~ { ياغزال(ن) سكن بالــرقه ( وصف القبايل) } ~

[جمعان بوند]

يا غزال(ن) سكن بالرقه = جل رحمن صور خلقه
كل عين(ن) رمتني بطلقه = وقامت المعركه بالميدان
قلتله قبل تبدي الجوله = يا بطل كلنا من دوله
اتلفت اله من حوله = ثم نادى فريق الغزلان
قال فيكم بطل متحدي = قلت عندي وانا بو هندي
قال جدك واذكر جدي = قلت انا واحد(ن) من قحطان
قال هل من حكم تختاره = قبل ما الحرب تشعل ناره
قلت غزلان هاذي الحاره = بس قلي من اي العربان
قال هذا الغزال الاول = مثل بدر السماء يتجول
من نظر صورته يتهول = اعرفه كان عندك برهان
قلت شكله وخفت روحه = كامل الاوصاف المملوحه
يعرفه من سكن منفوحه = محلا دلكم يالعتبان
ثم جاني غزال(ن) الثاني = ضاع ياهل الهوى برهاني
صابني بالهوى ما خطاني = قايد الريم شكله فتان
يوم بانت عليه الشيمه = كل كلمه وفيها قيمه
من حديثه ومن تسليمه = قلت اهلا بكم يالمطران
ثم جاني ملثم اسمر = فيه معنى العروبه تظهر
قلت هذا من وصايف شمر = شمري كاني ماني بغلطان
ان هذا الغزال السارح = قانصه لاتظنه رابح
لو يصيبك بسهم(ن) جارح = ما يفيدك طبيب الالمان
واعترضلي عظيم الاخلاق = تجتمع فيه كل الاذواق
مثل زينه لعيني ما لاق = قلت سبحان ربي سبحان
للرشيدي صفه معروفه = اعرفه من بعد ما اشوفه
روعة اخلاقه الموصوفه = والشهامه عليهم عنوان
كل واحد تسمع اسمه = واعرف الادمي من دمه
قلت نور القمر والنجمه = فيه شبيه الغزال الفتان
قال حنا وحنا وحنا = وسيوف البواتر يمنا
قلت قل هرجك لاتتعبنا = عنزي من كبار البدوان
ثم وقف جميل المنظر = ابدوين بعينه يسحر
اعتقد لو يقابل عنتر = مايهمه قتال الشجعان
قلت لطفك يبين اصلك = وقليل العرب من مثلك
وهنيك بحكمة عقلك = عازمي تملك من الحسن الوان
الظفيري وقف في دوره = قلت يا بدر شعشع نوره
بين عيونك المسحوره = انتو البدو وانتو الحضران
ياغزال الشمال البري = من يوم شفتك تزايد شري
ابدوين وشكلك حضري = تسكنوا في جميع البلدان
واعتزى واحدن في جمبي = قال ماجبتني وش ذنبي
قلت اهلا بكم يا حربي = جاء دورك وحنا اخوان
اصلكم بالعرب مايخفى = قال وضح كلامك تكفى
قلت الحرب فيكم حرفى = تشعلوا بالمعارك نيران
شفت غرون من اهل الوادي = ثابت الاصل والميلادي
صاد قلبي واهو مانصادي = ملك الحسن ذاك الانسان
قلت جدك وقال اعرفني = يا فتى العرب اوصفني
قلت بالشكل لا تخلفني = دوسري تسكنوا بالوديان
انتهى من كلامه واقبل = واحد(ن) كان وده يزعل
قلتله يازميل اتفضل = مانخليك تمشي زعلان
قال يابن الحلال اذكرني = قلتله ياملاك اعذرني
انت معروف لا تغترني = يا اسود العرب يالسبعان
ثم جاني طويل القامه = ابدوين يتمشي بروس اقدامه
سام قلب المولع سامه = ياقمر خمسة عشر شعبان
ان طولك ونظرة عينك = علمت شاعرك من وينك
والشجاعه بدت في عينك = واعرف الطول طول العجمان
بس ماشفت انا في عمري = مثل ريم الجنوبي مري
شل عقلي نحيل الخصري = في مكاني تركني حيران
قلت يابن الكرام الاحرار = ليش شبيت قلبي بالنار
ليش عرضتني الاخطار = تدري اني في زينك هيمان
طول الوقت واقبل ثاني = قال ياخوف لا تنساني
من قبايل عظيمه انشاني = قلت سيد العرب يا قحطان
ياجميل الحلا والمنظر = فيك دم العرب يا اسمر
كل من شاهدك مايغتر = اصلكم في جميع البلدان
اقبل الهاجري يسألني = قال ويش الذي اخرني
قلت كل العرب في ظني = قلتله انت اجمل انسان
ياعظيم النسب اسمحلي = هم ضيوف(ن) وانتم اهلي
انما اصلكم من اصلي = الهواجر يعدوا قحطان
اجتمعنا وكنا اخوان = كلنا جيش ضد العدوان
ينهزم خصمنا بالميدان = عزنا يا عرب يالشجعان



للشاعر المبهر : علي بن محمد القحطاني
لحن وغناء : عيسي الإحسائي ,,


منقول

[عاشق الحزين]

صح لسانك شاعرها

تسلم على النقل

يعطيك العافيه

[جمعان بوند]

حياك الله ابوي


منّور

[اريش العين]

والله ونعـممممممممممممممممم.. فـ القبـايل كلهـا ..


ونعم ونعم ونعم



وصح الله الســانه


القحطــاني .. شـاعر غني عن التعريف,,



جمـيله

جمـيله

جمـيله ..



بيّض الله وجهك .. أخ جمعـان

[جمعان بوند]

يامرحبا بك يا اريش العين


منور