يـابـعـد مـن قلبك عشقت وعشقنـي
أقول لك لو قلت:صدقت؟صدقت
واقول لـومـاقـلـت :والـلـي خـلـقـنـي.
اشتقت لك.واللي خلقني لك اشتقت
انت اضمنك والشـك بـك مـالحـقـنــي
لاشك لوكنت اضمنك مااضمن الوقـت
حبـل الـرجـا لـو مـاقـطـعتـه شنقـنـي
وحبـل الوصـل لـو ماعقدتـه تطلقـت
مدري وش اللـي في كلامك خنقنـي
كنّـك بكـل حْبـال صـوتـي تعلّـقـت!
كتمت صوتـي ليـن صـمـتـي نـطـقـنــي
وعتّمـت شوفـي ليـن بالقلـب برقّـت
في حـزنـي اللـي لـو ملكـتـه عتـقـنــي
وفي طبعـي اللـي لـو فشلتـه تفوّقـت
أنـا كـــــذا مــن يـوم ربــي خـلـقـنــي
مااعـرف اوسّـع خاطـري لاتضايقـت
للشاعر المبدع ::
رشيد الدهاام
تعليق