تويت
تفاكير ومشاكـل والحقيقـه مالهـا حـلال
تساوت دنيتي وأهل المعرفه حالهـم حالـه
همـوم وسالفـه لكـن قسـم بالله ماتنقـال
ولا نتبع ردي النفس فـي حلـه وترحالـه
أنا ماقـول لا والله شيـن مايجـي فالبـال
ولا أجيب الخيال وكـل خيلـن قـام خيالـه
أسندها على ربعي وأسندها علـى الأبطـال
عوازم من هوازن تتعب المغبـون وأمثالـه
وقفنا بالمواقـف وقفـت الرجـال للرجـال
وأنـا رجـال أنـزل كـل رجالـن بمنزالـه
أعرف أن النذل دايم يسوق الرجـل للأنـذال
وأعرف أن الخبيث اليوم مايمشي على فالـه
تحملت الحمول الكايده لو هي تهـز أجبـال
ولو غيري تحملها يمـوت وموتـه أشوالـه
تعبت وقتي القاسـي يغيـر نغمـت المـوال
وأنا جيته على النغمـه ولكـن دار موالـه
كثير اللي حكو عني وكثير اللي علي أنقـال
وأنا ثابت مكاني ماتبعت النجـس وأشكالـه
أنا شاعر ولي بصمه وأذا جبت البيوت أجزال
ولا أسمع هرجة الجهال ولا أتبع ناس جهاله
ولو غيري يجيب الشعر لكن وين كيف الحال
يجيب الشعر بهزاله لو أنه ساكـت أحلالـه
يقولون العرب محدن يعرفك يأعور الدجـال
ولاحدن شاف زولك لو كثير النـاس دجالـه
أذا طاب الولد ياهل المعرفه مايجي بالخـال
يجي طيب الولد من ربعه اللـي دوم خوالـه
هموم وسالفه واللي فهمها فيه سبع أخصال
فتل والا نقض يستاهـل النامـوس بفعالـه
ختام السالفه يـارب ترحمنـا بعـد مـازال
تراك أنت الوحيد اللي يعرف العبد وأعمالـه
لشاعرها علي سعود ابو ضريس
.gif "Smile777 (44)")
![كويـتي][F.B.I][](./core/customavatars/thumbs/avatar44362_20.gif "كويـتي][F.B.I]["){kind=avatar}
[/align]
تعليق