تكبرت .. وتكبرت .. وتحديت .. وتحديتك ..!

[بـوآقـي جـرح]

السلام عليكم ورحمه الله وبركاته



رحلت ومقصدي كله.. عشان انساك
نسيتك ؟ لاحشى واللي خلق راسي تناسيتك


تناسيتك نعم لكن بقت في داخلي ذكراك
بقى في داخلي زولك بقى في داخلي بيتك


ألا ياكيف أنا بآسلى ليالي غربتي واسلاك ؟
مدام اني ليا جيت لمرآية غرفتي جيتك


أشوفك في وسط عيني وأغمضها عشان امحاك
واشووفك داخل جفوني إذا غمّضت [ ضمّيتك ]


[أضمّك] واشتكي طيفك على طيفك بدون إدراك
وانا في غربتي ليتك تحس بحالتي ليتك


ورى عوج الضلوع ألقى بقايا ضحكتك والقاك
وأسافر لك وانا حيّك واسافر لك وانا ميتك


نقشت [أسمك] على عرق الخفوق اللي فقد يمناك
واذا مرّ النفس صدري تذكرتك وحيّيتك


شهور مرّت وانا قلبي يعيش بضيعته بحماك
بدون أسباب لاتسأل ليا منّي تمنيتك


أهذري بك واغني بك ( أنا اهواك أنا أهواك )
وأمرّك تايهٍ .. واذكرك لامني تعديتك


حبيبي طالبك تكفى سألتك بالذي سواك
وش اللي يمنع عيوني ليا جيتك وراعيتك ؟


تحاكمنا على الفرقى بدون اسباب يامقساك
تخالفنا .. تعدينا الحدود .. ورحت خليتك ..


كذا مامن سبب يشرح نهاية قصتي وياك
تكبرت .. وتكبرت .. وتحديت .. وتحديتك ..!


تفارقنا ودمعات [القهر] تخشع على فرقاك
وبلاي اني من دموع الوداع المرّ واسيتك


حبيبي والفضا كله مساحات وسما وافلاك
يضيق وغيبتك قشرا .. وانا جيتك وناجيتك


مدام ان الغياب اللي يداعب غربتي فتاك
أمانه لاتجاهلني .. وانا للوصل ناديتك


صحيح اني تجاهلتك وخليتك عشان [انساك]
ولكن والذي سوى عروقي .. بس تناسيتك


تناسيتك نعم لكن بقت في داخلي ذكراك
بقى في داخلي [حبك] .. بقى في داخلي بيتك

[ميلاني]

هالله هالله
صح لسانك ولد اليهراااء

وعساك عالقوه ولا هنت يالغالي

[Demon of Dark]

صح لسانك يالغالي

كلمات روعه بصراحه

تسلم ايدك

تقبل تواجدي بينكم

[mshtaga]

صح لسانك ولد الجهراء

يعيطيك العافيه

[ScReAmQwEeN]

الله الله .. صح لسانك روعــــــــه عجيب

تسلم على النقــل

[BiShOw]

روعة ... =) .. " أصفق لك "



صح لسانك ولا هنت

[وحـش]

والله روعه الشعر مشكوووور وما قصرتـــ :)

[بـوآقـي جـرح]

هالله هالله
صح لسانك ولد اليهراااء
وعساك عالقوه ولا هنت يالغالي

يسلمك ربي ؤيخليـك ..!
لاهنت ع المرور ..!

[بـوآقـي جـرح]

صح لسانك يالغالي
كلمات روعه بصراحه
تسلم ايدك
تقبل تواجدي بينكم

صح بدنـج ..!

الروـعه مرورج ..!
لاهنتــي ..!

[بـوآقـي جـرح]

صح لسانك ولد الجهراء
يعيطيك العافيه

يعافيــج ربي ..!
لاهنتــي ..!

[بـوآقـي جـرح]

الله الله .. صح لسانك روعــــــــه عجيب
تسلم على النقــل

يسلمج ربي ..!
لاهنتـي ع المرور ..!

[بـوآقـي جـرح]

روعة ... =) .. " أصفق لك "
صح لسانك ولا هنت

لاهنتي يالغـــلآ’ ..!

[بـوآقـي جـرح]

والله روعه الشعر مشكوووور وما قصرتـــ :)

العفو ...!
ولاهنت ..!