~ { جتك الأشــواق رجليه وخــياله ,,, } ~

[جمعان بوند]

أليكم هذي الفاخرة للشاعر : متعب التركي

.
.
.




ضايق البال مايستانـس لحالـه
وانت لاغبت عني كني لحالـي
جتك الاشواق رجليـة وخيالـه
غير الاول تحمل شوقي التالـي
ليت من قال متعب خابت آمالـه
شاف بعيونك الخدرات منزالـي
واحد فيك ماهو منشغـل بالـه
اشهد انه بها الدنيا هو السالـي
راوي العود يزهالـك وتزهالـه
عاد مايقدر يلومـه ليـا مالـي
صاحبي والقصايد فيك مختالـه
وانت لك حق فيهن يوم تختالي
دام نفسك لحب الشعـر ميالـه
ليه ماصير شاعر وانت في بالي
من تمناك لاتنشد عـن احوالـه
كيف عقب العسل يستطعم الحالي
عقبك النفس مذعورة ومهتالـه
سود الايام هزت برجي العالـي
لكن القلب من يمك على حالـه
في تناسيك ليه اكذب على حالي
قلت لك نعمة النسيـان زوالـه
ذكرياتك بعضهـا قـام يبرالـي
كل مامرني طيفـك علـى فالـه
قلت يامرحبا في ريحـة الغالـي
شلت همك وهمي ماحدن شالـه
كن قلبك غدى ياصاحبي خالـي
ابتعدنا وكلـن راح فـي حالـه
بين هالناس لكن كنـي لحالـي



من أختيااري
................

[نوايف]

ابتعدنا وكلـن راح فـي حالـه
بين هالناس لكن كنـي لحالـي


ذوق ياجمعان
يعطيك العافيه ..

[سْهـيَرإْلليألي]

عقبك النفس مذعورة ومهتالـه
سود الايام هزت برجي العالـي

ابدااااااع يالغلا صح الله السانك والسان الشــــاعر متعب التركي

[كـلـى فـدآهـ]

تسلم والله يعطيك ألف عافيه

صح لسانك ولسان شاعرها





:: كـلـى فـدآهـ ::

[LoVeLy GiRl]

صح اللسانك و اللسان شاعرها
يسلمو حدة روعة
الله يعطيك العافية
ما قصرت

احترامى :: بــقــايــا روح