البلا لا صدقوني .. قالت عيوني كذووب

[دمعة غريب]

إليكم هذه الرائعه لـ مشعان الرخيمي كما هي



ماقبـل هـذا محـال ولابعـد هـذا محـال
دامها قلوب تعيش وفاقـده نبـض القلـوب

ماهي بفكرة قصيـده لا ولا شطحـة خيـال
واقع شفته بعينـي مالبـس للوهـم ثـوب

الملامح قالت اللي كنت اخـاف انـه يقـال
التزمت الصمت لكن سولف الوجه الشحوب

لانشدوني عنك اقول ان مالك بقلبي مجـال
والبلا لاصدقونـي قالـت عيونـي كـذوب
كل ما مريـت بالـي قمـت اردد هالسـؤال
ليه تهديلي غيابك؟ هو رضا ولا مغصـوب

وما الاقي لي اجابه وارجع اسأل كيف حـال
قلبي اللي في يدينك هو متى ناوي يتـوب؟!

لا لمحت الشمس تشرق قلت أخرهـا زوال
اختنق واصد والمح قبرهـا عنـد الغـروب

وكل ماضاقت جنوب وسقت رجلي للشمـال
اكتشفت ان الشمال الوجه الاخـر للجنـوب

كلها ضاقت في وجهي اترك البعـد وتعـال
ما ابي منك الغلا بس دلني وين الـدروب!!

كم وقفت بوجه هالدنيا مثـل صـم الجبـال
والمصيبه قدم عينك لانويـت اوقـف أذوب

ماعلى دمـي حسافـه حلله يابـن الحـلال
بس لاتنسى انك اللي داخل عروقي تجـوب

اعترفلك مـن فقدتـك مانـي بقـد الليـال
السهر هد العيون وصرت بالحزن مغلـوب

بس اردد مات في محراب عينيـك ابتهـال
وبعدها لامن سكت اوحي تناهيـد الهبـوب

كيف ابنسى؟! وانت طيفك صال فالدنيا وجال
من هناك..ومن هناك اخلصك من كل صوب

ااه عن غربة جروحي عاجز اشـد الرحـال
رد لي ديرة عيونك دام هالعمـر محسـوب

العن سنين الجفا ولا العن سنيـن الوصـال
ارتكب ذنب الوفا ولا استعيذ من الذنـوب!!

ولا تدري لا تجاوب ينحرق حزن السـؤال
دامها قلوب تعيش وفاقـده نبـض القلـوب






لكم كل التقدير و الود

[زُمرد]

جميله اخي ، ،

بوركت لنقلها لنا.

[jree7-al3een]

صح ألسانك وألسان شاعرها ,,,,


ولاهنت ع النقل ,,,,

[برشلوني 10]

صح السانك والسان شاعرها

[كـلـى فـدآهـ]

تسلم والله يعطيك ألف عافيه

صح لسانك ولسان شاعرها

:: كلى فداه ::

[غـزلآن]

تدرى لآتجااوب ينحرق حزن السؤآل
دامهاا قلووب تعييش وفااقدهـ نبض القلووب

تسلم والله يعطيييييكـ العاافيه لآهنت
وآبدآآعت فى نقلك