تويت
على ذكر الغرام وشرهة الغالين للغالين
بعد قفت وسومك واجدبت خضر البساتيني
ضميتك بعد طولت الغياب ولا غفت لي عين
وانا لو أنت بحري واشربك ماأظن ترويني
انا ماعاتبك ليش الجفاء لأني اعرفك زين
لكني لاكتبت الشعر في مثلك يسليني
ادور لك عذر بين الظروف وسجة السالين
وادله خاطري في كل لحظة بينك وبيني
عسى الله لايعيد الضيقة اللي مسا الاثنين
بعد ما جرحتني من فراقك ودمعت عيني
هذاك اليوم لينت الخفوق اللي حشا مايلين
لو تلين الرجال اللي على الشدات قاسيني
رحلت وضاقت الوجهات الاربع قلت اجيك منين
ولابــــــــه غير درب لو سلكته مايودينـــــــي
تغافلت الطريق اللي يجي بيتك من الصوبين
احسب أني بشوفتك واحسب ان الوقت يمديني
تركت الدار بيساري وأخذت اول طريق يمين
وانا شهب العلوم تحدني والشوق حاديني
على وصل الهنوف اللي تمخطر بين حين وحين
مرابعها القصيد وبيتها بين الشـــــــرايني
نبت في وصلها توت المحبة والكرز والتين
تمايل كل غصن شوقه ندف الرياحيني
عليها دين ماتنسى الغلا ولها عليّة دين
ماينقص من غلاها شي دام الله محييني
للشاعر محمد بن مريبد
تعليق