تويت
الســـــلآمْ علـــــــــيكمْ
للزمان اللي تعـود يبخـل وماهـوب وافـي
للأماني اللي عرفتني مـن كثـر مانـي بغيـت
للهموم اللي ارهقتنـي فـي مجيـي وانصرافـي
للعذاب اللي بلانـي كلمـا نمـت وصحيـت
للجروح اللي غزتني وبيحـت ماكـان خافـي
للظنون اللي لعبت بي كـل مارحـت ولفيـت
للغموض اللي اكتنفني والذهن ماهوب صافـي
للطريق اللي وطيت اشـواك دربـه ماشكيـت
لاغترابي اللي خذانـي لابعـد حـدود المنافـي
للسراب اللي أشوفه واطـرده ليـن ابتليـت
جيتك وحسيتنـا ان الأمْـر خالطـه اختلافـي
جيتـك وياليتنـي رديتنـا خطـاي وبقيـت
لهفتي ماتت ومـات بموتهـا صـوت ارتجافـي
والخفوق الله يكافـي لابكـى جرحـي بكيـت
بعد حب سنين شلتـه كلـه اسـرار وخوافـي
عدمااعطيتك عيـونٍ مالحـد غيـرك عطيـت
آه ماأقساه واقسى احساسي اللي كـان دافـي
ومااقسى وقتي اللي حرم عين العنا طعم المبيـت
كم وكم كنت اتمنى ترجـع اوجاعـي عوافـي
بعدماضاق الزمان وغاربـي جرحـي المميـت
الهدب باسباب بقعا شاخص(ن) ماهوب غافـي
والطريق اللي غفرلي ماغفـر يومـي خطيـت
خايفة مستقبلي المجهـول لـو يصبـح عجافـي
وخايفة لوقيل بكرة منـك يابنـت (اكتفيـت)
خايفة جرح العيـوف وخايفـة هـم يشافـي
وخايفة من شي يحصـل فـي غيابـي مادريـت
كنت احس البرد سيف والقدم دامـي وحافـي
جد انا اللي ارخصت نفسي يومي بجرحي رضيت
بداخلي صوت يقول لمشهـد التجريـح كافـي
يومه يقول لخفوقـي ليـه حبيـت وهويـت؟
كان ودي انك تثمن رحلـة الشـوق وتكافـي
وكان ودي انك تحـس بخافـق عيـا يبيـت
مابقالي غير جـرحٍ موحـش وليـل و قوافـي
راحت سنيني حسايف مانفعني قـول (ليـت)
ممــــــــــا راق لـــــــــــــــي
تقـــبلوا خالـــــص احترامـــــــــــــــي
تحـــــــــــــــــ ღ دلــــــــــــــــــع ღ ـــــــــــــــــــياتي
تعليق