لعنبو رجل يشوف المرجلة بضرب الحريم..!!!

[احساس طفله]

لعنبو رجل يشوف المرجلة بضرب الحريم..!!!




ابيات اعجبتني ..


كم وددت معرفة اسم شاعرها ..


لكن جمالها اجبرني على طرحها لكم ..







لعنبو رجـل ٍ يشـوف المرجلـهْ فضـرب الحريـم !!
من متـى كانـت رجولتكـم علـى ظهـر النسـا ؟!



(ضلع ٍ أعوج ) بس مـو دايـم بكسْـره يستقيـم !!
قوّمُـوه فْعُمْـر لينـه .. يستقـيـم الـيـا قـسـى



يا رجـال اليـوم ( رفقـاً بالقواريـر ) .. و قديـم ..
قالوا: (أخيَرْكم .. رحيم الصبـح // مِكـرام المسـا )



ما يبات الليـل كاسرهـن .. و الـى جَـنْ البهيـم ..
مركـب يدينـه علـى مرسـى مدامعـهـن رســى



بيـض الله وجــه جابـرهـن بعيـشـات النعـيـم
و سـود الله وجـه جابرهـن علـى عيشـة أسـى



ذاكر حقوقـه ليـا قيـل ( اربـع ) بشـرع الحكيـم
و إن وصل لين ( اعدلوا ) طنش ابو الشرع و نسى !!



كِن ( سي السيد ) خلقْـه الله علـى أهلـه زعيـم ..
طاغي معربدْ .. قسـم باللـي بْيحاسِبْـه .. ايخسـا !!



لا الرجولـه بالعنـاد و لا هــي بقـهـر الحـريـم
ليمتـى و العنـف صايـر ظاهـره ضـد النـسـا ؟!


ودمتم بود

[فهـد *!]

لعنبو رجـل ٍ يشـوف المرجلـهْ فضـرب الحريـم !!
من متـى كانـت رجولتكـم علـى ظهـر النسـا ؟!
صحـ لسأنـج ولسأن شأعرها أخــتي..,
أنا أقول أنــه ماهو رجال الي يسوي الفعايل هذي.., لأنـه يا إما يكون فيه عقده نفــسيه أو أنه يكون مو قادر يطلع غضبه على الي حواليه فــ يضطر أنه يطلعه في زوجته أو أخــته وهذي ماتعتبر رجـوله فــ هو يظن أنه يبي يصير رجال لاسوا هذي السوالف ..
ويعطيج العافيه أخـتي على القصيدة وعلى أبداعج المتوأصل..,
تقـبلي مروري :)

[كويتيه وبس]

صح لسانج

قصيده مميزه

عمر الرجوله ما تكون بضرب النساء او ابراز العضلات بل تكون تضحيه وعطاء

يعطيج الف عافيه

احساس طفله عساج على القوه

[وحـش]

صح لسانج ولسان شاعرها

يعطيج الف عافيه يا الغاليه ...:)