~ { علي طريق الدعيّه / مضحكه } ~

[جمعان بوند]

السلآم عليكم



على طريق الدعيه .. نهار عيد الضحيه
الجادل الغشمرية .. بعيونها صوبتني

قلت السلام التحيه .. يابو العيون الجريٌه
اللي رمتني رميٌه .. برموشها وذبحتني

قالت مسيكين حالك .. ياللي تعدل عقالك
اشوف يا بعد حالك .. سوالفك حيرتني

شف موترك وش موديله .. جاني يقرقع بوينه
على مسافه طويله .. مكينته مزعجتني

يابنت يكفي فضايح .. يلعنك يا حظ طايح
والعصر يا بنت رايح .. اخذ بيوك اعجبتني

والله لا اروح الوكاله .. وافك موتر بداله
جديد تحت الكفاله .. مهما الضروف اتعبتني

شريت موتر مكيف .. لا شافه الحلو كيُف
يجي بثوبٍ خفيف .. ويرتكي فوق متني

يقول واحيث ودك .. واحط يدي بيدك
اتم يومين عندك .. سيارتك معجبتني

ناسٍ تحب المضاهر .. ماعندهم حب طاهر
الا الذهب والجواهر .. التجربه علمتني



علي بن محمد القحطاني

[فلونة 007]

صح لسانك حلوووووووة

[KuWaIti *!]

هههههههههههه يآزمان يآبو نآيف ،، رآحت إيآمك إنت والقحطاني :(


يعطيك العافيه يآجمعان ،،

[نوايف]

[align=center]ناسٍ تحب المضاهر .. ماعندهم حب طاهر
الا الذهب والجواهر .. التجربه علمتني


" يعطيك العافيه "[/align]

[LoVeLy GiRl]

صح اللسانك و اللسان شاعرها
يسلمو

[سْهـيَرإْلليألي]

تسـلم ع النقل جمعان وصح السان الشاعر