إعـــــــلان

تقليص
لا يوجد إعلان حتى الآن.

قصيده مؤثره

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • قصيده مؤثره

    قصيدة كتبها شاب عمل حادث سيارة ووالدته كانت معاه
    .. الوالدة توفت وهو اصاباته كانت خفيفة .. و هذي الأبيات قالها للي يواسونه

    يواسيني وأنا الميت وحالي يجبر الدمعات
    تسيل من الذي فيني ويبكي وهو يواسيني

    وأنا أبكي وأتنهد وأرسم بالحزن لوحات
    يجبروني عشان أمشي ورجلي ما تمشيني

    قتلت رعايتي بيدي قتلت الحب والرحمات
    حرمت النفس من حقها وأنا أبكيها وتبكيني

    وكنه حلم قدامي يقيدني من الصرخات
    أبي أصحى ولكني عجزت ألقى من يصحيني

    فداك القلب يا يمه ومهما قلت من كلمات
    صغيرة في كبر حقك بس أتمنى تعذريني

    نهبت الفرح من بيتي صحيح إني خسيس الذات
    صحيح إني ولد طايش وكل ما أسمعه فيني

    تجول عيونهم فيني تفصل مني قياسات
    وتشيح وجوههم عني وكني غيرت ديني

    يظنوا حزنهم أكبر وهم أصحاب هالمأساة
    وانا اتحدى اذا فيهم ربع ما يحترق فيني

    نقص قدري بعد موتك وغابت نشوة اللذات
    وصار الهم عكازي أباكيه ويباكيني

    عطيتيني بدون حساب ولا سمعتك تقولي هات
    وأنا أشرب حيل من دمك ودمك ما يكفيني

    يا يمه إرجعي كافي أبجلس معك لو لحظات
    وأقبل إيدك ورجلك وأفرش لك رمش عيني

    يا يمه ما تحملهم يقولوا فات ما قد مات
    تعالي غيري هالقول وأطيعك باقي سنيني

    وأترك عادة التدخين وأنفذ ما تبي بسكات
    وأصلي الفجر في المسجد قبل منتي تصحيني

    يا يمه إرجعي تكفين وطفي شمعة الآهات
    أبيك أنتي ولا غيرك على موتك تعزيني





    أنا ما همنّي حـزني ولاني للفرح مشــتـــاق
    و لكن لـــيـــه يا دنــيا إذا بـضحك تــبّـكيني

  • #2
    يعطيك العـآفيه وصح لسـآنك خيو

    تعليق


    • #3
      تعور القلب , والله يعينه على بلواه,,,,


      ولاهنت ع النقل ,,,

      تعليق


      • #4
        الله تعور القلب و تبجي

        لا هنت عالنقل :)
        >

        مَـا أجمل أن يحضنگ شخص و يقول: (أنـت حـقّـي‎​ ) :$

        >

        تعليق


        • #5
          تسلم أخوي والله يعطيك ألف عافيه

          صح لسانك ولسان شاعرها

          :: كلى فداه ::



          [align=center][/align]

          تعليق


          • #6
            تسلم يالغلا وصح السان شاعرها

            تعليق


            • #7
              والله قصيده مؤثره حيــل
              ربي يعينه





              يعطيك العافيه
              للصبر لذَّة والجهل طيحته نوف
              والنوف تبغي للنوايف ( براعة )

              اللِّي يعيش العمر بين ( آهٍ / وأوف )
              اليآس , يلقى له أخو بِ الرضاعة !


              تعليق

              يعمل...
              X