تويت
\
\
فديتك ياهوى نفسي مع الشدات خاويني
فديتك لاقسى وقتي علي وناحت أشجاني
\
فديتك ياهوى نفسي مع الشدات خاويني
فديتك لاقسى وقتي علي وناحت أشجاني
أبيك في لحظه الفزعه تحط يديك بيديني
وأبيك ليا شكيت الياس تكون بساحه أوطاني
أبيك اليلسم لجرحي وأبيك النوم في عيني
طلبتك يابعد ذاتي أمانه لاتخليني
تراني لو رحلت ابقى ضحيه كيد عدواني
طلبتك والله الوالي طلبتك لاتجافيني
لاني أموت بغيابك ياروحي وجثماني
معي واصل مشاويرك أواسيك وتواسيني
معي ابقى مثل ظلي حذاري لاتعداني
أبي منك الوعد أنك على غيري تبديني
وأنا هذا وعد مني ماأبيعك وأشري الثاني
واذا بلسانك الصادق نطقت وقلت تغليني
أنا بأعلن خبر عاجل تعالوا أقروا إعلاني
أبكتب داخل الاعلان إلى من صار يغليني
إلى قلبي إلى عمري إلى من صار يهواني
إليك أهدي نغم شعري وكل عرق نبض فيني
إليك أهدي شذى عطري وياسميني وريحاني
وأبكتب داخل الاعلان وصيه كان شاريني
معي بطيب عاملني ولاتجرح بهجراني
ومهما تقسى الدنيا علينا لاتعاديني
ولاتسعى أبد في يوم في عندي وعصياني
أبيك دكتور لألأمي من أحزاني تداويني
أبي لاكفت أبصاري تكون النور لاعياني
أبي لافاضت أنفاسي تكون أول معزيني
وأبيك بيدينك الثنتين تلف الجسم بأكفاني
وبعد ماأكون في قبري تذكرني وتبكيني
وأكون حزن على بالك ماتغفل وتنساني
أبي لاقالوا العذال وش اللي بينك وبيني؟
تبسم وتدمع عيونك من الحسره وفقداني
وتجاوبهم إني حي وبالأضلاع تخفيني
وإني سلوة الخاطر معك لاصرت وحداني
أبيك تقول هومامات أحاكيه ويحاكيني
أبيك تقول هو موجود وخبيته بوجداني
أبيك تقول هو دمي اللي في شراييني
لأنك دمي اللي كان يضخه عرق شرياني
أبي لازادت جراحك تخيلني وتناديني
وتفتش داخل شعورك وتهمسلي وتلقاني
واذا طال السفر أقرا كتابتي ودواويني
وقل ياكثر ماخلي كتب لي شعر وأهداني
ترى لو للقصيد عيوون والله ماتقديني
لأني للقصيد عيون وأسمك رمز ديواني
وترى لو للحروف أهداب تعجز لاتغطيني
لأني للحروف أحيا ووحيك سر لأذعاني
تداركت الزمن يمك الا ياليت يمديني
أخاف أجيك متأخر وسيف الوقت ياطاني
نسيت من أجلك الصادق اللي الروح يعطيني
ونسيت الأول والأخر والقاصي مع الداني
وجاري المسح للباقي وأنت اللي تكفيني
حرام أحط معك غيرك وأحبك وأظلم الثاني
كفايه أنت في دنياي أمل باقي يسليني
أمل صوته اذا غاب القاه بأركاني
كفايه همسك الحاني اذا جاني يدفيني
ويبدد وحشه ظروفي وتشرق فرحه أكواني
تراك بعالمي شمعه تبدد ظلمه سنيني
وتراك بدنيتي دنيا لها لون وشكل ثاني
ودنيا " مابها حسها ماأبيها وعمرنا فاني "
لشآآعرها
تعليق