تويت
السلام عليكم ورحمة الله وبركاته
مساء الخير ، جميعا
واسعد الله اوقاتكم بما يحبه ويرضاه .
بعد غياب ، اعود لكم بنفحات من عود ، ازكى من العود نفسه ، وتميز كما عودنا
عليه صاحب التميز .
شاعرنا الكبير : الامير الشاعر خالد بن سعود الكبير
متمنيا ان يحوز هذا النقل على استحسانكم ورضاكم .
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سألت النفس ليه الناس ذا حاسد وذا محسـود=ووهّاب الملا واحـد وعدلـه سابـق احسانـه
قسم بالعدل بين الخلق لاضاهـد ولا مضهـود=وتفضيل الورى بالرزق مـن حقـه وذا شانـه
بسط كفه لبعض الناس واغناهم عظيم الجـود=وناس حالهم مستـور فـي ضفـه وسلطانـه
مريح البال من يقنع بحظه لـوه كسـرة عـود=غني النفـس ماهمـه ثـرا غيـره وحرمانـه
يعيش براحة الإيمان راضي والرضـى محمـود=قريـر العيـن مايغبـط ولاكسـرى بايـوانـه
إلى ضاقت رفع طرفه وكفـه للسمـاء ممـدود=ولايجـزع مـن اقـداره وحكـم الله وميزانـه
ترى بعض العوز رحمه على العابد من المعبود=ومن يدري لعـل القـل يحجـب عنـه نيرانـه
وترى بعض الثرا شر(ن) على الغافل ولابه فود=ولايضمن ثـرّي الحـال عفـو الله ورضوانـه
وترى طبع الحسد والظلم من طبع القلوب السود=واهلها عن سبيل الخيـر مصروفـه وعميانـه
جميع اعضاك ياابن ادم وكلماتك عليك شهـود=وكل خطاك يحسبهـا عليـم السـر سبحانـه
تذكر قول مـن ذكـره وقرآنـه يهـد الطـود=ألا ياويل من غـره هـوى نفسـه وشيطانـه
كبير الحظ من حافظ على نفسه مـن المنقـود=وعن جملة جميع الناس كـف ايديـه ولسانـه
[/poem]
تمت لشاعرها ، دمتم بود
تعليق