الــــبـــــر

[المجروح من الحب]

ظهرت ابا اخذ لي مع البر جولـه...قصدي وناسة خاطري وانشراحـي
ابرقب اللـي باقـيٍ مـن تلولـه...وامد شوفي مع وسيـع البراحـي
ولقيـت بـرٍ مابقـا الا سمـولـه...قشعه وسدره عقب الأمحال ماحي
بـرٍ نحبـه لـو تقافـت محولـه...اروحله لو مـا يونـس مراحـي
ممشاً مع الصمـان همـي يزولـه..ديرة مطيـر مخضبيـن الرماحـي
امشي وادوج في منـازل انزولـه...عليـه بانيتـن ذواري الريـاحـي
ماكنهم داجو هكـا النـاس حولـه...ولا وحيت فيه مودهـن لطياحـي
ياما جزم مـن خايـعٍ ورجعولـه...قفرٍ أدعوبـه ماظربهـا المتاحـي
عشبه يساقيـه المطـر واطلولـه...فيه الظبى واجوال برقـا جناحـي
من أولٍ محـدٍ يـذوق محصولـه...واليوم كلٍ حـل بـه واستراحـي
أشوفبه مـن كـل نـاسٍ حمولـه...متقاسمينه مثـل قسـم الشحاحـي
اليا ذكرت اللي مضا مـن حلولـه...الدمع من عينـي ردعتـه وفاحـي
وعينٍ تبـا هكـا السنيـن مهبولـه...ماشافت اللي قدمها ويـن راحـي
حطتهم أيـام الفنـا فـي حثولـه...ومن راح ما رده طويل الصياحـي
من يامـن الدنيـا وهـذي فعولـه...تزي الذحاحي عقب شرب القراحي
مندوبهـا يشعـب ورانـا ذلولـه...اما هجـد والا يصبـح صباحـي
ياالله يـا باعـث بحقـه رسولـه...تكتب لنا يوم الحسـاب النجاحـي
يطلبك عبدٍ عاف قصـره وطولـه...مذنب ويرجي رحمتك والمباحـي
ماله سوى رحمتـك عـذرٍ يقولـه...ليا دهدمـوه مجوديـن المساحـي

[رافض الحب]

صح لسانك


قصيده جميلة

ويعطيك العافيه

[لؤلؤة البحار]

ابيات شعريه جميله
المجروح من الحب
سلمت يداكـ على انتقائكـ المميز
مع خالص ودي
لؤلؤة البحااااااااااااار

[الـــجـــووود]

.®.المجروح من الحب.®.

شاكره لسموك علي مانتقيت من قصيده جزله وصح لسان شاعرهااا ولاهنت
عزيزي
كنت هناا

تقبلني بود

دمت بالخير
//

الجوود

[شمّوخ? آِنسـِآن]

صح لسان شاعرها ولاهنت


تسلم يمناك ع الانتقاء الجميل


دمت بكل ود

[كـلـى فـدآهـ]

الله يعطيكـ الف عااااااااااافيه