الحياة اتعــــاب ؟

[فلاح العنزي]

صحيح ان الحياة اتعاب مدام ان الزمان اتعاب ..
وانا ما اتعبني اكثر منك ياللي غبت عن عيني ..
ياليت ان المحبة روح مافيها جفا وغياب ..
بعد ماشفت وش سوى غيابك والجفا فيني ..
بعد ماكنت انا وياك جسم وروح صرنا اغراب ..
ولاعاد اقدر اشوفك بعد مكنت في ايديني ..
على غفلة تغيب من الوجوة وخاطري ماطاب ..
وانا اللي كنت ابا انسى كل شي بينك وبيني ..
احسب اني صبور ولا نفعني صبري الكذاب ..
انا ويني وين الصبر وانت اللي تباريني ..
على الحال ما اصبر في غيابك يابعد من غاب ..
عسى الله مايجيب الساعة اللي منك تنهيني ..
وعلى الحال ماعندك صبر ياقلبي النصاب ..
نهيتك للمتاهات الطويلة لاتوديني ..
عصيت الشور ماطعت الكلام ولاحفضت احباب ..
ولاتقوى الصبر بعد الفراق ولا تواسيني ..
حبيبي غابت الفرحة وغاب من الحياة اصحاب ..
وبقيت انت الوحيد اللي بها الدنيا مخاويني ..
تهب الريح بانسام المحبةلاتسد الباب ..
ترا الدنياتميل وعنك مامالت موازيني ..
تعال وكثر اعتابك علية كانها بعتاب ..
وانا اللي تطلبة في كل حالاتة بيرضيني ..
تعبت من السهر لين السهر مل وخفوقي ذاب..
وانا بس انتظر صوتك لومرة يناديني ..
وش اللي علمك طبع القسا يالناعم الجذاب..
وش اللي بدالك وانت بحنانك كنت تغريني ..
ترا اللي صار كلة والفراق اللي بدون اسباب ..؟
تراها ماتساوي قول تكفا لاتخليني !

للشاعر فلاح عشوي العنزي

[رافض الحب]

صح لسااانك

ويعطيك العافيه

[ScReAmQwEeN]

يعطيك العافيه ..
صح لسانك ..

[فلاح العنزي]

صح ابدانكم

[ღмιšš 7Łαωāღ]

يعطييكـ العاافيه

موضوووع مميز :)

[فلاح العنزي]

مشكور على المرور