تويت
جـيـت ابلمـلـم بـقـاي وجـيـت ابلمـلـم شـتـاتـي
رحــت لالملـمـت شــي ولا بـقـى فيـنـي بـقـايـا
طفـلـةٍ سـاقـت ركايبـهـا عـلـى مـبــدا حـيـاتـي
المـسـت عـقـد المحـبـه وانتـثـر بـيـن الحنـايـا
اقبلـت والكلمـة اللـي فـي شفاتـي فـي شفـاتـي
مشيـةٍ فيهـا البـرود الـلـي قـهـر كــل الصبـايـا
وابعدت والصبـر ضـاق وضـاق خفـاقٍ يحاتـي
كـن فـي خطـوة قدمهـا جـرح وذنـوب وخطايـا
اشغلتنـي فـي دلعهـا عشعـشـت فــي ذكريـاتـي
ويــن مالـديـت عيـنـي شفتـهـا تمـشـي معـايـا
قلت ابصبر احسب ان الصبر من اعظم صفاتي
ماهقيت انـه يخـاف الصبـر مـن جمـر الشفايـا
خفـت مـن بـرد الغـرام وقلـت تدفيـنـي عبـاتـي
مـادريـت ان الـغـرام بـداخـلـي نـــار وشـظـايـا
آه لـو تـدري وش اطلـب كـل ماصلـي صـلاتـي
يـاالله انـك فــي هــذاك الــزول لاتقـطـع رجـايـا
النـوايـا كلـهـا بيـضـا ومـــن ســـوى سـواتــي
لعنبـوا سـود القلـوب اللـي تبـي سـود النـوايـا
انتـثـر سـيـل المشـاعـر لابقـالـي غـيـر ذاتـــي
لابـقـا عـنــدي عـلــوم ولابـقــا فـيـنـي خـفـايـا
من سببها رحت كلـي والعـوض فاخـر شتاتـي
الحـقـيـقـة انـتـهــت ولا بــقــا فـيـنــي بـقـايــا
للـــشــاعـــر :: مــــبـــــارك الـــكــريـــــبـــانــي ::
.gif "Smile777 (44)")
.gif "Smile777 (23)")
تعليق