لاتلومني ... لاجيت كلي من اقصاي

[نوايف]

[align=center]لا تلومني .. لا جيت كلي من اقصاي
ما فيه غيرك لا تضايقـت جيتـه"

جيتك ولا غيرك ذكرته بمسـراي
جيتك وكل انسان غيرك نسيتـه

جيتك وانا ماني بأنا تايه الـراي
جيتك وانا مدري وش اللي بغيته

جيتك وقلبي دقته تسبق اخطـاي
جيتك اقول مفارقـك مـا قويتـه

ان مر يومن بالعمر ما انت وياي ..!
اشتاق لك شوق المسافر لبيتـه

مثل الهواء تحتاجه الناس والماي"
يحتاج لك قلبن هـواك وهويتـه ..

دامك معي ما قصرت يوم دنيـاي"
دامي خذيتك وش بقا مـا خذيتـه "

وان كان تنشدني ..! بعد ليه انا جاي
ابشـر بـردن يقنعـك لا قريتـه ..

جيت اعترف بالفرق يا اخر مناي
بينك وبين اللي عشانـك جفيتـه

اني ليا من جيت لك همك ارضاي
وانا ليا من جيت له مـا لقيتـه ..

لا تلومني لا جيت كلي من اقصاي
( ما فيه غيرك لا تضايقـت جيتـه )[/align]


للشاعر // ثامر شبيب الدقباسي

[سْهـيَرإْلليألي]

قـصيده جميله يا نوايف صـح السان الشاعر تسلمين ع النقل الجمـــيل

[نوايف]

[align=center]حياك ربي ياسهير
نورت ..[/align]

[jree7-al3een]

صح ألسانج وألسان ثامر شبيب ,,,

ولاهنتي ع النقل ,,,,

[just:)smile]

اااااااالله اااااالله اااااااالله يا النوايف

شي شي و الله

يعطيج العافيه غلااااي :)

[كبير بالله]

نوايف تسلم يمينج .. صراحه ذوووق

[نوايف]

صح ألسانج وألسان ثامر شبيب ,,,
ولاهنتي ع النقل ,,,,

صح بدنك ياجريح العين
وحياك الله ياخوي..

[نوايف]

اااااااالله اااااالله اااااااالله يا النوايف

شي شي و الله

يعطيج العافيه غلااااي :)

تسلمينلي يارب
ماعليكي زود
يعافيكي ربي ويخليك ...

[نوايف]

نوايف تسلم يمينج .. صراحه ذوووق

ربي يسلمك ويخليك
حياك الله ياخوي ..

[زُمرد]

نقلتي لمحبي الشعر أجمل المنقول


كلمات شاعت وشُيع بها النور


لطيفه ، راقيه رقيقه بقوافيها


رغم الهجاء الصعب ادخلت ع قلبي السرور

[نوايف]

نقلتي لمحبي الشعر أجمل المنقول
كلمات شاعت وشُيع بها النور
لطيفه ، راقيه رقيقه بقوافيها
رغم الهجاء الصعب ادخلت ع قلبي السرور

( حياك ع المرور )