تويت
قصيدة أكثر من رائعة تحاكي حياة البدون
للشاعر المتميز علي الشمري
للشاعر المتميز علي الشمري
عصي الدمع ماكني حزين وعيشتي غربال= قوي البأس لو أني غريب بوسط أوطاني
ثلثين العمر ولن ولاحسيت راحة بال =وأنا من بد هاالدنيا زماني قد تبلاني
حتى يوم أني هالطول ماكني من الأطفال= تناهيد الألم بانت وأنا في صفي الثاني
رفيق الظيم 00والعبره دايم للفرح تغتال= قهر يالعنبو حي الزمان الظالم الجاني
وقعت وما أحد سمى علي وقال كيف الحال= نسوني وأنكروا طيبي وأشوفه طال نسياني
لأن المجتمع هذا ينبذ طيبين الفال= حروف أربع سبب همي حللها وتلقاني
حروف أربع بوضحها أولهن باء ودال=وعظيم الفكر يوم أنه لأبن سعود وداني
غيري بالشهد غمس وأنا العلقم بريقي سال= وكلن للفرح طبل وأنا المأسور لأحزاني
أنا من جوفها نابع وكني ضاربن سلال = تبروا خوف لأعديهم كل ربعي وخلاني
أنا أدري للبدو عرضه ولأهل الغوص هو يامال= وأنا اللي ضاعن الثنتين مني وصرت وحداني
عذروبي عزيز النفس وافي ماني بمحتال = وأرفض عيشة الأذناب شامخ فوق تلقاني
أجوع وأمسح كفوفي أبرد وأنجضع بظلال=خايف تشمت الأنذال بي وكل عدواني
يايمه لي أمل بالله ربن أنزل الأنفال= يسمع شكوتي منهو جرى حبه بشرياني
أبو متعب أخو نوره سيدي والزمن من عال= قلت أنخاه بحقوقي وأول حق رباني
أني مسلم ومظلوم وشايف بالحياة أهوال = حر وأعجبك بالصيد وقصو كل جنحاني
وثاني حق يامولاي عبدي بالنسب لك خال=مليك العرب لك منزل هنا في محجر أعياني
قصيدي لايهزك ريح بالشاشه على الإرسال= يعني من هنا لهناك لديار الكرم عاني
حول بالرياض وزور ذاك العادل اللي مال = منه بس عقاله طنخة ملك طنياني
بلغه السلام وحب راسه مع غلا وإجلال= وعلمه لو نشد عني تراه اليوم يلقاني
متغدي غبن وهموم ومتعشي قهر وإذلال =أصوم عن الشعر وأفطر على طرياه لاجاني
من مثلك يابو متعب يردف للكلام أفعال= حشى ماجابن النسوان مثلك واحدن ثاني
يموت الفقر مايقدر يوطي شارب الرجال= ضاقت يابعد حيي ضاقت والعمر فاني
يايمه كان جا موتي وأنا صغير بليا أعيال= طلبتك لاتجمعتوا أنتي وجملة إخواني
يايمه بس لاتبكين يمه ساعة الترحال=أبي السيفين والنخله يايمه داخل أكفاني
وأنا في شاعر الجمهور شعري يكسر الأقفال= يكفي أن جمهوري حس بنار وجداني
وإذا فزعت ربعي بس بالتصويت عالجوال= بترك شاعر الجمهور وبقعد عند وغداني
[/align]
تعليق