تويت
قوه ... شلونكم شخباركم
مما راق لي
يدين الأوهام
ابطيت ياصوتٍ هجرنا له اعوام
وأبطا معك معنى الهنا والسعاده
ماغير أنا والسمع ويدين الأوهام
نحيي معاني الوصل نوثق شداده
من كثر شوقي سقت للروح الاحلام
وبنيت قصرٍ للأمل في مهاده
اثقلت كاهل خاطري لين ماحام
طير العنا والبس فؤادي سواده
حيّرت فكري بين طيّب ومنضام
وسريت بي وقتٍ غلبني جهاده
إن قلت جرح وأسرفت فيه الاقلام
ناح الورق من ظلم جوره زياده
وإن قلت حزن ويشتكي طبع الايام
الحزن طفل وراحته في عناده
وان قلت هم وبات بالصدر مانام
الهم ضيق وداخل الجوف زاده
غبت وغيابك ذنب ما انساه مادام
ذنبٍ وصار ابعرف الاحساس عاده
تقبلو تحياتي للجميع
[/align]
تعليق