تويت
قوه ... اخباركم عساكم بخير
مما راق لي
عزاه يا قلب
عزاه يا قلبٍ غدا الهم حاديه
ضاقت به الدنيا ليا عزتالي
همً على قلبي غدا كنه كاويه
كيت مريضً عذبته الليالي
يا وجد حالي كل ما جبت طاريه
وجد الفقير اللي يبي سد حالي
لا سال دمعه وانشدو ويش مبكيه
قال البكي يمكن يعشي عيالي
وعزي لمنهو اصبح النوم جافيه
ما ذاق طعم النوم والحال زالي
الحال قفى واقتله هول ما فيه
من جور وقتي ثم غدر كل غالي
عايش مع العالم وبالقلب غاشيه
حزنً لو يمطر على شعب سالي
لا من وفيت لشخص تبغيه تبغيه
عنيت نفسي له وهو ما عنا لي
تعطيه حبً لو حسب ما بيحصيه
يمكن يزول الكون وهو لا يزالي
حبٍ لك اكبر من كلامٍ نغنيه
واكبر من ابيات الشعر والجبالي
حبً على وجه النقا ليه ترميه
من شان شيٍ رايحٍ ثم بالي
ياهيه رد وجاوب اش جاك ياهيه
فسر وش اسباب الغدر والجفا لي
وش خانت الانسان لا صار مشقيه
همه هوا نفسه ورغبه ومالي
بقولك قولٍ اخيرٍ وخليه
ذكرى تذكر خافقك ويش جالي
خلك على وضعك وحالك مبيقيه
لا عاد تنشد ويني او ويش حالي
اتمنى تعجبكم
لكم مني الاحترام
دمتم كما تحبون
[/align]
تعليق