحب يا زين كتام
ما أظهر احزاني أمام المواشين
انته نصيبي والهوى حظ واقسام
وانا عليكم الله يعين ويعين
بيني وبينك وعد وعهود والزام
ما تنسى لو مرت أيام وسنين
صادق لكم والصدق من طبع لكرام
وأنا كعبي واهلى وناسي كريمين
لجلك حلفت ايمان واحلاف واقسام
نبقا معاكم طول عمري وفيين
وانصحك لا تمشي مع الناس لغشام
لأن الغشيم ايسير ويّا الغشيمين
وانصحك لا تسمع مواشي ونمام
ولا تسمع أقوال الوشا والعذولين
ولاّ ترى بتصير يا زين ندام
إذا سمعت أقوال بعض المواشين
الحب دنيا صدق ممزوح باوهام
وقلبك دليلك تتبعه في طريقين
حبك بحر والقلب في بحركم هام
والهم بحر ومركبي بين بحرين
بيتك بنيته وانت لتكون هدّام
للبيت ياللي في فواد المحبين
منزلك عندي عاليٍ فوق لغمام
وقدرك على هالخشم والراس والعين
وقلبي لك يداوم ويمسك لك الزام
وفالاربع وعشرين أربع وعشرين
علقت في صدري من احبابي اوسام
تعبير عن كثر الغلا للمزايين
يا ريم مفنودٍ على كل لريام
منك يغارن سادة الحسن والزين
حبك على راسي وهو كنّه اخزام
يا تاج راسٍ ما وجد فيكم الشين
انت الشهيق انت الزفير انْت لنْسام
وانته تضخ الدم صوب الشرايين
يا هاجسي يا ملهمي وكل لنْظام
كتبت لك شعري وكل الدواوين
والقلب شارنك ولا باع أو سام
ما بيع شخص نشتريه ابْملايين
الحب ما هو كذب واخداع وأفلام
وصدق المشاعر والهوى في الشرايين
يا واحة الأشواق قلبي أنا ضام
وماي الهوى في ريجكم والشفاتين
انته قمر زاهي وتداورك لنْجام
يا نور أرضٍ من ضيا حسنك اتزين
يا بو نهودٍ كنها زرع شمام
والجسم كله... موز...تفاح ...معْ تين
يا كم كسبت افحبه اذنوب وآثام
وانسى صلاتي بين كل المصلين
وانته السبب في يوم أنا داخل اتْوم
من شفتك وياني من العوق خمسين
صداع...حمى..مع بلاعيم.. وازْكام
وانسد في قلبي وريد وشرايين
شفتك وقلبي صابه اجروح وآلام
ومن شفتك وقلبي سجدلك سجدتين
من مشكلات الحب لكبار لعظام
نسّيتني من حبك يْسار ويمين
امسح دموعي فوق خدي بالاكمام
وايطيح دمع العين..عشرين..عشرين
ما فادني بويه ولا خال وأعمام
ولا فادني دكتور والا خبيرين
الحب فيه الغاز وارموز وارقام
ما فككوه الجن وأكبر شياطين
ناب المحبة يشْبهه ناب ضرغام
وطعن الهوى كنه طعون السكاكين
يوم اسمعه ميحد يردد بالانغام
أشتاق له شوق الضمايا إلى العين
يومٍ أشوفه جدد اجروح اقدام
والجرح من شوفته بيصير جرحين
ريم جميل العود ممزور لقدام
يمشي شرات الريم بالرفق واللين
يا محلا الدرفين من تحت لحزام
الله وأكبر يوم باللين تمشين
قم بالغضي بنسير وبْننصب اخيام
في روضةٍ كلها ورود ورياحين
وقت العصر والجو مرعد واغيام
نرمس وماحد غيرنا نحن الاثنين
يزيد بي شوقي من العام للعام
ولو كان لي قلبين يهواك قلبين
وانته في بيتك عايش فْعز وانعام
بالسعد قمتي وبالسعاده تنامين
مستانس ومرتاح تامر عخدام
وخدامك اللي للأوامر خدومين
وانا فهالكلية آبات ولانام
وكل ليلة ايحوطوا علينا مدربين
مرفوع راسي دوم ما بين لقوام
ما ينحني لأكبر ملوك وسلاطين
برسل لكم مني تحيات الاسلام
من واحدٍ وده يصافح بالايدين
هذي بيوتي قلتها بصدق والهام
والبيت هذا بيت تسعه وتسعين
تعليق