تويت
هاك ذكراك من ذكراك ويش أستفيد
.............كافي إن المشاعر هايمه..! كلها
ودي أنساك والنسيان ما هو أكيد
.............كيف أبنسي عيونً رمشها ظلها
من هذاك اليوم و أنت اللي بعيني وحيد
.............ما خبرت العيون تمل من خلها
مير نفسي عزيزة وأنت رايك عنيد
.............والنفوس العــزيزه ماتبي ذلّــها
ليه تعطيني الدافع وقول القصيد
.............ليه صفحه غرامي ترجع تفلها
ليه ترجع على الماضي تزيد وتعيد
.............وأنت من عام الأول عاجز تحلها
ما برى الجرح الأول كيف يبرى الجديد
.............شوف حالي نزيف جروحها سلها
كل ماشفت لك ذكرى وربي شهيد
.............كن نزّاع روحي بالخفا تلها
أندفعت لغرامك يالغزال الفريد
.............والغلا له دروب خاطري دلها
فرحتي باللقا رغم إنها ما تفيد
.............فرحة القاع لا من المطر بلها
وش بقى يالسراب اللي قريب بعيد
.............المحبه و راحت و إنتهى حلها
لو كلً بكيفه ياخذ اللي يريد
.............كان ماشفت ناسً تموت في غلها
هاك فرقاك خذها خل قلبك شديد
.............خلّها ماشيه .. بحمولها خلها
كل ما زاد تعذيبك ذنوبك تزيد
.............والله أعلم صـلاتك باطله..كلها
الشـاعر متعـب التـركي ..
[/align]
تعليق