روائـــع .. ابن فطيــــس

[تكفــينى الذكرى]

الاسم: محمد حمد محمد فطيس المري

السن: 27

البلد: قطر


نبذة مختصرة عن حياته :

له عدة مشاركات في مجال الشعر ... ينتسب إلى قبيلة آل مرة ... يعمل موظف إداري بأحد المراكز الصحية بدولة قطر .. حاصل على دبلوم إدارة .. بدأ مشواره بالساحة في 2001 تقريباً .. شارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، ومؤخراً في شاعر المليون.

.
.
.


:: بعض قصائـــده ::



،؛، .. يا قـــو قلــــبـــك .. ،؛،


ياقو قلبك على الصّـده ويـا صُــــــبـرك
وياوسع صدري على صدك ويا صُبري



وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري



والله لون حمل صبري فوقـك..ان تبرك
والله ولو تعتذر منـت بعلـى خــــــــبـري



ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري



تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري



طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري



امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري





،؛، .. في شاعر المليون .. ،؛،


في شاعر المليون للشعر مضمار ..
.. والسابقة في الشوط تظهر بيدها


امضمرين أبكار الأفكار شعّار ..
.. وكلن يحضّربكرته في وعدها


واللي تردت لا يدور لها أعذار ..
.. معذورة ما دام قد ذا جهدها



واللي تعوص وتضرب الحاجز يسار ..
.. تشلّ ف الدنة وترجع بلدها


وأنا ذلولي بنت صوغان الأشعار ..
.. من حبها عندي تفحم وحدها


إن جاره الله من تصاريف الأقدار ..
.. جاتك وجاك الجيش كله بعدها


الله عليها من مقاريد الأنظار ..
.. وصلت تحست ما غشاها زبدها


وتلقوفها بالعلم رمز وإشعار ..
.. وصفق لها منهو بعينه شهدها


ومن روبها أول ما تنصخ تمطار ..
.. ياللي تزعفرها من الطاس زدها


شبهت بالهجن الأصيلات الأشعار ..
.. وقصيدتي تراث أهلنا مددها


أعتزبه وأقبله إجلال وإكبار ..
.. واحة شرف يا سعد منهو وردها


أغلبنا في موجب الضيف والجار ..
.. يحلب لبنها قبل يذبح ولدها


وتراثنا من دونه نبيع الأعمار ..
.. وبأفعالنا روس المعالي صعدها


واليوم ضاق الجو من كثر الأقمار ..
.. تبث حقد لي لحقده رفدها


غزا الشعر قبل أمس غازين الأفكار ..
.. قومن على الساحة دفعها حقدها


تلفقوا ثم جاؤوا من كل الأقطار ..
.. هذا يصبحها والآخر هجدها


هذا يحرف في الأسف سر وإجهار ..
.. وهذاك يذبح موهبة في مهدها


وقفوا علم للشعر في وقت الأسحار ..
.. غاروا على الساحة وعروا جسدها


وصاحت بعد ما شافت سترها طار ..
.. ووقّف ولد زايد محمد ساعدها


قال أبشري بالستر وبردة الثار ..
.. وأضفى عليها سترها ما نشدها


واستل سيف في المواجيب بتار ..
.. واطلب وردن في العلا من فقدها


على خطى زايد خطاويه ما بار ..
.. والحاجة اللي في خياله وجدها


أغنى العرب من شوف أكاديمي ستار ..
.. ومن شوف أمر من السخافات وأدهى


شفت الشعر بستان وأبوابه أزهار ..
.. وقطفت ما يسقي المشاعر شهدها


قطفتها من ديرة تنبت أحرار ..
.. من دار بو مشعل ذراي وسندها




،؛، .. يـــوم المزايـيـــن .. ،؛،


من لابتي مّره الى جـدي افطيـس ..
.. ربعي مطوّعة الصعـب بالصمايـل


ناموس ياللـي تكسبـون النواميـس ..
.. ياهـل العلـوم الغانمـه والجمايـل


اهل السموت وفي الملاقا فواعيـس ..
.. يقطعـك يـاهـرجٍ بلـيـا دلايــل



انتو خيارينٍ علـى الخيـل فريّـس ..
.. اسـمٍ ينومـس بيـن كـل القبايـل



يامقلّطينٍ شـذرة السيـف والكيـس ..
.. قد قالها ابن حميـد ضمـن المثايـل


منصا الرجال اللي على ضمّر العيس ..
.. وفالحرب نطّاحة شبـا كـل عايـل


هواجـرٍ لاجـات قدهـي مقاويـس ..
.. ركب الضيوف امن السرا والقوايـل


تنصـا ربـاع امتعّبيـن المحاميـس ..
.. مروين حـد المرهفـات الصقايـل


يردون غصباً والعـزاوي متاريـس ..
.. لاجـا نهـارٍ فيـه عـدلٍ ومـايـل


وامسيّسين اسياسة الفـوز تسيّيـس ..
.. باللبل وبالهجـن السبـاق الاصايـل


تفوز في يـوم المزايـن وفالريـس ..
.. من كـل منعوتـه تسمـى وحايـل


ولو حصل للبل من النـاس تفليـس ..
.. يكفيكم انك فالعـرب مـن لاوايـل


تلبس من العنّـاب زيـن الملابيـس ..
.. يوم المزاين مـع ارجـال الحمايـل


يزها بها لـون العلـم تتبـع افنيـس ..
.. ابـلٍ لهـا عـادات كسـب النفايـل


ومدحي لبو زايد محمد بـلا قيـس ..
.. مدحٍ لـو يقـارن بفعلـه .. قلايـل


الله يمهّـل بـه ويخـزي لاباليـس ..
.. وايدوم ذكره فـوق كـل الطوايـل




،؛، .. لا ضاقت الدنيـــا .. ،؛،


لا ضاقت الدنيا عليك وتشاويت ..
.. خلق الله اللي فالرخا كان واجد


ومن العرب والصوت والثوب مليت ..
.. وقامت عليك هموم بأقعا تراجد



فارفع يديك لخالقك لا توضيت ..
.. وادعو تراك أقرب إليا صرت ساجد


ووقت من أوقاتك للأوقات توقيت ..
.. وسجل لنفسك في المساجد تواجد


وأبشر بفزعة حامي الدين والبيت ..
.. إليا هجدك من الهواجيس هاجد


اللي يميت الحي ثم يحيي الميت ..
.. لرضاه شف كثر البشر بالمساجد





،؛،.. الــبـارحـــة ..،؛،


البارحة ربي كتب لي ومريت ..
..دربٍ عليه بروق الأحباب لاحت


جيت المكان اللي جمعنا وخفيت ..
.. وقامت جروحي للجوارح وصاحت


ياليتني في لفة الدرب زليت ..
.. كان العيون من الدموع استباحت


التم غيم الدمع من يوم لفيت ..
.. وورقا القصيد لشوفة الغيم ناحت


وضحكت ماأبغي الناس تدري يبالفيت ..
.. لكنها غصبٍ على العين ساحت


حارت دموعي في عيوني وصديت ..
.. وأرمشت مابيها تبين .. وطاحت


وعقبه برق في العين براق .. واسقيت ..
.. خدي ووناتي بصدري تلاحت


وأنا أحسب إني في فراقه تشافيت ..
.. وان عبرتي من مدخل الزاد زاحت


اللي يحسب إني على البعد سجيت ..
.. والا ان عيوني للرقاد استباحت


ياليتني من قبل لا أحبه اقفيت ..
.. والا ان دروبي عن دروبه تناحت


أهون علي من البكا والتناهيت ..
.. وأشلا من سدودٍ على الناس باحت


عرفت كيف الحي يفرق عن الميت ..
.. وعرفت قيمة نعمتي يوم راحت


قولوله اني عقب بعده تدانيت ..
.. ورجلي عن دروب المعافين شاحت


البعد نار وطاعة العذل كبريت ..
.. يقصر على بعده .. ترى الكبد فاحت





،؛،.. أنا جـــيت كـــلي ..،؛،


ماهو بكيفك عقب شيٍ حصلي ..
.. من ذوّق المحتاج يصبر الى احرجْه


خليتني من حلو حاليك احلي ..
.. واصبحت مدمن حب والقلب روّجْه


بين العروق وصار مافيه " ملي " ..
.. الا وله جُرّه تمرّه وتسهَجْه


وذود الغلا في عشب قلبي تفلي ..
.. وتراب صدري للمطر منـْك ما احوجْه


يمحل الى صدّيت ويموت يا اللي ..
.. صديت عنـّه والله احياه واخرجْه


ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه


ولي عين حالي دمعها لك يهلي ..
.. وانْ رحْت راحت مالح الدمع تزعجْه


غالي ولا يحتاج بسّك تغلي ..
.. غلاك اخذ قلبي وروّضـْه واسرجْه


ولو قلت ياعيني بصدره تملي ..
.. شافت خفوق ٍ حبك الذرْب توّجْه


وماهو على كيفك عقب ما حصلي ..
.. من ذوّق المحتاج يصبر الى ازعجْه


(عطيتني وجهك وانا جيت كلي ..
.. محروم والمحروم ما ينعطا وجْه)





،؛،.. في كــــفـــها خــــاتــــــم ..،؛،


في كفها خاتم وفي خدها خال ..
.. وفي عينها غيم وعمارات وبيوت


الخال شفته واضحٍ من ورى الشال ..
.. والخاتم الماس مرصع بياقوت


والعمر في العشرين كني مانيب زال ..
.. والجسم كنه من جبل ثلج منحوت


جبل ولكن لا طرقه الهوى مال ..
.. وخطواتها ماهي بالأمتار بالفوت


ماهي تشوف الشمس من ظل الاظلال ..
.. ومصيافها ما بين لندن وبيروت


الشمس لو تشرق على جسمها سال ..
.. كنها مجسم محلبيه وبسكوت


ومن صغر مبسمها شقى حالها الحال ..
.. ما تاكل الا اللوز والخوخ والتوت


ماهي تشوف الناس تمشي وتختال ..
.. ومرٍ على جاكور ومرٍ على حوت


وخدامتين وهي بلا زوج وعيال ..
.. وسمعتها تدعي الدريول يياقوت


وثلاث جوالات ماهو جوال ..
.. ومن يوم خلقت كل شيٍ بريموت


لكن قلبي مالها فيه مثقال ..
.. وش قرب البشت الحساوي من الكوت


ياجعلها للي خذت قلبي نعال ..
.. اللي غلاها عندي الشرب والقوت


حوريةٍ من فوقها الليل شلال ..
.. كنها صبحٍ فوقها الليل مكتوت


قلبي لها من كثرة الشوق مشخال ..
.. وللسر عن كل المخاليق تابوت


تنحت لي من الحب في القلب تمثال ..
.. وحبي لها ينحت على الساحه بيوت


في عينها ماكل رجال رجال ..
.. وأقصى حدود الوصل في سلمها الصوت


زودٍ على القلب وعلى الحسن من آل ..
.. روسٍ لهم روسٍ على متونها بشووت


الى رضت موتوا يا أهل روس الأموال ..
.. وإلى زعلت جربت وش سكرة الموت


من دونها رجلي وراكب وخيال ..
.. والسيف والأمواج والبحر والحوت





،؛،.. دكـــــتور العـــيون ..،؛،



(يامؤمن الريفي )انا جيتك زبون..
.. جيتك على مدح اكثر الناس وعنيت


جيت وتعالى الله عمّا يشركون..
.. لولاه (يامؤمن) لطبك ما اهتديت


راضي بحكم الله علي مهما يكون..
.. عالج عيوني لو بعد طبك عميت


ودي اخاشر فالبصر من يبصرون..
.. واشوف دربي لا سرحت ولا ضويت


والى قنصت اثبت مع اللي يثبتون..
.. واشوف طيري كل ما اوميت ودعيت


ياااكثر ما يضرب خويي (الطابلون)..
.. من كثر ما اكلّته مطباات وكليت


وودي اشوف اللي علي يعرضون..
.. وبعض الليالي ودي اسري دون ليت


وااشوف ناس ٍ فالقفا ما يرحمون..
.. اما وقفت لصاحبي والا مشيت


من دون نظاره ولا هم يحزنون..
.. يااا كثر ما كسّرت كشمات وشريت


لكنٌ يا دكتور جعلك ما تهون..
.. ابغيك كلمت راس دامك ما بديت


اسمع......ولا ابغي اللي وزانك يسمعون..
.. ربي كتب يكشف لك اسراري وجيت


صورة عديل الروح عندك فالعيون..
.. واخاف تقطعها بموسك ما وعيت


ولا عليك امر..اطوها تحت الجفون..
.. وعقبه لو تقطع عيوني ما شكيت


هي راس مالي والعرب ما يدركون..
.. اني على باب الممات و ما حكيت


ياقو قلبي يوم قفن الضعون..
.. اللي على ذاك الموادع ما بكيت


ويا صبر صبري والعواذل يحسبون..
.. اني دلهت من الهوى والا سليت


اسكت عساهم من سكاتي يسكتون..
.. وانا عن اللي في ضميري ما انتهيت


وادور الفرحه مع اللي يسهرون..
.. وان ذكروني خذت فنجال وسريت


اخذت من وقتك يا دكتور العيون..
.. عالج عيوني لو بعد طبك عميت


واستر علي واللي معك لا يفطنون..
.. انت الوحيد اللي بعد ربي دريت

[اريش العين]

كحيلان يا كحيلان...
ماشااء الله عليك ..

يابوي والله .. عجبتني .. فـ اختيارك الجميل..

باركك الله .. وبيض وجهك


لاهنت..


اشهد انـي .. بقعد لهم قعده .. :)

[i! غرور ـأنثى i!]

ابن افطييييييييس شاعر ماعليييهـ كلاامـ

يعطيييييج العافيهـ ع الطررح الرااائع ^_^

[رافض الحب]

سلمـت يدـآك تكفيني الذكرى ,,,,,,

ع القصيـدهـ الرـآئعه

دمت بـود..

[تكفــينى الذكرى]

كحيلان يا كحيلان...
ماشااء الله عليك ..
يابوي والله .. عجبتني .. فـ اختيارك الجميل..
باركك الله .. وبيض وجهك
لاهنت..
اشهد انـي .. بقعد لهم قعده .. :)

لى اشرف انهم اعجبوك.............

من ذوقك


وشكرا على المرور

[تكفــينى الذكرى]

ابن افطييييييييس شاعر ماعليييهـ كلاامـ
يعطيييييج العافيهـ ع الطررح الرااائع ^_^

مشكروووووووه ياقلبى

وكلج ذوووووق ياحياتى



ومشكره على المرور

[تكفــينى الذكرى]

سلمـت يدـآك تكفيني الذكرى ,,,,,,
ع القصيـدهـ الرـآئعه
دمت بـود..

اللهــ يسلمك



ومشكور على المرور

[شاعر وفا]

يسلمووو على هالطرح وصح الله السان بن فطيس
وصح الله اختيارك وتسلمين على الموضوع





تحيتي لكي وفالك التوفيييييييييييييييييييييق

[تكفــينى الذكرى]

يسلمووو على هالطرح وصح الله السان بن فطيس
وصح الله اختيارك وتسلم على الموضوع
تحيتي لك وفالك التوفيييييييييييييييييييييق

امممم تسلم على المرور


وابن افطيس يستاهل اكثر من جذى:)

[kaka 22]

بن فطيس



(( وانا بن فطيس تظهرني ذراعي ))


وفعلا أظهرته ذراعه



ابداع يحلق في سما الابداع




يثبت بواسطتي

[صـُعـلـوك مـُتـمرد]

[align=center]حيــن وضعــت ابـن فـطيـس في مـوضوع { زهرة مـن كل بسـتان }

اكتـفيت ان اضـع لـه بيـت عقيــم
وتبغي تشوف اشجغ رجـل فـي حيــاتك // شفنــي .. وانا مقفـي على كثـر مغليـك

فحـقـًـا إنـه بيـت اجاد بـه بوصف الشجــاعـه وهو ثقـيل الوزن .. اثقـل من الكثـير من القصـائـد الطوال

تكفـيني الـذكرى

شكــرًا بإسـم الشعـر لهـذه الـروائـع


اريش العيـن

متـى تفرق بـين جنس الذكر والأنثـى


كاكا

اجاده بتثبيـتكم .. ولعمري ان ما عهدنا منكم إلا كـل تحفـيز وتشجـيع[/align]

[شمّوخ? آِنسـِآن]

يعطيج العافيه



طرحتى لنا مقطتفات من اروع ماقال الشاعر الكبير محمد بن فطيس

تسلم اناملك على روعه ماطرحتى ,,

دمتى بحفظ الرحمن

[واثق الخطوات]

يعطيج الف عافيه حبيبتي تكفيني الذكرى

على هذا الجهد الواضح

وخصوصا اختيار جميل لشاعر معروف غني عن التعريف

تسلمين على هذا النقل الموفق

ولاتحرمينا من جديدج القادم

تقبلي مروري المتواضع

[تكفــينى الذكرى]

بن فطيس
(( وانا بن فطيس تظهرني ذراعي ))
وفعلا أظهرته ذراعه
ابداع يحلق في سما الابداع
يثبت بواسطتي

مشكور على هالتثبت


وابن افطيس يستاهل اكثر من جذى

[تكفــينى الذكرى]

[align=center]حيــن وضعــت ابـن فـطيـس في مـوضوع { زهرة مـن كل بسـتان }
اكتـفيت ان اضـع لـه بيـت عقيــم
وتبغي تشوف اشجغ رجـل فـي حيــاتك // شفنــي .. وانا مقفـي على كثـر مغليـك
فحـقـًـا إنـه بيـت اجاد بـه بوصف الشجــاعـه وهو ثقـيل الوزن .. اثقـل من الكثـير من القصـائـد الطوال
تكفـيني الـذكرى
شكــرًا بإسـم الشعـر لهـذه الـروائـع
اريش العيـن
متـى تفرق بـين جنس الذكر والأنثـى
كاكا
اجاده بتثبيـتكم .. ولعمري ان ما عهدنا منكم إلا كـل تحفـيز وتشجـيع[/align]

العفوو.........!!


وشكرا على التشجيع


مشكور على المرور:)